კრიმინალი საქართველოში ბოლო ცნობები

438
(განახლებულია 14:35 12.04.2019)
საქართველოში დანაშაულის სტატისტიკა იზრდება, რასაც ხელისუფლება დანაშაულის აღრიცხვის სისტემის გაუმჯობესებით ხსნის.
დანაშაული საქართველოში
© Sputnik / Konstantin Ivanov.

რაც შეეხება დანაშაულის გახსნის დაბალ მაჩვენებელს, საქართველოს პრემიერ-მინისტრ მამუკა ბახტაძის სიტყვებით, ამ მიმართულებით მუშაობა გრძელდება. მთავრობის მეთაური დარწმუნებულია, რომ რეფორმის დასრულების შემდეგ დანაშაულთან ბრძოლა უფრო ეფექტური გახდება.

„Sputnik–საქართველო“ გთავაზობთ ინფოგრაფიკას, რომელშიც წარმოდგენილია 2019 წლის იანვარ-თებერვალში ქვეყანაში ყველაზე გავრცელებული დანაშაულები.

438
თემები:
კრიმინალი საქართველოში (927)

კორონავირუსის პერიოდში ოფისში მუშაობის წესები

59
(განახლებულია 10:05 06.06.2020)
საქართველოს ჯანდაცვის სამინისტრომ კორონავირუსის პანდემიის პერიოდში ოფისებში მუშაობის რეკომენდაციები შეიმუშავა
კორონავირუსის პროფილაქტიკისთვის ოფისში მუშაობის ძირითადი რეკომენდაციები
© Sputnik / Konstantin Ivanov.

საქართველოში 23 მაისიდან საგანგებო მდგომარეობის რეჟიმი გაუქმდა, ბევრი კომპანია ცხოვრების ჩვეულ რეჟიმს ეტაპობრივად უბრუნდება, თუმცა, რიგი შეზღუდვები კვლავინდებურად ძალაში რჩება, გარდა ამისა სპეციალისტები მოსახლეობას მოუწოდებენ მაქსიმალურად დაიცვან სანიტარული ნორმები.

 „Sputnik საქართველოს“ ინფოგრაფიკაში მკითხველი გაიგებს დამსაქმებლისა და დასაქმებულის ძირითადი ვალდებულებების შესახებ.

დამსაქმებლის ვალდებულებებს შორისაა  შეიმუშაოს იმ პირთა დაუყოვნებელი იზოლაციის პოლიტიკა და პროცედურები, რომელთაც აღენიშნებათ ვირუსული ინფექციის ნიშნები ან/და სიმპტომები.  ამასთან, დამსაქმებელმა ხელი უნდა შეუწყოს იმ თანამშრომელთა დისტანციურ რეჟიმში მუშაობას, რომელთა ოფისში ყოფნაც აუცილებელი არაა. თანამშრომლები ინფორმირებული უნდა იყვნენ დაცვის საშუალებების სწორად გამოყენების შესახებ,  ვირუსის გავრცელების პრევენციული ღონისძიებების შესახებ ინფორმაცია კი თვალსაჩინო ადგილას უნდა განთავსებული.

59

კორონავირუსი და საქართველოს საგარეო ვაჭრობა

67
(განახლებულია 20:49 01.06.2020)
კორონავირუსის ეპიდაფეთქებამ სერიოზული ზიანი მიაყენა ქართულ ეკონომიკას – 2020 წლის პირველ ოთხ თვეში საგარეო სავაჭრო ბრუნვა, გასული წლის ანალოგიურ პერიოდთან შედარებით, 11,8%-ით შემცირდა და 3,5 მლრდ დოლარი შეადგინა.
როგორ იმოქმედა კორონავირუსმა საქართველოს საგარეო ვაჭრობაზე

იანვარ-აპრილში ქვეყნის ფარგლებს გარეთ 1 მილიარდ დოლარზე მეტი ღირებულების პროდუქცია გავიდა – გასული წლის ანალოგიურ პერიოდთან შედარებით 11,9%-ით ნაკლები, ნათქვამია სტატისტიკის ეროვნული სამსახურის „საქსტატის“ მასალებში.

2020 წლის დასაწყისიდან იმპორტმა დაახლოებით 2,5 მლრდ დოლარი შეადგინა, რაც 11,8%-ით ნაკლებია 2019 წლის იანვარ–აპრილის პერიოდის მაჩვენებელთან შედარებით.

საქართველოს უარყოფითმა სავაჭრო ბალანსმა მითითებულ პერიოდში დაახლოებით 1,5 მლრდ დოლარი შეადგინა, რაც მთელი საგარეო სავაჭრო ბრუნვის 42,2%-ს შეადგენს. 

2020 წლის დასაწყისიდან საქართველოს მსხვილი სავაჭრო პარტნიორები არიან თურქეთი, რუსეთი და აზერბაიჯანი – ამ ქვეყნებთან სავაჭრო ბრუნვამ იანვარ–აპრილში 1,2 მლრდ დოლარს გადააჭარბა, რაც მთლიანი სავაჭრო ბრუნვის 35,6%-ია. 

