როგორ შეიცვალა ფასები საქართველოში

134
(განახლებულია 15:06 04.08.2019)
საქართველოს სტატისტიკის ეროვნული სამსახურის („საქსტატი“) მონაცემებით, 2019 წლის ივნისში საქართველოში ინფლაციამ, გასული წლის ანალოგიურ პერიოდთან შედარებით, 4,3% შეადგინა.
ფასების კალეიდოსკოპი საქართველოში
© Sputnik / Konstantin Ivanov.

წლის განმავლობაში ფასები ყველაზე მეტად მოიმატა ალკოჰოლურ სასმელებსა და თამბაქოზე (+20%), სურსათსა და უალკოჰოლო სასმელებზე (+6,5%), დასვენებაზე, გართობასა და კულტურაზე (5%).

გარდა ამისა, გაძვირდა ტრანსპორტი (+3,2%), ჯანდაცვა (+2,9%), განათლება (+2,6%), მომსახურება და სასტუმროები, კაფე და რესტორნები (+2,5%) და სხვა სფეროები.

ამასთან, 6,9%–ით გაიაფდა ტანსაცმელი და ფეხსაცმელი. გაიაფდა ასევე კავშირგაბმულობის ტარიფები (+2,6%). საქართველოს ეროვნული ბანკის მონაცემებით, მაისში წლიურმა ინფლაციამ საქართველოში 4,7% შეადგინა, რაც განპირობებული იყო ერთჯერადი ფაქტორების მნიშვნელოვანი ზეგავლენით, მათ შორის აქციზის გაძვირებით თამბაქოს ნაწარმზე წლის დასაწყისში და მსოფლიო ბაზრებზე ბენზინის გაძვირებით.

დოკუმენტში აღნიშულია, რომ არსებული პროგნოზით, სხვა თანაბარი პირობებით, მოსალოდნელია ინფლაცია, ხოლო მომდევნო წლის დასაწყისიდან საგარეო, ეგზოგენური ფაქტორების ზეგავლენის ამოწურვის შემდეგ ინფლაცია შემცირებას დაიწყებს და 3%-იან მიზნობრივ დონეს მიუახლოვდება.

134

ვისთან ვაჭრობს საქართველო კორონავირუსის პირობებში

65
(განახლებულია 14:04 08.08.2020)
საქართველოს ეკონომიკა ჯერ კიდევ განიცდის ახალი კორონავირუსის პანდემიის წნეხს – ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.
ინფოგრაფიკა: საქართველოს საგარეო ვაჭრობა
© Sputnik / Konstantin Ivanov.

საქართველოს საგარეო სავაჭრო ბრუნვა 2020 წლის პირველ ნახევარში, გასული წლის იანვარი–ივნისთან შედარებით, 18,2%-ით შემცირდა, ნათქვამია „საქსტატის“ მასალებში.

ექსპორტი 2020 წლის დასაწყისიდან ეცემა – იანვარი-ივნისში ქვეყნიდან 1,5 მლრდ დოლარის ქართული პროდუქცია გაიტანეს, რაც 2019 წლის იმავე პერიოდთან შედარებით 16%-ით ნაკლებია.

იმპორტმა 2020 წლის პირველ ნახევარში დაახლოებით 3,6 მლრდ დოლარი შეადგინა, რაც 2019 წლის იმავე პერიოდთან შედარებით 19,1%-ით ნაკლებია.

საქართველოს უარყოფითმა სავაჭრო ბალანსმა მითითებულ პერიოდში დაახლოებით 2,05 მილიარდი დოლარი შეადგინა, რაც მთელი საგარეო სავაჭრო ბრუნვის 40,5%-ია. 

საქართველოს ყველაზე დიდი სავაჭრო პარტნიორები 2020 წლის პირველ ნახევარში არიან თურქეთი, რუსეთი და ჩინეთი — ამ ქვეყნებთან სავაჭრო ბრუნვამ 2020 წლის იანვარი-ივნისში 1,8 მილიარდ დოლარს გადააჭარბა, რაც მთლიანი სავაჭრო ბრუნვის 35,9%-ია.
საქართველოს სავაჭრო პარტნიორების ათეულში შედიან ასევე: აზერბაიჯანი – 450,9 მილიონ დოლარზე მეტი, სომხეთი – დაახლოებით 282,5 მლნ დოლარი, უკრაინა – 250,3 მილიონ დოლარზე მეტი, აშშ – დაახლოებით 233,6 მლნ დოლარი, გერმანია – დაახლოებით 198,4 მილიონი დოლარი, ბულგარეთი – 209 მლნ დოლარზე მეტი, იტალია – 93,4 მლნ დოლარზე მეტი.

