მწარე აბზინდა (Artemisia absinthium) – რთულყვავილოვანთა ოჯახის ბალახოვანი მცენარეა. აბზინდას მრავალი სახეობა არსებობს, რომელთა ქიმიური შემადგენლობა, გარეგნობა განსხვავებულია და ასევე განსხვავებულია მათი სამკურნალო თვისებებიც. ყველაზე გავრცელებული სამკურნალო სახეობაა მწარე აბზინდა, რომელიც მრავალ ქვეყანაში გვხვდება.
არსებობს ლეგენდა, რომ ძველ რომში მწარე აბზინდა ქალღმერთ არტემიდას საჩუქარი იყო. სწორედ ამიტომ უწოდეს მას Artemisia absintium. მიიჩნევდნენ, რომ მწარე აბზინდა მეომრებს აძლევდა ძალას, ხსნიდა დაღლილობას ლაშქრობების დროს, კუნთების ტკივილს, იცავდა მათ მოწამვლისგან, მეომრები უშიშარნი ხდებოდნენ.
მცენარე მცირე რაოდენობით შეიცავს შხამიან ნივთიერებებს, ამიტომ მისი მიღება დიდი რაოდენობითა და დიდი ხნის განმავლობაში არ შეიძლება.
