თამარ კუტიძე

„გასროლილი“ სიმღერა და საქართველოს სიყვარული: თამარ კუტიძე კარიერასა და სამშობლოზე

53
(განახლებულია 14:05 31.03.2021)
„ქართველები საზღვარგარეთ“ რუბრიკის სტუმარია თანამემამულე, ნიჭიერი მომღერალი თამარ კუტიძე, რომელიც შესაშური ტემპით იპყრობს მუსიკალურ ოლიმპოს.

ნათია ქვარცხავა

„Sputnik-საქართველოს“  რუბრიკის გმირი ამჯერად, ერთი შეხედვით, სიფრიფანა, ცისფერთვალება, შავგვრემანი მომღერალი თამარ კუტიძეა, რომელიც დიდი შინაგანი ძალითა და მიზანდასახულობით გამოირჩევა.

მუსიკით კუტიძე უკვე ოცი წელია გატაცებულია. თუმცა, განსაკუთრებული პოპულარობა წელს სიმღერით Докурю и брошу მოიპოვა. სიმღერამ YouTube-ზე უკვე 4,5 მილიონი ნახვა მოაგროვა.

ბავშვობის წლები საქართველოში

თამარი აფხაზეთში, ქალაქ ტყვარჩელში დაიბადა, მაგრამ ოჯახი საცხოვრებლად ოზურგეთში, მამის სახლში გადავიდა. მიუხედავად იმისა, რომ კუტიძე თავს „მსოფლიო ადამიანს“ უწოდებს, რადგან მისი ცხოვრება სამ ქვეყანასთან - საქართველოსთან, რუსეთთან და ისრაელთან (სწორედ იქაურია მისი მეუღლე) - არის გადაჯაჭვული, საქართველოზე განსაკუთრებული სითბოთი საუბრობს. 

„მთელი ბავშვობა საქართველოში გავატარე, - ყვება მომღერალი - ეს ქვეყანა ძალიან მიყვარს და ამას ვამბობ, როგორც ნამდვილი ქართველი, როგორც ჩემი ქვეყნის პატრიოტი. ჩემთვის საქართველო პირველ ადგილზეა, ვინაიდან სამშობლო მიყვარს. ან როგორ შეიძლება არ მიყვარდეს?

ოზურგეთში პატარა თამარი მშობლებთან ერთად ცხოვრობდა. დედა სვანი ჰყავს, მამა - გურული. ამიტომ პატარაობაში მხოლოდ ქართულად საუბრობდა, ოზურგეთში ორი კლასი დაამთავრა.

„ვიცხოვრე ქართული ტრადიციებით - ესაა აღზრდა, ახლობლების, უფროსების პატივისცემა, მშობლები არასდროს შემირცხვენია, - ჰყვება თამარი. - ეს აღზრდა ჩემში დარჩა, ქართული წესებით ვცხოვრობდი, ვცხოვრობ და მომავალშიც ასე გავაგრძელებ. სკოლაში ფრიადოსანი ვიყავი, ზეპირად ვიცოდი „ვეფხისტყაოსნის“ პროლოგი. დედა მკაცრი მყავდა, ამიტომ ბავშვობა არა მხოლოდ მხიარული იყო, არამედ დატვირთულიც“.

თამარის მამა სახელმწიფო ანსამბლ „რუსთავის“ სოლისტი იყო, სადაც თერთმეტი წელი ცეკვავდა, ქალიშვილმა კი გადაწყვიტა ვოკალური კარიერა აერჩია.

„მუსიკალური, სიმპატიური ბავშვი ვიყავი. ერთხელ სილამაზის კონკურსში მიმიწვიეს. უსაზღვროდ ბედნიერი ვიყავი. ქართული სიმღერა უნდა შემესრულებინა დედაზე. როდესაც სცენა დავინახე, მივხვდი, რომ ამ გზით უნდა მევლო. ყველაფერი აქედან დაიწყო“, - იხსენებს თამარი. 

Тамара Кутидзе
© Sputnik / Alex Shlamov
თამარ კუტიძე

მალე მამის სამსახურის გამო კუტიძეების ოჯახი საცხოვრებლად რუსეთში გადავიდა.

„სიმართლე გითხრათ, აქედან წასვლა ძალიან გამიჭირდა,  რადგან ასეთ სიყვარულს და სითბოს სხვა ადამიანებისგან ვერ ვგრძნობდი“, – აღიარებს თამარ კუტიძე. მომიხდა მეგობრების, გარემოცვის გამოცვლა, ახლობლებს წლობით ვერ ვნახულობდი. რუსულ სკოლაშიც გამიჭირდა. მაგრამ ძალიან მეხმარებოდნენ. ნელ-ნელა შევეჩვიე, გავძლიერდი. ყოველთვის მიზანდასახული ვიყავი და ვიცოდი, რა მინდოდა, რომელ ქვეყანაშიც არ უნდა მეცხოვრა“.

ვირტუალური „გასროლა“

მიუხედავად იმისა, რომ თამარ კუტიძე დიდი ხანია მუსიკალურ სფეროში მოღვაწეობს კარიერა, გოგონას თქმით, არც ისე დიდი ხნის წინ ააწყო. ამაში მას ინტერნეტ–სივრცე დაეხმარა. დღეს სიმღერა Докурю и брошу  ნახვებით ხუთ მილიონს უახლოვდება. იყო სხვა რეპერტუარიც, გამოსვლები და გრძელი გზა, მაგრამ სწორედ ამ კომპოზიციამ „გაისროლა“, ამბობს გოგონა. 

„ეს სიმღერა ცნობილმა ავტორებმა დაწერეს, ისინი ბევრი არტისტისთვის თხზავენ, - ჰყვება თამარი. - საინტერესოა, როდესაც კომპოზიციას პირველად მოვუსმინე, არ მომეწონა. ჯერ ერთი, არასდროს ვეწეოდი. მინდოდა ლამაზი, ლირიკული, ქალური ისტორია მემღერა. მაგრამ რჩევას დავუჯერე და სიმღერა მართლაც ბევრი ქალისთვის აღმოჩნდა საინტერესო“.

