წიგნები კალათში

ისტორიული ტესტი: რა გახსოვთ ქართველ მეფეთა ცხოვრება-მოღვაწეობიდან

2726
(განახლებულია 15:26 08.08.2020)
„Sputnik-საქართველო“ გთავაზობთ შეამოწმოთ, რამდენად კარგად იცნობთ საკუთარი ქვეყნის ისტორიასა და ქართველ მეფეთა ბიოგრაფიებს.

როდესაც ერი ივიწყებს თავის ისტორიას, წარსულს, ეს არის მომასწავებელი „ერის სულით და ხორცით მოშლისა, დარღვევისა და მთლად წარწყმედისაცა“, - ამბობდა ილია ჭავჭავაძე. 

მოდით, შევამოწმოთ, რა გახსოვთ დიდ ქართველ მეფეთა ცხოვრებიდან. 

Sputnik საქართველოს სხვა საინტერესო და მრავალფეროვანი ტესტები შეგიძლიათ იხილოთ აქ: 

2726
თემები:
ტესტები (224)
მოზარდი სიბნელეში

ფსიქოლოგიური ტესტი: რას უმალავთ ახალ ნაცნობებს და რატომ?

261
(განახლებულია 19:29 21.07.2021)
საწინააღმდეგო სქესთან გაცნობისას თითოეული ადამიანი ცდილობს (შეგნებულად თუ გაუცნობიერებლად), რომ გარკვეული კუთხით წარმოჩინდეს — დამალოს ის, რაც თავის ნაკლად მიაჩნია და აჩვენოს ის, რასაც პლუსად უთვლის თავს.

ქვემოთ შემოთავაზებული ფსიქოლოგიური ტესტი დაგეხმარებათ დაადგინოთ, რის დამალვას ცდილობთ გაცნობისას, რა გძაბავთ ახალ ადამიანთან ურთიერთობებში და რის გაკონტროლებაზე ხარჯავთ დიდ ენერგიას.

იმისათვის, რომ ტესტის პასუხები მაქსიმალურად ზუსტი იყოს, საჭიროა გამორთოთ ლოგიკა, მაქსიმალურად მოდუნდეთ და გაიხსენოთ, როგორ გრძნობთ ხოლმე თავს, როდესაც ახალ ადამიანს ეცნობით, განსაკუთრებით, საწინააღმდეგო სქესის წარმომადგენლებს. შემდეგ დახედეთ ქვემოთ შემოთავაზებულ ფოტოებს და ინტუიციურად აირჩიეთ ის, რომელიც ყველაზე მეტად იპყრობს თქვენს ყურადღებას.

სხვა საინტერესო და მრავალფეროვანი ტესტები შეგიძლიათ იხილოთ აქ: 

თუ ერთის გარდა სხვა სურათიც იგივე ძალით გიზიდავთ, შეგიძლიათ მეტიც აირჩიოთ. ხოლო თუ ფოტოებიდან არცერთმა არ დაიმსახურა თქვენი ყურადღება, ე.ი. მათ შორის თქვენი ვარიანტი უბრალოდ არ არის.

ფსიქოლოგიური ტესტი: რას უმალავთ ახალ ნაცნობებს?
ფსიქოლოგიური ტესტი: რას უმალავთ ახალ ნაცნობებს?

თუ აირჩიეთ:

სხვენი — ე.ი. არ გსურთ ახალ ნაცნობს თქვენი წარსულის შესახებ რამე უამბოთ. რატომღაც გინდათ, რომ ბავშვობისა და სიყმაწვილის მოგონებები არავის გაუზიაროთ. შესაძლოა იმიტომ, რომ ისინი ძალიან უსიამოვნო და მტკივნეულია თქვენთვის, ან იმიტომ, რომ ძალიან ბობოქარი წარსული გქონდათ და ახლა ცდილობთ „წესიერი ადამიანის“ შთაბეჭდილება მოახდინოთ.

ასეა თუ ისე, წარსულის დაფარვამ შეიძლება დიდი ეჭვები გაუჩინოს ახალ ნაცნობს. ამიტომ იქნებ ღირდეს, განვლილი ცხოვრების შესახებ ისე უამბოთ მას, რომ დეტალებს არ ჩაუღრმავდეთ და ამით ზედმეტი და არასაჭირო ეჭვები თავიდან აიცილოთ.

შველი — ე.ი. არ გსურთ საქვეყნოდ გამოფინოთ, რომ დაუცველი, მორცხვი და ერთგვარად მშიშარა ადამიანი ხართ. შესაძლოა ამის დასამალად მოჩვენებით თავდაჯერებულობასაც კი მიმართავთ ხოლმე, მაგრამ სულის სიღრმეში ნამდვილად ვერ გრძნობთ თავს ესოდენ ყოჩაღად. და, კიდევ, ცდილობთ დამალოთ, რომ სითბოსა და ალერსის, ფაქიზი მოპყრობის საჭიროებას განიცდით. 

