სამკურნალო მცენარეები

სამკურნალო ნობათი: რომელი მცენარეები და როგორ მოვაგროვოთ შემოდგომაზე

392
(განახლებულია 15:43 01.10.2019)
მწიფე და ბარაქიანი შემოდგომა უხვად გვასაჩუქრებს მცენარეული ნობათით. მოწეული ჭირნახულის დაბინავებასთან ერთად ვიზრუნოთ მწვანე აფთიაქის გამდიდრებაზეც.

სამკურნალო მცენარეთა დიდი ნაწილი გაზაფხულსა და ზაფხულში გროვდება (კვირტები, ყვავილები, ღეროები და ფოთლები – სამკურნალო მცენარეების მიწისზედა ნაწილები), თუმცა არცთუ მცირეა იმ მცენარეთა ჩამონათვალი, რომელთა ფესვებს და ფესურებს, ქერქს, გირჩებს, ნაყოფს, გორგლებს, სტოლონებსა თუ ტუბერებს სწორედ შემოდგომაზე ვაგროვებთ.

მცენარემ რომ არ დაკარგოს სამკურნალო თვისებები, საჭიროა შეგროვების ვადების და დამზადების წესების დაცვა. მიწისზედა მწვანე ნაწილები (ფოთლები და ყლორტები) გროვდება ყვავილობის დაწყებამდე, ან დაყვავილების შემდეგ, ნაყოფი – სრული სიმწიფისას, მიწისქვეშა ნაწილები კი უმეტესად შემოდგომაზე – ვეგეტაციის დასრულების შემდეგ.

ოქტომბერ-ნოემბერში გროვდება:

სამკურნალო ვალერიანა (Valeriana officinalis) - ფესურებს და ფესვებს აგროვებენ სექტემბრის ბოლოს – ოქტომბერში, თესლების ჩაბნევის შემდეგ. რეცხავენ ცივ წყალში, აშრობენ სუფთა ჰაერზე და ახმობენ ფარდულში, სხვენში, ან სპეციალურ საშრობში 35-40°С ტემპერატურაზე. გამომშრალ ფესურებს ინახავენ მჭიდროდ დახურულ ყუთებში, ქილებში, ან ქაღალდის პაკეტებში, კატებისგან დაცულ, გრილ ადგილზე. ვალერიანა ამცირებს არტერიულ წნევას, ამშვიდებს ნერვულ სისტემას, ხსნის კუნთების და ვენების სპაზმებს. იყენებენ ისტერიების, კრუნჩხვების, ძლიერი გულისცემის და გულის ტკივილის დროს.

ოროვანდი (Arctium lappa) - ფესურების ამოთხრას იწყებენ სექტემბრის ბოლოდან გვიან შემოდგომამდე. კარგად რეცხავენ ცივი წყლით, ჭრიან 2-3 სმ სიგრძის ნაჭრებად და აშრობენ სიბნელეში, კარგად განიავებულ შენობაში, ან საშრობში 50-60°С ტემპერატურაზე. ოროვანდის ფესურის ნახარში ააქტიურებს კუჭქვეშა ჯირკვლის მუშაობას, არეგულირებს ნივთიერებათა ცვლას, აუმჯობესებს და წმენდს სისხლს და კანს, აჩქარებს თმის ზრდას. 

მოცვი (Vaccinium) - მცენარის ფოთლებს აგროვებენ ნაყოფის დაკრეფის შემდეგ, სექტემბრის ბოლოს – ოქტომბერში. ფრთხილად ჭრიან ტოტებს, აცლიან ფოთლებს და აშრობენ სიბნელეში, კარგად განიავებულ შენობაში. მოცვის ფოთლების ნახარში გამოიყენება როგორც სიცხის დამწევი და ამოსახველებელი საშუალება, აქვს ანთების საწინააღმდეგო, შარდმდენი და ნაღველმდენი მოქმედება, ამცირებს სისხლში შაქრის დონეს და ამაღლებს იმუნიტეტს.

