საქართველოს პარლამენტის თავმჯდომარე სექტემბერში შეხვედრებს გამართავს აშშ–ში

1
(განახლებულია 16:48 15.05.2015)
საქართველოს პარლამენტის თავმჯდომარე დავით ბაქრაძე 14 სექტემბერს ვაშინგტონში გაემგზავრება, სადაც დემოკრატიულ სახელმწიფოთა თანამეგობრობის ფორუმზე (Community of Democracies) ერთ-ერთი მთავარი მომხსენებელი იქნება.

თბილისი, 27 აგვისტო. „ახალი ამბები - საქართველო“, ციცია მამულაშვილი. საქართველოს პარლამენტის თავმჯდომარე დავით ბაქრაძე 14 სექტემბერს ვაშინგტონში გაემგზავრება, სადაც დემოკრატიულ სახელმწიფოთა თანამეგობრობის ფორუმზე (Community of Democracies) ერთ-ერთი მთავარი მომხსენებელი იქნება, განუცხადეს „ახალი ამბები – საქართველოს“ კორესპონდენტს პარლამენტის პრეს–სამსახურში პარასკევს.

ფორუმში მონაწილეობას მიიღებენ ცენტრალური და აღმოსავლეთ ევროპის პარლამენტების თავმჯდომარეები. დისკუსია წარიმართება აშშ-ის სენატისა და კონგრესის წევრების მონაწილეობით. ფორუმს მოწვეული სპიკერის სტატუსით დაესწრება მაიკალ მაკფოლი, აშშ-ის პრეზიდენტის თანაშემწე და უსაფრთხოების საბჭოს დირექტორი რუსეთისა და ევრაზიის საკითხებში.

ვაშინგტონში ვიზიტის ფარგლებში საქართველოს პარლამენტის თავმჯდომარეს დავით ბაქრაძეს შეხვედრები ექნება სენატორებთან და კონგრესმენებთან, ადმინისტრაციის  წარმომადგენლებთან, ასევე არასამთავრობო ორგანიზაციებთან.

19 სექტემბერს საქართველოს პარლამენტის თავმჯდომარე ნიუ-იორკში გაემგზავრება და შეხვედრებს გამართავს ინვესტორებთან და მონაწილეობას მიიღებს გაეროს ეგიდით დაგეგმილ სახელმწიფოებისა და მთავრობის მეთაურების მაღალი დონის შეხვედრაზე.

21 სექტემბერს კი დავით ბაქრაძე დაესწრება საპარლამენტთაშორისო კავშირის(IPU) შეხვედრას, სახელწოდებით "ათასწლეულის განვითარების ამოცანების, პოლიტიკის და გეგმების საპარლამენტო მხარდაჭერის მობილიზაცია.

1
სასწრაფო დახმარება

ავარია ბათუმი-თბილისის მაგისტრალზე: დაიღუპა სამარშრუტო ტაქსის მძღოლი

63
წინასწარი მონაცემებით, სამარშრუტო ტაქსი ფოთიდან გადაადგილდებოდა და გზაზე მიმავალ სატვირთოს შეეჯახა

თბილისი, 2 დეკემბერია - Sputnik. ბათუმი-თბილისის ავტომაგისტრალზე სოფელ სუფსასთან ერთმანეთს ტრაილერი და სამარშრუტო ტაქსი შეეჯახა, სამარშრუტო ტაქსის მძღოლი ადგილზე დაიღუპა, იუწყება ტელეარხი Rustavi 2.

ტელეარხის მონაცემებით, სამარშრუტო ტაქსი ფოთიდან გადაადგილდებოდა და მასში მხოლოდ მძღოლი იმყოფებოდა.

ადგილზე საპატრულო პოლიციის თანამშრომლებია მობილიზებული. მძღოლის ცხედარი პროზექტურაში ექსპერტიზაზეა გადასვენებული.

შსს-ს ბოლო მონაცემებით, 1 იანვრიდან 30 სექტემბრამდე პერიოდში მოხდა 3 644 ავარია, რომელსაც მძიმე შედეგები მოჰყვა. ავარიებმა 337 ადამიანის სიცოცხლე იმსხვერპლა, 5 ათასზე მეტი ადამიანი კი  დაშავდა.

საქართველოში ავტოავარიების ყველაზე ხშირი მიზეზია შემხვედრ ზოლზე გასვლა ან გასწრების წესების დარღვევა. მეორე ადგილზე სიჩქარის გადაჭარბებაა, მესამე ადგილზე - დისტანციის დარღვევა მოძრაობისას.

63
თემები:
შემთხვევები საქართველოში
აშშ-ის დროშა და სამხედრო ტექნიკა კრწანისის სამხედრო ბაზაზე

ნატოში საქართველოსთან ურთიერთობების გაძლიერებაზე ალაპარაკდნენ

14
ნატოს გენმდივნის იენს სტოლტენბერგის ეგიდით ჩამოყალიბდა ექსპერტთა ჯგუფი, რომლებიც „უფრო მჭიდრო თანამშრომლობის“ შესახებ ალაპარაკდნენ

თბილისი, 2 დეკემბერი - Sputnik. უახლოეს ათწლეულში ნატოს ბლოკმა აუცილებლად უნდა გაააქტიუროს თანამშრომლობა საქართველოსა და უკრაინასთან, განაცხადეს ექსპერტებმა NATO-2030-ის მოხსენებაში, რომელიც ალიანსის გენერალური მდივნის მოთხოვნით მომზადდა.

