სერგეი ლავროვი

სერგეი ლავროვი: არამეგობრული სახელმწიფოების სიაში ქვეყნებს განურჩევლად არ შევიყვანთ

1185
(განახლებულია 15:46 28.04.2021)
რუსეთის საგარეო საქმეთ მინისტრმა დმიტრი კისელიოვს ინტერვიუ მისცა, რომელშიც ისაუბრა: ვინ შევა არამეგობრული ქვეყნების ჩამონათვალში, როდის იქნება დოკუმენტი მზად, იქნება თუ არა ომი დონბასში, კიევთან რა საკითხების განსახილველად არიან მოსკოვში მზად.

გარდა ამისა, ლავროვმა ასევე გააკეთა კომენტარი ჩეხეთთან ურტიერთობებზე, პეტროვისა და ბოშიროვის მიმართ ახალ ბრალდებებზე, შეეხო რუსული კოვიდ−ვაქცინის გავრცელების თემას, რუსეთის შესაძლო უარს დასავლურ საგადასახადო სისტემებზე და დოლარზე დამოკიდებულებისგან ჩამოშორებას.

— ზუსტად იცით, ვინ შევა არამეგობრული სახელმწიფოების სიაში?  

— ახლა ამით მთავრობაა დაკავებული პრეზიდენტის დავალებით. ამ საქმეში ჩვენც ვმონაწილეობთ და სხცა შესაბამისი უწყებებიც. მაგრამ წინასწარ რამის თქმისგან თავს შევიკავებდი: ჩვენ არ გვინდა, რომ ამ სიაში განურჩევლად შევიყვანოთ ნებისმიერი ქვეყანა, რომელიც სადღაც რაღაცას იტყვის რუსეთზე. ჩვენ, რაღა თქმა უნდა, დავეყრდნობით ვითარების ღრმა ანალიზსა და განვსაზღვრავთ, არის თუ არა შესაძლებელი ამა თუ იმ ქვეყანასთან საქმის სხვა სახით წარმოება. თუ მივალთ დასკვნამდე, რომ სხვაგვარად არ გამოდის, ვფიქრობ ეს სია პერიოდულად შეივსება. მაგრამ ეს „მკვდარი“ ფურცელი არ არის. ის პერიოდულად გადაიხედება იმის კვალდაკვალ, როგორ განვითარდება ჩვენი ურტიერთობები შესაბამის სახელმწიფოსთან მომავალში.

— როდის იქნება შესაძლებელი მისი წაკითხვა?

— ვფიქრობ, მალე. მთავრობას აქვს კონკრეტული დავალებები, გასაგები კრიტერიუმები, რომლებითაც ვხელმძღვანელობთ ამ სამუშაოში. ასე რომ, ვფიქრობ დი ხანს ლოდინი არ მოგვიწევს. — არ

— არამეგობრულ სახელმწიფოებს აეკრძალებათ თუ არა ადგილობრივი პერსონალის დაქირავება?

— დიახ, ნებისმიერი ფიზიკური პირისა —  ადგილობრივისა თუ უცხოელისა.

— ეს ერთადერთი ზომა იქნება არამეგობრული სახელმწიფოების მიმართ?

—  ამ ეტაპზე ამ ბრძანებულების მიზნებისთვის, რომელსაც ხელი პრეზიდენტმა პუტინმა მოაწერა, ეს აღნიშნული ღონისძიების კონკრეტული მიზანია.  

— დონბასში დაძაბულობა წლის დასაწყისიდან იზრდებოდა . მას შემდეგ, რაც ბაიდენმა პუტინს დაურეკა, თითქოს დაძაბულობა გაიწოვა. ჩემი შეფასებით, აშშ−ის მიერ უკრაინისთვის გაცემული გარანტიები ბლეფი აღმოჩნდა. მაგრამ სროლები არ წყდება და იქმნება  შთაბეჭდილება, რომ მშვიდობა ომისგან არც ისე ძალიან განსხვავდება. დონბასში უკვე ნახევარ მილიონზე მეტი რუსული პასპორტია გაცემული. იქნება ომი?

— თუ ეს ჩვენზეა დამოკიდებული და ამბოხებულებზე, რამდენადაც ჩვენ გვესმის მათი პრინციპული მიდგომები, ომი შსაძლებელია და საჭიროა თავიდან ავიცილოთ. უკრაინის, ზელენსკის ნაცვლად მე ვერ ვილაპარაკებ, იმიტომ რომ გარე ნიშნებით მისთვის მთავარი — ეს ხელისუფლების შენარჩუნებაა და მზადაა, ამისთვის ნებისმიერი ფასი გადაიხადოს — ნეონაცისტებისა და ულტრარადიკალების წაქეზების ჩათვლით, რომლებიც დონბასელ მოლაშქრეებს ტერორისტებად აცხადებენ. დაე, ასე ჩათვალონ, უბრალოდ გადახედონ ჩვენმა დასავლელმა კოლეგეგებმა მოვლენებს 2014 წლის თებერვლიდან. ამ რაიონებიდან არცერთი არ დასხმია თავს უკრაინას. ისინი ტერორისტებად  გამოაცხადეს, ჯერ ანტიტეროსიტული ოპერაცია წამოიწყეს, შემდეგ რაღაც გაერთიანებული ძალების ოპერაცია. მაგრამ მათ კიევის რეჟიმის წარმომადგენლებთან ომის არანაირი სურვილი არ აქვთ, ჩვენ ეს მყარად ვიცით. მე ბევრჯერ ვესაუბრე დასავლელ კოლეგებს, რომლებიც აბ სოლუტურად მიკერძოებულად აფასებენ მომხდარს. ვეუბნებოდი, რომ არსებობს ობიექტური სურათი, რომელსაც რეგულარულად აჩვენებენ ჩვენი ჟურნალისტები, სამხედრო კორესპონდენტები, რომლებიც იქ პრაქტიკულად განწყვეტლივ მუშაობენ.

— სანგრებში.

— დიახ, სანგრებში. ისინი ყოველდღიურად აკეთებენ რეპორტაჟებს, რომლებიც გვაძლევს შესაძლებლობას, ვიმსჯელოთ, როგორ გრძნობს თავს ამ ტერიტორიების მოსახლეობა. ტერიტორიისა, რომელიც ეკონომიკური ბლოკადით არიან მოწყვეტილი დანარჩენ უკრაინას, სადაც რეგულარულად იღუპებიან ბავშვები, ინგრევა ინფრასტრუქტურა, სკოლები, საბავშვო ბაღები. მე დავინტერესდი, რატომ არ ააქტიურებენ საკუთარ მედიასაშუალებებს შეხების ხაზის მარცხენა მხარეს, რათა გასაგები იყოს, რა ზარალია მიყენებული. ეუთომ ორიოდე წლის უკან, ჩვენი მრავალთვიანი მოთხოვნის შემდეგ,   ბოლოს და ბოლოს, გამოაქვეყნა არა უბრალოდ მოხსენება იმის შესახებ, რამდენი ადამიანი დაიღუპა , რამდენი დაიჭრა, არამედ მოხსენება, რომელიც წარმოაჩენდა, რამდენი სამოქალაქო ობიექტი და მშვიდობიანი მოქალაქე დაზარალდა ამბოხებულთა ტერიტორიაზე და რამდენი — კიევის მიერ კონტროლირებად ტერიტორიაზე.

აღმოჩნდა, რომ ეს სტატისტიკა კიევის სასარგებლო არ არის. ის ადასტურებს, რომ უმეტეს შემთხვევაში კიევი იწყებს  შეტევებს სამოქალაქო ობიექტებზე, ხოლო ამბოხებულები იმ წერტილებს ესვრიან, საიდანაც ცეცხლი იხსნება. მას შემდეგ ვცდილობთ, რომ ასეთი მოხსენებები რეგულარული გავხადოთ. სპეციალური სადამკვირვებლო მისიისა და თავად ეუთოს ხელმძღვანელობაც თავს რაღაცნაირად უხერხულად გრძნობენ ამ საკითხში და ყველანაირად ცდილობენ, თვაიდან აირიდონ ასეთი მონაცემების გამოქვეყნება.

თუ ბოლო მოვლენებზე ვისაუბრეთ, როდესაც ჩვენ ღიად გამოვაცხადეთ, რომ სამხრეთ და დასავ;ეთ სამხედრო ოლქებში სწავლებებს ვატარებთ და საკუთარ ტერიტორიაზე ორკვირიანი ღონისძიება ჩავატარეთ, ხომ გახსოვთ, როგორი ყვირილი ატყდა, რუსეთს ჯარები გადაჰყავს უკრაინის საზღვარზეო. თავად ტერმინოლოგია: ჩვენ ვამბობთ სამხრეთ და დასავლეთ ოლქებს, ისინი ამბობენ, რუსეთი საჯარისო ნა წილებს ათავსებს უკრაინასთან საზღვარზეო. მერე კი, როდესაც სწავლებები დამთავრდა და ამის შესახებ გამოვაცხადეთ, დასავლეთიდან გახარებული შეძახილები გაისმა, რუსეთმა უკან დაიხიაო. ეს სხვა არაფერია, თუ არა სასურველის სინამდვილედ გასაღება.

სხვათა  შორის, დაახლოებით იგივე ხდება „დიდ შვიდიანთან“ მიმართებაშიც, როდესაც ისინი ყოველი შეხვედრისას გვეუბნებიან, რუსეთს „შვიდიანში“ აღარ დავაბრუნებთო. ღმერთო ჩემო, ჩვენ ხომ მრავალჯერ ვთქვით, რომ ჩვენ იქ აღარასდროს შევალთ, „რვიანი“ აღარასდროს იქნება. ეს გუშინდელი დღეა.