ასკილი (Rosa canina) - ასკილის ნაყოფის შეგროვება იწყება ზაფხულიდან ოქტომბრამდე. ვარგისია მხოლოდ ნარინჯისფერი და წითელი შეფერილობის, მკვრივი სტრუქტურის მქონე ნაყოფი, რომელსაც აშრობენ განიავებულ შენობაში, საშრობში, ან ყინავენ. თუ გსურთ ორგანიზმის გამდიდრება С ვიტამინით, უმჯობესია აგვისტოს ბოლოს – სექტემბერში აღებული ნაყოფი. გვიან შემოდგომაზე შეგროვებული ნაყოფი კი მდიდარია პექტინით და ხელს უწყობს მომნელებელი ტრაქტის მუშაობას.

კუნელი (Crataegus) - ნაყოფს აგროვებენ სექტემბრიდან პირველ ყინვებამდე. იკრიფება ჯანსაღი, მკვრივი, მუქი წითელი ნაყოფი, რომელსაც აშრობენ კარგად განიავებულ შენობაში, ან საშრობში არაუმეტეს 50°С ტემპერატურისა და ინახავენ თბილ, ბნელ ადგილზე. შეიძლება ნაყოფის გაყინვაც. კუნელის ნახარში ამცირებს არტერიულ წნევას, დევნის ორგანიზმიდან ჭარბ ქოლესტერინს, ხელს უწყობს გულის სისხლძარღვების გაფართოებას, აწესრიგებს ძილს, იხმარება როგორც დამამშვიდებელი და საფაღარათე საშუალება.

მხოხავი ჭანგა (Elytrigia repens) - ფოთლებს, ღეროებს და ფესურებს იყენებენ როგორც ანთების საწინააღმდეგო, შარდმდენი, ოფლმდენი, ამოსახველებელი და მსუბუქი საფაღარათე საშუალება გაციების, ბრონქიტის, ფილტვების ანთების, შარდ- და ნაღველკენჭოვანი დაავადებების, ოსტეოქონდროზის, ფურუნკულოზის, რევმატიზმის, პოდაგრის, კანის ინფექციური დაავადებების დროს. 

დათვის კენკრას (Arctostaphylos uva-ursi) - სამკურნალო მიზნით აგროვებენ მცენარის მიწისზედა, მწვანე ნაწილებს, რომელსაც ამზადებენ გაზაფხულზე, ყვავილობამდე, ან შემოდგომაზე, ნაყოფის მომწიფების შემდეგ. ფოთლებს და ყლორტებს ჭრიან და აშრობენ ფარდულში, ან სხვენზე კარგად განიავებულ ადგილზე. იყენებენ როგორც საფაღარათე საშუალებას. აქვს შარდმდენი და მადეზინფიცირებელი მოქმედება შარდ-კენჭოვანი დაავადებების, ცისტიტის, ურეთრიტის დროს.

ცირცელი (Sorbus aucuparia) - მწიფე ნაყოფს აგროვებენ მშრალ ამინდში და დაკიდებულს აშრობენ ბნელ ფარდულში, ან საშრობში. შეიძლება გაყინვაც – ნაყოფს აცლიან ყუნწებს და ისე ყინავენ. ცირცელი ამაღლებს იმუნიტეტს. გამოიყენება ავიტამინოზების პროფილაქტიკისთვის, აქვს შემახორცებელი და ანთების საწინააღმდეგო მოქმედება. სხვადასხვა ცხელი სასმელი - კომპოტი, კისელი, ჩაი, რეკომენდებულია ბავშვთა კვებაში, როგორც ვიტამინური დანამატი.

ძახველი (Viburnum opulus) - მწიფე ნაყოფის შეგროვებას იწყებენ ოქტომბრის ბოლოს – ნოემბერში, მშრალ ამინდში და დაკიდებულს აშრობენ ბნელ ფარდულში, ან ღუმელში. შეიძლება გაყინვაც – ნაყოფს აცლიან ყუნწებს და ისე ყინავენ. ნაყენი და ნახარში გამოიყენება ჭრილობების შესახორცებლად, ფურუნკულების, ეგზემის, კანზე წყლულოვანი ჭრილობების მოსაშუშებლად. ცოცხალი ნაყოფის წვენი – ფერიმჭამელების, ჭორფლის, ლიქენის დროს. თბილი ნახარში გამოიყენება ბრონქული ასთმის, გაციების, ხველის, ციებ-ცხელების, ჰიპერტონიის, ხუთვის, ღვიძლის დაავადებების დროს. ნახარში და ჩაი აუმჯობესებს გულის, კუჭის და ნაწლავების მოქმედებას, ამცირებს წნევას, აქვს ძლიერი დამამშვიდებელი და მასტიმულირებელი მოქმედება. აღსანიშნავია, რომ ყინვა სიმწარეს უკარგავს ნაყოფს და ხელს უწყობს მათში სასარგებლო ნივთიერებების მაქსიმალური კონცენტრაციის დაგროვებას.

