პეიზაჟური ბაღი

როგორ გავაშენოთ ბაღი: შევარჩიოთ სტილი

471
(განახლებულია 17:25 04.03.2019)

თამარ ხონელიძე 

471
თემები:
მასტერკლასები დამწყები მებაღეებისა და ფლორისტებისათვის (12)
სამების ტაძრის ვარდების ბაღი

მთვარის კალენდარი მებაღეებისთვის: 2020 წლის ივლისი

510
(განახლებულია 14:55 30.06.2020)
ადამიანებმა ჯერ კიდევ დიდი ხნის წინ შეამჩნიეს მთვარის გავლენა მცენარეების განვითარებაზე. მთვარის ენერგეტიკას შეუძლია დაეხმაროს ან ავნოს მცენარეებს, ამიტომ მნიშვნელოვანია მთვარის ფაზების გათვალისწინება მორწყვის, დათესვისა და გადარგვის დროს.

გაითვალისწინეთ რჩევები და იმოქმედეთ მთვარის კალენდრის მიხედვით.

სწორად შერჩეულ მთვარის ფაზას შეუძლია ხელი შეუწყოს მცენარის ზრდას, იმოქმედოს მის მომავალ ნაყოფზე, ყვავილზე; ხოლო ზოგიერთ დღეს, ჯობს, თავი შეიკავოთ მცენარის დათესვა-დარგვისგან, ფესვების გაფხვიერებისგან. ამან, შესაძლოა, გამოიწვიოს მცენარის დაზიანება, ზრდის შენელება, ლპობა, ენერგეტიკული ბალანსის დარღვევა. ეს ეხება არა მხოლოდ მიწასთან უშუალო მუშაობას, არამედ სხვა სამუშაოებსაც ბაღსა თუ ბოსტანში.

თუ რგავთ მცენარეს, ეს განსაკუთრებით ეხება მრავალწლიან მცენარეებს, ხეებს, ეს მხოლოდ მზარდი მთვარის დროს უნდა გააკეთოთ, სასურველია, სავსემთვარეობის წინ. ახალმთვარეობაზე ამის გაკეთება არ ღირს.

სავსემთვარეობის წინ დარგული მცენარე მაღალი გაიზრდება. ზოგადად, განვითარებისკენ მიმართულ ყველა საქმეს მზარდი მთვარის ენერგეტიკა უხდება. ასეა მცენარეების შემთხვევაშიც.

ზოგადი ცნობები: მთვარის ფაზები მებაღის კალენდარში

ახალმთვარეობა: რეკომენდებულია მავნებლებთან და სარეველასთან ბრძოლა. სწორედ ამ დროს მოიტანს ეფექტს დაავადებული ტოტებისა და გამხმარი რტოების მოშორება ხეებისა და ბუჩქებისთვის, ასევე კარგი დროა ბალახოვანი მცენარეების შეგროვებისთვის. ასევე შეიძლება ბოსტნეულის წანაზარდების მოცილება მათი ზრდის შეჩერების მიზნით, მაგრამ ეს, ჯობს, არა თვითონ ახალმთვარეობის დღეს, არამედ ერთი დღით ადრე ან ერთი დღის შემდეგ გააკეთოთ.

მზარდი მთვარე: როდესაც მთვარე ზრდის ფაზაშია, რეკომენდებულია მუშაობა მცენარეებთან, რომლებიც მიწის ზევით ვითარდებიან, რადგან მათი ბიოველი ფესვებიდან ზევით არის მიმართული. ეს არის თესვის, დარგვის ან გადარგვის პერიოდი. სასარგებლოა ასევე მორწყვა, მინერალური ნივთიერებებით ფესვგარეშე დამუშავება, მიწის განოყიერება.

სავსემთვარეობა: მთვარის კალენდარში იგულისხმება დღე თვითონ სავსემთვარეობამდე, სავსე მთვარის დღე და შემდეგი ერთი დღე. ამ პერიოდში რეკომენდებულია მიწაზე მუშაობა: შეიძლება მცენარეების ფესვების მიწით შეფუთვა, ნიადაგის გაფხვიერება, სარეველისგან გათავისუფლება. ეფექტური იქნება ასევე მავნებლებთან – მწერებთან და მღრღნელებთან ბრძოლა. კარგი პერიოდია თესლისა და ფესვების შესაგროვებლად. არახელსაყრელია ამ დროს მცენარეების შეწამვლა, გასხვლა, ბოსტნეული კულტურებისთვის ნამხრევების მოცილება.

