2021 წლის დღესასწაულებისა და უქმეების კალენდარი
(განახლებულია 15:48 04.01.2021)
„Sputnik–საქართველოს“ ინფოგრაფიკის მეშვეობით გაეცანით მიმდინარე წლის ოფიციალურ და რელიგიურ დღესასწაულებს.
©
Sputnik / Konstantin Ivanov
კორონავირუსის პანდემიამ მსოფლიოს ქვეყნების, მათ შორის, საქართველოს მოსახლეობის ყოველდღიურობაში ცვლილებები შეიტანა. თუ ადრე საახალწლო და საშობაო დღესასწაულებთან დაკავშირებით ქვეყანაში უქმე 1, 2 და 7 იანვარი იყო, ხელისუფლების გადაწყვეტილებით 2021 წელს უქმეები 1-დან 15 იანვრამდე პერიოდში გრძელდება.
მუშაობას გააგრძელებენ მხოლოდ ბანკები და სტრატეგიული მნიშვნელობის ობიექტები და სერვისები.
საკუთარი გადაწყვეტილების შესახებ ხელისუფლებამ 26 ნოემბერს გამოაცხადა, როდესაც კორონავირუსთან ბრძოლის ორთვიანი გეგმა დაამტკიცა, რომლის თანახმად, 31 იანვრამდე (ჩათვლით) პერიოდში ქვეყანაში რიგი შეზღუდვები იმოქმედებს.
პანდემია საქართველოში: ფულადი გზავნილების მოცულობა 2020 წლის განმავლობაში
(განახლებულია 17:47 27.01.2021)
საქართველოს ეროვნული ბანკის მონაცემებით, 2020 წელს საქართველოს კომერციულ ბანკებში ელექტრონული სისტემებით ფულადი გზავნილების მოცულობა 2019 წელთან შედარებით 8,8%-ით გაიზარდა და დაახლოებით 1,9 მლრდ აშშ დოლარი შეადგინა.
©
Sputnik / Konstantin Ivanov
ყველაზე მეტი ვალუტა რუსეთიდან შემოვიდა. 2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 19,3%. თუმცა, ეს მაჩვენებელი 15,1%-ით ნაკლებია 2019 წელთან შედარებით.
ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.
საქართველოს სახელმწიფო ბიუჯეტი: როგორ გადანაწილდება მილიარდები
(განახლებულია 21:49 22.01.2021)
საქართველოს 2021 წლის სახელმწიფო ბიუჯეტი გლობალური ეკონომიკური კრიზისისა და კორონავირუსის პანდემიის გათვალისწინებით არის შედგენილი.
©
Sputnik / Konstantin Ivanov
სახელმწიფო ბიუჯეტი 18,4 მლრდ ლარით განისაზღვრა. აქედან საბიუჯეტო სახსრები 16,9 მლრდ ლარი, ხოლო დონორების მხრიდან დაფინანსება – 1,5 მლრდ ლარი იქნება.
2021 წელს ყველაზე მეტ დაფინანსებას მიიღებენ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის, რეგიონული განვითარებისა და ინფრასტრუქტურის, ასევე განათლების, მეცნიერების, კულტურისა და სპორტის სამინისტროები.
„Sputnik–საქართველოს“ ინფოგრაფიკის საშუალებით გაიგებთ, თუ რა დაფინანსებას მიიღებენ სახელმწიფო უწყებები.
კალათბურთში საქართველოს თასის გათამაშება დაიწყო - ვიდეო
(განახლებულია 13:30 28.01.2021)
საქართვეოში საკალათბურთო თასის გათამაშება დაიწყო, რომელიც 1 თებერვალს დასრულდება ფინალური შეხვედრით საქართველოს თასის გათამასება, ტრადიციულად იანვარში იმართება. მასში სულ 16 გუნდი მონაწილეობს, რომელთაგან 11 სუპერლიგის გუნდია, ხოლო დანარჩენი 5 - „ა“ ლიგას წარმოადგენს.
ტურნირი მიმდინარეობს თბილისის ოლიმპიურ სასახლესა და თელავის დარბაზში.