წიწვები

წიწვოვანი მცენარეების უპირატესობა, ანუ გაიკაჟეთ ჯანმრთელობა

926
ექიმების რჩევაა, საზოგადოებრივი თავშეყრის ადგილებში ვატაროთ წიწვოვანი ხეების ეთერზეთებით გაჟღენთილი დოლბანდის ნიღბები – ასეთ ნიღაბში ვირუსის შეღწევის ალბათობა თითქმის ნულის ტოლია.

წიწვოვანი მცენარეები ერთ–ერთი საუკეთესო საშუალებაა ადამიანის ჯანმრთელობის გასაუმჯობესებლად, ავადმყოფობის პრევენციისთვის. არაჩევეულებრივია როგორც წიწვოვან ტყეში ან პარკში სეირნობა, რაც, როგორც ვიცით, ადამიანის სასუნთქ სისტემაზე ძალიან კარგად მოქმედებს, ისე წიწვებისგან ნაყენების დამზადება და მიღება სხვადასხვა დაავადებების დროს.

წიწვოვნები ძირითადად გავრცელებულია ჩრდილოეთ ნახევარსფეროში. ჩრდილოეთ ამერიკასა და ევრაზიაში ფიჭვები, ნაძვები, ლარიქსები, სოჭები ვრცელ წიწვოვან მასივებს ქმნიან. სამხრეთ ნახევარსფეროში ძირითადად ზომიერ სარტყელში გვხვდება — პატაგონიაში, ცეცხლოვან მიწაზე, ახალ ზელანდიასა და ტასმანიაზე წიწვოვნები საკმაოდ ფართოდაა გავრცელებული. ტროპიკული რეგიონების დაბლობებში წიწვოვნები თითქმის არ ხარობენ, გვხვდება მხოლოდ მთებში.

საქართველოში გავრცელებულია ნაძვი, სოჭი, ფიჭვი.

რა სარგებლობა მოაქვს წიწვოვან ხეებს:

1. თავისუფალი სუნთქვა

ყველას გვსმენია, თუ რა კარგია წიწვოვან ტყეში სუნთქვა და ეს ფუჭი სიტყვები არ არის. ასეთ ტყეში ჰაერი, პირდაპირი მნიშვნელობით, გაჟღენთილია ფეტონციდებით, ანუ ბიოლოგიურად აქტიური ნივთიერებებით, რომლებსაც უნარი აქვთ, გაანადგურონ ავადმყოფობების წარმომშობი მიკროორგანიზმები. ისინი განსაკუთრებით ძლიერად მოქმედებს ტუბერკულიოზის ჩხირზე, სწორედ ამიტომ ტუბერკულიოზით დაავადებულებების სანატორიუმებს სწორედ წიწვოვან ადგილებში აშენებენ.

მეცნიერებმა დაადგინეს, რომ წიწვოვან ტყეში ჰაერი ერთ კუბურ მეტრ მოცულობაზე 200–300 ბაქტერიაზე მეტს არ შეიცავს, ანუ, იმ ჰაერთან შედარებით, რასაც ვსუნთქავთ, მაგალითად, საზოგადოებრივ ტრანსპორტში, ის, ფაქტობრივად, სტერილურია. გარდა ამისა, სეირნობა წიწვოვან ტყეში ხსნის დაღლილობას, ნერვულ დაძაბულობას. აქტიურდება ფილტვებში აირების ცვლა და, შესაბამისად, უმჯობესდება სუნთქვა. ეს, პირველ რიგში, აუცილებელია მწეველებისთვის და მათთვის, ვინც დროის უმეტეს ნაწილს ცუდად განიავებულ შენობებში ატარებს.

2. ავიტამინოზის მკურნალობის საშუალება

წიწვები შეიცავს С ვიტამინს – იმდენს, რამდენსაც შეიცავს შავი მოცხარი და ქაცვი და შვიდჯერ მეტს, ვიდრე ლიმონი.

სურავანდის (სკორბუტი, საკვებში C ვიტამინის ნაკლებობით ან სრული არარსებობით გამოწვეული დაავადება) მკურნალობისთვის წიწვების გამოყენება ძალზე ეფექტურია.

ფეიხოას სასარგებლო თვისებები>>

გარდა С ვიტამინისა, წიწვები ასევე შეიცავს პროვიტამინ А–ს (კაროტინი), ვიტამინებს Е, К, Р, В1, В2, В6, РР და Н. თავისი შემადგენლობით ის ტოლს არ უდებს და აჭარბებს კიდეც მულტივიტამინებს, რომლებიც აფთიაქში იყიდება, რადგან მასში ყველა ვიტამინი ნატურალურია.