დაფიქრდით, იქნებ სულაც არ ღირდეს თქვენი ნამდვილი ბუნების დამალვა? ხომ შეიძლება, თქვენი მორცხვობა და დაუცველობა ძალიანაც მიმზიდველი აღმოჩნდეს ახალი ნაცნობისთვის და ის თბილი გრძნობებით განიმსჭვალოს, გაუჩნდეს თქვენზე ზრუნვის სურვილი?

წინააღმდეგ შემთხვევაში, გამორიცხული არ არის, ახალი ნაცნობისთვის უსიამოვნო სიურპრიზად იქცეს ის ამბავი, რომ თავდაჯერებულობის უკან სინამდვილეში მშიშარა ადამიანი იმალება.

კიბორჩხალა — ე.ი. ახალი ნაცნობისგან თქვენი ცვალებადი, არამდგრადი ხასიათის დამალვა გსურთ. არ გინდათ, რომ თავქარიან, ქარაფშუტა, გაუბედავ და მერყევ ადამიანად ჩაგთვალონ, რომელიც ხშირად იხევს უკან.

მაგრამ დაფიქრდით, მართლაც ხართ კი ის ადამიანი, რომელიც ხშირად იცვლის პოზიციას, აზრსა და გადაწყვეტილებას მაშინ, როდესაც პასუხისმგებლობის თავზე აღებაა საჭირო? ან ისეთი, რომელიც ურთიერთობებს არ უფრთხილდება? იქნებ ასე იმიტომ გგონიათ, რომ მსგავსი საყვედურები ხშირად გსმენიათ ბავშვობასა თუ სიყმაწვილეში? დაუკვირდით, ხომ არ გერევათ ქარაფშუტობა უბრალო სიმსუბუქესა და სწრაფი ადაპტაციის უნარში?

თხილეული — ე.ი. ახალი ნაცნობისგან ცხოვრებისეული პრობლემებისა და სიძნელეების დამალვა გსურთ. ამაყი ბრძანდებით და მიგაჩნიათ, რომ საჭირო არ არის ყველამ იცოდეს, რომ ახლა თქვენს ცხოვრებაში ყველაფერი რიგზე არ არის.

ერთი მხრივ, ეს ძლიერი და დამოუკიდებელი ადამიანის პოზიციაა, მეორე მხრივ კი შეიძლება უბრალოდ გრცხვენოდეთ გაჭირვებისა და მიგაჩნდეთ, რომ შექმნილი მდგომარეობა თქვენი თავმოუბმელობის ბრალია.

სინამდვილეში კი დროდადრო ყველა ადამიანი აწყდება პრობლემებს და ეს სრულებით ნორმალურია. საჭირო არ არის, ამისთვის თავს კიცხავდეთ და ისე აჩვენებდეთ ხალხს თავს, თითქოს ყველაფერი წესრიგშია. თანაც, როცა ადამიანი გულწრფელი არ არის, ეს იოლი ამოსაცნობია და ამან შეიძლება ხელი შეგიშალოთ ახლო, თბილი ურთიერთობების დამყარებაში.

მარტოხე — ე.ი. ცდილობთ ახალ ნაცნობს თქვენი გაორებული ბუნება დაუმალოთ, ვინაიდან მიგაჩნიათ, რომ ეს მას დააფრთხობს. მაგრამ რას იზამთ, თუ თქვენში უამრავი ურთიერთსაწინააღმდეგო აზრი და გრძნობა ბუდობს?

ყველაზე მეტად მაშინ გიჭირთ, როდესაც ორ საწინააღმდეგო გრძნობასა თუ სურვილს შორის იგლიჯებით: „მიყვარს და მძულს“, „მასთან დარჩენა მინდა, მაგრამ უნდა წავიდე“. ამ შინაგან რყევებს შეუძლია დიდი ტანჯვა მოგაყენოთ.

ამიტომ შეეცადეთ შეხედოთ თქვენს გაორებულობას არა როგორც ნაკლს, არამედ როგორც ღირსებას. მიიღეთ საკუთარი თავი ისეთი, როგორიც ხართ და შეწყვიტეთ რაიმე ერთის არჩევა.

ვირთხა — ე.ი. ახალ ნაცობს შინაგან ტკივილებს უმალავთ. დიდი ალბათობით, თქვენს ცხოვრებაში მოხდა რაღაც ისეთი, რამაც პირდაპირ გულში დაგჭრათ და მძიმე მოგონებებზე ფიქრიც კი არ გინდათ.

გამორიცხული არ არის, იმ მძიმე ამბის შემდეგ ადამიანების ნდობა გიჭირდეთ. თქვენი კეთილგანწყობის მოპოვება არც ისე იოლი საქმეა.