დღეს არტისტი, როგორც კუტიძე ამბობს, მრავალი ფაქტორის ერთობლიობაა. ზოგჯერ რამის დათმობაც გიწევს, ძლიერი უნდა იყო, საკუთარ თავზე იმუშაო, მიზნებს მიაღწიო.

„რასაკვირველია, სირთულეებიც ახლავს თან. უცხო ქვეყანაში ჩასულ ქართველ გოგონას ცრემლიც დაუღვრია. მაგრამ ყველა, ვინც იგებს, რომ ქართველი ვარ, თბილად მექცევა, - ამბობს კუტიძე. - ყველასთვის ცნობილია ქართული სტუმართმოყვარეობა, ეროვნული სამზარეულო, სიმღერები, ცეკვები. ეს მხარდაჭერა წინსვლაში დამეხმარა. ასე რომ არ ყოფილიყო, უკან დავბრუნდებოდი. ახლა, როდესაც ვკითხულობ ქართველების კომენტარებს ჩემს სიმღერებზე - „საქართველოს გაუმარჯოს“, „ჩვენი გოგონა“... - თვალზე ცრემლი მადგება, გული მითბება. სხვაგვარად არც შეიძლება იყოს, მე ხომ ქართული სული მაქვს, ამას ვერსად გავექცევი და არც მინდა“. 

სხვათაშორის, მომღერალს ქართულად სიმღერის სურვილიც აქვს. უბრალოდ განიცდის, რომ აქცენტი ეტყობა. „იქნებ ქართულად ალბომიც ჩავწერო და ის ჩემი ქვეყნისთვის იქნება“, - გეგმავს შემსრულებელი.

შთაგონება საქართველოდან

„ყოველთვის, როდესაც აქ ჩამოვდივარ, მადლიერებისა და სიამაყის გრძნობა მეუფლება, რადგან ქართველი ვარ, - ამბობს თამარი. - ჩემთვის ქართველი ქალი წარმოუდგენლად ძლიერი ხასიათია. იქ, სადაც ქართველი ქალია - ყველა „ისვენებს“. კიდევ სულიერი ძალა და სითბო. ჩემი ოჯახი და ჩემი ხალხი მიყვარს“.

ყველას, ვინც საქართველოში ჩამოდის, თავისი „სიძლიერის ადგილები“ აქვს, ფიქრობს მომღერალი. გამონაკლისი არც თამარ კუტიძეა. როგორც აღმოჩნდა, ასეთი ადგილი დედის მშობლიური კუთხე - სვანეთია. 

Тамара Кутидзе
© Sputnik / Alex Shlamov
თამარ კუტიძე

„ჩემთვის ასეთი ადგილი ზემო სვანეთშია. იქ მამათა მონასტერია. როდესაც ვესტუმრე, წარმოუდგენელი ემოციები დამეუფლა - ყველაფერი მთებსა და სიმწვანეშია ჩაფლული და ერთი პატარა ეკლესია მოჩანს. ძალიან შთამბეჭდავია“, - ამბობს მომღერალი.

მისთვის შთაგონების წყარო არა მხოლოდ საქართველოს პეიზაჟები, არამედ ცნობილი არტისტებიც არიან.

„რასაკვირველია, ჩემი შთაგონების წყარო ცნობილი ქართველი არტისტები არიან. მაგალითად, ნანი ბრეგვაძე. მას შესრულების ესთეტიკას დავესესხებოდი. ეს არის ერთგვარი ქართული სწორი მანერა და სტილი. მომწონს, როგორ გამოიყურება 84 წლის ასაკში. ეს არარეალურია! ასევე თამარ გვერდწითელი - არაჩვეულებრივია. მას ბევრ კონცერტზე შევხვედრივარ. მომწონს, რომ ასეთი თბილი და სტუმართმოყვარეა. რა თქმა უნდა, მისი არაჩვეულებრივი ხმა, რომელიც უბრალოდ მოედინება. ასეთი ხელოვანები შთაგაგონებენ, სურვილს გიჩენენ, რაღაცით დაემსგავსო. ისინი ნამდვილად იმსახურებენ, იყვნენ მისაბაძი მაგალითი“, - აღნიშნავს კუტიძე.

პანდემია და დანაკარგი

კორონავირუსის პანდემია ყველას შეეხო, მაგრამ ყველაზე მეტად მათ გაუჭირდათ, ვინც ვირუსს პირისპირ შეეჯახა და დანაკარგიც განიცადა.

„ჩვენ რუსეთში ჩავრჩით, თუმცა, სამ-სამი თვე ბატ-იამაში ვცხოვრობ და ძალიან მიყვარს სითბო და ზღვა. სიცივეში ყოფნა ჩემთვის სიკვდილის ტოლფასი იყო. თანაც, ავად გავხდი, ორი თვე ვიწექი, თავს ვერ ვწევდი. ბოლო წელი რთული იყო მორალურადაც. ამ დროის განმავლობაში ბევრი რამ შეიცვალა, ბევრი რამ ხელახლა გავაანალიზე. მეტ დროს ვატარებდი ოჯახთან. უსიამოვნო სიტუაციაც გადავლახე“, - ამბობს თამარა სინანულით. 

საქმე ისაა, რომ ვერაგმა ვირუსმა თამარა კუტიძეს ყველაზე ძვირფასი ოცნება - ბავშვი წაართვა, აღიარებს მომღერალი. „ჩემს ცხოვრებაში ტრაგედია მოხდა. ორსულად ვიყავი... სამწუხაროდ, ბავშვი დავკარგე... ბავშვი ჩემი დიდი ოცნება იყო“.

კუტიძეს ბავშვები ყოველთვის უყვარდა. ერთ დროს ვოკალსაც ასწავლიდა და არა მხოლოდ. „ეს ჩემი ჰობია სტუდენტობიდან მოყოლებული. ბავშვები დადებით ენერგიას მაძლევენ,  ისინი ძალიან მიყვარს. სახლში შემოქმედებითი სტუდია მაქვს. იქ ბავშვებს არა მხოლოდ ვოკალს ვასწავლი, არამედ იმასაც, თუ როგორ გახდნენ არტისტები“, - ხაზს უსვამს მომღერალი.