გირჩები
გირჩები

3. გირჩები ინსულტის წინააღმდეგ

ამერიკელმა მეცნიერებმა დაამტკიცეს, რომ ფიჭვის გირჩების შემადგენლობაში არსებული ტანინების ჯგუფის ნივთიერებები ინსულტების მკურნალობაში ეხმარება – ის აბრკოლებს თავის ტვინის უჯრედების სიკვდილს.

4. დაცვა გრიპისგან

ექიმები გრიპის ვირუსის ეპიდემიისას ადამიანებს ურჩევენ, საზოგადოებრივი თავშეყრის ადგილებში ატარონ წიწვოვანი ხეების ეთერზეთებით გაჟღენთილი დოლბანდის (მარლის) ნიღბები. ასეთ ნიღაბში ვირუსის შეღწევის ალბათობა თითქმის ნულის ტოლია.

5. წიწვების აბაზანები ნერვებისთვის

წიწვების აბაზანა ამშვიდებს, ხსნის დაღლილობას და ამაღლებს ცხოვრების ტონუსს. ის კარგია უძილობის, ვეგეტოსისხლძარღვოვანი დისტონიის, ნევროზების, ზოგადი გადაღლილობისას.

ასევე კარგია წიწვების აბაზანა პოდაგრისა და სახსრების სხვა დაავადებების დროს.

6. ნატურალური ანტიოქსიდანტი

წიწვოვანი ხეები შეიცავს უნიკალურ ბუნებრივ ანტიოქსიდანტს – ბიოფლავანოიდს (დიჰიდროკვერცეტინი), რომელიც:

• აუმჯობესებს იმუნიტეტს

• ამცირებს გულ–სისხლძარღვთა დაავადებების რისკს

• სისხლში ქოლესტერინის დონის ნორმალიზებას უწყობს ხელს

• ამცირებს სისხლძარღვთა კედლების ანთებას

• აუმჯობესებს მიკროცირკულაციას

• აჩქარებს დაზიანებული ქსოვილების აღდგენის პროცესს

• აუმჯობესებს მდგომარეობას ალერგიის დროს

• ამცირებს ორგანიზმში კანცეროგენების წარმოქმნას

• აახალგაზრდავებს კანს

• აჯანსაღებს ორგანიზმს მთლიანად

გთავაზობთ წიწვების გამოყენების რამდენიმე რეცეპტს:

აბაზანისთვის აიღეთ 100 მილიგრამი წიწვოვანთა ექსტრაქტი ან 100 გრამი მშრალი წიწვები. ექსტრაქტი გახსენით თბილ (36–37 გრადუსი) წყალში.

წიწვოვანი აბაზანის მიღებისას მნიშვნელოვანია, რომ გულის არე წყლით არ დაიფაროს. პროცედურის ხანგრძლივობაა 15 წუთი. აბაზანა უნდა მიიღოთ ყოველდღე ან დღეგამოშვებით, სულ 10–15 სეანსი.

სურავანდის წინააღმდეგ: 4 ჭიქა ახალ წიწვს დაასხით სამი ჭიქა ანადუღარი და შეგრილებული წყალი, გააჩერეთ სამი დღე ბნელ ადგილზე, გადაწურეთ. მიიღეთ ნახევარი ჭიქა დღეში ორჯერ.

სასარგებლოა გირჩიც, მისგან ამზადებენ მურაბას, რომელიც გამოიყენება როგორც არა მხოლოდ გემრიელი დესერტი, არამედ სამკურნალო საშუალება იმუნიტეტის გასაძლიერებლად, ყელის ტკივილის, ხველების დროს.

926
თემები:
სასარგებლო რჩევები (449)
ორიგინალური „საწოლი“ მცენარეებისგან

საფრთხე ფანჯრის რაფაზე: დასახელდა ოთახის ყველაზე საშიში მცენარეები

2733
(განახლებულია 11:34 25.01.2021)
მცენარეები დიდი ხანია ჩვენი სახლებისა და ოფისების შეუცვლელ სამშვენისებად იქცნენ, თუმცა არის გარკვეული წესები, რომელიც ამ მცენარეებთან ურთიერთობაში უნდა დავიცვათ.
2733
თემები:
ჩვენ და ბუნება
კოწახური

კოწახური სასარგებლო თვისებები და უკუჩვენებები

69
(განახლებულია 11:23 25.01.2021)
კოწახურის სასარგებლო თვისებები უძველესი დროიდან არის ცნობილი. მას დღესაც აქტიურად იყენებენ და ებრძვიან სურავანდს, ჰიპერტონიას, რადიკულიტს, კუჭ–ნაწლავის, ღვიძლის, თირკმელების დაავადებებს, იყენებენ კულინარიაში, კოსმეტოლოგიაში...

