როგორ ვითარდებოდა ტურიზმი აქციების დაწყებამდე

93
(განახლებულია 16:29 09.08.2019)
საქართველოს სტატისტიკის ეროვნული სამსახურის („საქსტატი“) ცნობით, 2019 წლის იანვარ-ივნისში საქართველოს უცხოელები დაახლოებით 3,8 მილიონჯერ სტუმრობდნენ, აქედან ტურისტული ვიზიტი 2,1 მლნ-ზე მეტი იყო.
ტურიზმი საქართველოში
© Sputnik / Konstantin Ivanov

ამასთან, მიმდინარე წლის პირველ ექვს თვეში საქართველოში ჩამოსულთა შორის რუსეთის მოქალაქეები ლიდერობდნენ - მათ 692 ათასი ვიზიტი განახორციელეს, რაც 31,2%-ით მეტია გასული წლის ანალოგიურ პერიოდთან შედარებით. ლიდერი-ქვეყნების ხუთეულშია აზერბაიჯანი, სომხეთი, თურქეთი და უკრაინა.

ექსპერტები და ხელისუფლების წამომადგენლები ვარაუდობენ, რომ სურათი მომდევნო პერიოდში შეიცვლება. თბილისში მიმდინარე საპროტესტო აქციებისა და ქვეყნის პირველი პირების მკვეთრი განცხადებების ფონზე, რუსეთმა 8 ივლისიდან საქართველოში პირდაპირი ავიამიმოსვლა აკრძალა.

საქართველოს ხელისუფლების ვარაუდით, რუსი ტურისტების რაოდენობის შემცირების გამო ზარალმა შეიძლება 750 მლნ დოლარს მიაღწიოს.
რუსი ტურისტების შემოდინების შენარჩუნების მიზნით,  საქართველოს ხელისუფლება მზადაა 1,2 მილიონი ევრო გამოყოს დღგ-ს გარეშე რუსეთის აეროპორტებიდან სომხეთის გავლით თბილისისა და ბათუმის მიმართულებით შესრულებული სატრანზიტო ავიარეისების სუბსიდირების მიზნით. მთავრობის ინიციატივის თანახმად, რუსეთიდან საქართველოში ტრანზიტით ჩამოყვანილ ყოველ მგზავრზე სუბსიდია იქნება არა უმეტეს 90 ევრო დღგ-ს გარეშე.

93

შობის მარხვა: კვების კალენდარი დღეების მიხედვით

85
(განახლებულია 15:13 30.11.2020)
28 ნოემბრიდან შობის მარხვა დაიწყო, რომელიც, საეკლესიო კალენდრის თანახმად, ორმოცდღიან პერიოდს მოიცავს და 7 იანვარს, უფლის შობის დღეს დასრულდება.
შობის მარხვა: კვების კალენდარი დღეების მიხედვით
© Sputnik / Konstantin Ivanov

40-დღიანი მარხვის პერიოდში მორწმუნეებს ეკრძალებათ ხორცის, კვერცხისა და რძის პროდუქტების მიღება. შობის მარხვას მართლმადიდებლები სიხარულის მარხვასაც ეძახიან. ის შედარებით მსუბუქად ითვლება, რადგან 25 დეკემბრამდე, ოთხშაბათისა და პარასკევის გარდა, დაშვებულია თევზის მიღება. 25 დეკემბრიდან 7 იანვრამდე კი მორწმუნეებმა უკვე მკაცრად უნდა იმარხულონ.

თუმცა, ქვეყანაში რთული ეპიდემიოლოგიური ვითარებიდან გამომდინარე, საპატრიარქომ წელს გამონაკლისი დაუშვა და შობის მარხვაში მორწმუნეებს, საჭიროების შემთხვევაში, რძის ნაწარმის მიღების ნება მიეცათ.

შობის მარხვას ვიცავთ ისე, როგორც მოციქულთა მარხვას. ამ მარხვის დროს, როგორც წესი, გარდა ოთხშაბათისა და პარასკევისა, თვით ბერ-მონაზვნებისთვისაც კი დაშვებული იყო თევზის, ზეთისა და ღვინის ზომიერად მიღება.

საშობაო მარხვა ქრისტეშობის დღესასწაულისთვის მომზადების პერიოდია – თითოეული ადამიანი სინანულით, ლოცვით და მარხვით უნდა განიწმინდოს და შობის დღესასწაულზე მოწიწებით მიეახლოს ძე ღვთისას.