მომღერალს დიდი გეგმები და ოცნებები აქვს, რომლებზეც გატაცებით საუბრობს. „მინდა მსოფლიო დონის ვარსკვლავი გავხდე, ინგლისში გავემგზავრო და კარიერა იქ ავიწყო. გავმართო დიდი კონცერტი საქართველოში, ფილარმონიის დიდ საკონცერტო დარბაზში. ჩემი ყველაზე დიდი ოცნებაა ვიმღერო საყვარელი ხალხისთვის“, - აღნიშნავს თამარ კუტიძე.

53
ივანე ჩხაიძე

კორონავირუსის „მესამე ტალღის“ თავიდან აცილება ძალიან მარტივია ივანე ჩხაიძე

85
(განახლებულია 22:34 08.04.2021)
როგორ მიმდინარეობს ქვეყანაში ვაქცინაცია, რა გამოცდილება შეიძინა ხალხმა პანდემიის „მეორე ტალღის“ შედეგად და რა არის მოსალოდნელი აღდგომის დღესასწაულზე – ამ კითხვებზე „Sputnik-საქართველოს“ თბილისის ერთ-ერთი წამყვანი კლინიკის ხელმძღვანელმა უპასუხა.

მაშინ, როცა მრავალი ქვეყანა აქტიურად იცრება კორონავირუსის საწინააღმდეგო ვაქცინით, საქართველოში ეს პროცესი მარტის შუა რიცხვებიდან დაიწყო და იმდენად დუნედ მიმდინარეობს, რომ, ეპიდემიოლოგების სიტყვებით, არა მხოლოდ კოლექტიური იმუნიტეტის ჩამოყალიბებას არ შეუწყობს ხელს, არამედ კორონავირუსის „მესამე ტალღასაც“ ვერ აარიდებს ქვეყანას.

იმუნიზაციის ეროვნული საკონსულტაციო ტექნიკური ჯგუფის ხელმძღვანელმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხეიძემ „Sputnik–საქართველოსთვის“ მიცემულ ექსკლუზიურ ინტერვიუში ისაუბრა, თუ რატომ არ ჩქარობენ საქართველოს მოქალაქეები აცრას და რამდენად ჩამორჩება ქვეყანა ვაქცინაციის ეროვნული პროგრამის გეგმას.

Медицинский директор детской центральной больницы им. Иашвили Иване Чхаидзе
photo: courtesy of Ivane Chkhaidze
ივანე ჩხაიძე

- როგორ მიმდინარეობს ვაქცინაციის პროცესი საქართველოში?

- საქართველოში არსებობს ვაქცინაციის ეროვნული პროგრამა, რომელიც ითვალისწინებს წლის ბოლომდე ქვეყნის მოსახლეობის 60%-ის აცრას. ეს დაახლოებით 1,5-1,7 მილიონი ადამიანია. თუ დღეებით დავითვლით, დღეში 5-6 ათასი აცრილი გამოვა. ეს ის რიცხვია, რომელიც პოპულაციური იმუნიტეტის ჩამოყალიბებას შეუწყობს ხელს. ჩვენ ვაქცინაცია 15 მარტიდან დავიწყეთ და ყველაზე კარგი მაჩვენებელი დღემდე იყო 1,1 ათასი აცრილი დღეში. ანუ 4-5-ჯერ ნაკლები იმ მაჩვენებელზე, რომელიც ქვეყანას პოპულაციური იმუნიტეტის მისაღწევად სჭირდება. ვაქცინაცია გეგმის მიხედვით არ ტარდება და ჩვენ ძლიერ ჩამოვრჩებით დაგეგმილ მაჩვენებლებს.

- რატომ არ ენდობა საქართველოს მოსახლეობის დიდი ნაწილი ვაქცინას?

- საქართველომ ჯერ AstraZeneca-ს ვაქცინა მიიღო, შემდეგ – Pfizer-ის. ისე მოხდა, რომ ვაქცინაციის დაწყებამდე ზოგიერთმა ევროპულმა ქვეყანამ გამოაცხადა, რომ AstraZeneca-ს ვაქცინას ჰქონდა გვერდითი მოვლენები, რომლებიც სისხლის შედედებას უკავშირდებოდა და დროებით, ჯანმრთელობის მსოფლიო ორგანიზაციის დასკვნამდე ვაქცინაცია შეაჩერა.

ეს სწორედ მაშინ მოხდა, როდესაც საქართველო AstraZeneca-ს პრეპარატით აცრას იწყებდა. ინფორმაცია ყველასთვის ხელმისაწვდომი იყო და ხალხს ამ ვაქცინის მიმართ უნდობლობა გაუჩნდა.

ექიმებიც და მოსახლეობაც ეჭვით უყურებდნენ ვაქცინას, რამაც, რასაკვირველია, გავლენა მოახდინა პროცესზე.

გარდა ამისა, 18 მარტს, ვაქცინაციის დაწყებიდან სამ დღეში, აცრის შემდეგ ახალციხელი მედდა გარდაიცვალა, რამაც სკეპტიციზმი გაამძაფრა.

რა შემთხვევაში მოუწევს საკოორდინაციო საბჭოს შეზღუდვების გამკაცრება: გამყრელიძის განმარტება>>

მიზეზები არსებობს, თანაც საკმაოდ სერიოზული. ასე რომ, ამ სკეპტიციზმის გადასალახად დრო დაგვჭირდება.

ამჟამად ვაქცინაციის მაჩვენებლები ოდნავ გაუმჯობესდა. პირველ კვირაში დღეში 700 ადამიანი იყო, შემდეგ – 1,1 ათასი. მაგრამ ეს საკმარისი არ არის. თუ ეს ტემპი, სულ მცირე, 4-5-ჯერ მაღალი არ იქნება, წლის ბოლომდე ვერავითარ შემთხვევაში ვერ მივაღწევთ პოპულაციურ იმუნიტეტს. რაც ნიშნავს, რომ საქართველოში სიკვდილიანობა გაგრძელდება. ინფიცირებულთა რაოდენობა ბოლო დღეებში იმატებს და რისკი, რომ ქვეყანაში COVID-19-ით ყოველდღიური სიკვდილიანობა 2022 წელსაც გაგრძელდება, უზარმაზარია.

- რომელ ვაქცინას ენდობიან საქართველოში უფრო მეტად?