კლებადი მთვარე: კლებადი მთვარის დროს მცენარის მიწისზედა ნაწილი ნაკლებად მგრძნობიარეა მანიპულაციებისადმი, ამიტომ სასურველია ბოლქვიანი და პარკოსანი კულტურების დარგვა. ასევე კარგი დროა ბოლქვიანების ამოღებისა და მოსავლის აღებისთვის. კარგად მოქმედებს ფესვების კვება და გასხვლა ფორმის მისაცემად.

მთვარე ზოდიაქოს თანავარსკვლავედში

ასევე არანაკლებ მნიშვნელოვანია მთვარის მდებარეობა ზოდიაქოს ნიშანში. ზოდიაქოს ყველაზე ნაყოფიერი წყლის ნიშნებია: კირჩხიბი, მორიელი და თევზები. პირველი ორი ხელსაყრელია დათესვის, გრუნტში გადარგვისა და დამყნობისთვის, ხოლო თევზები - იმ მცენარეებისთვის, რომლებიც ფესვების სისტემის განვითარებას საჭიროებენ. საკმაოდ კარგია კურო და თხის რქის ნიშნები. ისინი კარგად ესადაგებიან ბოლქვიან და ფოთლოვან კულტურებს. სასწორი დადებითად მოქმედებს სიმინდის, კომბოსტოსა და ფესვიან კულტურებზე.

უდაბნოს ვარდი - ადენიუმი>>

ნაკლებად ნაყოფიერი არიან ვერძისა და მშვილდოსნის ნიშნები. ისინი მხოლოდ მწარე ბოსტნეულს მიესადაგებიან - ხახვსა და ნიორს. ტყუპები და მერწყული კარგი ნიშნებია მცენარეების მოვლისთვის, ხოლო ქალწული და ლომი ყველაზე უნაყოფო ნიშნებად მიიჩნევა მთვარის კალენდარში. როდესაც მთვარე ამ ნიშნებში იმყოფება, ალბათობა მცენარეების ხელსაყრელი დარგვისთვის მაქსიმალურად დაბალია. მაგრამ ამ დროს შეიძლება მავნებლებთან და სარეველასთან ბრძოლა.

მებაღის კალენდარი 2020 წლის ივლისში

ივლისში მოსავლის აღება იწყება, მაგრამ ამით საზრუნავი არ იკლებს – მაინც საჭიროა გაფხვიერება, მორწყვა, დამუშავება, გასხვლა და ა.შ.

ივლისში, პირველ რიგში, საჭიროა გაფხვიერება. ეს იმისთვის კეთდება, რომ ფესვებს მეტი ჟანგბადი მიეწოდოს. ასევე შეიძლება სარეველებისგან გათავისუფლება. ამის შემდეგ მიეცით სასუქი და მორწყეთ.

არ უნდა დაივიწყოთ მავნებლებთან ბრძოლა. ასევე კენკროვნების მოსავლის აღების შემდეგ სასუქი მიეცით ბუჩქებს და მორწყეთ. ყურადღება მიაქციეთ ვაშლის, ქლიავისა და მსხლის ხეებს – ტოტებს, რომლებსაც ბევრი ასხია, საბჯენები შეუყენეთ, რომ არ მოტყდეს სიმძიმისგან.

მთვარის ფაზები ივლისში: 1-4, 21-31 ივლისი – მზარდი მთვარე; 6-19 ივლისი – კლებადი მთვარე.

ხელსაყრელი დღეები მუშაობისთვის ივლისში

ყველაზე ხელსაყრელი დღეები ბაღ-ბოსტანში მუშაობისთვის არის 1-3, 22-26 და 28-31 ივლისი. ამ დღეებში განსაკუთრებით სასარგებლო იქნება მორწყვა, სასუქის მიცემა, დაავადებებისგან შეწამვლა.

