საქართველოში ზღვით და ხმელეთით

137
(განახლებულია 18:46 04.06.2019)
მოგზაურობა საქართველოში
© Sputnik / Konstantin Ivanov.

2019 წლის პირველი ოთხი თვის განმავლობაში საქართველოში უცხოელები დაახლოებით 2,3 მილიონჯერ იმყოფებოდნენ, რაც 2,9%-ით მეტია გასული წლის ანალოგიური პერიოდის მონაცემებთან შედარებით.

აღნიშნული რაოდენობიდან 65%-ზე მეტი ტურისტული ვიზიტები იყო.

ტურისტული ვიზიტების ზრდამ 4,8% შეადგინა.

2019 წლის იანვარ-აპრილში საქართველოს ყველაზე ხშირად სტუმრობდნენ აზერბაიჯანის, რუსეთის, სომხეთისა და თურქეთის მოქალაქეები.

საერთაშორისო მოგზაურთა უმეტესობა (71,8%) უპირატესობას ავტომობილებით მოგზაურობას ანიჭებს. საკონტროლო-გამშვები პუნქტები ავტოტრანსპორტით მთლიანობაში დაახლოებით 1,4 მილიონჯერ გადმოკვეთეს.

პოპულარობის მიხედვით შემდეგ მოდის საჰაერო ტრანსპორტი. საქართველოს სამ საერთაშორისო აეროპორტში 506 ათას ვიზიტზე მეტი დაფიქსირდა.

იზრდება რკინიგზისა და საზღვაო ტრანსპორტის პოპულარობაც. მიმდინარე წლის პირველ ოთხ თვეში რკინიგზის გამოყენებით დაახლოებით 2 ათასი ვიზიტი განხორციელდა, რაც 16%-ით მეტია გასული წლის მონაცემებზე, ხოლო საზღვაო გზით დაახლოებით 11,4 ათასი ვიზიტი (+20,1%).

ამასთან, 2019 წლის მხოლოდ აპრილში საქართველოში დაახლოებით 647,8 ათასი საერთაშორისო ვიზიტი განხორციელდა, აქედან 63,4% ტურისტული იყო.

აპრილში ქვეყანაში განხორციელებული ვიზიტების 71,2% საავტომობილო გზაზე მოდის, 27,5% კი საჰაეროზე. გარდა ამისა, რკინიგზაზე მოდის 0,7%, ხოლო საზღვაო გზაზე – 0,5%.

 

137
თემები:
ტურიზმი საქართველოში (284)

კორონავირუსის რუსული ვაქცინა: რომელ ქვეყნებს სურთ მისი ყიდვა

13
(განახლებულია 02:14 24.09.2020)
როდის დასრულდება პანდემია? ალბათ, ეს საკითხი ყველას აღელვებს. კორონავირუსის დასრულებაში წვლილს შეიტანს რუსული ვაქცინაც სახელწოდებით „Sputnik V“. რომელი ქვეყნები აპირებენ პრეპარატის ყიდვას და სად შეიმუშავეს საკუთარი ვაქცინა – იხილეთ ჩვენს ვიდეოში
13

ხელფასები საქართველოში: ვინ რამდენს იღებს

139
(განახლებულია 16:05 22.09.2020)
საქართველოს სტატისტიკის ეროვნული სამსახურის „საქსტატის“ მონაცემებით, 2020 წლის მეორე კვარტალში ქვეყანაში საშუალოთვიურმა ხელფასმა 1150,1 ლარი შეადგინა, რაც 2,5%-ით ნაკლებია გასული წლის ანალოგიურ პერიოდთან შედარებით.
ხელფასები საქართველოში: ვინ რამდენს იღებს
© Sputnik / Konstantin Ivanov.

„საქსტატის“ ცნობით, 2020 წლის მეორე კვარტალში, გასული წლის ანალოგიურ პერიოდთან შედარებით, ხელფასების კლება შეიმჩნევა სხვადასხვა სექტორში. 

ყველაზე მაღალანაზღაურებადი საფინანსო და სადაზღვევო სფეროებია – 2040,9 ლარი. ეს 14,7%-ით ნაკლებია 2019 წლის ანალოგიურ პერიოდთან შედარებით.

