რა შემოსავალი აქვს საქართველოს ღვინისა და ჭაჭისგან

125
(განახლებულია 18:12 24.05.2019)
იმ ქვეყნების რაოდენობა, სადაც 2019 წლის დასაწყისიდან ქართული ღვინო შეიტანეს, ხუთით შემცირდა 43-დან 38-მდე, თუმცა, გაიზარდა ექსპორტის მოცულობა.
მოთხოვნილება ქართულ სპირტიან სასმელებზე
© Sputnik / Konstantin Ivanov

საქართველომ იანვარ-აპრილში 26 მილიონი ბოთლი ღვინო გაიტანა, რაც 4%-ით მეტია 2018 წლის მაჩვენებელზე. ღვინის ექსპორტიდან შემოსავალმა 63,2 მლნ დოლარი შეადგინა – გასული წლის ოთხი თვის მონაცემებზე 7%-ით მეტი.

ექსპორტირებულ ღვინოებს შორის ყველაზე მეტი პოპულარობით სარგებლობს „ქინძმარაული“, „მუკუზანი“, „წინანდალი“, „ახაშენი“ და „ხვანჭკარა“.

რაც შეეხება ბრენდის ექსპორტს, 2019 წლის დასაწყისიდან ექსპორტი 67%-ით გაიზარდა. კერძოდ, მსოფლიოს 16 ქვეყანაში 18 მლნ დოლარის ღირებულების ბრენდი გაიტანეს.

ჭაჭის ექსპორტი კი გაიზარდა 67%-ით – მსოფლიოს 18 ქვეყანაში 382 ათასი დოლარის ღირებულების ჭაჭა გაიტანეს, რაც 2018 წლის იანვარ-აპრილთან შედარებით 31%-ით მეტია.

 

125
თემები:
საქართველოს ეკონომიკა (1071)

რა ვითარებაა უძრავი ქონების ბაზარზე თბილისში

87
(განახლებულია 18:51 18.06.2021)
„Sputnik–საქართველოს“ ინფოგრაფიკის მეშვეობით მკითხველი მიიღებს დაწვრილებით ინფორმაციას 2021 წლის აპრილში დედაქალაქში უძრავი ქონების ბაზარზე არსებული მდგომარეობის შესახებ.
უძრავი ქონების ბაზარი თბილისში - 2021 წლის აპრილი
© Sputnik / Konstantin Ivanov

შესადარებლად მოყვანილია 2019 და 2020 წლების მონაცემები, რომელიც საჯარო რეესტრისა და უძრავი ქონების სააგენტო Colliers-ის მონაცემებზე დაყრდნობით გამოაქვეყნა არაკომერციულმა პლატფორმამ Recov.ge.

აღსანიშნავია, რომ კორონავირუსის პანდემიის გამო 2020 წლის აპრილში არ მუშაობდა საჯარო რეესტრი – სახელმწიფო უწყება, რომელშიც უძრავი ქონების რეგისტრაცია ხორციელდება.

87

უმუშევრობა საქართველოში 2021 წლის პირველი მონაცემები

67
(განახლებულია 20:44 14.06.2021)
საქართველოში უმუშევრობის დონე გამოითვლება ეკონომიკურად აქტიური მოსახლეობიდან დასაქმებულთა და უმუშევართა რაოდენობის თანაფარდობის საფუძველზე.
უმუშევრობა საქართველოში
© Sputnik / Konstantin Ivanov

საქართველოში 2021 წლის პირველ კვარტალში, გასული წლის ანალოგიურ პერიოდთან შედარებით, უმუშევრობის დონე 3,7%-ით გაიზარდა და 21,9% შეადგინა. ექსპერტების აზრით, ქვეყანაში უახლოეს თვეებში უმუშევრობის დონე კვლავ გაიზრდება.

საქართველოს სტატისტიკის ეროვნული სამსახურის „საქსტატის“ მონაცემებზე დაყრდნობით მომზადებულ ინფოგრაფიკაში მკითხველი გაეცნობა ქვეყანაში უმუშევრობის დონის ძირითად მონაცემებს. 

„საქსტატში“ 2020 წლის ოქტომბრიდან ამოქმედდა ახალი სტანდარტები, რომლის თანახმად, საკუთარ მეურნეობაში დასაქმებულები, რომლებიც პროდუქციის ნახევარზე მეტს პირადი მოხმარებისთვის აწარმოებენ, აღარ ითვლებიან თვითდასაქმებულებად, არამედ ჩაითვლებიან უმუშევრებად ან არასამუშაო ძალად. „საქსტატში“ აცხადებენ, რომ ახალი სტანდარტის შემოღება განაპირობებს დასაქმების დონის შემცირებას და უმუშევრობის დონის ზრდას.

67
თემები:
საქართველოს ეკონომიკა (1071)
პოლიციის ლენტი

გარდაბანში არსებულ წყალსაცავში ორი მოზარდის ცხედარი იპოვეს

0
ხელოვნური წყალსაცავი გარდაბანში არსებულ „თბილსრესთან“ მდებარეობს. მაშველები მოზარდებს ორი საათის განმავლობაში ეძებდნენ.

თბილისი, 24 ივნისი − Sputnik. გარდაბანში, წყალსაცავში მაშველებმა ორი მოზარდის ცხედარი იპოვეს, იუწყება „პირველი არხი“.

ტელეკომპანიის ინფორმაციით, გარდაბნის რაიონის სოფელ ნაზარლოს მკვიდრი  მოზარდები წყალსაცავში საბანაოდ ჩავიდნენ. 15 წლის მოზარდი წყლიდან ამოსვლას ვეღარ ახერხებდა და მის დახმარებას 17 წლის მოზარდი შეეცადა, მაგრამ, სამწუხაროდ, ორივე დაიხრჩო.

სამძებრო სამუშაოებში ჩართული იყვნენ საგანგებო სიტუაციების მართვის სამსახურის თანამშრომლები და მყვინთავები. ამასთან, ადგილზე მობილიზებული იყო სასწრაფო სამედიცინო დახმარების ბრიგადებიც.

0