უმუშევრობა და დასაქმება საქართველოში

78
(განახლებულია 15:19 09.09.2020)
საქართველოში 2020 წლის მეორე კვარტალში უმუშევრობის დონე 0,9%-ით გაიზარდა გასული წლის ანალოგიურ პერიოდთან შედარებით და 12,3% შეადგინა, ნათქვამია სტატისტიკის ეროვნული სამსახურის „საქსტატის“ ვებ-გვერდზე.
უმუშევრობა და დასაქმება საქართველოში
© Sputnik / Konstantin Ivanov.

„საქსტატის“ მონაცემებით, უმუშევრობის დონე სოფლად ბევრად ნაკლებია, ვიდრე ქალაქში.

მამაკაცებს შორის უმუშევრების რაოდენობა ტრადიციულად უფრო მაღალია, ვიდრე ქალებს შორის. 2020 წლის მეორე კვარტალში, გასული წლის შესაბამის პერიოდთან შედარებით, ეს მაჩვენებელი გაიზარდა როგორც ქალებში (1,8%), ისე მამაკაცებში (0,1%).

საქართველოში უმუშევრობის დონეს ამჟამად ეკონომიკურად აქტიური მოსახლეობის დასაქმებულთა და უმუშევართა რაოდენობების თანაფარდობის საფუძველზე ითვლიან. 

ეკონომიკურად აქტიურად მიიჩნევა 15 წლისა და უფროსი ასაკის მოქალაქე, რომელიც მუშაობს ან ეძებს სამუშაოს. პირი უმუშევრად იმ შემთხვევაში ჩაითვლება, თუ გამოკითხვამდე შვიდი დღის განმავლობაში არ შეუსრულებია სამუშაო ანაზღაურების მიღების მიზნით, ბოლო ოთხი კვირა ეძებდა სამუშაოს და მზადაა უახლოეს ორ კვირაში დაიწყოს მუშაობა.

„საქსტატის“ მონაცემებით, 2020 წლის მეორე კვარტალში შრომისუნარიანი, ეკონომიკურად აქტიური მოსახლეობის მაჩვენებელმა 63,7% შეადგინა. აქტიურობის დონე, გასული წლის ანალოგიურ პერიოდთან შედარებით, უცვლელია.

აქტიურობის დონე ქალებთან შედარებით მაღალია მამაკაცებში. 2020 წლის II კვარტალში აღნიშნულმა მაჩვენებელმა ქალებში 54,8%, ხოლო მამაკაცებში 74,1% შეადგინა. წინა წლის შესაბამის პერიოდთან შედარებით, აქტიურობის დონე ქალებში შემცირებულია 0,4%-ით, ხოლო მამაკაცებში გაზრდილია 0,6%-ით. 

კორონავირუსის პანდემიის დაწყებიდან ბევრი ადამიანი სამსახურისა და შემოსავლის გარეშე დარჩა. პანდემიის შედეგების გადასალახად საქართველოს მთავრობამ 24 აპრილს ანტიკრიზისული გეგმა დაამტკიცა მოსახლეობისა და ბიზნესის დახმარების მიზნით.

მათ, ვინც პანდემიის პერიოდში მუდმივი სამსახური დაკარგა, სახელმწიფოსგან ექვსი თვის განმავლობაში  ყოველთვიურად 200 ლარი, თვითდასაქმებულებს კი ერთჯერადად 300 ლარი ერიცხებათ.

ბოლო მონაცემებით, მთავრობამ კორონავირუსის პერიოდში უმუშევრად დარჩენილი პირებისთვის კომპენსაციების სახით უკვე დაახლოებით 120,3 მილიონი ლარი გასცა.

ექსპერტების ვარაუდით, უახლოეს თვეებში უმუშევრობის დონე კიდევ უფრო გაიზრდება.

78
თემები:
საქართველოს ეკონომიკა (749)

ხელფასები საქართველოში: ვინ რამდენს იღებს

129
(განახლებულია 16:05 22.09.2020)
საქართველოს სტატისტიკის ეროვნული სამსახურის „საქსტატის“ მონაცემებით, 2020 წლის მეორე კვარტალში ქვეყანაში საშუალოთვიურმა ხელფასმა 1150,1 ლარი შეადგინა, რაც 2,5%-ით ნაკლებია გასული წლის ანალოგიურ პერიოდთან შედარებით.
ხელფასები საქართველოში: ვინ რამდენს იღებს
© Sputnik / Konstantin Ivanov.

„საქსტატის“ ცნობით, 2020 წლის მეორე კვარტალში, გასული წლის ანალოგიურ პერიოდთან შედარებით, ხელფასების კლება შეიმჩნევა სხვადასხვა სექტორში. 

ყველაზე მაღალანაზღაურებადი საფინანსო და სადაზღვევო სფეროებია – 2040,9 ლარი. ეს 14,7%-ით ნაკლებია 2019 წლის ანალოგიურ პერიოდთან შედარებით.

ამასთან, საქართველოში ქალები გაცილებით დაბალ ანაზღაურებას იღებენ – 2020 წლის მეორე კვარტალში ქალების საშუალოთვიურმა ხელფასმა 924,2 ლარი შეადგინა, რაც 31,7%-ით ნაკლებია მამაკაცების საშუალო ხელფასზე.  

 

129
თემები:
სოციალური სფერო საქართველოში

საპარლამენტო არჩევნები: მაჟორიტარული ოლქების სია

52
(განახლებულია 16:42 17.09.2020)
საპარლამენტო არჩევნებზე, რომელიც 31 ოქტომბერს არის დანიშნული, საქართველოს მოქალაქეები 150 დეპუტატს აირჩევენ.
ინფოგრაფიკა: საპარლამენტო არჩევნები საქართველოში
© Sputnik / Konstantin Ivanov.