- თუ ვინმე არ ენდობა AstraZeneca-ს პრეპარატს, არის მეორე ვაქცინა, რომელსაც საქართველოს მცხოვრებნი უფრო მეტად ენდობიან. საქართველოში Pfizer-ის ვაქცინის შეზღუდული რაოდენობა შემოვიდა – 29,5 ათასი, რომელიც საკმარისია 14,5 ათასი ადამიანისთვის.

თუმცა, თუ დღეს ვინმეს ამ ვაქცინით აცრა მოუნდება, ვეღარ შეძლებს. ყველა ცენტრი, სადაც Pfizer-ით იცრებიან, უკვე შევსებულია. გამოდის, რომ საქართველოში ამ ვაქცინას უფრო ენდობიან, ვიდრე AstraZeneca-ს.

გამოდის, თუ მომავალში Pfizer-ის ვაქცინას შევიძენთ, ყოველდღიურად უფრო მეტი ხალხი აიცრება, ვიდრე დღეს.

სახელმწიფო აწარმოებს მოლაპარაკებას კომპანიასთან, რათა Pfizer-ის ვაქცინის მილიონი დოზა შემოიტანოს. თუ ეს გამოვა, მილიონი დოზა ათვისებული იქნება. მთავარია, რომ ის ტემპი, რომელიც Pfizer-ის ვაქცინით ამცრელ ცენტრებში შეინიშნება, ყოველდღიურად 5-6 ათასი ადამიანის აცრის შესაძლებლობას მოგვცემს.

- სახელმწიფო თუ გეგმავს საზოგადოების ცნობიერების ამაღლებას ვაქცინაციის მნიშვნელობასთან დაკავშირებით?

- ჩვენ ვაქცინის პირველ დოზებს ქვეყანაში მარტის ბოლოს ველოდით. შესაბამისად, ვგეგმავდით საინფორმაციო კამპანიის დაწყებას მარტის შუა რიცხვებიდან. მაგრამ ისე მოხდა, რომ ვაქცინა ორი კვირით ადრე მივიღეთ, ვიდრე ველოდით. ანუ სარეკლამო კამპანიისთვის დაგეგმილი დრო აღარ დაგვრჩა.

სარეკლამო კამპანიას ვგეგმავთ. ჯანდაცვის სამინისტროში შეხვედრაზე გადავწყვიტეთ, რომ 100 ცნობილი მოქალაქისთვის ვაქცინის 200 დოზას გამოვყოფდით. ესენი არიან სპორტის, კულტურის, პოლიტიკის წარმომადგენლები, რომლებსაც საზოგადოება ენდობა. იგეგმება, რომ ეს 100 ადამიანი აიცრება და დანარჩენებს მაგალითს მისცემს.

მეორე სცენარია – კომპანია Pfizer-სგან რაც შეიძლება მეტი დოზის მიღება. ეს მნიშვნელოვანი ნაბიჯებია მიზნის მისაღწევად – დღეში 5 ათასი ადამიანის აცრის.

აღვნიშნავ, რომ თბილისში გაცილებით მეტი მსურველია, ვიდრე რეგიონებში. უახლოეს ორ კვირაში დედაქალაქის კლინიკებში ვაქცინაციის ყველა ადგილი შევსებულია, რეგიონებში – არა.

- „მესამე ტალღის“ რისკი თუ არსებობს საქართველოში?

- ევროპის ქვეყნებში „მესამე ტალღა“ დაწყებულია. გერმანია, საფრანგეთი, იტალია იძულებული არიან, კვლავ „ლოკდაუნები“ გამოაცხადონ. ეს ტალღა რეალურად არსებობს ევროპაში და ზოგ ქვეყანაში უფრო მასშტაბურად მიმდინარეობს, ვიდრე „მეორე ტალღა“.

მიმდინარე წლის 1 მარტისთვის ჩვენთან კორონავირუსის 1,8 ათასი აქტიური შემთხვევა იყო. დღეს ეს რიცხვი 6 ათასს აღწევს. ანუ დაახლოებით ერთ თვეში რიცხვი სამჯერ და მეტად გაიზარდა. ეს საკმაოდ სერიოზული ნამატია. დიდი ხანია არ გამოგვივლენია დღეში 800 ინფიცირებული, ახლა კი ინფიცირებულთა რაოდენობა იზრდება.

ამას თუ არ შევაჩერებთ, საქართველოში „მესამე ტალღა“ აუცილებლად დადგება. ჩვენ გვახსოვს, როგორ მოხდა ეს 2020 წლის ზაფხულის შემდეგ, როდესაც ყველამ ჩათვალა, რომ პრობლემები უკან მოიტოვა, საქართველომ „პირველი ტალღა“ გადალახა და ყველაფერი კარგად იქნებოდა. შედეგად კატასტროფული რიცხვები მივიღეთ.

ეს სრული მოულოდნელობა იყო და არც ერთი სცენარი, რომელზეც ვმსჯელობდით, არ ითვალისწინებდა მოვლენების მსგავს განვითარებას. ჩვენ არ ველოდით დღეში ათასზე მეტ ინფიცირებულს. სისტემა კი გაუმკლავდა, მაგრამ ძალიან რთული იყო. საავადმყოფოებში არ იყო ადგილები, სასწრაფო დახმარება იგვიანებდა. ამ პერიოდის ერთ-ერთი გაკვეთილი იყო ის, რომ კარგი შესაძლებლობა მოგვეცა, დაგვენახა, რა არის ნამდვილი ტალღა, როდესაც საავადმყოფოები ძლივს უმკლავდებიან საქმეს.

კრიტიკული მედიცინა შესაძლებლობების ზღვარზე მუშაობდა. ეს აუცილებელი პრაქტიკა იყო. ყველა ქვეყანამ გამოიარა ეს ეტაპი. ალბათ მიღებული გამოცდილება გამოგვადგება. ასეთი ავადმყოფების მკურნალობის პრაქტიკა გვაქვს. მაგრამ მთავარი მაინც ის საკითხია, რამდენი ინფიცირებული გვეყოლება დღეში. არ შეიძლება გამოირიცხოს, რომ რიცხვი კვლავაც დღეში 4-5 ათასს ან მეტს მიაღწევს. ქვეყანა და სამედიცინო სისტემა მზად უნდა იყოს.