85
თემები:
საეკლესიო კალენდარი

საპარლამენტო არჩევნების მეორე ტურის წინასწარი შედეგები

17
(განახლებულია 20:01 24.11.2020)
საქართველოში 21 ნოემბერს საპარლამენტო არჩევნების მეორე ტური გაიმართა. კენჭისყრა 30-დან 17 მაჟორიტარულ ოლქში ჩატარდა – იქ, სადაც კანდიდატებმა არჩევნების პირველ ტურში ამომრჩეველთა ხმების 50%-ზე მეტი ხმის მიღება ვერ შეძლეს.
საპარლამენტო არჩევნების მეორე ტურის წინასწარი შედეგები
© Sputnik / Konstantin Ivanov

ამომრჩევლებმა არჩევანი იმ ორ კანდიდატს შორის გააკეთეს, რომლებსაც საუკეთესო შედეგები ჰქონდათ 31 ოქტომბერს გამართული საპარლამენტო არჩევნების პირველ ტურში. მიუხედავად იმისა, რომ ოპოზიციის მაჟორიტარი დეპუტატობის კანდიდატებმა ბოიკოტი გამოუცხადეს არჩევნებს, ისინი საარჩევნო ბიულეტენში მაინც დარჩნენ, მეორე ტურში მათ ხმების 5%-დან 12%-მდე მიიღეს. ამასთან, მმართველი პარტია „ქართული ოცნების“ კანდიდატებმა ყველა მაჟორიტარულ ოლქში გაიმარჯვეს.

„Sputnik–საქართველოს“ ინფოგრაფიკაში წარმოდგენილია არჩევნების წინასწარი შედეგები, რაც ცესკომ ამომრჩეველთა ხმების 100%-ის დამუშავების შემდეგ თავის ვებ-გვერდზე გამოაქვეყნა.

საბოლოო შედეგები უნდა გამოცხადდეს არაუგვიანეს 10 დეკემბრისა. შედეგების გასაჩივრება თბილისის საქალაქო სასამართლოში ორი დღის განმავლობაშია შესაძლებელი.

17
თემები:
საქართველოს საპარლამენტო არჩევნების მეორე ტური – 2020
ეპიდემია საქართველოში

ტიკარაძე: ქვეყანაში კოვიდ–შეზღუდვები არ გადაიხედება

0
(განახლებულია 15:55 02.12.2020)
კორონავირუსის პანდემიამ ქვეყნის ეკონომიკას სერიოზული დარტყმა მიაყენა – შექმნილი მძიმე მდგომარეობიდან გამოსავლის მოძიების მიზნით, ხელისუფლებამ ბიზნეს–სექტორთან არაერთი შეხვედრა გამართა

 

თბილისი, 2 დეკემბერი – Sputnik. კორონავირუსის პანდემიასთან დაკავშირებით ქვეყანაში მოქმედი შეზღუდვები არ გადაიხედება, განაცხადა ჯანდაცვის მინისტრმა ეკატერინე ტიკარაძემ ოთხშაბათს გამართულ ბრიფინგზე. 

მისი თქმით, ბიზნეს–სექტორის წარმომადგენლებთან არაერთი შეხვედრა გაიმართა, რომელშიც მონაწილეობდა ჯანდაცვის სამინისტრო, ეპიდემიოლოგები და საერთაშორისო ექსპერტები.

 „ყველა შეზღუდვის თაობაზე დეტალურად მოხდა საუბარი, ასევე გაკეთდა ახსნა-განმარტება თუ რატომ არის  მნიშვნელოვანი სწორედ ასეთი ტიპის შეზღუდვების შემოღება. რაც შეეხება შეღავათებს, ეკონომიკური გუნდი მუშაობს და მათ უკვე განუმარტეს თუ რა შეღავათების საშუალება არსებობს და რა შემთხვევაში შეძლებენ ისინი დახმარების მიღებას“, – განაცხადა ტიკარაძემ.

როგორც მან აღნიშნა, ბიზნეს–სექტორის წარმომადგენლები ხელისუფლებას სთხოვენ 24 დეკემბრის ნაცვლად, საქმიანობის განახლების უფლება 15 დეკემბრიდან მიეცეთ.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი 4 ათასს აღწევს. კორონავირუსით გამოწვეული გართულებების შედეგად ქვეყანაში 1.300–ზე მეტი ადამიანი გარდაიცვალა.

ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან რიგი შეზღუდვები დააწესა. ყველაზე სერიოზული შეზღუდვები შვიდ დიდ ქალაქში მოქმედებს – არ მუშაობს მუნიციპალური ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრისა), ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

0
თემები:
COVID-19 საქართველოში