სააკაშვილი აზერბაიჯანელი და სომეხი ეროვნების სტუდენტებს შეხვდა

3
(განახლებულია 16:48 15.05.2015)
საქართველოში არ არსებობს დაბრკოლებები, რომელიც ხელს შეუშლიდა სხვადასხვა ეთნიკური ჯგუფების წარმომადგენლებს თვითრეალიზაციაში, განაცხადა პრეზიდენტმა მიხეილ სააკაშვილმა პარასკევს იმ ეთნიკურ აზერბაიჯანელებთან და სომხებთან შეხვედრაზე, რომლებიც წელს საქრთველოს სხვადასხვა უმაღლეს სასწავლებლებში ჩაირიცხნენ.

თბილისი, 27 აგვისტო. „ახალი ამბები - საქართველო“, ციცია მამულაშვილი. საქართველოში არ არსებობს დაბრკოლებები, რომელიც ხელს შეუშლიდა სხვადასხვა ეთნიკური ჯგუფების წარმომადგენლებს თვითრეალიზაციაში, განაცხადა პრეზიდენტმა მიხეილ სააკაშვილმა პარასკევს იმ ეთნიკურ აზერბაიჯანელებთან და სომხებთან შეხვედრაზე, რომლებიც წელს საქრთველოს სხვადასხვა უმაღლეს სასწავლებლებში ჩაირიცხნენ.

შეხვედრაზე, რომელიც ავლაბარში, პრეზიდენტის რეზიდენციაში გაიმართა,  საქართველოს პრეზიდენტი შეეხო იმ სიახლეებს, რომელიც ეროვნული გამოცდების პროგრამაში შევიდა.

კერძოდ, იმ მოსწავლეებს რომლებიც სკოლებში სწავლას სომხურ ან აზერბაიჯანულ ენებზე გადიოდნენ, წელს პირველად მიეცათ შესაძლებლობა, მშობლიურ ენაზე ჩაებარებინათ გამოცდა უნარ–ჩვევებში. შემდეგ მათ ერთწლიანი კურსი უნდა გაიარონ ქართულ ენაში, რის შემდეგ სწავლის გაგრძელებას სპეციალობის მიხედვით შეძლებენ.

პრეზიდენტის განცხადებით, ახალი პროგრამა, რომელიც ეროვნულ უმცირესობათა მიმართ კვოტების შემოღებას ვარაუდობს, წელს, საქართველოში მცხოვრები სომხური და აზერბაიჯანული საზოგადოების 254 წარმომადგენელი სტუდენტი გახდა.

სააკაშვილმა ასევე აღნიშნა, რომ უმაღლეს სასწავლებლებში მოწყობილთა საერთო რაოდენობიდან 254–მა სტუდენტმა სახელმწიფო დაფინანსება მიიღო.

„როდესაც მე ქართულ ერზე ვსაუბრობ, მე ვამბობ – საქართველოს მრავალეთნიკური ერი, და როდესაც ქართველ ხალხზე, ვამბობ – საქართველოს ხალხი. საქართველო ყველა მის მცხოვრებს ეკუთვნის, მიუხედავად ეროვნებისა. საქართველო თქვენი ქვეყანაა და არ არსებობს არანაირი დაბრკოლება, რომელიც თქვენ ხელს შეგიშლით თვითრეალიზაციაში“, – განაცხადა სააკაშვილმა.

სააკაშვილმა განაცხადა, რომ რამდენიმე წლის წინ ის მარნეულსა და ახალქალაქში იმყოფებოდა, სადაც მას რუსულ ენაზე საუბარი უწევდა. წელს კი, ადგილობრივი თვითმმართველობს არჩევნების წინ, ის ადგილობრივ მოსახლეობასთან ქართულად საუბრობდა.

სააკაშვილმა მადლობა გადაუხადა სტუდენტებს ქართული ენის კარგი ცოდნისთვის და ისურვა, რომ საქართველოს უმაღლეს სასწავლებლებში სწავლა მიმზიდველი გახდეს მსოფლიოს სხვადასხვა ქვეყნის სტუდენტებისთვის.

შეხვედრის დასასრულს პრეზიდენტმა რამდენიმე წარჩინებულ სტუდენტს საჩუქრად ნოუთბუკები გადასცა.