ღვია (Juniperus communis) - სამკურნალო მიზნით აგროვებენ მწიფე გირჩებს, მხოლოდ მათ, რომლებიც ცვივა მცენარის შერხევისას. ჩამოყრილ გირჩებს წმენდენ და აშრობენ 40°С ტემპერატურაზე. ეფექტურია ყაბზობის, ორგანიზმში სითხის შეკავების, თირკმელებში კენჭების და ინფექციების დროს, მადის დაქვეითების და მონელების დარღვევისას. აქვს შარდმდენი, მადეზინფიცირებელი, ამოსახველებელი და ნაღველმდენი მოქმედება.

ნაცარა მურყანი (Alnus incana) - ნაყოფს ფრთხილად კრეფენ (სამკურნალოდ არ გამოდგება თავისით ჩამოცვენილი ნაყოფი) და აშრობენ კარგად განიავებულ სხვენში, ან ფარდულში ოთახის ტემპერატურაზე. ორ დღეში ერთხელ ურევენ, რომ კარგად გაშრეს. აქვს საფაღარათე, ანთების საწინააღმდეგო, სისხლის აღმდგები მოქმედება. ნახარშს იყენებენ ნაწლავების მწვავე და ქრონიკული ანთებების, აგრეთვე, რევმატიზმის და გაციების დროს. 

მთის ჩადუნა (Dryopteris filix-mas) - ფესურებს თხრიან, რეცხავენ ცივი წყლით, აშრობენ და ანაწევრებენ 1-2,5 სმ სისქის და 5 სმ-მდე სიგრძის ნაწილებად. აშრობენ ფარდულში, ან სპეციალურ საშრობში. გამოიყენება ნაწლავური პარაზიტების საწინააღმდეგოდ. აგრეთვე ეგზემის, ჩირქოვანი ჭრილობების, ვარიკოზული დერმატიტის, სახსრების დაავადებების, ცხვირიდან სისხლდენის, ნევრალგიების, კრუნჩხვების და რევმატიზმის დროს.

ვარდკაჭაჭა (Cichorium intybus) – ფესვებს თხრიან, რეცხავენ ცივი წყლით, აშრობენ რბილი ქსოვილით, ჭრიან რამდენიმე ნაწილად და აწყობენ გასაშრობად სუფთა ჰაერზე, ან საშრობში 40°С ტემპერატურაზე. გამომშრალი ფესვები ინახება 2 წელი. ვარდკაჭაჭას ნაყენს და ნახარშს აქვს ანტიმიკრობული, სიცხის დამწევი და საფაღარათე მოქმედება, ამაღლებს მადას, ამცირებს ოფლდენას, აუმჯობესებს მომნელებელი ტრაქტის მუშაობას, აჩქარებს მეტაბოლიზმს, ამშვიდებს ნერვულ სისტემას. ფესვების ნახარშს იყენებენ ეგზემის, ბრონქული ასთმის და კოლიტების დროს.

ოქტომბერსა და ნოემბერში ამზადებენ აგრეთვე ბურბუშელას (Taraxacum Officinale), ფურისულას (Primula), ჩვეულებრივ ღოლოს (Rumex crispus), თავსისხლას (Sanguisorba officinalis), მარწყვა-ბალახს (Potentilla reptans), პირველი ყინვების შემდეგ – ფშნის ეკალს (Ononis), რკოს და სხვა მცენარეების ნაყოფებს.

 

392
ზღმარტლი

ზღმარტლი და მისი სასარგებლო თვისებები

1354
(განახლებულია 17:50 23.11.2020)
ზღმარტლი შეიცავს შაქრებსა და თითქმის ყველა ვიტამინს, მინერალურ ნივთიერებებს: კალიუმი, მაგნიუმი, რკინა, იოდი, კალციუმი, ფოსფორი, ნატრიუმი, სელენი, თუთია და ა.შ.