ამ თუ იმ თემის წამოწევა, რომ რუსეთი დანებდა და ჯარები ყაზარმებში დააბრუნა, რაღა თქმა უნდა, აჩვენებს, რომ დასავლეთა აქედან საკუთარი უპირატესობის წარმოჩენა  სურს.

მაგრამ უკრაინის დარეგულერების თემა პუტინმა და მერკელთანაც  განიხილა და ამ დღეებში პრეზიდენტ მაკრონსაც ესაუბრა ამის შესახებ და ბაიდენთან სატელეფონო  საუბრისასაც შეეხო მას. სიტუაცია, ჩემი აზრით, მარტივია. მათ, ვინც ზელენსკისა და მის გუნდს მფარველობენ, კატეგორიულად არ სურთ აიძულონ ის, შეასრულოს მინსკის შეთანხმებები. მათ კარგად ესმით, რომ ძალის გამოყენებას პერსპექტივა არ აქვს, მათ გაიგონეს სიგნალები დონეცკიდან და ლუგანსკიდან, რომ ისინი მზად არიან თავიანთი მიწების, კერების, მოსახლეობის დასაცავად,  რომელსაც არ სურს ნეონა ცისტების მიერ თავსმოხვეული კანონებით ცხოვრება. და პრეზიდენტმა პუტინმა ძალიან მკაფიოდ თქვა, რომ ჩვენ არასდროს მივატოვებთ გასაჭირში დონბასის მოსახლეობას, რომელიც ღიად რადიკალურ ნეონაცისტურ რეჟიმს წინააღმდეგობას უწევს.

 და ის, რასაც პრეზიდენტი ზელენსკი ამბობს სხვადასხვა ინტერვიუებში, რომ უკრაინაში არანაირი პრობლემა არ არსებობს არც რუსულ ენასთან და არც რუსულ მართლმადიდებლურ ეკლესიასთან დაკავშირებით, და რომ მზადაა, ამ ყველაფერზე პრეზიდენტ პუტინთან ერთად იმსჯელოს, იცით, ჭკვიან ადამიანს (როგორც ამას ყოველთვის ვფიქრობდი) უნდა სცხვენოდეს იმის თქმა, რომ რუსულ ენასა და რუსულ ეკლესიას პრობლემები არ აქვს უკრაინაში. დარწმუნებული ვარ, რომ მან ყველაფერი შესანიშნავად იცის. თუ მას საერთოდ არ აწვდიან ინფორმაციას, ესე იგი, რაღაც ჩაკეტილ სამყაროში ცხოვრობს. მაგრამ დასავლეთმა ზელენსკის სიგნალები, რაღა თქმა უნდა, გაუგზავნა.

თქვენ თქვით, რომ შეერთებული შტატების დახმარების იმედად ოფნა უაზრობაა. ეს ყოველამ და ყოველთვის იცოდა. თუ ვინმეს ჰქონდა ილუზია, რომ ასეთი დახმარება მოვიდოდა — მაშინ ასეთი მრჩეველების ფასი გროშია ნებისმიერ მთავრობაში, ბატონი ზელენსკის მთავრობის ჩათვლით.

სამწუხაროდ, დასავლეთი განაგრძობს მცდელობებს, დაგვარწმუნოს ჩვენ, რომ მინსკის შეთანხმებები რაღაცნაირად უნდა შერბილდეს, რომ მათი თანმიმდევრობა უნდა შეიცვალოს. ზელენსკი ამბობს, მე არ მომწონსო, ყველაფერი პირუკუ უნდა იყოსო: ჯერ ჩვენ ავიყვანთ ამ ტერიტორიას სრულ კონტროლზე, რუსეთთან საზღვრის ჩათვლით, და მერე გავერკვეთ არჩევნებშიც, ამნისტიაშიც და საერთოდ ყველაფერში, რაც ამ ტერიტორიების განსაკუთრებულ სტატუსს შეეხებაო...

გასაგებია, ასე რომ გაეკეთებინათ, მათთვის ვინმეს რომ ამის გაკეთების უფლება მიეცა, იქ დიდი ხოცვა−ჟლეტა მოხდებოდა. დასავლეთს კი არ შეუძლია ან არ სურს, აიძულოს მინსკის შეთანხმებების  მკაცრად შესრულება იმ თანმიმდევრობით, რომელიც პირველიდან ბოლო ნაბიჯამდეა გაწერილი.

საზღვრის გაკონტროლება — ეს ყველაზე ბოლო ნაბიჯია, როცა ამ ტერიტორიებს განსაკუთრებული სტატუსი ექნება, როცა ამ ტერიტორიებზე თავისუფალი არჩევნები გაიმართება და ასეთებად მას ეუთო და სხვები აღიარებენ. და რაღა თქმა უნდა, იქნება სრული ამნისტია. არა ისეთი, როგორიც ეს ამნისტია პოროშენკოს დროს წარმოედგინათ ან ახლანდელი რეჟიმისას წარმოუდგენიათ, რომ ვისაც რაიმე განსაკუთრებული დანაშაული არ ჩაუდენია, ინდივიდუალურ ფორმატში იქნება ამნისტირებული. ეს მორიგი დამახინჯებაა. მინსკის შეთანხმება ყველა იმ პირის სრულ ამნისტიას ითვალისწინებს, რომლებიც საბრზოლო მოქმედებებში მონაწილეობდნენ ორივე მხრიდან — ყოველგვარი გარდამავალი მართლმსაჯულების გარეშე, რაზეც ახლა იწყებენ საუბარს დასავლელი კოლეგები. ამიტომ მიმაჩნია, რომ ახლა მთავარი პასუხისმგებლობა დასავლეთს აკისრია, იმიტომ რომ მხოლოდ დასავლეთს სურს, აიძულოს ზელენსკი, გააკეთოს ის, რაზეც მისმა წინამორბედმა მოაწერა ხელი და  რაზეც ზელენსკიმაც მოაწერა ხელი, როდესაც 2019 წლის დეკემბერში პარიზში რუსეთის, საფრანგეთისა და გერმანიის ლიდერებთან ერთად დაადასტურა მინსკის შეთანხმების უალტერნატივობა და დონბასის განსაკუთრებული სტატუსის საკითხების კანონმდებლობასა და ძირითად კანონში ინკორპორირების ვალდებულება აიღო.

 — ბევრისათვის გაუგებარია, რატომ არ აღიარებს რუსეთი დონბასს მაშინ, როდესაც აფხაზეთი და სამხრეთ ოსეთი აღიარა. რატომ არ ვაკეთებთ ამას?

— მართალი ხართ, აფხაზეთთან და სამხრეთ ოსეთთან ანალოგია ალბათ არსებობს — ერთის გამოკლებით: აფხაზეთისა და სამხრეთ ოსეთის შემთხვევაში, როდესაც სააკაშვილმა აგრესია განახორციელა ცხინვალში სამშვიდობოების პოზიციებზე, მათ შორის, რუსი სამშვიდობოებისა, იქ არ გაფორმებულა ისეთი შეთანხმებები, რომლებიც მინსკის შეთანხმებების ანალოგიური იქნებოდა. იქ უბრალოდ განხილული იყო მედვედევ−სარკოზის დოკუმენტი, რომელიც მთელ რიგ ნაბიჯებს მოიაზრებდა, მაგრამ რომელსაც საქართველომ ხელი არ მოაწერა. და სარკოზი, მას შემდეგ, რაც ჩვენთან მოილაპარაკა მოსკოვში, თბილისში გაფრინდა იმისთვის, რომ სააკაშვილის მხრიდან ამ დოკუმენტის მხარდაჭერა უზრუნველეყო. სააკაშვილმა დოკუმენტს ხელი მოაწერა, მაგრამ იქიდან საკვანძო ნორმები ამოშალა. სარკოზი ცდილობდა, წარმოედგინა ეს როგორც კომპრომისი, ეს ყველასთვის გასაგები იყო. ის იწყებოდა ფრაზით, პრეამბულით, რომ  რუსეთის ფედერაცია და საფრანგეთის რესპუბლიკა, ისწრაფვიან რა ვითარების ნორმალიზებისკენ კავკასიაში, სთავაზობენ საქართველოს, სამხრეთ ოსეთსა და აფხაზეთს, შემდეგს: ცეცხლის შეწყვეტას... სააკაშვილმა ეს ქუდი ამოშალა და გამოვიდა უბრალოდ პირველი პუნქტი — ცეცხლის შეწყვეტა და ასე შემდეგ. და მას შემდეგ დასავლეთი ჩვენგან ამ შეთანხმების შესრულებას  მოითხოვს. ამას უბრალოდ მაგალითისთვის ვამბობ.