არახელსაყრელი დღეებია 4-6, 13, 19-21 და 27 ივლისი. ამ დღეებში რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

  • 2-4 ივლისი: შეიძლება თესლის აღება, ხახვის, მწვანილეულის, ნივრის, სალათების დარგვა, თივის დამზადება. არ ღირს გასხვლა, გამხმარი რტოებისა და ფოთლების მოცილება, მცენარის ფესვებთან მუშაობა
  • 6-12 ივლისი: არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.
  • 13 ივლისი: შეიძლება ყველაფერი, გარდა იმ მცენარეების დარგვისა და დათესვისა, რომლებიც დიდი ხნით შენახვისთვისა და თესლის აღებისთვისაა განკუთვნილი. ასევე არ შეიძლება ამონაყრის გამოცალკევება, გადარგვა და პიკირება.
  • 14-19 ივლისი: უნდა შეზღუდოთ ნიადაგის დანესტიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.
  • 21-26 ივლისი: შეიძლება ნებისმიერი სამუშაოების ჩატარება. ნაკლებად სასურველია ხეების გასხვლა და პიკირება. თუმცა, გასხვლის შემთხვევაში შეიძლება მალე ამოიყაროს ახალი ყლორტები, მაგრამ არის საფრთხე - მცენარემ შეიძლება ბევრი წვენი დაკარგოს და დაიღუპოს.
  • 27 ივლისი: ამ დღეს დათესვისა და დარგვის შემთხვევაში მცენარე სწრაფად გაიზრდება და ექნება მყარი ღერო, ასევე მძლავრი და ჯანმრთელი ფესვი. არ ღირს კარტოფილის ამოღება.
  • 29-31 ივლისი: ბევრი რამის გაკეთება შეიძლება ბაღში, მაგრამ ჯობს უარი თქვათ გასხვლაზე.
მუშაობა არ შეიძლება 5 ივლისს - არის სავსემთვარეობა და 20 ივლისს - ახალმთვარეობა.

ივლისის დანარჩენი დღეები ნეიტრალური იქნება.

თვე - ივლისი, რიცხვი მთვარე ზოდიაქოს ნიშანში
1 მორიელი
2, 3 მშვილდოსანი
4, 5, 6 თხის რქა
7, 8 მერწყული
9, 10 თევზები
11, 12, 13 ვერძი
14, 15 კურო
16, 17, 18 ტყუპი
19, 20 კირჩხიბი
21, 22 ლომი
23, 24 ქალწული
25, 26 სასწორი
27, 28 მორიელი
29, 30, 31 მშვილდოსანი
510
ქინოა

იდეალური ქინოა ჯანმრთელობის საწინდარი

356
(განახლებულია 16:34 29.06.2020)
რომელი ბურღულეულია ყველაზე კარგი? ამაზე პასუხი 1990-იან წლებში NASA-ს მეცნიერებმა გასცეს. ექსპერტები იდეალურ ბურღულეულს ეძებდნენ, რათა ის ასტრონავტებთან ერთად გაეგზავნათ კოსმოსში. და მათ ქინოა შეარჩიეს. ეს პროდუქტი იდეალურთან ყველაზე ახლოსაა.

ქინოა (კინოა) – ფსევდომარცვლოვანი კულტურა, რომელიც წიწიბურას წააგავს. მისი სამშობლოა სამხრეთ ამერიკა. ქინოა შეიძლება იყოს შავი, ჩალისფერი, წითელი და იისფერიც კი. ის არა მარცვალი, არამედ ყვავილის თესლია, ამიტომ არ შეიცავს გლუტენს.

ქინოა
ქინოა

აქედან გამომდინარე, ის შეუცვლელი პროდუქცია იმ ადამიანებისთვის, რომლებსაც გლუტენის აუტანლობა აქვთ, ასევე ვეგეტარიანელებისთვის, შაქრიანი დიაბეტის, გულ-სისხლძარღვთა სისტემის დაავადებებისა და ჭარბი წონის მქონე ადამიანებისთვის.

ქინოა (quinoa) ამარანტის ოჯახის ფსევდომარცვლოვანი კულტურაა, რომელიც ინკებისთვის, სიმინდთან და ჩიასთან ერთად, კვების ძირითად პროდუქტს წარმოადგენდა და წმინდა, კურთხეულ მცენარედ მიიჩნეოდა. ახლა ქინოა მსოფლიოს ბევრ ქვეყანაში მოჰყავთ.