განსაკუთრებით ფასეულია ზღმარტლი იმ ადამიანებისთვის, ვისაც აწუხებს ჰიპერტონია, გულ-სისხლძარღვთა დაავადებები, ასთმა, დიაბეტი. ის ხელს უწყობს თირკმელებიდან კენჭების გამოდევნას, აუმჯობესებს საჭმლის მონელებას, წმენდს ღვიძლსა და სისხლძარღვებს.

ხახვი – ვირუსებთან ბრძოლის საუკეთესო საშუალება>>

ზღმარტლი (Mespilus germanica) ვარდისებრთა ოჯახის წარმომადგენელი ფოთოლმცვენი ეკლიანი ხე ან ბუჩქია. მისი სამშობლოა სამხრეთ-დასავლეთი აზია.

არქეოლოგიური კვლევების შედეგად დგინდება, რომ ზღმარტლის კულტივირება ჯერ კიდევ 3 ათასი წლის წინ დაიწყეს. არსებობს მისი 30-მდე სახეობა, მაგრამ გამოიყენება ძირითადად ორი – ე.წ. გერმანული და იაპონური ზღმარტლი. სახელწოდება გერმანულიდან ეწოდა, რადგან ის პირველად რომაელებმა შეიტანეს ევროპაში, კერძოდ, გერმანიის ტერიტორიაზე. ჩვენთან გავრცელებულია გერმანული ზღმარტლი, რომელსაც ასევე კავკასიური ზღმარტლი ეწოდება.

ზღმარტლის კალორიულობა და შემადგენლობა

ზღმარტლის კალორიულობა 100 გრამ პროდუქტზე დაახლოებით 53 კკალორიაა.

ზღმარტლის კვებითი ღირებულება 100 გრამ პროდუქტში: ცილები – 2,1 გრამი, ცხიმები – 0,8 გრამი, ნახშიწყლები – 17,3 გრამი.

ნაყოფი შეიცავს შაქრებსა და თითქმის ყველა ვიტამინს – С, А, В1, В2, В3, В6, В9, ლიმონისა და ვაშლის მჟავას, მთრიმლავ და არომატულ ნივთიერებებს, პექტინებს, ლორწოს, ფიტონციდებს. მინერალურ ნივთიერებებს: კალიუმი, მაგნიუმი, რკინა, იოდი, კალციუმი, ფოსფორი, ნატრიუმი, სელენი, თუთია და სხვა.

კომში და მისი სასარგებლო თვისებები>>

ქერქი, ფოთლები და მკვახე ნაყოფი შეიცავს მთრიმლავ ნივთიერებებს.

ზღმარტლის სასარგებლო თვისებები

ხალხურ მედიცინაში გამოიყენება ფოთოლი, ნაყოფი და თესლის ნახარში კუჭ-ნაწლავის ანთებისა და საშარდე ბუშტის კენჭოვანი დაავადებებისას.

ლიმონი და მისი სასარგებლო თვისებები>>

გასაკუთრებით ფასეულია ზღმარტლი იმ ადამიანებისთვის, ვისაც აწუხებს ჰიპერტონია, გულ-სისხლძარღვთა დაავადებები, ასთმა, დიაბეტი. ის ხელს უწყობს თირკმელებიდან კენჭების გამოდევნას, აუმჯობესებს საჭმლის მონელებას, წმენდს ღვიძლსა და სისხლძარღვებს, ნაწლავებს. გაითვალისწინეთ, რომ მწიფე ნაყოფი კარგია შეკრულობის დროს, ხოლო მკვახე – ფაღარათისას.

ზღმარტლი აბრკოლებს ინსულტებისა და ინფარქტების, ონკოლოგიური დაავადებების განვითარებას, ამაღლებს იმუნიტეტს. 

ზღმარტლის ნაყოფში ასევე არის მთრიმლავი ნივთიერებები, რომლის წყალობით მას აქვს ჭრილობის შეხორცების, ანთების საწინააღმდეგო მოქმედება და სისხლის აღდგენის უნარი; ნაყოფი ორგანიზმს ეხმარება სისხლის შემადგენლობის გაუმჯობესებაში და პექტინის წყალობით ორგანიზმიდან ქოლესტერინი გამოაქვს. ზღმარტლში არსებული დიდი რაოდენობის მოლეკულური წყალი ხელს უწყობს ტოქსინებისა და შლაკების გამოდევნას.