3
რუხის მრავალპროფილური კლინიკა

ზუგდიდის ინფექციურ საავადმყოფოში კორონავირუსით ინფიცირების 6 ახალი შემთხვევა გამოვლინდა

4
საქართველოში ახალი კორონავირუსით დაავადებულთა რაოდენობა დღეს 187-ით გაიზარდა და 3306-ს მიაღწია, გამოჯანმრთელებულთა რაოდენობას 46 ადამიანი შეემატა.

თბილისი, 19 სექტემბერი — Sputnik. ზუგდიდის ინფექციურ საავადმყოფოში გატესტილი 649 ნიმუშიდან კორონავირუსით ინფიცირების 6 ახალი შემთხვევა დაფიქსირდა, იუწყება Sputnik-საქართველოს კორესპონდენტი.

ექვსიდან ოთხი შემთხვევა  სოფელ საბერიოს კლასტერს, ერთი  - სენაკის კონტაქტებს უკავშირდება. მეექვსე შემთხვევა დაუდასტურდა პირს, რომელიც ბათუმიდანაა და რეგიონში დროებით იმყოფება.

როგორც სამეგრელო-ზემო სვანეთის სახელმწიფო რწმუნებულის მოვალეობის შემსრულებელმა მალხაზ თორიამ განაცხადა, ტარდება ღრმა ეპიდემიოლოგიური კვლევა ფოთშიც. ფოთში სულ გაიტესტა 97 ადამიანი. რაც შეეხება საკარანტინო სივრცეში განთავსებულ მოქალაქეებს, რეგიონის მასშტაბით კარანტინში სულ 139 მოქალაქე იმყოფება.

მისივე თქმით, ინფიცირებულები მკურნალობას რუხის მულტიპროფილურ საავადმყოფოში აგრძელებენ და მათი ჯანმრთელობის მდგომარეობა დამაკმაყოფილებელია.

საქართველოში ახალი კორონავირუსით დაავადებულთა რაოდენობა დღეს 187-ით გაიზარდა და 3306-ს მიაღწია, გამოჯანმრთელებულთა რაოდენობას 46 ადამიანი შეემატა. ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა >>

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

4
თემები:
COVID-19 საქართველოში
სახანძრო მანქანა

ატენის ხეობაში ხანძარი სრულად ლიკვიდირებულია

11
(განახლებულია 11:21 19.09.2020)
რთული რელიეფის გამო მეხანძრე-მაშველებს სახანძრო ტექნიკის გარეშე, ინდივიდუალური აღჭურვილობით უხდებოდათ ცეცხლის ქრობა

თბილისი, 19 სექტემბერი — Sputnik. ატენის ხეობაში ხანძარი ლიკვიდირებულია, იუწყება შინაგან საქმეთა სამინისტროს საგანგებო სიტუაციების მართვის სამსახური.

მთის კლდოვან ნაწილში გაჩენილი ხანძარი სრულად ლიკვიდირებულია. დაიწვა ორი ჰექტარ ფართობზე არსებული ეკალბარდი, ბალახი და ბუჩქნარი.

რთული რელიეფის გამო მეხანძრე-მაშველებს სახანძრო ტექნიკის გარეშე, ინდივიდუალური აღჭურვილობით უხდებოდათ ცეცხლის ქრობა.

ხანძარი ატენის ხეობაში 16 სექტემბერს დაიწყო. 

გორის მუნიციპალიტეტის წარმომადგენელმა ატენის თემში ნუგზარ მძინარაშვილმა განაცხადა, რომ ხანძრის მიზეზი გაუფრთხილებლობა გახდა.

გორის მუნიციპალიტეტში ტყე იწვის >>

გარემოს დაცვისა და სოფლის მეურნეობის სამინისტრომ, ეროვნულმა სატყეო სააგენტომ მოქალაქეებს არაერთხელ მოუწოდეს, რომ დაიცვან უსაფრთხოების წესები.

ტყის ხანძრების ძირითადი მიზეზი ადამიანების გაუფრთხილებლობაა, ხოლო მაღალი ტემპერატურა ზაფხულში ცეცხლის გავრცელებას უწყობს ხელს.

11
თემები:
შემთხვევები საქართველოში