ქინოა რთული ნახშირწყლების მაგალითია, რომელიც ხელს უწყობს წონის შენარჩუნებას და, დიეტის დაცვის შემთხვევაში – გახდომას.

კაკაო და მისი სასარგებლო თვისებები>>

ქინოას შემადგენლობა, კალორიულობა და სასარგებლო თვისებები

ქინოას კალორიულობაა 100 გრამ პროდუქტზე 360–370 კკალორიაა მშრალ პროდუქტში, ხოლო ფაფის სახით – დაახლოებით 300 კკალორია.

100 გრამი მშრალი ქინოა შეიცავს მანგანუმის დღიური ნორმის 102%-ს, მაგნიუმის 49%-ს, ფოსფორის 46%-ს, სპილენძის 30%-ს, რკინის 25%-ს, თუთიის 21%-ს, კალიუმის 16%-ს, სელენის 12%-ს.

ქინოა მცენარეული წარმოშობის რკინით მდიდარ პროდუქტებს განეკუთვნება, რკინის ნაკლებობა კი ცნობილია, რომ ამცირებს სისხლში ჰემოგლობინის დონეს და ასევე სხეულის უნარს, გამოდევნოს ორგანიზმიდან ტოქსინები.

ქინოას რეგულარული გამოყენება არეგულირებს ნივთიერებათა ცვლას, კერძოდ, აუმჯობესებს ქოლესტერინის გამოყენების მექანიზმებს, რაც გულ-სისხლძარღვთა სისტემის ჯანმრთელობისთვის სასარგებლოა.

ქინოას შემადგენლობაშია ანტიოქსიდანტები და ფიტონუტრიენტები, რომლებიც აბრკოლებენ კიბოს უჯრედების ზრდას. წითელი ქინოას მთავარი ანტიოქსიდანტია ფლავონოიდი კვერციტინი, რომელიც რეგულარული გამოყენების დროს ქინოას სასარგებლო მოქმედებას აძლიერებს. ის ასევე სასარგებლოა, როგორც ანთების საწინააღმდეგო, ანტიალერგიული, ტკივილგამაყუჩებელი და დამამშვიდებელი საშუალება.

ერთ–ერთი უსაყვარლესი საკვები საქართველოში და მისი სასარგებლო თვისებები>>

ქინოა მდიდარი კვებითი პროფილით გამოირჩევა, რადგან მოხარშვის დროს სასარგებლო ელემენტებს არ კარგავს. ქინოას სასარგებლო თვისებაა ის, რომ მისი ამინომჟავების შემადგენლობა, ხორბლისა და ბრინჯისგან განსხვავებით, სრულია, გარდა ამისა, არის დაბალკალორიული, ზომიერი გლიკემიური ინდექსით, შეიცავს ბევრ ცილას, უჯრედისსა და რიგ მიკრომინერალებს, ნატურალურ ანტიოქსიდანტებს.

ქინოას შემადგენლობაშია ცხიმოვანი მჟავები ომეგა–3.

ქინოა გამოირჩევა დაბალი გლიკემიური ინდექსით. ის არეგულირებს შაქრის დონეს სისხლში, აბრკოლებს შიმშილის მძაფრი გრძნობის გაჩენას, ამიტომ ის, ზომიერი რაოდენობით, შედის დიაბეტურ დიეტებში.

როგორ მოვამზადოთ ქინოა

ქინოასგან მრავალი გემრიელი კერძი მზადდება, ის გამოიყენება ფაფის, გარნირის სახით, სალათებში და სხვ.

ქინოა
© CC0 / Pixabay
ქინოა

ქინოას მომზადება ძალზე მარტივია. 1 ჭიქა პროდუქტის მოსამზადებლად აადუღეთ 2 ჭიქა წყალი, დაამატეთ ცოტა მარილი, შემდეგ ჩაყარეთ მასში გარეცხილი ქინოა. რომ წამოდუღდება, დაბალ ცეცხლზე ადუღეთ დაახლოებით 15 წუთი. შემდეგ გადმოდგით, დაახურეთ ხუფი და გააჩერეთ კიდევ 3–5 წუთი. ამგვარად დამზადებული ქინოას გამოყენება შეგიძლია სალათებში, გარნირად, ან როგორც ფაფა – დაამატეთ მას, მაგალითად, ყველი, ცხიმი და მიირთვით.