ერთი მხრივ, შეიძლება არც იყოს საჭირო, რომ ყველას გაუხსნათ გულის კარი, მაგრამ, მეორე მხრივ, არსებობენ ისეთი ადამიანები, რომლებიც გულწრფელად ამოგიდგებიან მხარში.

მოკლედ, ორი გზა გაქვთ: ან ყველასგან ჩაიკეტოთ, ან ცოტ-ცოტა გარისკოთ და ადამიანებთან ურთიერთობები დაამყაროთ.

რაც მთავარია, უნდა გახსოვდეთ, რომ მწარე გამოცდილება მხოლოდ აძლიერებს ადამიანს და სიძნელეებთან გამკლავებას ასწავლის. 

261
თემები:
ტესტები (224)
ვიზუალური ტესტი

ვიზუალურ-ფსიქოლოგიური ტესტი: ვინ და როგორი ხართ სინამდვილეში

445
(განახლებულია 22:20 15.07.2021)
შვეიცარიელი ფსიქიატრი, ანალიტიკური ფსიქოლოგიის ფუძემდებელი კარლ გუსტავ იუნგი წრეს ფსიქიკის ურღვევობისა და ადამიანის „მეს“ სიმბოლოდ მიიჩნევდა.

თანამედროვე ფსიქოლოგიაც იგივე აზრისაა.

ეს ვიზუალური ტესტი, რომელიც სწორედ წრეებისგან შედგება, დაგეხმარებათ გაარკვიოთ, როგორი დამოკიდებულება გაქვთ საკუთარი ცხოვრებისა თუ გარშემო მყოფებისადმი, როგორი პიროვნება ხართ და როგორია თქვენი შინაგანი სამყარო.

ამისათვის საჭიროა დახედოთ შემოთავაზებულ ვარიანტებს და აარჩიოთ ის წრე, რომლის შიგნითაც ისურვებდით ყოფნას.

სხვა საინტერესო და მრავალფეროვანი ტესტები შეგიძლიათ იხილოთ აქ: 

აირჩიეთ წრე - ვიზუალურ-ფსიქოლოგიური ტესტი
აირჩიეთ წრე - ვიზუალურ-ფსიქოლოგიური ტესტი

წრე №1 — ევოლუცია

ეს წრე უწყვეტი ზრდისა და ევოლუციის სიმბოლოა. მისი თავისებურება ისაა, რომ წვრილი, თითქმის შეუმჩნეველი ხაზით იწყება და თანდათან სქელდება. ამასთან ჩაკეტილი არ არის.

თუ ეს წრე აირჩიეთ, იმას ნიშნავს, რომ გამუდმებით ვითარდებით, სულ უფრო გამოცდილი ხდებით და თანაც ამ განვითარება-გამოცდილებას საზღვარი არ აქვს.

თქვენთვის მნიშვნელოვანია, რომ გამუდმებით ისწავლოთ და შეიმეცნოთ რაღაც ახალი, აღმოაჩინოთ საკუთარ თავში თქვენთვისვე უცნობი მხარეები და უნარები. და, სხვათა შორის, ეს შესანიშნავად გამოგდით კიდეც.

წრე №2 — თავისუფლება

ეს წრე ერთადერთია შემოთავაზებულებს შორის, რომელსაც გარე ელემენტები აქვს. შესაბამისად, თუ ეს წრე აირჩიეთ, ე.ი. თქვენც გაქვთ რაღაც ისეთი, რაც ნაცრისფერი მასისგან გამოგარჩევთ.

ამასთან საკმაოდ მყარად დგახართ ფეხზე და კარგად იცით რა გსურთ ცხოვრებისგან. ყველაფერზე საკუთარი თვალსაზრისი გაქვთ და არავის მისცემთ უფლებას, თავს მოგახვიოთ თავისი მოსაზრებები.

მიუხედავად ამისა, საკმაოდ კარგად ახერხებთ ირგვლივ მყოფებთან საერთო ენის გამონახვას. თითქმის არასდროს მიგყავთ საქმე კონფლიქტამდე და მშვიდობიანად აგვარებთ კონფლიქტებს. ეს პირად ცხოვრებასაც ეხება და სამსახურსაც.

წრე №3 — ოჯახის უზენაესობა

როგორც ხედავთ, ამ წრის შიგნით ხე არის — რაღაც მონუმენტურისა და ურყევის სიმბოლო.

თუ ეს წრე აირჩიეთ, გამომდინარე იქიდან, რომ ხე ფსიქოლოგიაში ხშირად არის გაიგივებული ოჯახთან და მის ფასეულობებთან, ე.ი. თქვენთვის მთავარი სწორედ ოჯახია. დარწმუნებული ხართ, რომ ჭეშმარიტი ბედნიერება და ჰარმონია მხოლოდ უახლოესი ადამიანების გვერდით მოიპოვება. ამასთან თავად ხართ თქვენი ოჯახისა და ახლობლების უმტკიცესი საძირკველი და დამცველი.