დონბასის შემთხვევაში ვითარება სხვაგვარი იყო. მინსკში 17 საათიანმა მოლაპარაკებებმა ნორმანდიული ფორმატის ლიდერების — პრეზიდენტ ოლანდის, კანცლერ მერკელის, პრეზიდენტ პოროშენკოს, პრეზიდენტ პუტინის მონაწილეობით — შედეგი გამოიღო, რომელიც ორი დღის შემდეგ გაეროს უსაფრთხოების საბჭომ მოიწონა ყოველგვარი დამატების, ეჭვების გარეშე, რომ ის უნდა შესრულებულიყო. ამიტომ ახლა მორალური და საერთაშორისო−სამართლებრივი სიმართლე ჩვენ და ამბოხებულთა მხარეზეა. მიმაჩნია, რომ ჩვენ არ უნდა გავუშვათ ანკესიდან ბატონი ზელენსკი და მისი გუნდი, რომლებიც შეძლებისდაგვარად წრიალებენ. მარტო ზელენსკის განცხადება რად ღირს, როცა მან მინსკის შეთანხმებების თავდაყირა დაყენების იმედი დაკარგა. მან თქვა, ეს შეთანხმება არაფრად აღარ ვარგა, მაგრამ ჩვენ ის გვჭირდება, ვინაიდან მინსკის შეთანხმების შენარჩუნება არის გარანტია იმისა, რომ რუსეთის წინააღმდეგ სანქციებიც შენარჩუნდებაო. ჩვენ ვეკითხებით დასავლეთს, როგორ აფასებთ ამას? ისინი კი მორცხვად გვარიდებენ თალს და ვერაფერს გვპასუხობენ. მაგრამ მე მიმაჩნია, რომ საერთაშორისო სამართლებრივი დოკუმენტის მიმართ ასეთი საქციელი სამარცხვინოა. ხოლო დასავლეთი, რომელიც ამ დოკუმენტის თანაავტორია და მხარიც დაუჭირა მას გაეროს უსაფრთხოების საბჭოში, სრულ უძლურებას ავლენს.

— ზელენსკი ვერ უკავშირდება პუტინს — ის უბრალოდ ყურმილს არ იღებს. კულება ვერ გიკავშირდებათ თქვენ. რას ნიშნავს ეს? რატომ ხდება ასე?

— ეს მხოლოდ იმას ნიშნავს, რომ ამ მიმართულებით ისინი ცდილობენ, გადაათამაშონ მინსკის შეთანხმებები და რუსეთი კონფლიქტის მხარედ წარმოაჩინონ. იმიტომ რომ ის მოთხოვნები, რომლებიც ჩემი კოლეგა კულებასგან და ზელენსკისგან მოდის, დონბასში დარეგულირების საკითხებს ეხება. რაზეც ჩვენ ვეუბნებოდით: „ძვირფასო მეგობრებო, ეს ჩვენთან კი არ უნდა განიხილოთ, არამედ, როგორც მინსკის შეთანხმებების ფარგლებში დათანხმდით, დონეცკთან და ლუგანსკთან უნდა იმსჯელოთ“.  იქ პირდაპირაა ჩაწერილი, რომ დარეგულირების საკვანძო ეტაპები დონეცკთან და ლუგანსკთან კონსულტაციებისა და შეთანხმების საგანი უნდა იყოს. და როცა გვეუბნებიან, რომ შეხების ხაზზე უსიამოვნო ვითარება მწიფდება და მინისტრ ლავროვთან ან პრეზიდენტ პუტინთან გვ სურს დალაპარაკებაო, ეს ჩვენ არ გვეხება. პრეზიდენტმა ლუკაშენკოსთან შეხვედრისას ძალიან მკაფიოდ განაცხადა, რომ თუ მათ საუბარი სურთ, სხვა ადრესატი უნდა მოძებნონ. ხოლო თუ ჩვენს კოლეგებს, ზელენსკის ცათვლით, ორმხრივი ურთიერთობების ნორმალიზაციაზე სურთ საუბარი, მაშინ ამისთვის ყოველთვის მზად ვართ.

 — მაგრამ ჯერჯერობით პასუხი არ არის...

— როგორც გავიგე, ზელენსკიმ თქვა, რომ თავისი ოფისის ხელმძღვანელ ერმაკს დაავალა ვადებზე, ადგილსა და ქალაქზე შეთანხმება, თქვა, რომ ადგილს მნიშვნელობა არ აქვს, იმიტომ რომ დაყოვნება ხალხის ყოველდღიურ დაღუპვას ნიშნავს.  რაც შეეხება ადამიანების დაღუპვას, კიევი ბოლო ორიოდე კვირაა, მძვინვარედ ცდილობს, კიდევ ერთხელ დადასტურდეს ცეცხლის შეწყვეტის შესახებ  შეთანხმება. მათი ყველა დასავლელი მფარველი მოგვიწოდებს, რომ დონბასზე ზეგავლენა მოვახდინოთ, რათა ცეცხლი, ბოლოს და ბოლოს,  მართლა შეწყდეს.

პრეზიდენტმა  პუტინმა მაკრონთან და მერკელთან სატელეფონო საუბრისას ბოლო კვირებში ფაქტები შეახსენა მათ: 2020 წლის ივლისში საკონტაქტო ჯგუფმა მიაღწია ალბათ ყველაზე სერიოზულ, ყველაზე ეფექტურ შეთანხმებას ცეცხლის შეწყვეტის შესახებ. ეფექტური, ვინაიდან მასში გათვალისწინებული იყო შეთანხმების დაცვის კონტროლის მექანიზმი. ეს მექანიზმი მოქმედებების თანმიმდევრობას მოიაზრებდა, უპირველესად, თითოეული მხარის ვალდებულებას, დაუყოვნებელი პასუხი კი არ გაეცა ცეცხლზე, არამედ უმაღლესი სარდლობისთვის ეცნობებინა მომხდარი. და მხოლოდ ამის შემდეგ მიიღებდა მთვარსარდლობისგან ბრძანებას მოქმედების შესახებ: ეპასუხათ თუ არა.

ერთი სიტყვით, შეთანხმება ბრძანებებით გამყარდა, რომლებიც დონეცკმა და ლუგანსკმა გამოსცეს. ეს სამხედრო ბრძანებულებები გამოქვეყნდა. კიევმაც იგივეს გაკეთების ვალდებულება აიღო, მაგრამ არ გააკეთა. ამის მაგივრად სიტყვებით თამაში დაიწყო და რაღაც ბუნდოვანი ფორმულირებებით დაიწყეს ამ ძალიან მკაფიო სქემის ჩანაცვლება, მიუხედავად იმისა, რომ ყველა შემდგომ შეხვედრაზე ვესაუბრებოდით ამაზე.

მე წავიკითხე ამ საუბრების ჩანაწერი. ეს, როგორც იტყვიან, კედლისთვის ცერცვის შეყრაა. და უეცრად, ორიოდე კვირის წინ, უკრაინის ხელისუფლებამ გადაწყვიტა, რომ ისევ უნდა გააცოცხლოს ცეცხლის შეწყვეტის თემა. ეს სამარცხვინოა და უღირსი.

იცით, დიდი სიამოვნებით ვნახე სერიალი „ხალხის მსახური“ მასინ, როდესაც ეჭვიც კი არავის ჰქონდა, რომ მისი გმირი რეალურ ცხოვრებაში წავიდოდა ამ გზით. მაგრამ წავიდა, მაგრამ არა ამ გზით. ზელენსკიმ თავიდან რომ ნახოს ეს სერიალი და შეეცადოს გაერკვეს იმ ადამიანის მრწამსში, რომლის როლიც შესანიშნავად შეასრულა ფილმში, მერე კი ეს მრწამსი იმას შეადაროს, რასაც ახლა აკეთებს, მას ალბათ ძალიან ეფექტური გარდასახვა გამოუვიდოდა.

— სხვა თემაზე გადავიდეთ: ჩეხეთი. რა იყო ეს საერთოდ? 

— მე არ შემიძლია ამაზე ვიმსჯელო, იმიტომ რომ ინტელექტუალურად არ მესმის, რა უნდოდათ. ამას შეიძლება შევხედოთ, როგორც არც ისე დახვეწილ სერიალს, ეს ისტორია სავსეა შიზოფრენიული კომპონენტებით. პრეზიდენტი ზემანი არ გამორიცხავს, რომ ეს დივერსია ყოფილიყო რომელიღაც  უცხოელი აგენტების მხრიდან.  ის ასევე გვთავაზობს იმ ვერსიის გათვალისწინებასაც, რომელიც ჩეხეთის ხელმძღვანელობამ და ამჟამინდელმა პრემიერმა ბაბიშმა გაახმოვანეს 2014 წელს, რომ მომხდარი საწყობის მფლობელების დაუდევრობამ გამოიწვია.  პრეზიდენტმა ზემანმა შემოგვთავაზა, გავითვალისწინოთ ის ვერსიაც, რომელიც შვიდი წლის განმავლობაში არასდროს უარუყვიათ. მას ახლა სამშობლოს ღალატში ადანაშაულებენ. პარლამენტის თავმჯდომარემ კი განაცხადა, რომ პრეზიდენტმა ზემანმა სახელმწიფო საიდუმლო გათქვა.  განა ეს შიზოფრენია არ არის?

საერთოდ, გასარკვევია, რა ინახებოდა იმ საწყობში. გერმანულმა მედიამ დაწერა, რომ იქ ქვეითთა საწინააღმდეგო აღმები ინახებოდა, რომლებიც კონვენ ციითაა აკრძალული და რომელზეც ჩეხეთსაც აქვს ხელი მოწერილი ბულგარეთთან ერთად.

— მაშინ იქნებ ჩეხებს უჯობთ, საკუთარი თავიდან დაიწყონ?

— მთ ალბათუკრაინისგან უნდა აიღონ მაგალითი, სადაც უზარმაზარი რაოდენობის შეირაღებული ადამიანს, უამრავი იარაღსა და საბრძოლო მასალას უკრაინის შეიარაღებული ძალები კი არა აკონტროლებს, არამედ მოხალისეთა ბატალიონები. ეს ერთგვარი ტენდენციაა, როდესაც სახელმწიფო თავის უმწეობას წარმოაჩენს ძალის გამოყენებაში მონოპოლიაზე.