ყველასთვის საყვარელი და პოპულარული პროდუქტი – რა უნდა ვიცოდეთ კარტოფილის შესახებ>>

რეკომენდაციები ქინოას მიღების დროს:

ქინოას მიღებისას არსებითი აკრძალვები არ არის, თუმცა არის რეკომენდაციები, მაგალითად, ფრთხილად უნდა მიიღონ პროდუქტი ძუძუთი კვების დროს დედებმა, არასასურველია პატარა ბავშვებისთვის მისი მიღება, რადგან ამას შეიძლება ალერგიული რეაქცია მოჰყვეს.

356
თემები:
სასარგებლო რჩევები
თბილისის აეროპორტი

ცარიელი აეროპორტი და ტუროპერატორები, რომლებიც ქვეყნის დატოვებას არ გირჩევენ

0
(განახლებულია 10:56 05.07.2020)
იტალია, საფრანგეთი, გერმანია, ესპანეთი... ევროპის ქვეყნები  საქართველოს მოქალაქეებისთვის ქვეყანაში შესვლაზე დაწესებულ შეზღუდვებს აუქმებენ.  თუმცა, როგორი დასვენება გამოვა, რის ფასად მიიღებენ პრივილეგიას ქართველები, ამის გარკვევას Sputnik-ი შეეცადა.

ნათია ქვარცხავა

აეროპორტის გზა არასდროს ყოფილა ასეთი დაცარიელებული. ალბათ, ბევრი სიმწრისგან ფრჩხილებს იკვნეტს და თვიდან ვერ იშორებს ფიქრებს: „ახლა აქ კი არ უნდა ვიჯდე, პორტუგალიის პლაჟზე უნდა ვსვამდე კოქტეილს!“ დამიჯერეთ, შესანიშნავად მესმის თქვენი, მეც თქვენსავით იმედგაცრუებული ვარ წლევანდელი ზაფხულით.

მიუხედავად იმისა, რომ COVID-19-მა ყველას გეგმები ჩაუშალა, აეროპორტში მაინც წავალ. ალბათ, გაგიკვირდებათ და გაიფიქრებთ: „როგორც ჩანს, მაზოხიზმი ზოგიერთს სიამოვნებას ანიჭებს“. მაგრამ არა, უბრალოდ ცნობისმოყვარეობის გამო წავალ.

აეროპორტის გზაზე

აეროპორტის გზაზე თავს ბავშვივით ვგრძნობ, რომელსაც საყვარელი ნუგბარი უნდა მისცენ, მაგრამ ბოლო მომენტში ირკვევა, რომ ვერაფერსაც ვერ მიიღებს, ხოლო რა მიზეზით - ამას უკვე მნიშვნელობა აღარ აქვს. მეც ასე ვარ. თითქოს აეროპორტში მივდივარ, მაგრამ რისთვის, თუ თვითმფრინავში არ ჩავჯდები და ულამაზესი ადგილებისკენ არ გავფრინდები? კითხვა, რასაკვირველია, რიტორიკულია. 

Опустевший международный аэропорт Тбилиси
© Sputnik / Natia Kvartskhava.
თბილისის საერთაშორისო აეროპორტი

აეროპორტთან მიახლოებისას მაშინვე ვამჩნევ, რომ ირგვლივ სიცარიელეა. თუ ადრე აქ მანქანის გაჩერება მთელი თავგადასავალი იყო (ადგილის მოძებნას ნახევარი საათი მაინც სჭირდებოდა), ახლა მძღოლმა მანქანა პრაქტიკულად სამ წუთში დააყენა.

 „აქ სიცარიელეა, თითქოს აპოკალიფსია“, - ამბობს ის.

მართლაც, ირგვლივ კაციშვილის ჭაჭანება არ არის. აქა-იქ კანტიკუნტად გაიელვებს ვიღაც. სამედიცინო პირბადეს ვიკეთებ (თუმცა, შემეძლო ეს არც გამეკეთებინა, რადგან შენობაში არავინაა) და ვცდილობ სალაროში ვინმეს პოვნას, რათა ვკითხო, არიან თუ არა ისეთი გაბედული ადამიანები, რომლებსაც ბილეთის შეძენა უნდათ. 