და კიდევ, რადგან ეს წრე ჩაკეტილი არ არის, ეს იმაზე მეტყველებს, რომ გახსნილი ხართ ცვლილებებისა და გარე სამყაროსთვის.

წრე №4 — სიმტკიცე

ამ წრის ცენტრში ლოტოსია — მცენარე, რომელსაც შეუძლია ურთულეს პირობებში აღმოცენდეს და უმშვენიერეს ყვავილად გაიშალოს.

თუ ეს წრე აირჩიეთ, ე.ი. საოცრად მტკიცე ხართ. შეგიძლიათ ნებისმიერ სიძნელეს გაუმკლავდეთ და მაინც მიაღწიოთ სასურველს, მიუხედავად ყველაფრისა.

ამასთან გახასიათებთ ცხოვრებისადმი ფილოსოფიური მიდგომა, სირთულეებს თქვენთვის მხოლოდ სარგებელი მოაქვს.

წრე №5 — საზღვრის რაობა

ეს ერთადერთი ჩაკეტილი წრეა შემოთავაზებულებს შორის. თუმცა ეს სულაც არ მეტყველებს ადამიანის „შემოსაზღვრულობაზე“, ანუ შეზღუდულობაზე. პირიქით.

თუ ეს წრე აირჩიეთ, ე.ი. თქვენ ხართ ადამიანი, რომელსაც უყვარს განვითარება, მოგზაურობა, გარემომცველი სამყაროს შეცნობა. ამავდროულად მკაფიოდ შემოსაზღვრავთ პირად სივრცეს და ამ საზღვრის გადაკვეთის უფლებას ყველას არ აძლევთ.

ირგვლივ მყოფებს ოპტიმისტი, სიცოცხლით სავსე ადამიანი ჰგონიხართ და მხოლოდ ყველაზე ახლობლებმა იციან, როგორი ხართ სინამდვილეში.

წრე №6 — არასტანდარტული აზროვნება

ეს წრე თითქოს ერთბაშად რამდენიმე წრისგან შედგება, რაც არასტანდარტულ აზროვნებაზე მეტყველებს.

თუ ეს წრე აირჩიეთ, ე.ი. კრეატიული ადამიანი ხართ, გაქვთ მოქნილი გონება და დიპლომატიური უნარებით გამოირჩევით. გაგაჩნიათ დარწმუნების ძალა და შესანიშნავად ერგებით ახალ პირობებს.

ამასთან გიყვართ, ყველაფერი თქვენებურად გააკეთოთ — წესებიც დაარღვიოთ და ძველ დოგმებს შეეწინააღმდეგოთ. და გამოგდით კიდეც, სხვათა შორის.

445
თემები:
ტესტები (224)
ბედნიერების შეგრძნება

რა გველოდება აგვისტოში: თვის ასტროპროგნოზი ზოდიაქოს ნიშნებისთვის

0
(განახლებულია 19:18 28.07.2021)
ასტროლოგების პროგნოზით ზოდიაქოს ზოგიერთი ნიშნის წარმომადგენლებს მოუსვენრობა შეიპყრობს, აქეთ–იქით მიაწყდება, რომ რამე გამოსავალი იპოვოს და პრობლემები გადაჭრას. რისი გაკეთება ღირს ამ დროს და რისი არა, გაეცანით ჩვენს ჰოროსკოპს.

აგვისტოს პირველი ნახევარი ძირითადად უარყოფითი მოვლენების გარეშე ჩაივლის. სიმშვიდე იქნება ოჯახებში, ასევე სტაბილურობა შენარჩუნდება მატერიალური თვალსაზრისით. საჭიროა ამ პერიოდის გამოყენება იმისთვის, რომ დავისახოთ კონკრეტული, ცხოვრებისთვის აუცილებელ მომენტებთან დაკავშირებული მიზანი. ასეთ შემთხვევაში თეთრი ლითონის ხარი გულმოწყალებას გამოიჩენს და მის რეალიზებაში დაგეხმარებათ. ფუჭი მიზნები და წამიერი სიამოვნებები ხარისგან წახალისებული არ იქნება.

აგვისტოს მეორე ნახევარი მშფოთვარე პერიოდი იქნება, დაიწყება პრობლემები, ცვლილებები. ვისაც ჩანაფიქრის რეალიზება აქვს ამ დროისთვის დაგეგმილი, უნდა მოემზადოს მოულოდნელი მოვლენებისა და ამ მოვლენებზე „აწყობისთვის“. გასათვალისწინებელი იქნება გარე ფაქტორები და საკუთარი ქცევების კორექტირება.

აგვისტოში კალეიდოსკოპივით შეიცვლება მოვლენები. ამისთვის მორალურად უნდა იყოთ მზად. თავი ხელში უნდა აიყვანოთ, არ აჩვენოთ თქვენი ნირი და ხასიათი. ასე შეძლებთ შეინარჩუნოთ ურთიერთობები, ფიზიკური და მორალური მდგომარეობა.

