პარლამენტის ვიცე–სპიკერი ანტიკრიზისული საბჭოს მოწვევას მოითხოვს

1
(განახლებულია 16:48 15.05.2015)
საქართველოს პარლამენტის ვიცე–სპიკერმა, აფხაზეთიდან დევნილთა მოძრაობის „ჩვენ თვითონ“ ლიდერმა პაატა დავითაიამ მოითხოვა ანტიკრიზისული საბჭოს სხდომის ჩატარება ქვეყნის პრემიერ–მინისტრ ნიკა გილაურის თანდასწრებით.

თბილისი, 27 აგვისტო. „ახალი ამბები - საქართველო“, ციცია მამულაშვილი. საქართველოს პარლამენტის ვიცე–სპიკერმა, აფხაზეთიდან დევნილთა მოძრაობის „ჩვენ თვითონ“ ლიდერმა პაატა დავითაიამ მოითხოვა ანტიკრიზისული საბჭოს სხდომის ჩატარება ქვეყნის პრემიერ–მინისტრ ნიკა გილაურის თანდასწრებით. ამის შესახებ პაატა დავითაიამ პარასკევს პარლამენტში გამართულ იძულებით გადაადგილებულ პირთა პრობლემებისადმი მიძღვნილ ბრიფინგზე განაცხადა.

საქართველოს პრეზიდენტის მიხეილ სააკაშვილი ინიციატივით 2008 წლის სექტემბრის დასაწყისში შექმნილ ანტიკრიზისული საბჭოს (საკონსულტაციო ორგანო) ფუნქციაში შედის ქვეყანაში არსებული სიტუაციის, საკანონდმებლო ინიციატივების შეფასება და კონტროლი ჰუმანიტარული დახმარებისა და ინვესტიციების გადანაწილებაზე, რომელსაც აგვისტოს კრიზისის შემდგომ საერთაშორისო თანამეგობრობა საქართველოსთვის წარადგენს.

დავითაიას თქმით, „პრემიერ–მინისტრმა უნდა განუმარტოს საბჭოს, თუ რატომ არ ხარციელდება სახელმწიფოებრივი სტრატეგია დევნილთა მიმართ და რატომ ტარდება ბოლო დროს მათ მიმართ ასეთი არაჰუმანური ქმედებები“.

„დევნილთა საკითხებში ურთულესი ვითარება შეიქმნა“, – განაცხადა ვიცე–სპიკერმა და აღნიშნა, რომ „საქართველოში დევნილთა მიმართ არაჰუმანური დამოკიდებულობის შესახებ ნათქვამია ასევე დევნილთა საქმეების გაეროს უმაღლესი კომისრის (UNHCR) განცხადებაშიც“.

„გაეროს წესდებით, დევნილებს უნდა გააჩნდეთ ისეთივე საცხოვრებელი პირობები, როგორიც მათ დევნილობამდე გააჩნდათ“, – აღნიშნა დავითაიამ.

ივლისის ბოლოდან საქართველოში სხვადასხა ადმინისტრაციული შენობებიდან მიმდინარეობს დევნილთა გამოსახლების პროცესი და მათი გამგზავრება დასავლეთ საქართველოს დასახლებულ პუნქტებში. დევნილები უკმაყოფილოები არიან ამით და ყოფილ საცხოვრებელ ადგილებში მათი დაბრუნების მოთხოვნით ყოველდღიურ საპროტესტო აქციებს მართვენ.

1
წინასაარჩევნო შეხვედრა პანდემიის დროს

NDI საქართველოში არჩევნების დისტანციურ დაკვირვებას იწყებს

6
საქართველოში საარჩევნო პროცესების გაძლიერების ხელშეწყობის მიზნით NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს

თბილისი, 21 სექტემბერი – Sputnik. აშშ-ის ეროვნული დემოკრატიული ინსტიტუტი (NDI) საქართველოში საარჩევნო პროცესის გრძელვადიან დისტანციურ დაკვირვებას იწყებს, ნათქვამია ორგანიზაციის ვებგვერდზე.

საპარლამენტო არჩევნები საქართველოში 31 ოქტომბერს გაიმართება. არჩევნები შერეული სისტემით ჩატარდება - 120 დეპუტატს პარტიული სიებით აირჩევენ, 30-ს - ერთმანდატიან ოლქებში.

NDI-ის საქართველოს წარმომადგენლობის ინფორმაციით, აღნიშნული პროგრამა აგვისტოში გამოქვეყნებული წინასაარჩევნო ანგარიშის (Georgia Election Watch) დასკვნებსა და რეკომენდაციებს დაეყრდნობა და საჭიროების შემთხვევაში მეორე ტურების ჩათვლით გაგრძელდება.

ანალიტიკოსების გუნდი შვიდ გრძელვადიან დამკვირვებელსა და პროგრამის დირექტორს მოიცავს. ისინი არჩევნებთან დაკავშირებულ სხვადასხვა საკითხს შეისწავლიან, მათ შორისაა: საარჩევნო კამპანია, საარჩევნო ადმინისტრაცია, მედია და საინფორმაციო სივრცე, გენდერი და ჩართულობის საკითხები და კორონავირუსის გავლენა არჩევნებზე.

