პატრული

ბათუმში ერთ-ერთი კაფე-ბარის დაცვის თანამშრომელი მოკლეს

102
(განახლებულია 17:41 22.07.2021)
მომხდარის შესახებ დამატებითი დეტალები ამ დროისათვის უცნობია, პოლიცია ბრალდებულის სამძებრო ღონისძიებებს ატარებს.

თბილისი, 22 ივლისი – Sputnik. ბათუმში, ძველი ბულვარის ტერიტორიაზე ერთ-ერთი კაფე-ბარის დაცვის თანამშრომელი მოკლეს, იუწყება „აჭარის ტელევიზია".

შემთხვევა გუშინ, გვიან ღამით კაფე-ბარ „ვივა ლათინოსთან“ მოხდა.

გავრცელებული ინფორმაციით, შემთხვევას ურთიერთშელაპარაკება უძღოდა წინ. 60 წლამდე მამაკაცს ცივი იარაღით სასიკვდილო ჭრილობა ერთ-ერთმა სტუმარმა, 25 წლამდე მამაკაცმა მიაყენა და შემთხვევის ადგილიდან მიიმალა. ობიექტის დაცვის თანამშრომელს ჭრილობა გულის არეში ჰქონდა მიყენებული.

მომხდარზე გამოძიება საქართველოს სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

102
თემები:
შემთხვევები საქართველოში (2234)
სეისმოგრაფი

საქართველოში მიწისძვრა მოხდა კვლავ სოფელ სამებასთან

12
მიწისძვრის ეპიცენტრი დმანისის მუნიციპალიტეტში, სოფელ სამებასთან ახლოს, ცხრა კილომეტრ სიღრმეში მდებარეობდა

თბილისი, 1 აგვისტო – Sputnik. დმანისიდან 24 კილომეტრში, სოფელ სამებასთან 3,1 მაგნიტუდის მიწისძვრა დაფიქსირდა, იუწყება სეისმური მონიტორინგის ეროვნული ცენტრი.

სეისმოლოგი: გახშირებული მიწისძვრები საქართველოში საყურადღებოა>>

მიწისქვეშა ბიძგები თბილისის დროით 21:09 საათზე დაფიქსირდა. ეპიცენტრი 9 კმ სიღრმეში მდებარეობდა.

ივნისსა და ივლისში სეისმოლოგებმა ამ ტერიტორიაზე 3,0–4,0 მაგნიტუდის ორ ათეულამდე მიწისძვრა დააფიქსირეს.

12
თემები:
შემთხვევები საქართველოში (2234)
სასწრაფო დახმარება

კახეთში ავტოსახელოსნოს თანამშრომელს მანქანა დაეცა და დაიღუპა

232
(განახლებულია 14:54 01.08.2021)
ექიმების განცხადებით, მიუხედავად სამედიცინო ჩარევისა და რეანიმაციული ღონისძიებებისა, მამაკაცის სიცოხლის გადარჩენა ვერ მოხერხდა.

თბილისი, 1 აგვისტო - Sputnik. კახეთში, გურჯაანის მუნიციპალიტეტში უბედურ შემთხვევას შუახნის მამაკაცის სიცოცხლე ემსხვერპლა, იუწყება ტელეკომპანია „იმედი“.

შემთხვევა გურჯაანის მუნიციპალიტეტის სოფელ ახაშენში მოხდა. გავრცელებული ინფორმაციით, ერთ-ერთი ავტოსახელოსნოს ხელოსანს სპეციალურ მოწყობილობაზე აწეული მანქანა დაეცა.

მამაკაცი სასწრაფო დახმარებამ „ჯეო ჰოსპიტალსის“ საავადმყოფოში გადაიყვანა, თუმცა, ექიმებმა პაციენტის გადარჩენა ვეღარ შეძლეს.

„შუახნის კაცს თავის არეში მკვრივი, ბლაგვი საგნით მიყენებული ჭრილობები აღენიშნებოდა. სასწრაფოდ გაკეთდა ნეოროქირურგიული ოპერაცია, მაგრამ დაზიანება სიცოცხლესთან შეუთავსებელი აღმოჩნდა“, - განაცხადა ექიმმა.

მომხდარზე მიმდინარეობს გამოძიება.

 

232