ამასთან, საქართველოში ქალები გაცილებით დაბალ ანაზღაურებას იღებენ – 2020 წლის მეორე კვარტალში ქალების საშუალოთვიურმა ხელფასმა 924,2 ლარი შეადგინა, რაც 31,7%-ით ნაკლებია მამაკაცების საშუალო ხელფასზე.  

 

139
თემები:
სოციალური სფერო საქართველოში
ფაინა რანევსკაია

ქალები მამაკაცებზე გვიან კვდებიან, რადგან...

0
(განახლებულია 10:03 24.09.2020)
ქალები უფრო ჭკვიანები არიან. ოდესმე გსმენიათ ქალის შესახებ, რომელსაც თავი იმის გამო დაეკარგოს, რომ მამაკაცს ლამაზი ფეხები აქვს?

აზრების ფოიერვერკი“ წარმოგიდგენთ ფაინა რანევსკაიას გამონათქვამებს.

ფაინა რანევსკაია (ფანი ფელდმანი, 1896–1984) თეატრისა და კინოს რუსი და საბჭოთა მსახიობი, სამი სტალინური პრემიის ლაურეატი, საბჭოთა კავშირის სახალხო არტისტი, ლენინის ორდენის კავალერი.

ფაინა რანევსკაიას თბილისური სიყვარული>>

მსახიობი დიდი ენამოსწრებულობითა და ენაკვიმატობით გამოირჩეოდა. მისი გამონათქვამები დღემდე პოპულარულია და ერთგვარ „ფრთიან ფრაზებად“ იქცა.

Советская актриса театра и кино, народная артистка СССР Фаина Раневская.
© photo: Sputnik / Yuri Somov
ფაინა რანევსკაია

· დღევანდელი ახალგაზრდობა საშინელებაა. მაგრამ უფრო მეტი საშინელებაა, რომ ჩვენ არ ვართ ახალგაზრდები.

· გაუშვით თქვენი ცხოვრებიდან იდიოტები და კლოუნები. ცირკმა გასტროლებზე უნდა იაროს.

· საშინელებაა, როცა თავს გრძნობ, როგორც თვრამეტი წლის, როცა აღფრთოვანებული ხარ შესანიშნავი მუსიკით, ლექსებით, ფერწერით, ამ დროს კი შენი დრო მოვიდა, მაგრამ ვერაფერი მოასწარი, მხოლოდ ახლა იწყებ ცხოვრებას!

· მსუქანი ქალები არ არსებობენ, არის მხოლოდ პატარა ზომის ტანსაცმელი.

· ნიჭი – ესაა, როცა თავდაჯერებული არ ხარ და საკუთარი თავითა და ნაკლოვანებებით იტანჯები, რაც მე არასდროს მინახავს უნიჭოებში.

· მარტოობა – ესაა, როდესაც სახლში ტელეფონი გაქვს, მაგრამ მხოლოდ მაღვიძარა რეკავს.

ბედნიერება ფრთებით მოდის, მაგრამ ყავარჯნებით მიდის>>

· მარგალიტი, რომელიც პირველ აქტში მეკეთება, ნამდვილი უნდა იყოს, მოითხოვს ჭირვეული ახალგაზრდა მსახიობი ქალი. ყველაფერი ნამდვილი იქნება – ამშვიდებს მას რანევსკაია – ყველაფერი: მარგალიტი პირველ მოქმედებაში და საწამლავი – ბოლო აქტში.

· რა არის გამელოტება? ესაა თავის უკანალად ნელი, მაგრამ პროგრესული  გადაქცევა. ჯერ ფორმით და მერე უკვე – შინაარსით.

· ქალები მამაკაცებზე გვიან კვდებიან, რადგან ისინი ყოველთვის აგვიანებენ.

· სულელი მამაკაცისა და სულელი ქალის კავშირი გმირ დედას ბადებს. სულელი ქალისა და ჭკვიანი მამაკაცის კავშირი მარტოხელა დედას ბადებს. ჭკვიანი ქალისა და სულელი მამაკაცის კავშირი ჩვეულებრივ ოჯახს ბადებს. ჭკვიანი მამაკაცისა და ჭკვიანი ქალის კავშირი მსუბუქ ფლირტს ბადებს.

