5 ივლისის მოვლენები: დაკავებულია კიდევ ერთი პირი

© photo: Sputnikსაპატრულო პოლიცია
საპატრულო პოლიცია - Sputnik საქართველო, 1920, 20.07.2021
გამოწერა
პროკურატურის ბოლო მონაცემებით, „თბილისი პრაიდის” წინააღმდეგ გამართული აქციის საქმეებში დაზარალებულად ცნობილია 46 პირი, მათ შორის 40 ჟურნალისტი და ოპერატორი.
თბილისი, 20 ივლისი – Sputnik. პოლიციამ 5 ივლისს თბილისში მომხდარი არეულობების დროს ჟურნალისტისთვის პროფესიულ საქმიანობაში უკანონოდ ხელის შეშლის ბრალდებით კიდევ ერთი პირი დააკავა, ნათქვამია შინაგან საქმეთა სამინისტროს მიერ გავრცელებულ ინფორმაციაში.
აგრესიული რადიკალების დაკავება - Sputnik საქართველო, 1920, 19.07.2021
„TV პირველის“ ოპერატორის ცემისთვის ბრალი კიდევ ერთ პირს წარედგინა
გამოძიებამ დაადგინა, რომ ბრალდებულმა 5 ივლისს რუსთაველის გამზირზე „თბილისი პრაიდის“ საწინააღმდეგოდ გამართული აქციის მიმდინარეობისას ტელეკომპანია „TV პირველის“ ოპერატორს ფიზიკური და სიტყვიერი შეურაცხყოფა მიაყენა. უწყების ცნობით, ამავე ფაქტზე პოლიციამ 14 და 17 ივლისს ორი პირი უკვე დააკავა.
„5-6 ივლისს გამართული აქციების მიმდინარეობის დროს ჟურნალისტისთვის პროფესიულ საქმიანობაში ძალადობის მუქარით, უკანონოდ ხელის შეშლის, ძალადობითა და ძალადობის მუქარით დევნის, ასევე ჯგუფური ძალადობის ფაქტებზე სულ დაკავებულია 26 პირი“, – ნათქვამია შსს-ს ინფორმაციაში.
უწყებაში აცხადებენ, რომ დანაშაულში მონაწილე სხვა პირთა დადგენა-დაკავების მიზნით გრძელდება საგამოძიებო-ოპერატიული ღონისძიებები.
თბილისის სასამართლო - Sputnik საქართველო, 1920, 15.07.2021
„პირველი არხის" ოპერატორზე თავდასხმა: ბრალდებულს პატიმრობა შეეფარდა
თბილისში არეულობები 5 ივლისს, „თბილისი პრაიდის" კვირეულის დასკვნით დღეს დაიწყო, რომელიც სექს-უმცირესობების უფლებების დამცველების მიერ იყო ორგანიზებული. ამ დღეს დილიდან ხმაურით მიმდინარეობდა ლგბტ-საზოგადოების მოწინააღმდეგეთა კონტრაქცია, რომლებიც ყველანაირად ცდილობდნენ დაგეგმილი „ღირსების მარშის" ჩატარებისთვის ხელის შეშლას. საბოლოოდ მათ მიზანს მიაღწიეს და „ღირსების მარში" გაუქმდა. თუმცა ამან კონტრაქციის მონაწილეები ვერ დააშოშმინა.
შედეგად ლგბტ-თემის მოწინააღმდეგეთა აქცია არეულობებში გადაიზარდა. მისი მონაწილეები აგრესიულად იყვნენ განწყობილი ჟურნალისტების მიმართ და მათ მუშაობის საშუალებას არ აძლევდნენ. გარდა ამისა, დემონსტრანტებმა რიგი საზოგადოებრივი ორგანიზაციების ოფისები დაარბიეს. შსს-ს ცნობით, თბილისში დაახლოებით 20 „ცხელი წერტილი" იყო. ოფიციალური მონაცემებით, ამ დღეს დაშავდა 55 ადამიანი, აქედან 53 მასმედიის წარმომადგენელი იყო. მათ შორის იყო „TV პირველის" ოპერატორი ლექსო ლაშქარავა, რომელიც ცემიდან რამდენიმე დღეში გარდაიცვალა.
ყველა ახალი ამბავი
0