საქართველოს ასევე ვაჭრობს ევროკავშირისა და დსთ–ის ქვეყნებთან.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო, ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

65
თემები:
საქართველოს ეკონომიკა

ფულადი გზავნილები საქართველოში კორონავირუსის პერიოდში

166
(განახლებულია 16:56 24.07.2020)
2020 წლის პირველ ნახევარში ქართულ კომერციულ ბანკებში ელექტრონული სისტემებით ფულადი გადარიცხვების მოცულობა, წინა წელთან შედარებით, 4,6%-ით შემცირდა და დაახლოებით 769 მლნ დოლარი შეადგინა, ნათქვამია საქართველოს ეროვნული ბანკის მასალებში.
რამდენი ვალუტა გადმოაგზავნეს საქართველოში
© Sputnik / Konstantin Ivanov.

ფულადი გადმორიცხვების მოცულობით ლიდერობს რუსეთი – იანვარი-ივნისში რუსეთიდან საქართველოში გადმორიცხული თანხის მოცულობამ დაახლოებით 146 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 19%-ია. წლის დასაწყისიდან რუსეთიდან გადმოირიცხა 26,6%-ით ნაკლები თანხა, ვიდრე გასული წლის ანალოგიურ პერიოდში.

ლიდერი ქვეყნების ექვსეულში არიან იტალია, საბერძნეთი, აშშ, ისრაელი და თურქეთი.

2020 წლის ივნისში, კორონავირუსის პანდემიის დაწყებიდან პირველად, ქართულ კომერციულ ბანკებში ელექტრონული სისტემებით ფულადი გადარიცხვების მოცულობა 17,8%-ით გაიზარდა და დაახლოებით 169,2 მლნ დოლარი შეადგინა.

საქართველოს ეროვნული ბანკის პრეზიდენტი კობა გვენეტაძე მიიჩნევს, რომ პოზიტიური ტენდენციები ივნისში ფულადი გადმორიცხვების დინამიკაში დადებით გავლენას მოახდენს როგორც ეკონომიკურ აქტივობაზე, ისე ვალუტის გაცვლით კურსზე. გვენეტაძის განცხადება ეროვნული ბანკის Facebook-გვერდზეა გავრცელებული.

„დადებითი ტენდენციები ამ მაჩვენებლის დინამიკაში მნიშვნელოვანი და კარგი ფაქტია, რადგანაც ეს ნიშნავს, რომ მიმდინარე ანგარიშის დეფიციტი იმდენად გაუარესებული არ გვექნება, როგორც ეს პანდემიის დასაწყისში ჩანდა. ეს, თავის მხრივ, ეკონომიკური აქტივობის გამოცოცხლებასა და პანდემიის დასაწყისში მოსალოდნელთან შედარებით უფრო მყარ ლარსაც ნიშნავს“, – წერს გვენეტაძე.

საქართველოში უცხოეთიდან ფულადი გადმორიცხვების შემცირება სხვადასხვა ქვეყნის მიერ COVID-19-ის პანდემიასთან ბრძოლის ფარგლებში გატარებული ზომების გამო დაიწყო. ამის შედეგად ეკონომიკური ვითარება პრაქტიკულად ყველა ქვეყანაში გაუარესდა.

ფულადი გადარიცხვები აპრილში წლიური გაანგარიშებით 42,3%-ით შემცირდა, მაგრამ მაისში შემცირების ტემპმა იკლო და –9,6% შეადგინა.

 

166
თემები:
საქართველოს ეკონომიკა
თბილისი

როგორი ამინდი იქნება თბილისში 12 აგვისტოს

0
(განახლებულია 10:15 10.08.2020)
დედაქალაქში ოთხშაბათს ძირითადად მზიანი ამინდი იქნება, მაგრამ მოსალოდნელია წვიმაც. დღისით ჰაერი 32 გრადუსამდე მოიმატებს

თბილისი, 10 აგვისტო - Sputnik. სინოპტიკოსების პროგნოზით თბილისში ოთხშაბათს, 12 აგვისტოს უპირატესად მზიანი ამინდია მოსალოდნელი, თუმცა შესაძლებელია ხანმოკლე წვიმა ელჭექით.

ჰაერის ტემპერატურა ღამით იქნება +22, ხოლო დღისით +32 გრადუსი.

ქარი 10–15 მეტრი წამში სიჩქარით დაუბერავს.

მზე 06:06 საათზე ამოვა და 20:04 საათზე ჩავა.

0
თემები:
ამინდის ზუსტი პროგნოზი თბილისში