- ვაქცინაცია „მესამე ტალღის“ შედეგების შემსუბუქებაში არ დაგვეხმარება?

- ვარიანტი, რომ „მესამე ტალღის“ გავლენას შევამცირებთ, თუ მეტი აცრილი გვეყოლება, უკვე ნამდვილად აღარ მუშაობს. უახლოეს 2-3 თვეში ბევრი აცრილი არ გვეყოლება.

  • ვფიქრობ, თუ უახლოეს დღეებში ინფიცირებულთა რაოდენობა ათასს გადააჭარბებს, „ლოკდაუნის“ გამოცხადება, ჩაკეტვა და შეზღუდვების დაწესება მოგვიწევს. არის რამდენიმე რაიონი, სოფელი, რომლებიც უკვე დავხურეთ. ვფიქრობ, ამ გზით უნდა წავიდეთ. ათასი ინფიცირებული საგანგაშო ნიშანი უნდა იყოს.

ჩვენთვის სერიოზული გამოწვევა იქნება აღდგომის დღესასწაული. ამიტომ შეზღუდვების გარკვეული გეგმა უნდა გვქონდეს. აღდგომა – ხალხის თავშეყრაა, რასაც ყოველთვის ახლავს ინფექციის გავრცელების რისკი. 2-3 კვირაში გაირკვევა, გვექნება „მესამე ტალღა“ თუ არა.

ან ადეკვატური ზომებით ვუპასუხებთ ინფიცირებულთა რაოდენობის მატებას, ან „მესამე ტალღას“ მივიღებთ, რაც ისეთ ქვეყანას, როგორიც საქართველოა, კრიტიკული მედიცინის განყოფილებებში ავადმყოფთა დიდ რაოდენობას, ლეტალური შედეგის დიდ რაოდენობას მოიტანს. შესაძლოა ჩვენი სისტემა გაუმკლავდეს კიდევ, მაგრამ ქვეყნისთვის ეს კატასტროფა იქნება.

- რატომ იზრდება ინფიცირებულთა რიცხვი?

- მიზეზი ნათელია. ნიღბებს თბილისშიც და რეგიონებშიც ერთეულები იკეთებენ. ყველამ იფიქრა, რომ პანდემია დასრულდა და წარსულს ჩაბარდა. ასე ვიფიქრეთ შარშანაც და მივიღეთ ის, რაც მივიღეთ. ნიღბების ტარება – ვირუსის შეკავების ერთადერთი მეთოდია. დისტანციასა და უსაფრთხოების სხვა ზომებზე აღარაფერს ვამბობ.

ჩვენთან ნიღბები ნიკაპზე უკეთიათ, ან მხოლოდ პირს იფარავენ, ასეთ პირობებში კი „მესამე ტალღას“ ვერ ავირიდებთ.

ნიღბები აბსოლუტურად ხელმისაწვდომია, იაფია. დასაწყისში იყო ძვირი. ადრე მათი გამოცვლა ყოველ ორ საათში ერთხელ იყო აუცილებელი. მოგვიანებით ჯანმომ შეცვალა რეკომენდაცია და ეს დრო ოთხ საათამდე გაზარდა. ამიტომ, თუ ქუჩაში ხართ, ორი ნიღაბი დღეში საკმარისია. განა ეს რთულია?! სამწუხაროდ, ეს ინფიცირებულთა ზრდის ძირითადი მიზეზია.

ლიზა შელია

85
თემები:
კორონავირუსი საქართველოში: ბოლო ცნობები
ბიტკოინი და ევრო

კრიპტოვალუტების ტრეიდინგი: რა უნდა ვიცოდეთ ამ ბიზნესის შესახებ

115
(განახლებულია 17:46 05.04.2021)
რა არის საჭირო კრიპტოვალუტების ტრეიდინგში წარმატების მისაღწევად და რა უნდა იცოდეს დამწყებმა ტრეიდერმა – „Sputnik-საქართველოსთან“ კრიპტოვალუტების სერტიფიცირებული ექსპერტი ალექსანდრე სუდაძე საუბრობს.

საქართველოში, ისევე, როგორც მსოფლიოს უმეტეს ქვეყნებში, კრიპტოვალუტების ტრეიდინგი, ანუ ფულით ვაჭრობა ნაკლებად შრომატევად საქმიანობად ითვლება და ხშირად იოლად მიღებულ შემოსავალთანაც არის გაიგივებული. სწრაფად და მარტივად გამდიდრების სურვილით შეპყრობილი ადამიანები კი ნაცნობ-მეგობრების რჩევით ან სხვისი მიბაძვით დაუფიქრებლად ჰკიდებენ ხელს ამ ბიზნესს, თანაც ისე, რომ წარმოდგენაც არა აქვთ მასთან დაკავშირებულ რისკებზე. შედეგიც არ აყოვნებს და ხშირად მოგების ნაცვლად ისიც იკარგება, რაც იყო ჩადებული საქმიანობის დასაწყისში.

ალექსანდრე სუდაძე
ალექსანდრე სუდაძე

- რა არის კრიპტოვალუტების ტრეიდინგი და რამდენად მომგებიანია საქმიანობის ეს სფერო?

- პირველ რიგში უნდა აღინიშნოს, რომ კრიპტოვალუტით ვაჭრობა ძალიან ჰგავს სხვა აქტივებით ვაჭრობას, ანუ თქვენ წინააღმდეგ თქვენნაირი და თქვენზე უფრო მცოდნე ადამიანია, რომელიც მუდამ ცდილობს თქვენი პოზიცია (Order position) უფრო სარფიანად ჩაიგდოს ხელში. ამას კი დამწყები ტრეიდერები ხშირად არ ითვალისწინებენ. ფულით სავაჭრო პლატფორმებზე, ანუ ბირჟებზე ვაჭრობა დიდ გამოცდილებას და თეორიულ ცოდნას მოითხოვს. თუმცა აქ, გარდა ფუნდამენტური ანალიზისა, საჭიროა ტექნიკური ანალიზის ღრმა ცოდნაც. საერთოდ, ერთი რამ მინდა ვურჩიო დამწყებ ტრეიდერებს – რა დეპოზიტითაც იწყებთ ვაჭრობას, შეეგუეთ იმას, რომ ის უკვე დაკარგულია. ეს რჩევა თქვენ დიდი დეპოზიტების უცებ დაკარგვისგან დაგიცავთ.