— მაგრამ უკრაინა ერთია, ჩეხეთი კი მაინც ევროკავშირია. ჩეხეთი სულ სხვა საერთაშორისო ვალდებულებებითაა ხელშეკრული.

— ისინი ოტავის ქვეითსაწინააღმდეგო ნაღმების აკრძალვის კონვენციის წევრები არიან. გარდა ამისა, ევროკავშირში ასევე აქვთ საკუთარი ნორმები, რომლებიც საკმაოდ მკაცრია.

რაც შეეხება რუსეთსა და ევროპას შორის ურთიერთობებს, ვფიქრობ, აქტიურ და ზალიან სერიოზულ დივერსიულ როლს ინგლისელები თამაშობენ. ისინი ევროკავშირიდან გავიდნენ, მაგრამ ამ მიმართულებით მათი  აქტიურობის შესუსტება არ შეინიშნება. პირიქით, ისინი ცდილობენ, მაქსიმალური გავლენა მოახდინონ იმაზე, რა პოზიცია ექმენათ ევროკავშირის წევრებს მოსკოვის მიმართ. ამაში გასაკვირი არაფერია. შორს წასვლა არ გვჭირდება. 2007 წელს ლიტვინენკო პოლონიუმით მოწამლეს საავადმყოფოში. სასამართლო პროცესი ერთ ლეკალოზე იწყება, მერე იხურება, ვინაიდან განაჩენის გამოსატანად სპეცსამსახურების მასალების გაცნობაა საჭირო. ეს მასალები არავის არასდროს არ უნახავს. შესამოწმებლად არ გვაძლევენ, გვეუბნებიან, გვენდეთო.

მერე 2014 წელს იყო მალაიზიური ბოინგი. შეიკრიბნენ ჰოლანდიის, ბელგიის, ავსტრალიისა და უკრაინის წარმომადგენლები. მალაიზია, ვისაც თვითმფრინავი ეკუთვნოდა, არ მიუწვევიათ. ოთხმა მოილაპარაკა, და შეთანხმდნენ, რომ ნებისმიერი ინფორმაცია ამ წრიდან მ ხოლოდ კონსენსუსის საფუძველზე გაიცემოდა.  ანუ უკრაინამ, ვის ტერიტორიაზეც მოხდა ეს კატასტროფა, ვეტოს უფლება მიიღო. მალაიზიას კი მხოლოდ ექვსი თვის შემდეგ დაუძახეს.

სხვათა შორის, შავი ყუთები, რომლებიც მალაიზიელებს ამ ბხებუებმა გადასცეს, ლონდონში შეისწავლეს და რაღაც არ მახსენდება, რომ მათ ინფორმაცია გაევრცელებინოთ ყუთების შიგთავსის შესახებ.

მერე იყო სკრიპალები. აქამდე არავინ იცის, რატომ გადარჩნენ ისინი ცოცხლები, რატომ არ ჰქონდა მათთან მომუშავე პოლიციელს არანაირი სიმპტომი. რატომ დაიღუპა ქალი, მის მეუღლეს კი არაფერი გადაედო. კიდევ ბევრი კითხვა არსებობს.

მერე იყო ნავალნი, რომელიც მოსკოვში მორინავდა, მაგრამ ომსკში ჩაფრინდა. არც ბორტზე, არც ომსკის კლინიკაში არავინ დაავადებულა, ვისაც მასთან ურთიერთობა ჰქონდა. არც იმ თვითმფრინავში გადასდებია ვინმე სრამე, რომლითაც გერმანიაში გაფრინდა. ვერც შარიტეს კლინიკაში ვერ იპოვეს ვერფარი, მხოლოდ ბუნდესვერის კლინიკაში მიაგნეს რაღაცას.

ცოტა ხნის წინ რუსეთის სამხრეთსა და დასავლეთში სწავლებებთან დაკავშირებით გერმანიის თავდაცვის მინისტრმა ჩვენგან ტრანსპარენტულობა მოითხოვა. ჯერ პირველი, ჩვენ არაფერი არ დაგვიმალავს, გამოვაცხადეთ ამ სწავლებების შესახებ, აი ბუნდესვერმა კი, რომელსაც ექვემდებარება კლინიკა, სადაც ნავალნის მოწამ ვლა დაუდგინეს, ზუსტადაც რომ რაღაცას მალავს — იმიტომ რომ უარი გვითხრეს ბიომასალების ანალიზისა და სინჯების გადმოცემაზე.

მერე იყო ხანგრძლივი ისტორია ქიმიური იარაღის აკრძალვის ორგანიზაციასთან დაკავშირებით. თითქოს ისინი სინჯების ასაღებად ჩამოვიდნენ, მაგრამ ინფომაცია იმის შესახებ, რომ ორგანიზაცია ნავალნისთვის სინჯის აღებაში მონაწილეობდა, ძალიან საინტერესოა — სინჯების აღებას გერმანელი სპეციალისტები ესწრებოდნენ, მაგრამ ესწრებოდა თუ არა თავად ქიმიური იარაღის აკრძალვის ორგანიზაცია, არაფერია ნათქვამი გერმანელებისავე გამოქვეყნებულ პუბლიკაციაში. ახლა ვცდილობთ, გავერკვეთ ამაში. არავინ არაფერს არ გვიხსნის. გერმანელები გვეუბნებიან ქიმიური იარაღის აკრძალვის ორგანიზაციას მიაკითხეთო, იქ გვპასუხობენ, გერმანელებმა დაგვიკვეთეს და დაკვეთა შევასრულეთ, გერმანელებთან წადითო. ეს ჩაკეტილი წრეა.

მაგრამ დიდ ბრიტანეთს დავუბრუნდეთ. დიახ, ჩვენ ვხედავთ, როგორ განაგრძობენ ბრიტანელები ანტირურლ ხაზს. ცოტა ხნის წინ მათი საგარეო დაზვერვის, „მი−6−ის“ შეფმა განაცხადა, რომ რუსეთი წარმავალი „დერჟავაა“ და ამიტომ ყურადღებით უნდა ვადევნოთ თვალი, ვინაიდან ასეთ მდგომარეობაში რაღაც მკვეთრი მოძრაობები შეუძლია გააკეთოსო. ეს არის თანდაყოლილი ამპარტავნება და რწმენა, რომ კვლავინდებურად მართავ მსოფლიოს.

მაგრამ იცით, ისინი ჩვენ სიგნალებს გვიგზავნიან, რაღაც კონტაქტებს გვთავაზობენ. ანუ თავად არც ისე ძალიან გაურბიან ურთიერთობებს, მაგრამ სხვებს ხელს უშლიან ამაში.

რაც შეეხება ჩეხეთს, ქვეყნის შიგნით სრული შეუთანხმებლობაა, საერთო აზრი არ არსებობს. და საერთოდ, არც არაფერია დამტკიცებული. დიპლომატები გაძევებული არიან და შედეგებიც უკვე არის.  

— სხვათა შორის, ჩეხები ამბობენ, რომ დიპლომატები ამის გამო არ გამოუძევებიათ. რომ ერთ დღეს ორი განცხადება გაკეთდა და ისინი რაღაცნაირად გადაება ერთმანეთს.

— მაგრამ იმავე დღეს გამოცხადდა 18 რუსი დიპლომატის გამოძევების თაობაზე და უმრავლესობას შეექმნა შთაბეჭდილება, რომ ეს 2014 წელს მომხდარ აფეთქებაზე საპასუხო სასჯელი იყო. მერე დაიწყეს განმარტება, რომ აფეთქება პეტროვმა და ბოშაროვმა მოაწყვეს და ძებნას გამოვაცხადებთ, დაპატიმრებაზე ორდერს გავცემთ, ინტერპოლს ვაცნობებთო  და ასე შემდეგ.  რაც შეეხება 18 დიპლომატს, თქვეს, რომ გავარკვიეთ, ისინი მზვერავები არიან და არა დიპლომატებიო. რა თქმა უნდა, არანაირი მტკიცებულება ამ 18−დან თუნდაც ერთის წინააღმდეგ არ წარმოუდგენიათ.

შემთხვევითი არ არის, რომ ჩეხეთის პრეზიდენტმა ბატონმა კლაუსმა თანამემამულეების საქციელი იმ ტოი−ტერიერს შეადარა, რომელიც დიდ ძაღლს უყეფს იმის იმედით, რომ ძლიერი ბიჭები ზურგს გაუმაგრებენ. და პირდაპირ დაასახელა აშშ და დიდი ბრიტანეთი.

იმედი, მაქვს , რომ ჩეხი კოლეგები აზრზე მოვლენ — იმ შედეგების მიუხედავად, რაც მათ მიერ წამოწყებულ საქმეს მოჰყვა. თუ გონება გაიმარჯვებს, ჩვენ მზად ვართ, აღვადგინოთ პირობები დიპლომატიური მისიების ნორმალური ფუნქციონირებისთვის.

ახლა ასეთი წერტილოვანი გამოხდომები ჩვენი მისამართით ბალტიისპირეთშიც ხდება, პოლონეთშიც და რუმინეთშიც. თუმცა რუმინეთში თქვეს, რომ ეს რანაირად არ უკავშირდება ევროკავშირის პოზიციას, ეს ჩვენ თავად, რუმინელებს გვსურს ამ კაცის შინ გაშვებაო. ოღონდ რატომ, არ უთქვამთ.

— საინტერესოა, რომ გერმანიამ მხარი არ დაუჭირა ჩეხურ ფსიქოზს.