იოდის, თუთიის, სელენისა და მანგანუმის წყალობით, რომლებიც იმუნიტეტზე არიან პასუხისმგებელი, ზღმარტლი აუმჯობესებს ფარისებრი ჯირკვლის, თირკმელზედა და კუჭქვეშა ჯირკვლების მუშაობას; კალციუმი ამაგრებს ძვლოვან სისტემას და დადებითად მოქმედებს თმისა და ფრჩხილების მდგომარეობაზე. მაგნიუმი კი ნერვული და კუნთოვანი სისტემის ფუნქციონირებას უწყობს ხელს.

A ვიტამინის წყალობით ზღმარტლი დადებითად მოქმედებს თვალის ჯანმრთელობაზე.

განსაკუთრებით სასარგებლოა ზღმარტლის ფოთლები, რადგან ისინი შეიცავს დიდი რაოდენობით ბიოლოგიურად აქტიურ ნივთიერებებს. ეს სასარგებლო ნივთიერებები აძლიერებს ორგანიზმის დამცავ ძალებსა და ეხმარება მას დიაბეტთან ბრძოლაში, პირღებინებისას, დიარეისა და დეპრესიული მდგომარეობის დროს. ფოთლების ნაყენი გამოიყენება ანგინის დროს.

ტყემალი – ბუნების საგანძური ადამიანის ჯანმრთელობისთვის>>

ზღმარტლის დამზადების რეცეპტები:

  • ნაყენის დასამზადებლად აადუღეთ 500 მილიგრამი წყალი და დაუმატეთ 1 სუფრის კოვზი ზღმარტლის მშრალი ფოთოლი. გააჩერეთ თერმოსში 3 საათი, შემდეგ გადაწურეთ. მიიღეთ ჭამამდე 20 წუთით ადრე 50 მილიგრამის ოდენობით. კურსი გრძელდება 2 კვირა, შემდეგ აუცილებელია რამდენიმეთვიანი შესვენება. ნაყენი ორგანიზმს წმენდს მარილებისგან, მძიმე ლითონებისგან, შლაკებისგან.
  • 5 ცალი მსხვილი ზღმარტლის ნაყოფი კარგად გაჭყლიტეთ, კურკები დააქუცმაცეთ და შეურიეთ ფაფისებრ მასას, დაასხით 100 მილიგრამი არაყი და კარგად აურიეთ. ჩაასხით მინის ჭურჭელში და კარგად დაახურეთ ხუფი. გააჩერეთ სამი დღე ცივ და ბნელ ადგილზე. გამზადებული ნაყენი გადაწურეთ და მიიღეთ ჭამის წინ 1 სუფრის კოვზის ოდენობით. ეს ნაყენი ძალზე ეფექტურია გაციების, ქრონიკული ბრონქიტის დროს, აქვს ამოსახველებლი ეფექტი. შესაძლებელია ასთმის სამკურნალოდ გამოყენება.

ზღმარტლის უკუჩვენებები

ზღმარტლის გამოყენება არ შეიძლება კუჭის წვენის გაზრდილი მჟავიანობის, კუჭის ან თორმეტგოჯა ნაწლავის წყლულისა და კუჭქვეშა ჯირკვლის ანთების დროს.

ბროკოლი, ანუ სატაცურა კომბოსტო და მისი სასარგებლო თვისებები>>

ასევე სიფრთხილით უნდა მივცეთ ბავშვებს და გავითვალისწინოთ, რომ ზღმარტლმა, შესაძლოა, ალერგიული რეაქცია გამოიწვიოს. ამავე მიზეზით ასევე ფრთხილად უნდა მიიღოს ზღმარტლი მეძუძურმა დედამ.

1354
თემები:
სასარგებლო რჩევები
ხახვი

ხახვი ვირუსებთან ბრძოლის საუკეთესო საშუალება

1748
(განახლებულია 18:08 09.11.2020)
ხახვი თავისი სასარგებლო თვისებებით ოდითგან არის ცნობილი. ადამიანები მას „ანტიბიოტიკის“ სახით და მიკრობების საწინააღმდეგოდ იყენებდნენ. ყველა დროის მკურნალები ხახვს ვირუსებთან და ინფექციებთან საბრძოლველ უებარ საშუალებად მიიჩნევდნენ.