- ვის შეუძლია იყოს ტრეიდერი და რა არის ამისთვის საჭირო?

- ტრეიდინგის დაწყება ყველას შეუძლია, მაგრამ 90% ამ საქმიანობას პირველივე დეპოზიტის წაგების შემდეგ ანებებს თავს და დიდხანს მიჰყვება ნეგატიური ემოციები. ადვილი არაა უეცრად დიდი ფულის დაკარგვა და შემდეგ დასკვნების გამოტანა, სად დავუშვით შეცდომები. მთავარი რჩევა დამწყებთათვის – ნუ აჰყვებით სარეკლამო მოწოდებებს ე.წ. „შუამავალი“ ბროკერების მეშვეობით. ისინი უამრავი გზით (სატელეფონო ზარები, მეილები, SMS-ები და სხვა საკომუნიკაციო არხები) ცდილობენ უცოდინარი ადამიანების ფსიქიკაზე ზემოქმედებას, მათში სიხარბის გაღვივებას, მოუწოდებენ მათ უზომო შემოსავლების მიღებისკენ. სამწუხაროდ, ყველა მათგანი მხოლოდ მახეა, ისინი სთავაზობენ მათ თავის ე.წ. „ფინანსური კონსულტანტების“ რჩევებს და ვითომ მხარდაჭერას, რაც აბსოლუტური ბლეფია.

საერთოდ, თუ ვინმეს უნდა კრიპტოვალუტით ვაჭრობის დაწყება, არანაირი პლატფორმები და კონსულტანტები არაა საჭირო, ნებისმიერ კრიპტობირჟაზე დარეგისტრირების შემდეგ შეუძლია შეიტანოს თანხები და ივაჭროს ყველანაირი „ფინანსური კონსულტანტების“ გარეშე.

www.coinmarketcap.com-ზე შეგიძლიათ იხილოთ მსოფლიოში ყველა მეტ-ნაკლებად ცნობილი კრიპტობირჟა (Exchange), მთავარია ცოტა მეტი ყურადღებით შეისწავლოთ მათი რეგისტრაცია/ვერიფიკაციის წესები და აქტივების შეტანა/გატანის პირობები (ქვეყნების მიხედვით განსხვავდება).

- რა რისკებთან არის ეს საქმიანობა დაკავშირებული და რა პრობლემების წინაშე შეიძლება აღმოჩნდეს დამწყები?

- როგორც ზემოთ აღვნიშნე, უმთავრესი რისკი უცოდინრობა და საპირისპირო მხარის კომპეტენციის არასაკმარისად შეფასებაა. აქ ხდება ორ მხარეს შორის ვაჭრობა და ერთი მხარე აუცილებლად წაგებულია, მეორე – მოგებული. სავაჭრო პოზიციის დახურვისას შეუძლებელია ორივე მოგებული დარჩეს. ამიტომ ყველას კატეგორიულად ვურჩევ – სანამ კრიპტოვალუტით ვაჭრობას დაიწყებთ, მიებაროთ შედარებით მცოდნე ადამიანს, მოსწავლედ, უხადოთ ფული გამოცდილების გაზიარებაში, კარგად შეისწავლოთ მისი შეცდომები და მხოლოდ ამის მერე გაბედოთ თავადაც ვაჭრობა.

- თაღლითობის შემთხვევები თუ არის ამ სფეროში და როგორ უნდა დავიცვათ თავი მათგან?

- სამწუხაროდ, ამ სფეროში თაღლითების რაოდენობა გეომეტრიული პროგრესიით იზრდება, განსაკუთრებით ბოლო წლის განმავლობაში, როდესაც მოსახლეობის მნიშვნელოვან ნაწილს უკვე ერთხელ მაინც სადღაც აქვს გაგონილი, რომ კრიპტოვალუტა მკვეთრად იზრდება ფასში და ამაზე შეიძლება შემოსავლის მიღება. ხალხი პანდემიის გამო იძულებულია სახლში იჯდეს და ახალი შემოსავლები ეძებოს. საერთოდ, თაღლითები ყოველთვის სპეკულირებენ ისეთი თემებით, სადაც მოსახლეობის ფართო მასებს მწირი ცოდნა აქვთ, ან საერთოდ არ გააჩნია წარმოდგენა, რასთან აქვთ საქმე. მიუხედავად იმისა, რომ კრიპტოვალუტის ინვესტიციაში და, განსაკუთრებით, მათ ვაჭრობაში, ანუ ტრეიდინგში სულ რამდენიმე თვეშიც კი ძალიან დიდი მოგების მიღებაა შესაძლებელი, მე ყველას მოვუწოდებ, თავი შეიკავონ ისეთი ქმედებისგან, რაზეც ზედაპირული წარმოდგენაც კი არ გააჩნიათ, ეს მხოლოდ დიდ უსიამოვნებებს მოუტანს მათ.

ამ ბოლო დროს განსაკუთრებით ხშირად მეკითხებიან ისეთ კომპანიებზე, სადაც ხდება მოპატიჟებით გაწევრიანება, ანუ ე.წ. რეფერალური პროგრამით. მე რამდენიმე ათეული შემთხვევა შევისწავლე და აბსოლუტურად ყველა მათგანი თაღლითური გზით ცდილობს ფინანსური პირამიდის პრონციპით მოიზიდოს ახალი წევრები, მათ შენატანების ხარჯზე დაუფაროს ძველ წევრებს მოგების ნაწილი, ხოლო უმეტესი მოგება თვითონ მიისაკუთროს. ეს ყველაფერი ამოფარებულია ლამაზად შეფუთულ ლეგენდებს, სადაც უამრავი ფსევდო-მილიონერი გიყვებათ, თუ რამდენად დიდი და რევოლუციური აღმოჩენაა კრიპტოვალუტა და რამხელა წარმატებას მიაღწია მათმა „კომპანიამ“. ძალიან ყურადღებით უნდა დავაკვირდეთ ხოლმე მათი ე.წ. „ლიდერების“ და „მენეჯერ–პარტნიორების“ საუბარს, უმეტეს შემთხვევაში მათ ზედაპირული წარმოდგენაც კი არ აქვთ კრიპტოვალუტებზე.