საქართველოში წელს პირველად არჩევნები განსხვავებული შერეული სისტემით ჩატარდება – 120 დეპუტატს პროპორციული, 30-ს კი მაჟორიტარული სისტემით აირჩევენ.

„Sputnik–საქართველოს“ ინფოგრაფიკის მეშვეობით გაეცნობით არჩევნების შესახებ ძირითად ინფორმაციას, მაჟორიტარული ოლქების სიას, სადაც დეპუტატებს აირჩევენ. 

საქართველოში წინასაარჩევნო კამპანია ოფიციალურად 1 სექტემბერს დაიწყო, არჩევნებში მონაწილეობისთვის 66 პოლიტიკური სუბიექტია დარეგისტრირებული.

52
თემები:
საქართველოს საპარლამენტო არჩევნები 2020
ნინა სუბლატი

„20 კილოგრამი მოვიმატე...“- ნინა სუბლატის აღიარება და არასასურველ წონასთან ბრძოლა

0
(განახლებულია 13:28 23.09.2020)
ნინა სუბლატმა თაყვანისმცემლების კითხვებს გულახდილად უპასუხა. რას წერს არტისტი მშობიარობის შემდგომ პერიოდზე?

ნინა სუბლატს პირველი შვილი 26 აგვისტოს შეეძინა. „არ ვიცი, ვიღაც პატარა ბავშვია ჩემთან მოსული“ – ამ წარწერით პოსტი არტისტმა Instagram-ზე გამოაქვეყნა. ნინა სუბლატი ვარსკვლავურ ტრენდს არ აჰყვა და შვილის სახე პირველივე დღეს გამოაჩინა.

View this post on Instagram

მემგონი კალათბურთის ბურთი გავაკეთე 🤔

A post shared by XXXXXX (@xshamanax) on

წყვილს ბიჭი შეეძინა და მას ალექსანდრე დაარქვეს. მომღერალმა ფეხმძიმობის პერიოდში რამდენიმე ემოციური პოსტი დაწერა. მათ შორის თაყვანისმცემლებისთვის გამოკითხვა ჩაატარა. ის ამ ტიპის კომუნიკაციას „ფოლოვერებთან“ არ წყვეტს. ამჯერად, გულშემატკივრებს საშუალება მისცა, რათა მათ საინტერესო კითხვები დაესვათ. აღმოჩნდა, რომ ნინამ ფეხმძიმობის პერიოდში 20 კილოგრამი მოიმატა.

View this post on Instagram

A post shared by XXXXXX (@xshamanax) on

არტისტმა აღნიშნა, რომ მომატებული კილოგრამების ნახევარი საკუთარი მეთოდით და ძალებით მოიშორა. ახლა 10 არასასურველი კილოგრამი დარჩა, რასაც ეტაპობრივად ერკინება. ახალბედა დედამ ჭარბი კილოგრამების  შესახებ Instagam- ზე დაწერა. „ეს ეტაპი არც ისე რთული აღმოჩნდა. ყველაფერი ხან რთულია და ხან მარტივი, მათ შორის ესეც...“, - წერს ნინა.

წარმატებული მომღერალი ფეხმძმობის პერიოდში დიდი სირთულეების წინაშე აღმოჩნდა. მიუხედავად ამისა, მან საკუთარ თავში ძალა იპოვა და კომპოზიტორი მეუღლის დახმარებით ფეხმძიმობამ ჰარმონიულად ჩაიარა. კორონავირუსის გავრცელების დროს მისი ნათესავი დაინფიცირდა, რის გამოც ნინა სუბლატი რამდენიმე კვირის მანძილზე საკარანტინო სივრცეში იმყოფებოდა. „გილოცავ, დედიკოსავით ლამაზი იქნება!“, „გილოცავ! იმედია, ლამაზი თვალებით დედიკოს დაემსგავსება...“, „გილოცავთ! ნეტა შენნაირი სასწაული თვალები აქვს?“ – ასე ულოცავენ „ფოლოვერები“ და ნინას ერთგული გულშემატკივრები მომღერალს.

View this post on Instagram

A post shared by XXXXXX (@xshamanax) on

ქართული შოუბიზნესის ერთ-ერთი ყველაზე გამორჩეული და ექსტრავაგანტული მომღერალი დედობისთვის დიდი ხნის მანძილზე ემზადებოდა და ეს მნიშვნელოვანი დღეც დადგა. მის თითოეულ ახალ პოსტზე უამრავ პოზიტიურ გამოხმაურებას წააწყდებით როგორც უცნობი, ასევე ცნობილი ადამიანებისგან. სუბლატისა და შამანაურის დუეტი დიდ ინტერესს იწვევს.

View this post on Instagram

მამაცი🐣 Photo by @sopio_t

A post shared by XXXXXX (@xshamanax) on

როგორც თავად შემსრულებელმა დაწერა, მათი შვილი „შამანისა და ჯადოქრის“ შერწყმის შედეგია. ასე უწოდებს ქმარს და საკუთარ თავს ახალგაზრდა მომღერალი. ცოტა ხნის წინ ნინამ „ინსტაგრამის“ „სთორიში“ ექოსკოპიის ფოტო გამოაქვეყნა და დაწერა, რომ მის შვილს საოცარი პროფილი აქვს. ასეც აღმოჩნდა, პატარა ბიჭუნა ნამდვილად ძალიან საყვარელია. ამას ნინას და გიორგის მეგობრებიც აღნიშნავენ.

0
თემები:
სელებრითების ცხოვრება