ხახვი ჩვეულებრივი (Allium cepa L. - ხახვი ჩვეულებრივი) – ორწლოვან და მრავალწლოვან მცენარეთა გვარის წარმომადგენელი. ხახვის რამდენიმე ასეული სახეობა არსებობს და ყველა მათგანი სასარგებლოა ადამიანის ორგანიზმისთვის. ჩვეულებრივ, იზრდება ჩრდილოეთ ნახევარსფეროში. მის სამშობლოდ მიჩნეულია სამხრეთ-დასავლეთი აზია.

ხახვის კალორიულობა, შემადგენლობა, სასარგებლო თვისებები

ხახვის კალორიულობაა 100 გრამ პროდუქტზე 47 კკალორიაა.

ხახვის შემცველობაშია: ანტიოქსიდანტები, ფლავონოიდი კვარცეტინი, რომელიც შლის ცხიმებს და აბრკოლებს კიბოს უჯრედების ზრდას; ფიტონციდები, შაქრები, ორგანული მჟავები და მინერალური ნივთიერებები. სპეციფიკური სუნი და მწარე გემო ეთერზეთის წყალობით აქვს.

ხახვის შემადგენლობაშია ასევე A, В ჯგუფის, PP, C ვიტამინები, ნიკოტინის მჟავა, კაროტინი, სპილენძი, რკინა და თუთია. ეს ყველაფერი ამაღლებს ორგანიზმის ბუნებრივ ბრძოლისუნარიანობას, ზრდის ჰემოგლობინის დონეს. მას განსაკუთრებული მნიშვნელობა ენიჭება ორსულობისა და ძუძუთი კვების დროს.

ხახვის წვენი შეიცავს იოდს, რომელიც აბრკოლებს ისეთი დაავადებების პროგრესს, როგორიცაა იშემია, ათეროსკლეროზი, ინფარქტი და ინსულტი.

შეძენილი დიაბეტის დროს ხახვი წმენდს სისხლს ზედმეტი გლუკოზისგან.

მაღალი არტერიული წნევის რეგულირება სამკურნალო მცენარეებით>>

ვიტამინების გარდა, ხახვში მრავალი სასარგებლო მინერალური ნივთიერება შედის, ასევე მჟავები, მათ შორის, ასკორბინის მჟავა. მისი უკმარისობა შეიძლება გახდეს ანემიის, სურავანდის, გულ-სისხლძარღვთა და ინფექციური დაავადებების მიზეზი. ამიტომ საჭიროა მისი ყოველდღიური მიღება. ფიტონციდები ხახვის შემადგენლობაში ელვისებურად კლავს სხვადასხვა მიკრობსა და სოკოს, ამის წყალობით ის ხელს უწყობს ჭრილობების, ნაკაწრების შეხორცებას.

ხახვის მუდმივი გამოყენება ხელს უწყობს სისხლში ქოლესტერინის დონის შემცირებას ასაკოვან ადამიანებში.

გარდა ამისა, ხახვი აძლიერებს მადას, აგვარებს ნაწლავების ფუნქციონირებას, ამაღლებს ორგანიზმის იმუნიტეტს და ეწინააღმდეგება რესპირატორულ დაავადებებს. ხახვის ცოცხალი წვენი შველის კუჭ-ნაწლავის ტრაქტის მუშაობის დარღვევებს, ებრძვის ათეროსკლეროზს, გაციებასა და ბრონქიტს, ჰიპერტონიასა და სქესობრივ დისფუნქციას.

ხახვს ერთი კარგი თვისება აქვს - საკმარისია მწერის ნაკბენზე წასმა და ტკივილი მალე გაქრება, ხოლო შესიება არსებითად შემცირდება. თუ ნაკბენი ბევრია, მასზე ტამპონში ჩადებული გაჭყლეტილი ახალი მწვანე ხახვის ფაფისებრი მასა უნდა დაიდოთ.