ასევე არ ვურჩევ არავის ნაკლებად ცნობილ ბირჟებზე რეგისტრაციას, განსაკუთრებით აზიის ქვეყნებში. იქ არაერთხელ დაფიქსირებულა აქტივის გამოტანის პრობლემები.

კრიპტოვალუტა ძალიან პერსპექტიული და მომგებიანი სფეროა, თუმცა მოსახლების უმეტესი ნაწილი ამ სფეროში საერთოდ გაუთვიცნობიერებელია და ზუსტად ამით სარგებლობენ თაღლითებიც.

- როგორ უნდა მივაღწიოთ წარმატებას ამ სფეროში?

- ეს სფერო არაა ყველასთვის, როგორც ამას ე.წ. „ფინანსურ-ბროკერული“ კომპანიები გპირდებიან. ასევე ამ სპეციალობის ათვისებას ნუ ეცდებიან ის ადამიანები, ვისაც საკუთარი ემოციების თითქმის ნულამდე დაყვანა და ცივი გონებით აზროვნება არ შეუძლია. ამ საქმეში აზარტი ძალიან დამღუპველია. მაგრამ თუ მაინცდამაინც გაქვთ სურვილი ამ რთულ და მაღალრისკიან საქმეს მოჰკიდოთ ხელი, აუცილებლად მიებარეთ რომელიმე სასწავლებელს (online-რეჟიმში ბევრის მოძებნაა შესაძლებელი), რომლებიც გარკვეული თანხის სანაცვლოდ შეეცდებიან გადმოგცენ საჭირო ცოდნა და გამოცდილება. მე სპეციალურად არ გამოვიყენე სიტყვა – „გასწავლიან“. როგორც კი გაიგებთ, რომ ვინმე უფასოდ გთავაზობთ ტრეიდინგის სწავლებას, ან თაღლითია და სურს თქვენი დანაზოგების დაუფლება, ან თვითონაც არაფერი გაეგება და თქვენზე ატარებს ექსპერიმენტებს.

ნატა პატარაია

115
ხადას ხეობა

დღის ასტროპროგნოზი ზოდიაქოს ნიშნებისთვის: 15 აპრილი

0
(განახლებულია 09:04 14.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 15 აპრილია, ხუთშაბათი. მზარდი მთვარე ტყუპის ნიშანშია. ამ დღეს პლანეტა იუპიტერი მფარველობს.

იდეალური დღეა მეგობრული შეხვედრების, სეირნობის, უდარდელად დროის გატარებისთვის და არასახარბიელო – სერიოზული საქმეებისთვის, ამიტომ არ ღირს საპასუხისმგებლო საქმეების კეთება, არის საფრთხე სერიოზული შეცდომების დაშვების. ადამიანები განწყობილი არიან, რომ დაივიწყონ პრობლემების შესახებ და ცხოვრებას ვარდისფერი სათვალით შეხედონ. მიეცით გასაქანი ფანტაზიებსა და ოცნებებს და ეს დაუვიწყარ შეგრძნებებს გაჩუქებთ სიყვარულსა და შემოქმედებაში.

ზოდიაქოს ნიშნები და მათი „შინაგანი დემონები“>>

ვერძი: ემოციებით დატვირთული დღე გაქვთ. ტირილი თუ სიცილი მოულოდნელად შეიძლება მოგინდეთ და თან სულ მცირე ინტერვალის დაშორებით. გარშემომყოფებს და ყველაზე ძვირფას ადამიანებსაც კი გაუჭირდებათ თქვენი მშფოთვარე განწყობის ატანა, მით უმეტეს, რომ შეიძლება მათზე გადმოანთხიოთ ეს ბობოქარი ემოციები და თან ყველაზე შეუფერებელ მომენტში. თუ თავს ხელში აიყვანთ, შეგიძლიათ ამ ძლიერი ემოციების იარაღად ქცევა დაბრკოლებების გადასალახავად და წარმატების მისაღწევად.

კურო: საქმეებში და განსაკუთრებით ფინანსურ საკითხებში დიდი სიფრთხილე გმართებთ, რადგან შეცდომების დაშვებაა შესაძლებელი. შესაძლოა, რაღაც საკითხის გადასაჭრელად არასაკმარისი ინფორმაცია გაგაჩნიათ. თქვენი რეპუტაცია და საფულე რომ არ დაზარალდეს, ხელი არ უნდა მოჰკიდოთ იმას, რაც თქვენი კომპეტენციის საზღვრებს სცილდება, თუნდაც ძალზე მარტივი საქმე იყოს. სჯობს, რჩევა პროფესიონალს ჰკითხოთ.

ტყუპი: არ ღირს მნიშვნელოვანი გადაწყვეტილებების მიღება ან საპასუხისმგებლო ნაბიჯების გადადგმა. შესაძლებელია არასწორი მიმართულებით წახვიდეთ, სასურველი რეალობად მიიღოთ. თუნდაც რამე იდეა ბრწყინვალედ მოგეჩვენოთ, რომელიც დაუყოვნებლივ გადაწყვეტას მოითხოვს, სჯობს, ერთი–ორი დღე მოიცადოთ და კარგად დაფიქრდეთ. დანარჩენში საკმაოდ კარგი დღეა, შეგიძლიათ დატკბეთ ცხოვრებით და მნიშვნელოვანი გადაწყვეტილებები სხვა დროისთვის გადადოთ.

კირჩხიბი: მოგიწევთ სიმტკიცის გამოჩენა, რომ გარშემომყოფებმა ზედმეტად არ დაგტვირთონ. შესაძლოა, ხელმძღვანელობას მოეჩევნოს, რომ საკმარისად დატვირთული არ ხართ და კიდევ ერთი ვალდებულების აღება შეგიძლიათ საკუთარ თავზე, ან კოლეგებმა იფიქრონ, რომ მათი საქმე თქვენ უნდა შეასრულოთ. ასევე არაა გამორიცხული, რომ თვითონ გადაწყვიტოთ საკუთარი თავის ექსპლუატაცია. ასეა თუ ისე, მოგიწევთ უარის თქმის სწავლა (თქვენი თავისთვისაც) და ამისთვის თავაზიანი სიტყვების მარაგის შევსება.