ფულის ხარჯვის მოყვარულებს ასტროლოგები აფრთხილებენ, რომ ფინანსების უკმარისობა გელოდებათ, თუ ფულს არაპრაქტიკულ ნივთებზე დახარჯავთ.

აგვისტო კარგ შემოსავალს ჰპირდება სასოფლო–სამეურნეო სფეროში დაკავებულებს. ცნობილია, რომ ხარი უყურადღებოდ არ დატოვებს სოფლის მცხოვრებლებს. წარმატებები ხელფასის მომატების მხრივ სხვა სფეროს წარმომადგენლებსაც ელოდებათ, თუ ისინი მუხლჩაუხრელად იმუშავებენ და პასუხისმგებლობას გამოიჩენენ.

ფინანსებთან დაკავშირებით ასევე უნდა აღინიშნოს აგვისტოს ბოლო დეკადა – ამ დროს ბევრს გაუჩნდება ფული (სხვადასხვა წყაროდან). აჯობებს, თუ თანხას რამე სასარგებლო საქმეში ჩადებთ, „შავი დღისთვის“ გადადებთ, ან რამე მნიშვნელოვან ნივთს იყიდით.

ადამიანები უფრო გულღია იქნებიან და თამამად ისაუბრებენ თავიანთ გრძნობებზე, გახდებიან უფრო ემოციური და პოზიტიური, ბევრი გამოუტყდება თავის რჩეულს სიყვარულში.

მარტოხელების უმრავლესობას მიეცემა შანსი, რომ თავისი ბედი გაიცნოს, მაგრამ გაითვალისწინეთ, რომ ურთიერთობები თავდაპირველად მეგობრული ხასიათის შეიძლება იყოს და სიყვარულის ელფერი მოგვიანებით მიეცეს.

დაოჯახებული წყვილები ჰარმონიაში იცხოვრებენ, თუ, რა თქმა უნდა, გამოძებნიან კომპრომისს, ერთმანეთს ესაუბრებიან და სატკივარს გაუზიარებენ.

ტრანზიტული პლანეტები ზოდიაქოს ნიშნებს ახალ, პირველ რიგში შესასრულებელ ამოცანებს ავალებენ. კერძოდ:

  • ვერძებს მთელი პოტენციალის მობილიზება და ამის გარშემომყოფებისთვის ჩვენება მოგიწევთ, ამით შეძლებთ, რომ დაინახონ და დააფასონ თქვენი ნიჭი.
  • კუროებმა პრობლემების გადაჭრისთვის მეგობრებს ან ნათესავებს უნდა მიმართოთ. ასე ყველაფერს დროულად გაართმევთ თავს.
  • ტყუპებმა ახალი პროექტები შემდეგ თვემდე უნდა შეაჩეროთ, წინააღმდეგ შემთხვევაში პროფესიული გამოფიტვა გელოდებათ.
  • კირჩხიბებმა სასწრაფო საკითხების გადაჭრაზე უნდა იზრუნოთ და გადახედოთ თქვენს ქმედებებს წინა პერიოდში.
  • ლომებმა ნებისყოფა უნდა გამოიჩინოთ და აჩვენოთ, რომ შეგიძლიათ ბრძოლა მოულოდნელად გამოჩენილ პრობლემებთან.
  • ქალწულებს გაგიჭირდებათ პრობლემებთან დამოუკიდებლად გამკლავება. შეინარჩუნეთ სიმტკიცე და ყველაფერი გამოგივათ.
  • სასწორებს დიდი ძალისხმევა დაგჭირდებათ, რომ პოპულარობა მოიხვეჭოთ. იღბალი თქვენ ხელშია.
  • მორიელებს წარსული აგედევნებათ შეამოწმეთ, ყველაფერს სწორად აკეთებთ?
  • მშვილდოსნებისთვის უპრიანია მედიტაცია. სწორედ რომ დროა, ითვისოთ ორგანიზმის მოდუნების ტექნიკა.
  • თხის რქები სწავლაზე უნდა დაფიქრდეთ. ეს თვე თვითსრულყოფაზე მუშაობისა და ახალი ცოდნის ათვისების გზას გთავაზობთ.
  • მერწყულები პრობლემებს თავს აარიდებთ, თუ მთელი თვე შვებულებაში იქნებით და მას ოჯახთან ან მეგობრებთან ერთად გაატარებთ.
  • თევზები ცხოვრებას თვითონ გაირთულებთ. უფრო მარტივი იქნება, თუ წვრილმანებს არ გამოეკიდებით.

ახლა კი აგვისტოს უფრო დეტალური პროგნოზი ზოდიაქოს ნიშნებისთვის.