ხახვის სასარგებლო თვისებები სრული მოცულობით ჩნდება მისი ნედლი სახით გამოყენებისას, თერმული დამუშავების შედეგად სასარგებლო თვისებები იკლებს. ხახვს აქვს შარდმდენი მოქმედება, ხელს უწყობს საჭმლის მომნელებელი წვენების გამოყოფას. არის ერთ-ერთი საუკეთესო ბუნებრივი საშუალება ჭიების საწინააღმდეგოდ.

ბროკოლი, ანუ სატაცურა კომბოსტო და მისი სასარგებლო თვისებები>>

ხახვის მიღება არ არის რეკომენდებული

ცოცხალი ხახვის გამოყენება არარეკომენდებულია ჰიპერტონიის, შარდსასქესო ორგანოების კენჭოვანი დაავადებების, გასტრიტისა და წყლულის, ქრონიკული გულძმარვის, ღვიძლის დაავადებების დროს. იშვიათად არის ალერგიული რეაქციებიც ხახვზე. როგორც წესი, თერმულად დამუშავებული ხახვი, პრაქტიკულად, უვნებელია.

ხახვით მკურნალობა - ხალხური რეცეპტები

მყესების დაჭიმვისას: გაასუფთავეთ ხახვი, დაჭერით წვრილად, დაუმატეთ ცოტაოდენი შაქარი და კარგად აურიეთ. წაუსვით მიღებული მასა ქსოვილზე და დაიდეთ მტკივნეულ ადგილზე. შეცვალეთ დღე-ღამეში ერთხელ.

გაჭყლეტილი ხახვის მასა ხელს უწყობს აბსცესების, ფურუნკულების მომწიფებას და იქიდან ჩირქის გამოდევნას. ამისთვის ხახვის ფაფისებური შემთბარი მასა დაიდეთ აბსცესზე (ძირმაგარაზე) და შეიხვიეთ. გამოიცვალეთ დღეში ორჯერ.

ხახვი სურდოს დროს: გახეხეთ სარეცხის საპონი, რომ მიიღოთ ორი სუფრის კოვზი, ასევე ხახვი - ორი სუფრის კოვზი, დაუმატეთ ორ-ორი სუფრის კოვზი სპირტი და რძე. კარგად აურიეთ. მოათავსეთ პატარა ქვაბში და დადგით დიდ ქვაბზე მდუღარე წყლით. ორთქლზე გააჩერეთ დაახლოებით 30 წუთი და შემდეგ გააცივეთ. მასაში ამოავლეთ ბამბის ქულები და მოათავსეთ ცხვირის ნესტოებში.

უაღრესად სასარგებლო კენკრა, რომელიც კოსმონავტებისა და მფრინავების მენიუში შედის>>

ხახვი გამოიყენება ყურის დაცობისას. ამ დროს უნდა აიღოთ ხახვის წვენი - 4 წილი, არაყი - ერთი წილი. კარგად აურიოთ. ჩაიწვეთეთ მიღებული მასა ორი წვეთის ოდენობით დღეში ორჯერ.

თმის ზრდისა და გამაგრებისთვის: აიღეთ 1 წილი კონიაკი, 4 წილი ხახვის გადაწურული წვენი, 6 წილი ოროვანდის ფესვის ნახარში. აურიეთ, შეიზილეთ თმის კანში, შეიხვიეთ თავი პირსახოცით 2 საათის განმავლობაში, შემდეგ დაიბანეთ. შეძლებისდაგვარად გაიმეორეთ ყოველკვირეულად.

ათეროსკლეროზის მკურნალობისა და პროფილაქტიკისთვის: შეურიეთ ერთმანეთში 1 ჭიქა ხახვის წვენი ერთ ჭიქა რძესთან, კარგად აურიეთ. თუ თაფლი ჩაშაქრულია, ოდნავ შეათბეთ წყლის აბაზანაზე. მიიღეთ 1 სუფრის კოვზის ოდენობით დღეში სამჯერ, ჭამამდე ერთი საათით ადრე, ან ჭამიდან 2-3 საათში.

დიაბეტის დროს: 2-3 დაქუცმაცებულ ხახვს დაასხით 2 ჩაის ჭიქა თბილი წყალი, გააჩერეთ 7-8 საათი, გადაწურეთ. ნაყენი მიიღეთ 1 ყავის ჭიქის ოდენობით დღეში სამჯერ, ჭამის წინ.