„თითოეულ ამ საკითხზე პროგრესისა და გამოწვევების შესაფასებლად, გრძელვადიანი დამკვირვებლები თბილისში მყოფ ასისტენტებთან და NDI-ს თანამშრომლებთან ერთად დისტანციურად იმუშავებენ და სხვადასხვა საინფორმაციო და ანალიზის ონლაინ პლატფორმებს გამოიყენებენ. NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს, რათა ხელი შეუწყოს საქართველოში საარჩევნო პროცესების გაძლიერებას“, - აღნიშნავენ ორგანიზაციაში.

არჩევნები და კორონავირუსი: საერთაშორისო დამკვირვებლებისთვის ჩარტერული რეისები დაინიშნება >>

ადრე ორგანიზაციაში აღნიშნეს, რომ გლობალური პანდემია კვლავ უკონტროლოა მრავალ ქვეყანაში, მათ შორის აშშ-ში. სწორედ არსებული საერთაშორისო ვითარებისა და რისკების გათვალისწინებით ორგანიზაციამ გადაწყვიტა, არ გამოგზავნოს თავისი დამკვირვებლები საქართველოში.

6
თემები:
საქართველოს საპარლამენტო არჩევნები 2020
ადვოკატი მიხეილ რამიშვილი

ბაჩალიაშვილის დაღუპვის ადგილის თანამგზავრულ ფოტოებს დამოუკიდებელი ექსპერტები შეამოწმებენ

65
საქართველოს პროკურატურამ თანამგზავრიდან გადაღებული ფოტოების ექსპერტიზა უკვე ჩაატარა და ისინი გაყალბებულად ცნო

თბილისი, 21 სექტემბერი - Sputnik. საქართველოს უსაფრთხოების პრობლემების ანტიკრიზისული ცენტრის ხელმძღვანელი დავით ფურცხვანიძე აპირებს დამოუკიდებელი ექსპერტიზის ჩატარებას იმ ადგილის თანამგზავრიდან გადაღებული ფოტოების ნამდვილობის დასადგენად, სადაც გარდაცვლილი თამარ ბაჩალიაშვილის მანქანა აღმოაჩინეს.

ბაჩალიაშვილის ოჯახის ადვოკატმა მიხეილ რამიშვილმა სექტემბრის დასაწყისში წარმოადგინა თანამგზავრიდან გადაღებული სოფელ მაწევანთან მიმდებარედ იმ ადგილის რამდენიმე ფოტო, სადაც დაღუპული თამარ ბაჩალიაშვილის მანქანა იპოვეს.

როგორც რამიშვილი ამტკიცებს, ფოტოები გადაღებულია 19-22 ივლისს და მათზე ჩანს, რომ მანქანა იმ ადგილას არ დგას. როგორც მოგვიანებით გაირკვა, ფოტოები ადვოკატს დავით ფურცხვანიძემ გადასცა.

პროკურატურაში განაცხადეს, რომ გამოძიებისთვის მიწოდებული ფოტოები ფალსიფიცირებულია.

დღეს გამართულ პრესკონფერენციაზე ფურცხვანიძემ აღნიშნა, რომ გამოძიებას მიაწოდა ინფორმაცია პირზე, რომელმაც მას აღნიშნულ ფოტოები გადასცა. მისთვის გაურკვეველია, რატომ არ ახმაურებს გამოძიება ინფორმაციას წყაროს შესახებ.

ფურცხვანიძემ პროკურატურის ექსპერტიზის დასკვნებს უნდობლობა გამოუცხადა და მას „არაკვალიფიციური“ უწოდა.

„რამდენიმე დღეში გამოქვეყნდება პასუხის პასუხი, სადაც დადასტურებული იქნება, რომ ეს არ არის ექპერტიზის კვალიფიციური პასუხი და ასევე, ჩვენ ძალიან მალე დამატებით სხვა თანამგზავრებიდან გვექნება იმ ადგილის კადრების დუბლირება“, - განაცხადა ფურცხვანიძემ.

თამარ ბაჩალიაშვილი ხუთდღიანი ძიების შემდეგ საკუთარ მანქანაში თეთრიწყაროს რაიონში გარდაცვლილი იპოვეს. გამოძიების მთავარი ვერსია თვითმკვლელობაა, თუმცა ოჯახს ამის არ სჯერა. ისინი ფიქრობენ, რომ ეს მკვლელობაა და უკავშირდება გოგონას სამუშაოს. მათი მტკიცებით, პროგრამისტს ხელში გარკვეული კომპრომატი ჩაუვარდა.

გარდაცვლილი გოგონას დედა თეონა თამაზაშვილი აცხადებს, რომ მისი ქალიშვილის გარდაცვალება უკავშირდება მთიანი ყარაბაღის ომის დროს იარაღის მიწოდების სქემის გაშიფვრას.

როგორც გაირკვა, აშშ-ის ფედერალური გამოძიების ბიურომ უარი განაცხადა 23 წლის პროგრამისტის გარდაცვალების გარემოებათა გამოძიებაში მონაწილეობაზე, როგორც ამას დაღუპულის ოჯახი ითხოვდა, და აღნიშნა, რომ საქმე მათ კომპეტენციას სცდება.

გამოძიება ბაჩალიაშვილის საქმეზე ორი მუხლით მიმდინარეობს: „თავისუფლების უკანონო აღკვეთა“ და „თვითმკვლელობამდე მიყვანა“.

65
თემები:
გახმაურებული სასამართლო პროცესები