— მე წავიკითხე საგარეო საქმეთა მინისტრს ჰაიკო მაასის განცხადება. მიმაჩნია, რომ ეს პასუხისმგებლიანი პოლიტიკოსის განცხადებაა. გერმანიის საგარეო უწყება ყოველთვის არ იკავებს ესოდენ გაწონასწორებულ შორსმჭვრეტელურ პოზიციას. ისინი ძალიან ხ შირად აკეთებდნენ უსამართლობის მხარდამჭერ განცხადებებს. მაგრამ ის, რაც ჰაიკო მაასმა თქვა ამ დღეებში, მიმაჩნია რომ პასუხისმგებლიანი პოლიტიკური განცხადებაა, რომელიც კი არ ჩქმალავს უთანხმოებებს, არამედ დიალოგის წარმოების აუცილებლობას წარმოაჩენს.

— ცოტა ხნის წინ განაცხადეთ, რომ საჭიროა საერთაშორისო საგადასახადო სისტემა SWIFT−ის ალტერნატივა მოიძებნოს, და რომ რუსეთი ამისთვის ემზადება. რა ეტაპზეა სამზადისი?

— ამაზე უკვე ბევრმა ილაპარაკა და ლაპარაკობს კიდეც. დასავლეთმა, რომელიც ყველანაირად ცდილობს, დააზარალოს რუსეთის ინტერესები, რამდენიმე წლის წინ პირდაპირ ახსენა, რომ რუსეთის ფედერაცია შეიძლება SWIFT−ისგან გაითიშოს. მაშინ პასუხისმგებიალინი პოლიტიკოსები უბრალოდ ვალდებული იყვნენ, დაფიქრებულიყვნენ იმაზე, როგორ დაეზღვიათ თავი.  ამას გარდა აშშ სულ უფრო და უფრო ბოროტად იყენებდა მისთვის უხერხული ქვეყნების  დოლარზე დამოკიდებულებას  იმისთვის, რომ მათი კონკურენტული შესაძლებლობები შეესუსტებინა. მათ შორის, ჩინეთის მიმართ. და ახლა ჩინეთი, რუსეთი და თურქეთი და ბევრიც სხვა, ეძებენ გზებს დოლარზე დამოკიდებულების შესასუსტებლად და ან ალტერნატიულ ვალუტაზე გადასასვლელად, ან კიდევ უკეთესი — ეროვნულ ვალუტაში ანგარიშსწორებაზე გადასასვლელად. და პასუხისმგებლიანი ფინანსური ხელისუფლება, მათ სორის, ჩვენს ქვეყანაშიც, რაღა თქმა უნდა, ფიქრობენ, როგორ შეიძლება თავიდან ავიცილოთ ზარალი ჩვენი ეკონომიკისთვის, ფინანსური სისტემისთვის, თუ ვიღაც ცხელი თავები მაინც გადაწყვეტენ რუსეთის SWIFT−ისგან გათიშვას.

ჩვენში უკვე რამდენიმე წელია მოქმედებს საგადასახადო ბარათების ეროვნული სისტემა. მათ შორისაა ბარათი „მირ−იც“. ანალოგიური ბარათები გამოიშვება ჩინეთშიც და იაპონიაშიც. ასევე ვითარდება კავშირები ბარათ Maestro−სთან დაკავშირებითაც, რომელიც საერთაშორისო საგადასახადო ბარათია.

რაც შეეხება კონკრეტულად SWIFT−ს, რუსეთის ცენტრალურმა ბანკმა რაღაც დროის წინ დანერგა და წარმატებით ავითარებს ფინანსური შეტყობინებების გადაცემის სისტემას, რომელიც პოპულარობით სარგებლობს.

ხაზს ვუსვამ: ჩვენ არ გავდივართ იზოლაციაზე. ჩვენ გვსურს ვიყოთ საერთაშორისო თანამეგობრობის ნაწილი, მაგრამ იმ თანამეგობრობისა, სადაც სამართლიანობა და დემოკრატია სუფევს. რუსეთსა და ჩინეთს მხოლოდ ის სურთ, რომ შენარჩუნდეს გაეროს წესდების პრინციპები, რომლის თანახმადაც ყველა თანასწორია.

ამიტომ სადაზღვევო ბადის არსებობა საგადასახადო სისტემებისა და ფინანსური შეტყობინებების გადაცემის თვალსაზრისითაც საჭიროა. ჩვენს ის უკვე შევქმენით და იმედი მაქვს, რომ ის კიდევ მეტად განმტკიცდება და არავისზე დამოკიდებული არ ვიქნებით.

— ანუ ეს სისტემა არის კიდეც SWIFT−ის ალტერნატივის ჩანასახი?

— დიახ. მე სპეციალისტი არ ვარ. არ ვიცი, რამდენად საიმედოა ის, რამდენად უზრუნველყოფს სრულგარანტიას, მაგრამ ბაზა არსებობს.

— ჩინელ კოლეგასთან ერთად იმ ქვეყნების ერთგვარი ტრადიციის შექმნის ინიციატივა წამოაყენეთ, რომლებიც უკანონო სანქციებისგან  დაზარალდნენ. რა მდგომარეობაშია ახლა ეს პროექტი და რომელი ქვეყნები შეძლებენ მასში შესვლას?

— ჩვენ დიდი ხანია, გაეროში მუშაობას ვეწევით ცალმხრივი არალეგიტიმური სანქციების, ემბარგოების, ბლოკადების პრაქტიკის შესაწყვეტად. ეს რეზოლუცია ყოველწლიურად 190 ხმას აგროვებს. და მხოლოდ აშშ და რომელიღაც პატარა კუნძულოვანი სახელმწიფო აძლევს ხმას წინააღმდეგ. მაგრამ მას შემდეგ, რაც ცალმხრივი სანქციების ამ პრაქტიკის გამოყენება ფართოდ დაიწყეს, გაერომ, ქვეყნების დიდმა ჯ გუფმა მხარი დაუჭირა სპეციალური მომხსენებლის თანამდებობის შექმნას. მომხსენებლის პოსტზე ბელორუსიის მოქალაქე ქალბატონი დაინიშნა. ეს არის გაეროს გენასამბლეის მიერ შექმნილი მექანიზმი ცალმხრივი უკანონო სანქციების თემაზე და მიმაჩნია, რომ ეს ძალიან სასარგებლო ნაბიჯია.

მეორე კონკრეტული ნაბიჯი, რომელიც ახლა ვითარდება ნიუ−იორკში — ეს გაეროს წესდების მხარდამჭერი ჯგუფის ფორმირებაა. ამაში არაფერია რევოლიუციური. ახლა ჯო ბაიდენმა წამოაყენა იდეა დემოკრატიის სამიტის ჩატარების შესახებ. რა თქმა უნდა, მის მონაწილეებს თავად აშშ შეარჩევს, ამერიკელები თავად განსაზღვრავენ, ვინ არის ღირსი, ეწოდოს დემოკრატია და ვინ — არა.

გარდა ამისა, ბოლო წლებში ფრანგმა და გერმანელმა კოლეგებმა, უნივერსალური ინსტიტუტების ფარგლებს მიღმა, მულტილატერიალისტების ალიანსის შექმნის შესახებ განაცხადეს. ამ ალიანსის ხაზით იწყებს მოქმედებას მედიასაშუალებების თავისუფლების შესახებ მოწოდებები. ამ დროშის ქვეშ უკვე ოცდაათმა ქვეყანამ მოიყარა თავი.

— ახალი ინფორმაცია: ამერიკელებმა დაადასტურეს, რომ ბრაზილიის მიმართ ძალისხმევებს ახორციელებენ, რათა ქვეყანამ უარი თქვას ვაქცინა „სპუტნიკ V−ზე“. და ბრაზილია იძულებულია, უარი თქვას, მიუხედავად იმისა, რომ იქ სავალალო ეპიდემიოლოგიური მდგომარეობაა. როგორ შეაფასებდით ამას?

— მე ეს არ მაკვირვებს. ამერიკელებს არ რცხვენიათ, რომ ამგვარ საქმიანობას ეწევიან. არც მალავენ ამას. ძველმა ადმინისტრაციამ, როდესაც მაიკ პომპეო აფრიკის ქვეყნებს ესტუმრა, უბრალოდ ხმამაღლა, საჯაროდ მოუწოდა პრესკონფერენციაზე კოლეგებს, არ ეთანამშრომლათ და არ ევაჭრათ რუსეთთან და ჩინეთთან.

ბრაზილიაში ახლა საპროტესტო მოძრაობა დაიწყო ამგვარი გადაწყვეტილების წინააღმდეგ. და თუ ამერიკელებმა აღიარეს, რომ ისინი დგანან ამის უკან, ესე იგი, ისინი საკუთარი ლოგიკის ერთგულები რჩებიან, რომ მათთვის ყველაფერი ნებადართულია.

1185
თემები:
რუსეთი დღეს (847)
ირინა გაბრიჩიძე

„გადავწყვიტე მათი სიცოცხლის უკვდავსაყოფად დამეხატა ისინი“ ექიმის თავშესაფარი პანდემიისას

734
(განახლებულია 19:39 06.05.2021)
ირინა გაბრიჩიძე „ევექსის“ მთაწმინდის პოლიკლინიკის ექიმია. პანდემიის დროს, კოლეგების მსგავსად, მასაც დაძაბულ რეჟიმში მოუწია საქმიანობა.

სწორედ ამ დროს გაიხსენა ბავშვობის დროინელი გატაცება. და ხატვა მისთვისაც სულიერ შვებად იქცა...