სტევია – ჯანმრთელი ცხოვრების საწინდარი>>

კოჟრების მოსაცილებლად: ხახვის ქერქი მოათავსეთ ქილაში და დაასხით ძმარი ისე, რომ დაიფაროს მთლიანად. დაახურეთ ქილას სპეციალური ქაღალდი და მოუკარით თავი. დატოვეთ ორი კვირის განმავლობაში ოთახის ტემპერატურაზე. შემდეგ ამოიღეთ ხახვის ფურცელი და შეაშრეთ. დაიდეთ კოჟრზე 2-3 მმ ზომის ხახვის ფურცლების ფენა, გარშემო კანზე კი წაისვით ვაზელინი ან სხვა ცხიმი. შეიხვიეთ ღამით. დილით, ძალის გარეშე, მოიშორეთ კოჟრი. თუ არ მოძვრა, პროცედურა გაიმეორეთ.

ხველებისა და ბრონქიტის დროს: 500 გრამ დაქუცმაცებულ ხახვი, 400 გრამი შაქარი, 50 გრამი თაფლი, 1 ლიტრი წყალი აურიეთ, ნელ ცეცხლზე ადუღეთ 3 საათი. გააცივეთ, გადაწურეთ და გადაასხით ბოთლში. მიიღეთ 1 სუფრის კოვზის ოდენობით დღეში 4-6-ჯერ. შეინახეთ კარგად დახურულ მდგომარეობაში ცივ, ბნელ ადგილზე.

ბავშვებში კბილის ტკივილისას გაჭერით ხახვი შუაზე და დაადეთ ის, თუ კბილი მარცხენა მხარეს სტკივა, მარცხენა იდაყვის, ხოლო თუ მარჯვენა მხარეს - მარჯვენა იდაყვის სახსარში (შიდა მხარეს) გაჭრილი მხრიდან, გადაახვიეთ დოლბანდით. 10-15 წუთში ტკივილი გაქრება. ამის შემდეგ ხახვი იდაყვიდან აიღეთ.

1748
თემები:
სასარგებლო რჩევები
ფეხბურთის ნაკრები

საქართველოს ქალთა საფეხბურთო ნაკრები კიდევ ერთხელ დამარცხდა

0
(განახლებულია 10:50 27.11.2020)
საქართველოს ქალთა საფეხბურთო ნაკრებმა ევროპის ჩემპიონატის შესარჩევ ეტაპზე ცხრა ჩატარებული მატჩში სამი გოლის გაიტანა, 42 კი გაუშვა

 

თბილისი, 27 ნოემბერი - Sputnik. საქართველოს ქალთა საფეხბურთო ნაკრებმა ევროპის 2022 წლის ჩემპიონატის შესარჩევ ეტაპზე მალტას უმასპინძლა და კიდევ ერთხელ დამარცხდა. 

შეხვედრა სტუმართა დიდი უპირატესობით წარიმართა. მატჩის პირველ ნახევარში ზამიტისა და ბუგეჯას გატანილი გოლებით მალტის გუნდმა  ორბურთიანი უპირატესობა მოიპოვა.

მეორე ტაიმი მალტელთა შეტევებით დაიწყო და 58-ე წუთზე ბუგეჯას შესრულებული დუბლის წყალობით საბოლოო ანგარიში, 0-4 დაფიქსირდა. აღსანიშნავია, რომ ქართველ გოგონებს შეხვედრის მიმდინარეობისას რეალური საგოლე მომენტი თითქმის არ შეუქმნიათ.

ლევან ბაჯელიძის გოგონებმა აღნიშნულ ჯგუფში ცხრა მატჩი ჩაატარეს და ყველა წააგეს. საქართველოს ნაკრები შესარჩევი ციკლის B ჯგუფში 0 ქულით ბოლო, მეექვსე პოზიციას იკავებს – მათ ანგარიშზე 42 გაშვებული და სამი გატანილი გოლია.

ქალთა ნაკრები ჯგუფის ბოლო შეხვედრაში, რომელიც 1 დეკემბერს გაიმართება, ბოსნიის ნაკრებს დაუპირისპირდება.

0
თემები:
სპორტის ამბები