ვერძი

ყველაზე იღბლიანები ხართ ამ თვეში. იღბალი აგვისტოს დასაწყისშივე გაგიღიმებთ ნებისმიერ წამოწყებაში – სიყვარულში, სამუშაოზე თუ სხვა სფეროებში. შეძლებთ პოტენციალის წარმოჩენას და ირგვლივ მყოფების აღიარების მოპოვებას. თვის შუა რიცხვებში სიტუაცია შეიცვლება. დაიწყება რაღაც აუხსნელი. ყველაფერი გართულდება. სჯობს, შვებულება აიღოთ და დაისვენოთ. პირადი ცხოვრება დუღს – ეს ძალიან კარგია მარტოხელებისთვის, დაოჯახებულებს კი პრობლემებს უქადის, რადგან მეორე ნახევრის მხრიდან ეჭვიანობის სცენებია მოსალოდნელი. ყურადღება მიაქციეთ ჯანმრთელობას – განსაკუთრებით ნივთიერებათა ცვლის პროცესს.

კურო

კუროებს ზომიერება გიყვართ, მაგრამ აგვისტოს დასაწყისში თქვენს ცხოვრებაში სრული ქაოსი შემოვა. განსაკუთრებული ყურადღება მართებთ მათ, ვისაც საკუთარი ბიზნესი აქვს. შესაძლებელია უსიამოვნებები კონკურენტების და ასევე პარტნიორების მხრიდანაც. ამ პრობლემებთან მარტოს გამკლავება გაგიჭირდებათ, ამიტომ მიმართეთ სანდო ადამიანებს დახმარებისთვის. სასიყვარულო სფეროში ჩამი–ჩუმი არ ისმის. პოტენციური პარტნიორი რომ გაიცნოთ კიდეც, მალე მიხვდებით, რომ მასთან ურთიერთობებს ვერ ააწყობთ. ჯანმრთელობის მხრივ ყურადღება მიაქციეთ საყრდენ–მამოძრავებელ სისტემას.

ტყუპი

საკმაოდ რთული პერიოდი გელოდებათ. პრაქტიკულად ყველა პროექტის ფინალი, რომელზეც იმუშავებთ, არაპროგნოზირებადი იქნება. გარე ფაქტორებთან ბრძოლისთვის არც დრო გექნებათ და არც ძალა. ამის გამო შეიძლება ჩამოყალიბებულ ფატალისტებად გამოჩნდეთ. ასტროლოგები გირჩევენ, საერთოდ არ წამოიწყოთ ახალი საქმეები. აქვე უნდა აღინიშნოს, რომ ეს ვერ შეგაშინებთ. თქვენი სიმშვიდე შესაშური იქნება. პრობლემები მოსალოდნელია ფინანსების მხრივ. ეს გახდება მთავარი პრობლემა ურთიერთობებში, თუმცა წყობილებიდან ვერც ეს ვერ გამოგიყვანთ. ჯანმრთელობის მხრივ საყურადღებოა იქნება არტერიული წნევა, რომელიც ხალხური საშუალებებით შეგიძლიათ მოაგვაროთ.

კირჩხიბი

საკმაოდ დაძაბული თვე გელოდებათ. მოვლენების სწრაფმა ცვლამ და ნერვულმა ვითარებებმა, შესაძლოა, კალაპოტიდან ამოგაგდოთ. ბევრი თქვენგანი გამოთქვამს უკმაყოფილებას იმის გამო, რომ მოგიწევთ საკუთარი „ნიჟარიდან“ გამოსვლა და სასწრაფო საკითხებზე გადაწყვეტილებების მიღება. მაგრამ მხოლოდ ასე შეძლებთ სამუშაოზე მიღწეულის შენარჩუნებას. ეცადეთ, უარი თქვათ ნებისმიერ ავანტიურულ წინადადებაზე – ასე შეიძლება ფული დაკარგოთ. მარტოხელები უფრო მტკიცე უნდა გახდეთ და სითამამე აჩვენოთ. პირადი ბედნიერება იმაზე იქნება დამოკიდებული, თუ როგორ ძალისხმევას გამოიჩენთ სიყვარულის ძებნისას. ეცადეთ, გონებაში ნეგატიური ფიქრები არ შეუშვათ – ასე შეიძლევა ნევროზიც დაგემართოთ.

ლომი

როგორც წესი, აგვისტო თქვენთვის იღბლიანი პერიოდია, მაგრამ არა 2021 წლის შემთხვევაში. თვე მოვლენებით სავსე იქნება, უნდა აჩვენოთ ძლიერი ხასიათი, ნებისყოფა და ებრძოლოთ ნეგატიურ გარემოებებს. თუ საბრძოლველად არ ხართ განწყობილი, მაშინ ვითარებას უნდა შეეგუოთ და დაელოდოთ, როდის შეიცვლიან ვარსკვლავები პოზიციას და შემდეგ გაუმკლავდეთ დაგროვებულ პრობლემებს. ვარსკვლავები გირჩევენ, არ გამოიჩინოთ ზედმეტი ინიციატივა სამუშაოზე, რადგან ხელმძღვანელობა მკაცრად მიადევნებს თვალს თქვენს მოქმედებებს და კრიტიკას არ დაიშურებენ. სამაგიეროდ, წყნარი და მშვიდი გარემო გელოდებათ სახლში. არაა საჭირო ეკონომიის გაწევა საკუთარ ჯანმრთელობაზე – შეუძლოდ ყოფნისას მალევე მიმართეთ ექიმს.