კოწახური (Berberis vulgaris) კოწახურისებრთა ოჯახის წარმომადგენელია. არის 3–5 მეტრი სიმაღლის ბუჩქი. აქვს ძლიერი ფესვი და გამერქნებული ფესვურები. ყლორტები მოფენილია წვეტიანი ეკლებით. ნაყოფი წითელი წაგრძელებული ფორმის კენკრაა. ყვავის მაის–ივნისში, დამწიფებას აგვისტო–სექტემბერში იწყებს. მტევნები ბუჩქებზე შუა ზამთრამდე ჰკიდია.

გავრცელებულია მთის შუა სარტყლამდე, ტყის პირებზე მდინარის ნაპირებზე, ჭალებში, რიყეზე და სხვა. გამძლეა ყინვებისა და გვალვების მიმართ.

საქართველოს სხვადასხვა კუთხეში კოწახურს სხვადასხვაგვარად უწოდებენ: მაჭი, ცაცხვ, დუცხუ, კავაღი, ცხაცხუ, ცაცხუ, ცხაცხვი, ზესხრა, ფაჩა.

კოწახურის ნაყოფს მჟავე, სასიამოვნო გემო აქვს. ის შეიცავს 5 პროცენტამდე შაქრებს, მდიდარია ორგანული მჟავებით (ლიმონის, ვაშლის, ღვინის და სხვა), სასარგებლო პექტინებით, მასში ბევრია С ვიტამინი, შეიცავს К ვიტამინს, ასევე კაროტინსა და მინერალურ მარილებს. უმწიფარ ნაყოფში არის ალკალოიდები.

ვაშლის ძმარი, როგორც ერთ–ერთი საუკეთესო საშუალება დაავადებებთან ბრძოლაში>>

კოწახურის ფოთლები, ფესვი და ქერქი შეიცავს ალკალოიდებს, მცენარის ამ ნაწილებში ასევე არის მთრიმლავი ნოვთიერებები და ვიტამინები С და Е.

კოწახური
© Flickr / flöschen / Berberitze
კოწახური

კოწახურის თვისებების შესახებ უძველესი დროიდან არის ცნობილი – ჯერ კიდევ ძველ ბაბილონსა და ინდოეთში მას იყენებდნენ, როგორც სისხლის გამწმენდ საშუალებას. ძველი ბერძნები და რომაელები კოწახურის ნაყოფისა და ფოთლებისგან კუჭ–ნაწლავის სამკურნალო საშუალებებს, ინდოეთში ეს იყო მატონიზირებელი, მსუბუქი გამხსნელი, წყურვილის მოკვლის საშუალება. ძველ ეგვიპტეში მისი მეშვეობით იწმენდნენ სისხლს. ორგანიზმს შლაკებისგან. შორეულ აღმოსავლეთში, იაპონიასა და ჩინეთში კოწახურით მკურნალობდნენ სურავანდს, ავიტამინოზს, მაღალ არტერიულ წნევას, ციებ–ცხელებას. ტიბეტურ მედიცინაში მცენარისგან გამაახალგაზრდავებელ ნაყენს ამზადებდნენ.

კოწახურს ამჟამადაც ფართოდ იყენებენ ხალხურ მედიცინაში. სხვადასხვა ქვეყანაში მას სხვადასხვა დაავადებს კურნავენ. მაგალითად, გერმანიაში კოწახურით ებრძვიან არა მხოლოდ კუჭ–ნაწლავის, არამედ ფილტვების, პირის ღრუს ლორწოვან დაავადებებს. საფრანგეთში ის სიცხისა და არტერიული წნევის დამწევი საშუალებაა, ბულგარეთში კი კოწახურით რადიკულიტს ამარცხებენ; პოლონელების ავიტამინოზს ებრძვიან, ჩინეთში – სიმსივნეს.

კოწახურს აქვს ნაღვლმდენი, ანთების საწინააღმდეგო, ანტისეპტიკური, სისხლდენის შემაჩერებელი თვისებები.

ამგვარად, ხალხურ და ასევე თანამედროვე მედიცინაში (კოწახურზე დამზადებული პრეპარატების სახით) მკურნალობენ:

თირკმელების, კუჭის, თორმეტგოჯა ნაწლავის დაავადებებს, ტუბერკულიოზს, შინაგან სისხლდენას (განსაკუთრებით მშობიარობის შემდეგ საშვილოსნოდან სისხლდენას), ზედა სასუნთქი გზების ანთებას, სხვადასხვა ორგანოს სიმსივნეს.