- ქალბატონო ირინა, ვიცი, რომ სხვადასხვა დროს განსხვავებული პროფესიული ინტერესები გქონდათ...

- ადრეულ ასაკში კოსმონავტობა მინდოდა, რაც მაშინვე გადავიფიქრე, როცა გავიგე, რომ კოსმონავტ ქალებს არ ჰყავთ შვილები. ექიმობის სურვილი თინეიჯერობის ასაკში გამიჩნდა, მანამდე ჟურნალისტობა მინდოდა და რომ არ გადამეფიქრებინა, ახლა რესპონდენტის ადგილზე ვერ მოვხვდებოდი. ექიმობა ზოგადად და კონკრეტულად პედიატრობა ბავშვებისადმი განსაკუთრებულმა სიყვარულმა გადამაწყვეტინა. პედიატრად შვიდწლიანი მუშაობის შემდეგ ოჯახის ექიმად გადავემზადე. ახლა უკვე 14 წელია ბავშვებთან ერთად მათ მშობლებსა და ოჯახის სხვა წევრებზე ზრუნვაა ჩემი მოვალეობა.

ირინა გაბრიჩიძე
ირინა გაბრიჩიძე

- პრაქტიკული პროფესიული გამოცდილება სად შეიძინეთ?

- ჩემი 21-წლიანი მუშაობის ყველა პერიოდს თავისი ხიბლი ჰქონდა. კარიერის დასაწყისში მქონდა იმის ბედნიერება, რომ ჭკვიანი ექიმების გვერდით მემუშავა. შემდეგ იყო ნდობის მოპოვება და პაციენტებზე ზრუნვა. ამის მერე კი დაიწყო შემოდგომასავით ყველაზე საინტერესო და წარმატებული პერიოდი სახელად „რასაც დასთეს, იმას მოიმკი“, როცა პაციენტებისგან უდიდეს სიყვარულს და პატივისცემას იღებ. რამდენიმე თვეა „ევექსის“ წარმატებულ გუნდს შემოვუერთდი და, ვფიქრობ, ამ გუნდთან გატარებული დრო კიდევ უფრო წარმატებული იქნება. ასე რომ, ყველაფერი ჯერ კიდევ წინაა...

ირინა გაბრიჩიძე კოლეგებთან ერთად
ირინა გაბრიჩიძე კოლეგებთან ერთად

- პაციენტებთან ურთიერთობის დროს თქვენთვის რა არის მნიშვნელოვანი?

- პაციენტთან ურთიერთობისას ჩემთვის მთავარი მისი ჩემდამი ნდობა და სიყვარულია. ბედნიერი ვარ, რომ ამას ყოველდღიურად შევიგრძნობ. როცა პაციენტს ექიმის სჯერა, მკურნალობის შედეგიც არ აყოვნებს. ვფიქრობ, წამალზე არანაკლები სამკურნალო მნიშვნელობა ექიმის სიტყვას აქვს.

ირინა გაბრიჩიძე
ირინა გაბრიჩიძე

- ერთ რიგით, პანდემიურ დღეს ხატვა დაიწყეთ - ეს უცებ მოხდა თუ ამას უძღოდა რაიმე ამბავი?

- შარშან პირველი კოვიდ-პაციენტის მიღების შემდეგ ორკვირიან იძულებით თვითიზოლაციაში მომიწია ყოფნა სახლიდან მოშორებით, დაქირავებულ პატარა ბინაში, სამსახურთან ახლოს. ხატვა მხოლოდ განტვირთვა და სიამოვნება არ იყო, გადარჩენასავით იყო. შემდეგი პერიოდიც განსაკუთრებულ რეჟიმში მომიწია მუშაობა. რაკი სახლში ასაკოვანი მშობლები და პატარა შვილი მყავდა, გადავწყვიტე, ორკვირიან იძულებით მარტოხელობას სამი თვეც მივუმატო, ოჯახის წევრებს საფრთხე რომ არ შევუქმნა, მათგან მოშორებით ვიცხოვრო.

ირინა გაბრიჩიძე
ირინა გაბრიჩიძე

- რა თემები და ფერები ჩნდებოდა თქვენს ნახატებზე?

- ამ პერიოდში შექმნილი ნამუშევრები, მიუხედავად დაძაბული ემოციური და ფიზიკური მდგომარეობისა, ფერადი და ხალისიანი გამოვიდა. მათ სწრაფადვე იპოვეს თავისი მფლობელები. ხატვა დავიწყე ნატურმორტებით და პეიზაჟებით, შემდეგ აბსტრაქცია და გრატაჟი მოვსინჯე. მახსოვს, როგორ მოუთმენლად ველოდი კურიერს, რომელსაც ჩემთვის სახატავი ტილოები და საღებავები უნდა მოეტანა.

ირინა გაბრიჩიძის შემოქმედება
ირინა გაბრიჩიძის შემოქმედება

- ისიც უნდა ითქვას, რომ ხელოვნებისადმი ინტერესი თქვენში ბავშვობაშივე იყო ჩადებული...

- გავიხსენებ ჩემ პირველ შეხებას მხატვრობასთან. ამაზე ფიქრისას გონებაში საბავშვო ბაღის კადრები ამომიტივტივდება ხოლმე: 4-5 წლის პატარა გოგონა ბაღის გამგის ოთახში ზის და უზარმაზარ თეთრ ფურცელზე საბავშვო ბაღის ეზოს ხატავს. შემდეგ იყო თვითმაძიებელი თინეიჯერის გატაცება - „ეტიუდნიკი“ და საღებავები, რამაც 2-3 წელი გასტანა. მიუხედავად მოკლე პერიოდისა, მახსოვს, ყველა მეგობარს სახლში ჩემი ნახატი ჰქონდა.

ირინა გაბრიჩიძის შემოქმედება
ირინა გაბრიჩიძის შემოქმედება

- რომელი ნახატის შექმნას უძღვის რაიმე საინტერესო ამბავი?

- არ ვიცი რამდენად საინტერესოა, მაგრამ გეტყვით, რომ ეზოში, სადაც პანდემიის დასაწყისში ვცხოვრობდი, ულამაზესი ტიტები ყვაოდა. ყოველი მათი დანახვისას დარდად გამიელვებდა ხოლმე - რა ხანმოკლეა მათი ცხოვრება... გადავწყვიტე მათი სიცოცხლის უკვდავსაყოფად დამეხატა ისინი.

ირინა გაბრიჩიძის შემოქმედება
ირინა გაბრიჩიძის შემოქმედება

- ხელოვნება თქვენს ძირითად საქმიანობაში როგორ გეხმარებათ?

- ხატვა დაძაბული სამუშაო დღის შემდეგ დასვენების საუკეთესო საშუალებაა. შეიძლება ბანალურად ჟღერს, მაგრამ ჩემთვის ხატვისას დრო ჩერდება და ამ დროის სასიამოვნოდ გატარებას მეორე დღის პროდუქტიულობაში უდიდესი როლი შეაქვს.

ირინა გაბრიჩიძის შემოქმედება
ირინა გაბრიჩიძის შემოქმედება

- აღდგომის დღეებია და ყველას ვთხოვ, რომ მათთვის გამორჩეული აღდგომა გაიხსენოს...

- აღდგომა - თავიდან დაბადებაა, სიცოცხლის იმედი და ზეიმია! ყველაზე ბედნიერად აღდგომის ის დღე მახსენდება, როცა ჩვენი ოჯახის ყველაზე პატარა წევრი მოინათლა. აღდგომის სიხარულს მაშინ მისი გაქრისტიანებით გამოწვეული სიხარულიც დაემატა. გილოცავთ ყველას, აღდგომის სიხარული არ მოგკლებოდეთ!..

ირინა გაბრიჩიძის შემოქმედება
ირინა გაბრიჩიძის შემოქმედება

 

734
თამარ ჯაბადარი

„ჩემი ქუჩის მტვერიც კი მიყვარს“ სახლი, რომელიც „სულის სავანეა“

371
(განახლებულია 18:54 05.05.2021)
„ეს სახლი მოსასვენებელი ადგილია, სადაც საინტერესო ადამიანებს ხვდები, სადაც თაობათა გზები იკვეთება და ქვეყნის მომავალი ,,იჩორკნება“ – ასე ფიქრობს კულტურის მუშაკი, საგარეჯოს რაიონის მოსწავლე ახალგაზრდობის სახლის დირექტორი თამარ ჯაბადარი.

ის წლების მანძილზე მუშაობს ამ თანამდებობაზე და მის ხელში არაერთი, მომავალში წარმატებული ადამიანი დაფრთიანებულა. ამ სახლის მნიშვნელობა დღეს რაიონში მცხოვრებ ყველა პროფესიის ადამიანს აქვს გაცნობიერებული.

თამარ ჯაბადარი
თამარ ჯაბადარი

- ქალბატონო თამარ, რადგან აღდგომის დღეებია, თავდაპირველად მინდა ბავშვობა გაიხსენოთ. ბავშვობის დროინდელი აღდგომა როგორ გახსენდებათ?

- ბავშვობასთანაა ასოცირებული მთელი ჩვენი ცხოვრება. მახსოვს, ბავშვებს აღდგომის ღამეს არ გვათევინებდნენ - ძილი დააკლდებათო, გაიზრდებიან, გაიგებენ და თავად ისწავლიანო. მაგრამ დღისით ყველას გამოგვპრანჭავდნენ - ახალ კაბას და ფეხსაცმელს გვაცმევდნენ, გოგონებს ახალ ბაფთებს გვიკეთებდნენ. მერე კი წინაპრების საფლავებზე მივყავდით და იქ ყვავილებს, წითელ კვერცხებს და პასკებს ვაწყობდით...  