„ნატო უნდა ისწრაფოდეს უკრაინასა და საქართველოსთან თანამშრომლობის გაფართოებისა და განმტკიცებისკენ“, - ნათქვამია დოკუმენტში.

ექსპერტთა ვარაუდით, ეს დემოკრატიული ქვეყნები, რომლებიც ნატოში გაწევრიანებისკენ ისწრაფვიან, „რუსეთის მხრიდან მუდმივად განიცდიან საშინაო თუ გარეშე ზეწოლას“.

წლის დასაწყისში ნატოს გენერალური მდივნის, იენს სტოლტენბერგის ეგიდით ექსპერტთა ჯგუფი ჩამოყალიბდა. როგორც მოსალოდნელია, ეს მოხსენება მომავალში გამოყენებული იქნება ალიანსის სტრატეგიის მოსამზადებლად, რომელიც 2021 წლის სამიტზე განიხილება.

ალიანსში გაწევრიანებას საქართველოსა და უკრაინას უკვე დიდი ხანია ჰპირდებიან, მაგრამ გადაწყვეტილება ყოველთვის ჭიანურდება.

ევრაზიის ინსტიტუტის ხელმძღვანელის, გულბაათ რცხილაძის აზრით, ნატოს ექსპერტთა განცხადება უკავშირდება რუსეთისა და თურქეთის გავლენის გაძლიერებას სამხრეთ კავკასიაში.

„საუბარი უახლოეს მომავალში საქართველოს ნატოში გაწევრიანებაზე ალოგიკური არ არის... ამიტომ სავსებით შესაძლებელია, რომ ექსპერტთა, პოლიტიკოსთა გარკვეული ნაწილი ჩქარობს, ვინაიდან რუსეთმა გარკვეულწილად გაიმყარა გავლენა სამხრეთ კავკასიაში ყარაბაღის ომის შემდეგ. გავლენა გაიმყარა ასევე თურქეთმაც, დასავლეთს კი პრობლემები აქვს არა მხოლოდ რუსეთთან, არამედ თურქეთთანაც. მათი აზრით, მოვიდა დრო გავლენის ბერკეტების ასამოქმედებლად და საქართველოსა და რუსეთის შესათრევად ნატოში ნებისმიერ ფასად“, - განუცხადა რცხილაძემ Sputnik-საქართველოს ინტერვიუში.

საქართველო და ნატო

საქართველოსა და ნატოს ინსტიტუციური თანამშრომლობა 1994 წელს დაიწყო, როდესაც საქართველო გახდა მონაწილე პროგრამისა „პარტნიორობა მშვიდობისათვის“.

2004 წლიდან საქართველოსა და ნატოს თანამშრომლობამ უფრო ინტენსიური ხასიათი შეიძინა, 2011 წელს კი მიიღო „ნატოს ასპირანტი ქვეყნის“ სტატუსი. 2014 წლის უელსის სამიტზე დამტკიცდა ღონისძიებების პაკეტი, რომლებიც საქართველოს ალიანსში გაწევრიანებისკენ სწრაფვას შეუწყობდა ხელს.

 ნატოს ხელმძღვანელობამ არაერთხელ განაცხადა, რომ ნატოს კარი საქართველოსთვის ღიაა, მაგრამ ორგანიზაციაში ქვეყნის შესაძლო გაწევრიანების ვადები არ სახელდება.

რუსეთი კატეგორიული წინააღმდეგია საქართველოს ნატოსთან თანამშრომლობის გაძლიერებით და ამ ალიანსის თავისი საზღვრების მიმართულებით გაზრდის. როგორც რუსეთის საგარეო საქმეთა სამინისტროში განაცხადეს, აშშ-ისა და ნატოს სხვა წევრი ქვეყნების ძალისხმევა საქართველოს მილიტარიზაციის კუთხით რეგიონში განსაკუთრებულ შეშფოთებას იწვევს. უფრო მეტიც, ის საქართველოს უსაფრთხოებას არ ამტკიცებს.

14
თემები:
საქართველო – ნატოს ურთიერთობები
სავსე მთვარე

მთვარის კალენდარი: 3 დეკემბერი რისი გაკეთება შეიძლება და რისი არა

0
(განახლებულია 14:08 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 3 დეკემბერი, ხუთშაბათი. ამ დღეს იუპიტერი მართავს. კლებადი მთვარე კირჩხიბის ნიშანშია.

ესაა სენტიმენტური გრძნობების, ემოციური მერყეობის დღე, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

რეკომენდებულია მშვიდი მუშაობა, მარტივი ფინანსური საკითხების გადაჭრა, მნიშვნელოვანი საქმეების გადადება, ირგვლივ მიმდინარე მოვლენებისა და ნათქვამის მიმართ ყურადღებით ყოფნა, ადამიანებთან ურთიერთობებში მოქნილობა და არასტადარტული დამოკიდებულება, ნიუანსებისადმი ყურადღება, ინდივიდუალური და არა გუნდური მუშაობა.

არარეკომენდებულია რთულ პროექტებზე შეჭიდება, მოლაპარაკებების წარმოება, ზედმეტი აქტიურობა, დინების წინააღმდეგ წასვლა, სხვისი გავლენის ქვეშ მოქცევა და მის წინადადებაზე დათანხმება.

არახელსაყრელი დღეა მგზავრობისთვის.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

მებაღეობა: კირჩხიბი ერთ–ერთი ნაყოფიერი ნიშანია. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

0