წიწვოვანი მცენარეების უპირატესობა, ანუ გაიკაჟეთ ჯანმრთელობა>>

კოწახურს იყენებენ დიაბეტის დროს. რამდენიმე წლის წინ აღმოაჩინეს მისი კიდევ ერთი თვისება – მცენარე მალარიით დაავადებულ ადამიანებში ზრდის ელენთას (მალარიული პლაზმოდიები კოწახურის საშუალებით სისხლში განიდევნება). ჰომეოპათიაში კოწახურზე დამწადებული პრეპარატებით კურნავენ ღვიძლის, საშარდე გზებისა და თირკმელების დაავადებებს. გამოიყენება ნიკრისის ქარის, რევმატიზმისა და წელკავის დროს.

მცენარის ყველა ნაწილი შეიცავს ალკალოიდებს, რომელთა შორის მთავარია ბერბერინი (განსაკუთრებით ფესვსა და ქერქში). ეს ნივთიერება აქვეითებს არტერიულ წნევას, ამშვიდებს, ამცირებს გულისცემას. მას იყენებენ ქოლეცისტიტის, ნაღვლის ბუშტში კენჭოვანი დაავადებებისა და ქრონიკული ჰეატიტის დროს.

ფოთლების, ნაყოფისა და ქერქისგან მზადდება ნაყენები, რომლებიც კოსმეტოლოგიაში გამოიყენება. სახლის პირობებში დამზადებული ლოსიონები აახალგაზრდავებს, აშორებს კანის დეფექტებს (პიგმენტური ლაქები, ჭორფლი, გამონაყარი), ასწორებს წვრილ ნაოჭებს, სახეს ჯანმრთელ ფერს აძლევს. ასევე კარგია კოწახური თმის მოსავლელად და ქერტლის მოსაშორებლად.

კანის გასაახალგაზრდავებლად მოამზადეთ ნაყენი შემდეგნაირად: აიღეთ 1 სუფრის კოვზი ნედლი ან ხმელი კოწახურის დაქუცმაცებული ფოთოლი, დაასხით 1 ჭიქა მდუღარე წყალი. გააჩერეთ 30 წუთი, გადაწურეთ. ნაყენის წაისვით სახეზე დილითა და საღამოს ტონიკის სახით. შეგიძლიათ გაყინოთ პატარა კუბებად და სახე გაიწმინდოთ.

კოწახურის ნაყენი წყლულოვანი დაავადებებისა და გულისრევის დროს: აიღეთ 15–20 გრამი მშრალი, დაქუცმაცებული ფოთოლი, დაასხით 200 გრამი წყალი, დადგით ცეცხლზე, მიიყვანეთ ადუღებამდე, 15 წუთის განმავლობაში ხარშეთ დაბალ ცეცხლზე, შემდეგდადგით 40 წუთი, გადაწურეთ და გააზავეთ ანადუღარ წყალში, ისე, რომ საწყისი მოცულობა მიიღოთ. მიიღეთ ნაყენი ყოველდღე, დღეში სამჯერ 1 სუფრის კოვზი.

კოწახურის ნაყენი, როგორც ნაღვლმდენი და სიცხის დამწევი საშუალება: აიღეთ 30–40 გრამი მცენარის დაქუცმაცებული ნაყოფი, დაასხით ერთი ჭიქა წყალი. ადუღეთ დაახლოებით ნახევარი საათი. შემდეგ გადაწურეთ და საწყისი მოცულობის მისაღებად შეავსეთ ანადუღარი წყლით. მიიღეთ დღეში სამჯერ ჭამამდე ნახევარი ჭიქის ოდენობით.

ხახვი – ვირუსებთან ბრძოლის საუკეთესო საშუალება>>

კოწახურის უკუჩვენებები: ალკალოიდების დიდი რაოდენობით შემცველობის გამო კოწახური სუსტ შხამიან მცენარეებს განეკუთვნება, ამიტომ მისი დიდი ხნით და უკონტროლოდ გამოყენება არ შეიძლება.

ასევე არ შეიძლება მისი მიღება ორსულებისთვის, ხოლო მცენარის მწვანე ნაყოფი შხამიანია, და მისი გამოყენება საერთოდ არ შეიძლება.