თამარ ჯაბადარი
თამარ ჯაბადარი

- საგარეჯოში, თქვენს უბანში რა ხდებოდა?

- ჩვენი უბანი საგარეჯოში დიდი და ახალი ნაშენი იყო, ყველა ოჯახი კი თვითმყოფადი, რადგან თავისი ტრადიციები გააჩნდა და მათ ერთმანეთს ვუზიარებდით. უბნის მშობლები ბავშვებისთვის ცალკე ღებავდნენ კვერცხს და სუფრას ცალკე გვიშლიდნენ. გვასწავლიდნენ როგორ მოვქცეოდით ერთმანეთს, იმას, რომ პატივი გვეცა ერთმანეთის აზრისთვის. ეს იყო ძალიან ლამაზი, მხიარული და ლაღი დღეები. ასე დავფრთიანდით და გავედით ცხოვრების გზაზე.

თამარ ჯაბადარი
თამარ ჯაბადარი

- პროფესიის არჩევას თქვენ შემთხვევაში რა ფაქტორებმა შეუწყო ხელი?

- პროფესია ავირჩიე საკუთარი სურვილით. სახლში სულ მასწავლებლობანას ვთამაშობდით, რადგან მასწავლებლების ოჯახში ვიზრდებოდი და სხვანაირი ვერ ვიქნებოდი. ჩემი კუთხის ისტორიით და კულტურით დაინტერესება მისმა ძველმა ისტორიამ და ამ ადგილებმა განაპირობა. მიყვარდა ჩვენი ისტორია და გეოგრაფია. ვერ წარმომედგინა, როგორ შეიძლება ქვეყანაში ცხოვრობდე და იმ ქვეყნის ისტორია, გეოგრაფია, ლიტერატურა, კულტურა არ იცოდე. საკუთარი თავის მიმართ ყოველთვის მომთხოვნი ვიყავი და დღესაც ვარ. ადამიანს თუ თავისი წილი პასუხისმგებლობა არ აკისრია საკუთარი პიროვნების, ქვეყნის და ქალაქის წინაშე, მაშინ ვინ არის ის?! 

უცხოელ სტუმართან ერთად
უცხოელ სტუმართან ერთად

- როგორია საგარეჯოს მოსწავლე ახალგაზრდობის სახლის ისტორია, ორი სიტყვით რას გაიხსენებთ?

- თავიდან მას საგარეჯოს პიონერთა და მოსწავლეთა სახლი ერქვა და ის დაარსდა 1953 წელს, როცა დაბადებულიც არ ვიყავი. იმდროინდელ პიონერთა და მოსწავლეთა სახლს დიდი ტრადიციები ჰქონია. აქ იმართებოდა სპორტული და კულტურული ღონისძიებები, შეხვედრები გიორგი ლეონიძესთან, თეიმურაზ ჯანგულაშვილთან, ლევან თედიაშვილთან, გარი კასპაროვთანაც კი... ეს სასახლე ყველა დროში სისხლსავსე, სრულფასოვანი ცხოვრებით გამოირჩეოდა. აქ მუშაობდნენ ისეთი ადამიანები, ვინც თავისი „კვალი ნათელი“ დატოვა. ვთვლი, რომ ისინი თავიანთი ცხოვრების წესით სამაგალითონი არიან ახალგაზრდებისთვის.

თამარ ჯაბადარი რაიონის ახალგაზრდებთან ერთად
თამარ ჯაბადარი რაიონის ახალგაზრდებთან ერთად

- დღეს რამდენად ინარჩუნებს ეს სახლი იმ ძველ, კეთილ ტრადიციებს?

- შეიძლება ითქვას, რომ მოსწავლე ახალგაზრდობის სახლი სულის სავანეა, მოსასვენებელი ადგილი, სადაც საინტერესო ადამიანებს, ახალგაზრდებს ხვდები, სადაც თაობათა გზები იკვეთება და ქვეყნის მომავალი „იჩორკნება“. წლების გასვლის მერეც, ცხოვრების გზაზე ბევრჯერ შემხვედრია ახალგაზრდები, რომლებსაც უთქვამთ, თქვენ ჩემი მომავლის განსაზღვრაში დიდი როლი შეასრულეთო. დიახ, ამ ერთი შეხედვით უხილავი სფეროს მუშაკებს დიდი როლი გვენიჭება.

თამარ ჯაბადარი ერთ-ერთ ღონისძიებაზე
თამარ ჯაბადარი ერთ-ერთ ღონისძიებაზე

- ვიცი, რომ თქვენი სახლის არსებობის მანძილზე უცხოელებთანაც გქონდათ საქმიანი კონტაქტები...

- მოსწავლე ახალგაზრდობის სახლი 2004 წლიდან თანამშრომლობს ამერიკის მშვიდობის კორპუსთან. 2013 წელს სტუმრად გვყავდა მშვიდობის კორპუსის მოკლევადიანი მხარდაჭერის პროგრამის მოხალისე ემილი ნიუ, რომელიც ძალიან კრეატიული, საქმიანი და ნიჭიერი გოგო იყო. ქართულს არაჩვეულებრივად ფლობს. ემილიმ აქ დააარსა ლიდერთა კლუბი. მაშინ შევქმენით დღის თემატური ბანაკი, სადაც ემილიმ ადგილობრივი გოგონების წახალისების მიზნით მოაწყო სამდღიანი ბანაკი თავისი ტრენინგ-კურსით.

თამარ ჯაბადარი თანამშრომლებთან ერთად და საპატიო სტუმრები, ამერიკის ელჩი რიჩარდ ნორლანდი მეუღლესთან ერთად
თამარ ჯაბადარი თანამშრომლებთან ერთად და საპატიო სტუმრები, ამერიკის ელჩი რიჩარდ ნორლანდი მეუღლესთან ერთად

- საგარეჯოში ამერიკის ყოფილი ელჩის მოწვევაც მისი ინიციატივა იყო?

- დიახ, მანვე მოიწვია ამერიკის მაშინდელი ელჩის რიჩარდ ნორლანდის მეუღლე მერი ჰარტნეტი. მაშინ მხარდაჭერის მიზნით თავად ელჩიც გვეწვია ვიზიტით, რომელიც, ნაცვლად წინასწარ დაგეგმილი ერთი საათისა, ორსაათ-ნახევარი გაგრძელდა. ძალიან ლამაზი დღე იყო. ელჩის მეუღლემ მერი ჰარტნეტმა წიგნები უსახსოვრა ჩვენს გოგონებს. სხვათა შორის, ის გოგონები დღეს უკვე ბაკალავრები და მაგისტრები არიან. ჩვენ ლიდერთა კლუბის არსებობით ვამაყობთ. მასში 14-18 წლის ახალგაზრდები არიან, იქ ჩვენ ვატარებთ ევროპარლამენტის და გაეროს მოდელირებებს, ვასწავლით საჯარო გამოსვლისა და დებატების ხელოვნებას. 1 ივნისის შემდეგ ევროპარლამენტის ორდღიანი მოდელირების ღონისძიება გვექნება.

თამარ ჯაბადარი
თამარ ჯაბადარი

- საგარეჯოს მოსწავლე ახალგაზრდობის სცენიდან ალბათ არაერთ ახალგაზრდას დაულოცეთ გზა, რომელია რჩევა, რომელსაც მათ დიდ გზაზე აყოლებთ?

- პირადად ჩემი და მთელი კოლექტივის მიერ ახალგაზრდების მიმართ გამოთქმული რჩევა-მოწოდება შეიძლება ამ ფრაზით გამოვხატოთ: ჩვენ გაძლევთ წარმატების ფორმულას, გინდათ? ისარგებლეთ ამით და გააგრძელეთ გზა მომავალი წარმატებებისკენ, ჩვენ ყოველთვის ვიამაყებთ თქვენი არჩევანით და ქართული საქმეებით! საგარეჯოში ბევრი პროფესიის ადამიანი დაფრთიანებულა. ისინი მისაბაძი ხდებიან თავიანთი ცხოვრებით და საქმიანობით. ბედნიერი ვიქნები, თუ მათთვის ცხოვრების ამოსავალი გახდება პრინციპი – „აბა, მე დღეს ვის რა ვარგე?“

თამარ ჯაბადარი ერთ-ერთ ღონისძიებაზე
თამარ ჯაბადარი ერთ-ერთ ღონისძიებაზე

- სამშობლოს ცნება საკუთარი კუთხის სიყვარულით იწყება ხოლმე...

- საგარეჯო ჩემთვის დიდი კულტურისა და ისტორიის ადგილია. არასოდეს შემრცხვენია და შემრცხვება იმისი, რომ საგარეჯოელი ვარ! ყოველთვის ვამაყობდი და ვიამაყებ ბებერი დავით-გარეჯით, ჩემი ქუჩის მტვერიც კი მიყვარს. როგორ შეიძლება არ გიყვარდეს უჯარმის ციხე, მანავის ციხე - კახეთის მეფეთა საზაფხულო რეზიდენცია, ან „ნინოწმინდა - პალატები მეფეთა“? შეიძლება, ღამით ნინოწმინდის საეპარქიო ტაძრის ეზოში იყო და სამრეკლოდან არ ჩაგესმას გიორგი ლეონიძის ხმა?!. სამშობლოც ყველაფერ ამით შეიმეცნება და მისი სიყვარულიც აქედან მოდის... 