საქართველოს სავაჭრო პარტნიორების ათეულში ასევე შედიან: ჩინეთი - 346,1 მილიონ დოლარზე მეტი, აშშ - 162,7 მილიონ დოლარზე მეტი, უკრაინა - 174 მილიონ დოლარზე მეტი, სომხეთი - დაახლოებით 161,4 მილიონი დოლარი, გერმანია - დაახლოებით 140 მილიონი დოლარი, ბულგარეთი - 145,5 მილიონ დოლარზე მეტი, იტალია - დაახლოებით 65,8 მლნ დოლარი.

კორონავირუსის აფეთქებამ ქვეყნის ეკონომიკას სერიოზული დარტყმა უკვე მიაყენა – მიმდინარე წლის აპრილში ქვეყნის საგარეო სავაჭრო ბრუნვა 35,4%-ით დაეცა, მათ შორის, ექსპორტი 27,9%-ით, იმპორტი კი 38,5%-ით.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

67
თემები:
საქართველოს ეკონომიკა
კახა კალაძე

თბილისის მერს ნერვებმა უმტყუნა: შეხლა-შემოხლა სკვერის გახსნაზე

0
(განახლებულია 14:37 06.06.2020)
კალაძემ მომხდარს ყოფილი მმართველი პარტიის მხრიდან წარუმატებელი პროვოკაცია უწოდა, ხოლო მის აქტივისტებს - თაღლითები

თბილისი, 6 ივნისი - Sputnik. თბილისის მერს, კახა კალაძეს და მის დაწვის წევრებს ვარკეთილში სკვერის გახსნაზე დახვდნენ აქტივისტები, რომლებიც ე.წ. ანას ბაღში კორპუსის მშენებლობას აპროტესტებენ, საქმე ფიზიკურ დაპირისპირებამდე მივიდა.

ინციდენტი გუშინ მოხდა. კალაძე ესაუბრებოდა მოსახლეობას, რა დროსაც მას მიუახლოვდა ორი სამოქალაქო აქტივისტი, რომლებმაც მას მერიის მუშაობასთან დაკავშირებით პრეტენზიები წაუყენეს.

ამან კალაძის გაღიზიანება გამოიწვია, მან ვერ შეძლო ემოციების შეკავება და მასსა და მის დაცვას და აქტივისტებს შორის ხანმოკლე შეხლა-შემოხლა მოხდა. შედეგად ერთ-ერთ აქტივისტს მაისურა დაეხა.

თავად კალაძემ მომხდარს ყოფილი მმართველი პარტია „ერთიანი ნაციონალური მოძრაობის“ წარუმატებელი პროვოკაცია უწოდა.

„არანაირ ძალადობას ადგილი არ ჰქონია, როგორც გუშინ ვთქვი. ძალიან კარგად ვიცი, რა ჩანს კადრებში, თქვენც და მეც მაქვს ორი თვალი, შესაბამისად, ყველანი ძალიან კარგად ვხედავთ, არანაირ ფიზიკურ ძალადობას არ ჰქონია ადგილი. იყო ორი პროვოკატორი, რომელსაც ჰქონდა მცდელობა, არეულობა შემოეტანა და ჩაეშალა მნიშვნელოვანი ღონისძიება, რაც იყო ახალი სარეკრეაციო ზონის პროექტის დასრულების, თუმცა მათ ეს არ გამოუვიდათ. მათ არ მიეცათ პროვოკაციის მოწყობის შესაძლებლობა და ეს ადამიანები გაყვანილ იქნა ტერიტორიიდან“, - განუცხადა ჟურნალისტებს კალაძემ.

მოძრაობა „შეცვალეს“ წევრი დიმიტრი ბიძინაშვილი აცხადებს, რომ კახა კვეკვესკირი, რომელსაც ინციდენტის დროს მაისური დაეხა, პოლიციაში გამოკითხვაზე იმყოფებოდა.

ლეიბორისტული პარტიის წევრი, ლაშა ჩხარტიშვილი, რომელიც გუშინ ინციდენტის ადგილას იმყოფებოდა, ამბობს, რომ კახა კალაძის გარდა, მერიის სხვა თანამშრომლებიც ძალადობდნენ. ჩხარტიშვილი მაღალჩინოსნების წინააღმდეგ სარჩელის შეტანას ორშაბათს გეგმავს.

ამასთან დაკავშირებით კახა კალაძემ განაცხადა, რომ  ეს მათი უფლებაა.

„შინაგან საქმეთა სამინისტრო თუ ჩათვლის, რომ იქ იყო რაიმე ძალადობრივი ქმედება ან ვინმეს ფიზიკურად გაუსწორდნენ, რა თქმა უნდა, გამოძიება უნდა დაიწყოს, თუმცა მსგავსი ფაქტი არ ყოფილა. სავარაუდოდ, მან შემოიხია მაისური, არ გამოუვიდა პროვოკაცია და მინდა, საჩუქრად გადავცე ამ პიროვნებას მაისური, რომელიც გამოადგება. აი, ეს არის მაისური, საკმაოდ საინტერესოა”, - განაცხადა კალაძემ.

ვარკეთილში ადგილობრივი მოსახლეობა უკვე ერთი წლის განმავლობაში აპროტესტებს მრავალსართულიანი კორპუსის მშენებლობას ანას ბაღის ტერიტორიაზე და სკვერის მოწყობას მოითხოვს.

0
თემები:
შემთხვევები საქართველოში