ქალწული

თუნდაც მაქსიმალურად ანგარიშიანი და პრაგმატული იყოთ, მაინც ვერ გაექცევით ნეგატიურ გამოვლინებებს. თუ არის საშუალება, შეაჩერეთ მიმდინარე საქმეები და შვებულება აიღეთ. ასე ზედმეტი პრობლემების თავიდან არიდებას შეძლებთ. ვინც ვერ მოახერხებს დასვენებას, მაქსიმალურად ფრთხილად უნდა იყოს, დეტალურად დაგეგმოს და გადაამოწმოს საკუთარი ქმედებები. შემოქმედებით საქმიანობაში ჩართულებს ეს არ ეხება – პირიქით, გელოდებათ წარმატებები და საზოგადოების მხრიდან აღიარება. აგვისტოში ფინანსური პრობლემები მოსალოდნელი არაა, მაგრამ გარკვეული ხარჯი მაინც გექნებათ. ეცადეთ, სკანდალებს თავი აარიდოთ ოჯახში, რადგან მეორე ნახევრის მხრიდან ეჭვიანობაა მოსალოდნელი. ჯანმრთელობის მხრივ უსიამოვნებები მოსალოდნელი არ არის.

სასწორი

საკმაოდ წარმატებული თვე გელოდებათ. შეგიძლიათ დიდი ხნის დაწყობილი გეგმები განახორციელოთ, იქნება ეს საცხოვრებელი ადგილისა თუ სამუშაოს გამოცვლა, კარდინალური ცვლილებები იმიჯში, პროფესიაში და ოჯახურ სტატუსშიც კი. ასეთ სიახლეებს თეთრი ხარი სათანადოდ დააფასებს. მაგრამ მოემზადეთ იმისთვის, რომ უდიდესი ძალისხმევა და მთელი თავისუფალი დრო დაგჭირდებათ. ვინც ბევრი იშრომა, ხელმძღვანელობისგან შესაბამის აღიარებას მიიღებს და არა მხოლოდ მორალური, არამედ მატერიალური თვალსაზრისითაც. მარტოხელა სასწორები ბევრ საინტერესო ადამიანს გაიცნობთ და ბევრი პაემანიც გელოდებათ წინ. ვისაც ჰყავს პარტნიორი, მათ, შესაძლოა, მისი გამოცვლის სურვილი გაუჩნდეს, მაგრამ ასტროლოგები ამას არ გირჩევენ. ყურადღება მიაქციეთ კვებას, რათა კუჭ–ნაწლავის სისტემა არ დაიზიანოთ.

მორიელი

შესაძლოა, კვლავ დადგეს პრობლემები, რომლებიც თითქოსდა დიდი ხნის წინ გადაწყვიტეთ. წარსული ყველა მხრიდან შეგახსენებთ თავს და საქმიანობაში შეგიშლით ხელს. გაიხსენეთ თქვენი ყველა არაკეთილმოსურნე და გათვალეთ მათი თავდასხმები როგორც სახლში, ისე სამუშაოზე. ყველაფერს აჯობებს, თუ შვებულებას აიღებთ ცოტა ხნით გაეცლებით საცხოვრებელ ადგილს. მას შემდეგ, რაც ძალასა და ენერგიას აღიდგენთ, უკვე ადვილად შეძლებთ პრობლემებთან გამკლავებას. ამასთან წარსულის „აჩრდილები“ შესაძლოა, პოზიტიურიც იყოს, მაგალითად, დაგიბრუნონ უკვე დავიწყებული ძველი ვალი. მარტოხელებს ცოტა მოთმინება გმართებთ – თქვენთვის სიმპათიურ ადამიანზე „შტურმი“ არ მიიტანოთ. აჯობებს, თავი პერიოდულად შეახსენოთ, ოღონდ დაუჟინებლად და ის თავად მოგაქცევთ ყურადღებას. ფრთხილად გამოიყენეთ სხვადასხვა ხელსაწყო, ტექნიკა – დიდია ტრავმის მიღების ალბათობა.