Опустевший международный аэропорт Тбилиси
© Sputnik / Natia Kvartskhava.
თბილისის საერთაშორისო აეროპორტი

დაცვის წარმომადგენელი მეუბნება, რომ არავინ არ მუშაობს, ყველა სალარო ცარიელია. გული დამწყდა, გამოდის, რომ ტყუილუბრალოდ მოვედი. აეროპორტის ცარიელი დარბაზის ჰორიზონტზე ორ გოგონას ვამჩნევ. 

Опустевший международный аэропорт Тбилиси
© Sputnik / Natia Kvartskhava.
თბილისის საერთაშორისო აეროპორტი

„უკაცრავად, სადმე მიფრინავთ?“ - ვეკითხები. გოგონები მიყურებენ და ირონიულად იღიმიან - რა გაფრენა, რის გაფრენა?!

„არა, აქ ვმუშაობთ, უბრალოდ ვიღაცას ველოდებით“, - ამბობს ერთი ღიმილით.

„არ გვიშვებენ"

ბოლოს ბედმა მაინც გამიღიმა და აეროპორტის გასასვლელთან, სადაც ადრე ჩამოსულ მგზავრებს ეგებებოდნენ, შევხვდი სასიამოვნო ქალბატონს, რომელიც აშკარად ვიღაცას ელოდა. ასეც აღმოჩნდა. იგი ელოდა მეუღლეს, რომელიც ისრაელიდან სახლში ბრუნდებოდა. 

Опустевший международный аэропорт Тбилиси
© Sputnik / Natia Kvartskhava.
თბილისის საერთაშორისო აეროპორტი

 „აეროპორტში არავის არ უშვებენ. პოლიციელები ამბობენ, რომ არ შეიძლება, რადგან იქ არიან მგზავრები, რომლებიც კარანტინში უნდა გაგზავნონ. ჩემი მეუღლე ჯერ ისრაელში იყო ორკვირიან კარანტინში, ახლა კი აქაც მოუწევს“, - ამბობს იგი.

მოგვიანებით ტელეფონზე ურეკავენ, ალბათ, მეუღლეა. ეუბნება, რომ უკვე ჩამოვიდა, მაგრამ უკანა გასასვლელიდან გაჰყავთ და მაშინვე ავტობუსში სვამენ. 

Опустевший международный аэропорт Тбилиси
© Sputnik / Natia Kvartskhava.
თბილისის საერთაშორისო აეროპორტი

 „გამოდის, ვერ შევხვდები და ტყუილუბრალოდ ჩამოვედი“, - ამბობს ქალი სინანულით და დასძენს, რომ კიდევ ორი კვირა მოუწევს ლოდინი, ვიდრე მეუღლეს შეხვდება.

დავამშვიდე და ვუთხარი, რომ კარანტინში კარგი პირობებია და მისმა მეუღლემ იქ შეიძლება კარგადაც დაისვენოს.

 „ვმუშაობთ ენთუზიაზმზე“

ქალაქის გზაზე გადავწყვიტე შემევლო ტუროპერატორებთან, რომლებიც ბილეთებს ყიდიან. ვიცი, რომ ამით ჭრილობაზე მარილს ვაყრი, მაგრამ კითხვა მაინც ღირს.

ტურისტული კომპანიის დირექტორი ავთანდილ ჭოლოკავა სიამოვნებით დამთანხმდა ინტერვიუზე. კლიენტები არ არიან, თავისუფალი დროც მეტია. ჰოდა რატომაც არა?! როგორც კი დავაპირე კითხვის დასმა იმაზე, ხშირად ჯავშნიან თუ არა ქართველები ბილეთებს სადმე გამგზავრების იმედით, ოთახში ქალმა შემოიხედა. „ალბათ კლიენტია, რა კარგია!“ - გავიფიქრე.

„აქ ფოტოს აღარ იღებენ?“ - კითხულობს ქალი, დირექტორი კი უარის ნიშნად თავს აქნევს.