ლომი: დღეს, დიდი ალბათობით, რაღაც ცდუნების წინაშე დადგებით. არის ალბათობა იმისა, რომ მომხიბლავი წინადადება მიიღოთ, ან საწინააღმდეგო სქესის სიმპათიური წარმომადგენელი გაიცნოთ, ან სულაც, აკრძალულისთვის „გემოს გასინჯვის“ სურვილი გაგიჩნდეთ. ასე თუ ისე, ვარსკვლავები გირჩევენ, სანამ რამეს გადაწყვეტთ, ყველაფერი კარგად აწონ–დაწონოთ, რადგან ამ გადაწყვეტილებაზე, შესაძლოა, ბევრი რამ იყოს დამოკიდებული მომავალში.

ქალწული: სიტუაციამ, შესაძლოა, თქვენი პროფესიული უნარების მთლიანად გამომჟღავნება მოითხოვოს. საუბარი შეიძლება იყოს თქვენ სამუშაოზე, დასაქმებაზე, სწავლაზე, გამოცდაზე და ა.შ. მთავარია, რომ მოგიწევთ გარშემომყოფებისთვის ან საკუთარი თავისთვის იმის დამტკიცება, რომ საჭირო ცოდნა და უნარები გაგაჩნიათ, შეგწევთ ძალა იმისთვის, რომ დასახული ამოცანა შეასრულოთ და პრობლემები მაღალ პროფესიულ დონეზე გადაჭრათ.

სასწორი: დღეს თქვენში ჰარმონია დაიბუდებს. ნებისმიერ საქმეს იოლად გაუმკლავდებით. არაჩვეულებრივი განწყობა ყველაფერზე აისახება, რასაც ხელს მოჰკიდებთ. არც ისაა გამორიცხული, რაღაც საკითხები, რომლებიც დიდი ხნის განმავლობაში გამძიმებდათ, მოულოდნელად თავისთავად გადაწყდეს. ასევე შესანიშნავი დღეა გარშემომყოფებთან ურთიერთობების მოსაგვარებლად, რადგან ძალზე მომხიბლავი ხართ და ადვილად შეგიძლიათ სხვების გულის მოგება.

მორიელი: თქვენი წარმატების გარანტი დღეს სიფრთხილეა. სიტუაციაში სწრაფად და დამაჯერებლად ორიენტირებისთვის საჭირო მოქნილობა და რეაქციები დღეს არ გაქვთ. არ არის გამორიცხული, რომ ვინმემ თქვენი გარემოცვიდან ისარგებლოს თქვენი არაინფორმირებულობით და ინიციატივა ჩამოგართვათ, მოგატყუოთ. ეს რომ არ მოხდეს, ყურადღება უნდა გააასმაგოთ, არ ჩაებათ საეჭვო სქემებში, რომლებში თქვენ ჩათრევასაც მოინდომებენ გარშემომყოფები.

მშვილდოსანი: ჰარმონიისა და სიყვარულის დღეა. ამას იგრძნობთ იმ შემთხვევაშიც, თუ სიხარულის კონკრეტული საბაბი არ გაგაჩნიათ. ნეტარების მეცხრე ცაზე შეიძლება აღმოჩნდეთ ვინმეს ღიმილის, მზერის, რაღაც მინიშნების გამოც კი. მარტოხელებს დიდი შანსი გაქვთ, რომ სასიამოვნო რომანტიკულ სიურპრიზს შეეჯახოთ, მრავლისმთქმელი ნაცნობობა გააბათ. თუ გყავთ საყვარელი ადამიანი, კარგი იქნება, თუ დღეს მასთან ერთად გაატარებთ.

თხის რქა: დღეს არ ღირს ახალი პროექტების დაწყება, დიდი შანსია, რომ ყველაფერი აირ–დაირიოს. შესანიშნავი დღეა იმისთვის, რომ დრო საყვარელ ადამიანთან, მეგობრებთან ერთად გაატაროთ, არაფერი აკეთოთ, ან საკუთარ თავს ასიამოვნოთ. რაც შეეხება საქმეებს, დიდია ალბათობა, რომ არაფერი გამოგივათ, ვერაფერ შედეგს ვერ მიიღებთ. ასტროლოგების რჩევაა, უბრალოდ იცხოვრეთ, დატკბით მცირე სასიხარულო მოვლენებით და არაფერზე იდარდოთ.

მერწყული: შესანიშნავ ორატორულ უნარებს გამოავლენთ – თქვენთვის არანაირი პრობლემა არ იქნება, რომ გარშემომყოფები საკუთარ სიმართლეში დაარწმუნოთ ან რამე ავანტიურული იდეით „დააავადოთ“. თქვენი ენთუზიაზმი „გადამდები“ იქნება, თუნდაც ნაჩქარევი დასკვნები გამოიტანოთ, გააზვიადოთ ყველაფერი და სასურველი რეალობად აღიქვათ – სწორედ თქვენი ფანტასტიკით გაჟღენთილი აზრები მოხიბლავს დღეს ირგვლივ მყოფებს – ყველაფრის დაანგარიშება და აწონ–დაწონა კი სხვა, უფრო მოსაწყენ დღეს იქნება შესაძლებელი.

თევზები: დღეს ძალზე ღირებული იდეები შეიძლება გაგიჩნდეთ, მაგრამ ვარსკვლავები გირჩევენ, მათი რეალიზება სხვა დროისთვის გადადოთ. თქვენი წარმოსახვა ფერადოვანი და კაშკაშა იქნება და პრაქტიკულობასთან ერთად ერთი შეხედვით საკმაოდ რეალურ სახესაც მიიღებს. მიუხედავად იმისა, რომ ამ იდეების განხორციელების დაწყება დღეს არარეკომენდებულია, არც ამ იდეებისა და აქედან გამომდინარე გეგმების დავიწყება ივარგებს – დაიმახსოვრეთ ყველაფერი და მათ განხორციელებაზე ფიქრი სხვა დროისთვის გადადეთ.

0