მშვილდოსანი

ყველაზე წარმატებული პერიოდი აგვისტოს პირველი დეკადაა თქვენთვის. სწორედ ამ დროსაა უპრიანი, რომ განახორციელოთ თქვენი გეგმები. შემდეგ უკვე იღბალი ზურგს შეგაქცევთ და ახალ–ახალი პრობლემების გადაჭრა მოგიწევთ როგორც სახლში, ისე სამსახურში. ოჯახში შესაძლებელია არაერთი ჩხუბი და აყალ–მაყალი მეორე ნახევართან, ხოლო სამუშაოზე – თანამშრომლების მიერ ჩახლართული ინტრიგები. მაქსიმალურად შეიკავეთ თავი, წინააღმდეგ შემთხვევაში შეიძლება ყველასთან იჩხუბოთ. დაეუფლეთ მედიტაციის ხელოვნებას – ასე ისწავლით მოდუნებას და იმას, რომ ყურადღება არ მიაქციოთ ირგვლივ განვითარებულ ვნებებს. უსიამოვნებები არ ეხება მატერიალურ მხარეს. მარტოხელებს ასტროლოგები ურჩევენ, ჯერ არ ეძებონ ახალი სიყვარული – დიდია ალბათობა, რომ კვლავ მარტო დარჩეთ.

თხის რქა

ის პრობლემები, რაც ზოდიაქოს ნიშნების უმრავლესობას შეაწუხებს აგვისტოში, თხის რქებს გვერდით ჩაუვლის. ეს თვე თქვენთვის ერთ–ერთი ყველაზე იღბლიანი პერიოდი იქნება ამ წელიწადში. ამასთან, გაგაჩნიათ უნარი, რომ რაღაც დაბრკოლებას დროულად გაეცალოთ, უფრო სწორად, მაშინვე, როგორც კი ის ჰორიზონტზე გამოჩნდება. მიხედეთ სწავლას, იმუშავეთ სრულყოფაზე, ისწავლეთ მაგალითად, უცხო ენა, ან აიმაღლეთ კვალიფიკაცია. ფინანსური პრობლემები მოსალოდნელი არ არის, მაგრამ გაითვალისწინეთ – ფული მხოლოდ საკუთარ თავს კი არა, ახლობლებსაც უნდა მოახმაროთ. ამასთან, ასტროლოგები თანხის გადადებასაც გირჩევენ, რომ წლის ბოლოს რაღაც ძვირფასი ნივთი შეიძინოთ. ვისაც ჰყავს პარტნიორი, ვარსკვლავები დროის მასთან ერთად გატარებას ურჩევენ. ჯანმრთელობას საფრთხე შეიძლება ავარიულმა სიტუაციებმა შეუქმნას, ამიტომ გაფრთხილდით.

მერწყული

მთელი თვე, დიდი ალბათობით, ახალ–ახალ პრობლემებთან მოგიწევთ ჭიდილი, რომლებიც თითქოს „პანდორას ყუთიდან“ ამოიყრება. მაგრამ საშიში მაინც არაფერია და ცუდი არაფერი მოხდება. უსიამოვნებების უმრავლესობა დასანანი, მაგრამ წვრილმანი აღმოჩნდება (მაგალითად, თვალწასული წინდა ან დაკარგული მანჟეტის საკინძე). ხელსაყრელი თვეა მოგზაურობის თვალსაზრისით. აიღეთ შვებულება და დაისვენეთ სახლიდან მოშორებით. არ შეგეშინდეთ ფულის ხარჯვის – მას მალე აინაზღაურებთ. თუ პარტნიორი გყავთ და ურთიერთობები ჯერ არ დაგიკანონებიათ, ამისთვის აგვისტო შესანიშნავი თვეა – ქორწინება მყარი და ბედნიერი იქნება. ასევე კარგი დროა ბავშვის ჩასახვისთვის. ჯანმრთელობის კუთხით  ყველაფერი კარგად იქნება, მხოლოდ მოერიდეთ წყალს.

თევზები

თუ ჯიუტი ბრძანდებით და თან თევზების ნიშნით დაიბადეთ, ეს თვისება აგვისტოში უსიამოვნებებს მოგიტანთ. თავად გაირთულებთ ცხოვრებას, გამოეკიდებით კოლეგებისა თუ ნათესავების სულ უბრალო წვრილმან შეცდომებს. ასე მხოლოდ გაირთულებთ ურთიერთობებს სამსახურშიცა და ოჯახშიც და მთელი თვის „ამაყად“, მაგრამ მარტოობაში გატარება მოგიწევთ. მატერიალური თვალსაზრისით ეს თვე წარმატებულია. შესაძლებელია ძველი ვალების დაბრუნება, ადრე შესრულებული სამუშაოსთვის თანხის გადახდა ან მომავალი საქმისთვის ავანსის მიღება. ასტროლოგები გირჩევენ, რომ ეს თანხა საცხოვრებლის მოწყობას მოახმაროთ. მარტოხელებს დიდი ხნის ნანატრი რომანი გელოდებათ, მაგრამ ის როპგორც მოულოდნელად აღმოცენდება, ისე მოულოდნელად გაქრება კიდეც. ჯანმრთელობის პრობლემები არ შეგაწუხებთ, თუ იაქტიურებთ და ყოველდღიურად ისეირნებთ.

0