ქორწილი ყველაზე საზეიმო და საპასუხისმგებლო დღეა თითოეული ადამიანის ცხოვრებაში. თითოეული წყვილი მღელვარებით უდგება სადღესასწაულო სამზადისს. ყურადღებას აქცევენ ყველა დეტალს – ჰალსტუხისა და საქორწინო თაიგულის შერჩევიდან დაწყებული სუფრამდე დამთავრებული. საქართველოში ქორწილს განსაკუთრებული დატვირთვა აქვს.
როგორც ცნობილია, საქორწილო სუფრა – გემოვნებისა და ფინანსური შესაძლებლობების საქმეა. ფასები სხვადასხვანაირია, ამიტომ ხარჯების დათვლა საკმაოდ რთულია. თუმცა, „Sputnik საქართველომ“ რამდენიმე ახალგაზრდა წყვილთან გასაუბრების შედეგად 100 ადამიანზე გათვლილი საქორწილო სუფრის კალკულატორი შეადგინა. აღმოჩნდა, რომ ფასები საკმაოდ მისაღებია საშუალოსტატისტიკური ოჯახისთვის.