 „ბილეთებს ყიდულობენ ან უცხოელები, რათა სამშობლოში დაბრუნდნენ, ან ქართველები - ნათესავებისთვის, რათა ისინი საზღვარგარეთიდან დააბრუნონ, - მიყვება მშვიდად ავთანდილი. - მოგვმართავენ, რათა მათი გამომგზავრება ჩვენს ჩარტერულ რეისებს დავამთხვიოთ. ამით შემოიფარგლება ჩვენი საქმიანობა. მაგრამ ამას გაყიდვას და მოგებას ვერ დავარქმევთ. იმდენად უმნიშვნელოა, რომ დენის გადასახადსაც არ ჰყოფნის. თუ დღეში ერთ-ორ ბილეთს გავყიდით, გვიხარია. ახლა უბრალოდ ენთუზიაზმზე ვმუშაობთ იმ იმედით, რომ ოდესმე ყველაფერი შეიცვლება“. 

დირექტორის სიტყვებით, ის დარწმუნებული იყო, რომ რეგულარული კომერციული რეისები ივლისში არ იქნებოდა დაშვებული, და ამბობს, რომ ეს არამიზანშეწონილი იქნებოდა კორონავირუსის მოსალოდნელი მეორე ტალღის გათვალისწინებით. ჩემთვის მომგებიანი იქნებოდა, მაგრამ სასწორზე ადამიანების სიცოცხლე დევს, ხაზს უსვამს იგი.

„არიან ისეთებიც, ვინც ბილეთს ჯავშნის, მაგრამ ჩვენ მათ ვუხსნით, რომ არ ვიცით, შესრულდება თუ არა რეისი 1 აგვისტოს. არიან კომპანიები, რომლებიც სისტემაში სხედან და ბილეთებს ყიდიან. მაგრამ ჩვენ მოცდას ვურჩევთ“, - ამბობს ავთანდილ ჭოლოკავა.

დამეთანხმებით, უცნაურია, როდესაც ტურისტული კომპანიის დირექტორი მოქალაქეებს ურჩევს, არ დაჯავშნონ ბილეთები.

როგორ უნდა მოიქცეთ, რომ სადმე გაფრინდეთ?

დავუკავშირდი ტურაგენტ ეკა კარაპეტიანს იმის გასაგებად, რა პროცედურების გავლაა აუცილებელი საზღვარგარეთ გასამგზავრებლად.

როგორც აღმოჩნდა, ამ მომენტისთვის, ვიდრე ავიარეისები არ განახლდება, მკაფიო და ოფიციალური მოთხოვნები ჯერ არ გამოცხადებულა.  

 „გამიჭირდება იმის თქმა, რა პროცედურების გავლაა საჭირო, რა ცნობებია აუცილებელი, ვინაიდან არ არსებობს ოფიციალური დოკუმენტი, - ამბობს კარაპეტიანი.  - ყველა ქვეყანას თავისი კანონები აქვს, მაგრამ, როგორც ახლა ამბობენ, კონკრეტული წესი ქვეყანაში ჩასვლისას 14-დღიანი კარანტინის თაობაზე არ არის. ევროპა ამ მხრივ ბევრად ლოიალური და ღიაა. ამიტომ ახლა ჩვენ ველოდებით წესებს, რათა მომავალში ისინი კლიენტებს გავაცნოთ“.

ერთადერთი ოფიციალური ინფორმაცია, ოპერატორის თქმით, რომელიც ამ მომენტისთვის არსებობს, ეხება საქართველოში ჩამოსვლის მსურველებს. მათ გამოფრენამდე 72 საათით ადრე უნდა გაიკეთონ ტესტი კორონავირუსზე და წარმოადგინონ ცნობა. მსგავსი „კოვიდ-პასპორტების“ წარდგენა, ალბათ, სხვა ქვეყნებშიც იქნება საჭირო. 

მაშ ასე - ძვირფასო მოგზაურებო, მოამზადეთ  სქელი ქისები და რკინის ნერვები, თუ მაინც გსურთ გარისკოთ ქვეყნის ფარგლებს გარეთ გამგზავრება. თუ არადა - დარჩით სახლში და განავითარეთ ადგილობრივი ტურიზმი. როგორც ამბობენ - Spend your summer in Georgia!

0