69
თემები:
სასარგებლო რჩევები (449)
ადამიანები პირბადეებით

კორონავირუსი საქართველოში: ინფიცირების შემთხვევები ქალებსა და მამაკაცებში კვლევა

0
(განახლებულია 14:39 26.01.2021)
ქვეყანაში პანდემიის დაწყებიდან რეგისტრირებულ ინფიცირებულებს შორის 57 პროცენტი ქალია და 43 – მამაკაცი

თბილისი, 26 იანვარი - Sputnik. კორონავირუსით საქართველოში უფრო მეტად ქალები ინფიცირდებიან, ვიდრე მამაკაცები. ასეთია დაავადებისა და საზოგადოებრივი ჯანმრთელობის ეროვნული ცენტრის მეხუთე ანგარიშში „ერთი წელი COVID-19–თან ერთად“ წარმოდგენილი კვლევის შედეგები.

რა მოხდება მოსახლეობის 60 პროცენტის აცრის შემთხვევაში: ცერცვაძის განმარტება>>

ცენტრის მონაცემებით, საქართველოში კორონავირუსის ტესტზე დადებითი პასუხი დაფიქსირდა ქალების 57% შემთხვევაში და შესაბამისად 43 – მამაკაცებში.

კორონავირუსის დადასტურებული შემთხვევების პროცენტული მაჩვენებელი ასაკობრივი კატეგორიების მიხედვით შემდეგნაირია:

ასაკი ინფიცირებულების წილი
0–14  7,4%
15–24 10%
25–34 18,7%
35–44 17,6%
45–54  15,2%
55–64 15,8%
65–74  10,5%
75–84  4%
85+  0,9%

ინფიცირებულების რაოდენობის მხრივ ყველაზე „ცხელ“ წერტილებად ყოველ ასი ათას მოსახლეზე, 2020 წლის 31 დეკემბრის მონაცემებით, მიიჩნევიან აჭარა, თბილისი და იმერეთი.

ანგარიშში ნათქვამია, რომ ჯანდაცვის სამინისტრომ მარტში 15 კლინიკაში 1 620 საწოლის მობილიზება შეძლო, ასევე რეგიონებში 15 თერმოცენტრში დამატებით გამოიყო 1 050 საწოლი. დეკემბრის ბოლოს მთელი ქვეყნის მასშტაბით ინფიცირებული პაციენტების მიღებისთვის მობილიზებული იყო 82 კლინიკა 7 ათასზე მეტი საწოლით.

ჯანდაცვის სამინისტროს ინიციატივით 2020 წლის 2 აპრილიდან შეიქმნა ონლაინ–კლინიკების პლატფორმა, რომელშიც თავდაპირველად ჩართული იყო 25 ონლაინ–კლინიკა, ხოლო წლის ბოლოს მათი რაოდენობა 65–მდე გაიზარდა. პაციენტებს დისტანციურად დაახლოებით 700 ექიმი მართავს. აპრილიდან წლის ბოლომდე ექიმებმა რეაგირება მოახდინეს 250 ათას ზარზე. ოჯახის ექიმების მეთვალყურეობით სახლში მკურნალობდა 132 232 პაციენტი.

ჯანდაცვის სამინისტროს ბაზაზე, პირველადი ჯანდაცვის რესუსრსის გაძლიერების მიზნით, ოქტომბრიდან ონლაინ–კლინიკა ამუშავდა 228 თანამშრომლით, რომლებიც ორი მიმართულებით მუშაობენ – ოჯახის ექიმების მუშაობის შემოწმება (რომლებიც ინფიცირებული პაციენტების სახლში მკურნალობას მართავენ) და ონლაინ–კლინიკების მუშაობის ხარისხის შემოწმება. 22 ოქტომბრიდან წლის ბოლომდე ცენტრალურმა ონლაინ–კლინიკამ დაახლოებით 28 ათას სიმპტომებიან პაციენტს გაუწია მეთვალყურეობა. მთლიანობაში განახორციელა დაახლოებით 112 ათასი ზარი. ონლაინ–კლინიკების ოპერატორების მომსახურების შემოწმების მიზნით 303 ათასი პაციენტი გამოიკითხა.

პანდემიის დაწყებიდან დღემდე საქართველოში კორონავირუსის 254 ათასზე მეტი შემთხვევა დაფიქსირდა, გამოჯანმრთელდა 244 თასზე მეტი ადამიანი და გარდაიცვალა 3 096.

კორონავირუსის პირველი შემთხვევა საქართველოში 2020 წლის 26 თებერვალს გამოვლინდა.

0
თემები:
კორონავირუსი საქართველოში: ბოლო ცნობები