ბრმა სიყვარული და გენიალური ოკულისტი – ოჯახური ცხოვრება>>

· გაიგეთ ერთხელ და საბოლოოდ, რომ თქვენი ქალის ხასიათი – ეს თქვენი მისდამი დამოკიდებულების ანარეკლია. ვისაც არ ესმის: ის კი არაა კაპარჩხანა, ეს თქვენ ხართ გონებაჩლუნგი.

· რა თქმა უნდა, ქალები უფრო ჭკვიანი არიან. ოდესმე გსმენიათ ქალის შესახებ, რომელსაც თავი იმის გამო დაეკარგოს, რომ მამაკაცს ლამაზი ფეხები აქვს?

· მარტოობა – ეს მდგომარეობა, როდესაც ამის შესახებ ვერავის მოუყვები.

· სჯობს, კარგი ადამიანი იყო და უკანასკნელი სიტყვებით ილანძღებოდე, ვიდრე ჩუმი, აღზრდილი ცხოველი.

· ღმერთმა ქალი ლამაზი შექმნა, რომ ის მამაკაცებს უყვარდეთ, და სულელი, რომ მათ მამაკაცები უყვარდეთ.

· ცხოვრება – ეს მცირე გასეირნებაა მარადიული ძილის წინ.

· რითი განსხვავდება ჭკვიანი ბრძენისგან? ჰკითხეს რანევსკაიას. ჭკვიანმა იცის, როგორ გამოძვრეს რთული მდგომარეობიდა, ბრძენი კი ასეთ მდგომარეობაში არ ჩავარდება, უპასუხა მან.

· ოპტიმიზმი – ეს ინფორმაციის ნაკლებობაა.

· თუ ავადმყოფს ძალიან უნდა სიცოცხლე, ექიმები აქ უძლურნი არიან.

ერთადერთი რამ, რასაც ადამიანი ვერ აკონტროლებს>>

· ადამიანები თვითონ იქმნიან პრობლემებს – არავინ აიძულებს მათ, აირჩიონ მოსაწყენი პროფესიები, დაქორწინდნენ შეცდომით ან იყიდონ მოუხერხებელი ფეხსაცმელი.

· რაღას არ უკეთებს ბუნება ადამიანს! და ამ ყველაფერს – ნარკოზის გარეშე!

· ყველაზე მეტად ამ ცხოვრებაში შეყვარება მიყვარდა.

· ყოფასთან მწყრალად ვარ! ფული ხელს მიშლის მაშინაც, როცა არა მაქვს და მაშინაც, როცა მაქვს.

· ახლა მესმის, რატომაა პრეზერვატივი თეთრი ფერის. ამბობენ, თეთრი ასუქებსო.

· ნამდვილი მამაკაცი – ეს ის მამაკაცია, რომელმაც ზუსტად იცის, როდის აქვს ქალს დაბადების დღე, მაგრამ არასდროს არ იცის, რამდენი წლისაა. მამაკაცი, რომელსაც არასდროს ახსოვს ქალის დაბადების დღე, მაგრამ ზუსტად იცის, რამდენი წლისაა – ეს ქმარია.

· თუ ადამიანი ჭკვიანი და პატიოსანია, უპარტიოა. თუ ჭკვიანია და პარტიული – პატიოსანი არ არის. თუ პატიოსანი და პარტიულია – სულელია.

რატომ თხოვდება ქალი მეორედ და რატომ ქორწინდება მეორედ მამაკაცი>>

· თუ ქალი მამაკაცს ეუბნება, რომ ის ყველაზე ჭკვიანია, ეს ნიშნავს, რომ ქალს ესმის, რომ მასზე სულელს სხვას ვერ იპოვის.

· ცხოვრება ძალზე ხანმოკლეა იმისთვის, რომ ის დიეტებზე, ხარბ მამაკაცებსა და ცუდ განწყობაზე დახარჯო.

· მოგონებები – ეს სიბერის სიმდიდრეა.

0
თემები:
აზრების ფოიერვერკი: ცნობილი ადამიანების ბრძნული გამონათქვამები