 

371
არწივი მთებში

დღის ასტროპროგნოზი ზოდიაქოს ნიშნებისთვის: 8 მაისი

0
(განახლებულია 18:38 07.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 8 მაისია, შაბათი. კლებადი მთვარე ვერძის ნიშანშია. ამ დღეს პლანეტა სატურნი მფარველობს.

იღბალი იქნება თანმდევი ყველა საქმეში, რაც ოგანიზაციულ მომენტებსა და ურთიერთობებს უკავშირდება. საუკეთესო დღეა კომპრომისების მოსაძებნად, რთული სიტუაციების გასაშიფრად, ნესბიემიერი ღონისძიებისთვის – ოფიციალური მოლაპარაკებებიდან დაწყებული წვეულების მოწყობით დამთავრებული. ძალზე ხელსაყრელი დროა იმისთვის, რომ საქმეები კარგად დაალაგოთ და საჭირო კალაპოტი მისცეთ.

ეგვიპტური ჰოროსკოპი – დაინახეთ თქვენი თავი განსხვავებულად>>

ვერძი: დღეს ვითარება თქვენგან მოითხოვს, რომ ინიციატივა აიღოთ ხელში. თუნდაც ეს თქვენთვის ჩვეული არ იყოს, იგრძნობთ მოთხოვნილებას, რომ მიიღოთ გადაწყვეტილებები და მათზე პასუხისმგებლობა აიღოთ. საინტერესო ისაა, რომ გარშემომყოფები მშვიდად დაგითმობენ პირველობას. შესაძლოა, ყველა გადაწყვეტილება და მოქმედება სწორი არ იყოს, მაგრამ ამით მოგეცემათ შანსი, ყველას და საკუთარ თავსაც აჩვენოთ, რომ ბევრი რამ შეგიძლიათ.

კურო: დღეს გარშემომყოფებმა შეიძლება თქვენით მანიპულირება მოინდომონ. არ არის გამორიცხული, რომ ვიღაც შეეცადოს თავისი მდგომარეობის, კავშირების ან პირადი მომხიბვლელობის გამოყენებას, რათა თავის თამაშში ჩაგითრიოთ. თუ ამ მცდელობას აჰყვებით, დროთა განმავლობაში ინანებთ – ამან შეიძლება თქვენს რეპუტაციას დაარტყას. ასე რომ, დღეს თქვენი თვალსაზრისი უნდა დაიცვათ და მოერიდოთ ადამიანებს, რომლებიც თქვენით მანიპულირებას შეეცდებიან.

ტყუპი: დღეს კარგად ვერ გაართმევთ თავს იმ საქმეებს, სადაც ლოგიკური აზროვნებაა საჭირო – გათვლები, ანალიტიკა, მეცნიერება, დაგეგმვა, სწავლა. სამაგიეროდ, ძალიან იოლი იქნება კონტაქტები ადამიანებთან, მათი თქვენი იდეებითა და ემოციებით დამუხტვა. ამას გარდა, ურთიერთობებში მწვავედ იგრძნობთ სიყალბეს, რისი გამოყენებაც „სიცრუის დეტექტორის“ სახით შეგიძლიათ.

კირჩხიბი: ვარსკვლავები გირჩევენ, დრო გამონახოთ კარიერული, პროფესიული თუ პიროვნული ზრდის მეთოდიკის გასაცნობად. ამ თემებზე წიგნების ნახვა ადვილია – ნებისმიერი წიგნის მაღაზიიდან დაწყებული ინტერნეტით დამთავრებული. თუნდაც სკეპტიკურად უყურებდეთ მსგავს ლიტერატურას, ნამდვილად ღირს მისი შესწავლა, ან შეგიძლიათ შეეგუოთ დღევანდელ მდგომარეობას. მაგრამ გახსოვდეთ, რომ რამდენიმე რჩევის გათვალისწინებაც კი წარმატებებს მოგიტანთ.

ლომი: დღეს ნებისმიერი შეკრების „მიზიდულობის ცენტრი“ შეგიძლიათ გახდეთ. გარეშემომყოფები თქვენკენ მოილტვიან. საჭირო შედეგი რომ მიიღოთ, საკმარისია თქვენი ქარიზმა გამოიყენოთ – უარს ვერავინ გეტყვით. სხვათა შორის, დღევანდელი ვითარება სხვანაირადაც შეიძლება შემობრუნდეს თქვენთვის – ირგვლივ მყოფებმა გასაქანი არ მოგცენ, სულის მოთქმა არ გაცადონ და სულ „ნაწილ–ნაწილ“ დაგიტაცონ.

ქალწული: დღეს შეიძლება დიდ მანიპულატორად იქცეთ და ადამიანები თოჯინებივით ათამაშოთ. თუნდაც ეს მანიპულაცია სუსტი იყოს, მაგრამ არსი მაინც არ იცვლება. მზად ხართ, გარშემომყოფების მოქმედებებს საჭირო კალაპოტი მისცეთ. ამისთვის კი აამუშაოთ კავშირები, მინიშნებები, დაპირებები, ჭორები... ამან რომ არ იმუშაოს კიდეც, თქვენსას მაინც მიაღწევთ, მაგრამ უფრო ადვილი გზებით – ქედუხრელობითა და სხვების დარწმუნების უნარით.

სასწორი: დღეს ის იშვიათი დღეა, როდესაც ირგვლივმყოფებთან კამათში ნამდვილად შეიძლება დაიბადოს ჭეშმარიტება. მაგრამ მაინც სჯობს, არა იკამათოთ, არამედ განიხილოთ, იმსჯელოთ ნებისმიერ თემაზე – იდეებზე, გეგმებზე, პერსპექტივებზე. დღეს არაფერი ისე არ გაგამხნევებთ, არაფერი გაგიჩენთ ცინცხალ იდეებსა და მოქმედების სურვილს, როგორც ტვინის კარგი „შეჯანჯღარება“. თანამოაზრეებთან ერთად ნებისმიერ ამოცანასთან შეჭიდებას შეძლებთ.

მორიელი: მოთმინებითა და გაგებით უნდა მოეკიდოთ ადამიანს, რომელსაც დღეს თქვენი დახმარება, მხარდაჭერა ან რჩევა სჭირდება. თუ კეთილ საქმეს დროს დაუთმობთ, არ ინანებთ. პირიქით, კეთილისმყოფელის როლში თავს არაჩვეულებრივად იგრძნობთ. თქვენც ხომ დაგჭირვებიათ ვინმეს დახმარება ან რჩევა, და რატომ არ უნდა დაეხმაროთ თქვენ? და გახსოვდეთ, რომ სიკეთეცა და ბოროტებაც უკან ბუმერანგივით გვიბრუნდება.

მშვილდოსანი: დღეს ძალიან გაგიჭირდებათ თავის მოთოკვა, რომ ახლობლებს ბრძანებები არ მისცეთ და თქვენი ვალდებულებების ნაწილიც მათ არ გადააბაროთ. ვერაფერს გააწყობთ – ეს გუნდის კანონია, ყოველთვის დამყოლი ვერ იქნებით, ხანდახან კლანჭებიც უნდა გამოაჩინოთ. ამასთან დღეს ეს თავისთავადაც შეიძლება გამოვიდეს – სიტუაცია ისე ჩამოყალიბდეს, რომ არჩევნის წინაშე დადგეთ: ან ვერ გაუმკლავდეთ ყველა საქმეს, ან სხვა დაიხმაროთ.

თხის რქა: დღეს ირგვლივ არსებული ატმოსფერო გაგახარებთ. სითბოსა და ურთიერთდახმარების განცდა თქვენში დაბადებს გრძნობას, რომ ყველა, ვინც გარშემო ტრიალებს, ერთი დიდი ოჯახია. ასეთი სიკეთით სავსე განწყობა აუცილებლად აისახება თქვენ ქცევაზე – ჩვეულებრივზე მეტად გულგახსნილი იქნებით ურთიერთობებში. თქვენი მომხიბვლელობისთვის წინააღმდეგობის გაწევას ირგვლივ მყოფნი ვერ შეძლებენ – თუ მოინდომებთ, დაუძინებელ მტერსაც კი საუკეთესო მეგობრად აქცევთ.

მერწყული: თქვენი კომუნიკაბელურობა დღეს სასიამოვნო დივიდენდებით შეიძლება შემოგიბრუნდეთ. შესაძლოა, გარშემომყოფებთან თქვენი ცოდნით გაიბრწყინოთ, ან პერსპექტიული ნაცნობობა გააბათ. სხვაგვარად რომ ვთქვათ, დღეს სრულად უნდა წარმოაჩინოთ თქვენი დიდი ორატორული ნიჭი. რა თქმა უნდა, ლაპარაკი ყოველთვის არაა მისასალმებელი, მაგრამ დღეს გამონაკლისი შეგიძლიათ დაუშვათ და „მჭევრმეტყველების მაგიური ძალა“ აჩვენოთ.

თევზები: დღის განმავლობაში საინტერესო შეხვედრები და ნაცნობობა გელოდებათ, რომლებიც ზეგავლენას მოახდენს თქვენ შემდგომ ცხოვრებაზე. რა სახის იქნება ეს გავლენა – დადებითი თუ უარყოფითი, უკვე თვითონ თქვენზეა დამოკიდებული. ამიტომ ვარსკვლავები გირჩევენ, ყოველი შემთხვევისთვის, მთელი თქვენი ბუნებრივი ხიბლი აამოქმედოთ თითოეულ თანამოსაუბრესთან. მომხიბვლელობა კი, რაც მართალი, მართალი – არ გაკლიათ.

0