თბილისის საქალაქო სასამართლო

„ქურდული სამყაროს“ 10 წარმომადგენელი განაჩენს ციხეში დაელოდება

115
(განახლებულია 09:27 10.07.2021)
დაკავებულები აღიარებენ ქურდული სამყაროს ავტორიტეტს და ეწეოდნენ დანაშაულებრივ საქმიანობას, მათ შორის ქურდულ გარჩევებს.

თბილისი, 10 ივლისი - Sputnik. თბილისის საქალაქო სასამართლომ საქართველოში ქურდული სამყაროს წინააღმდეგ სპეციალური საპოლიციო ოპერაციის ფარგლებში დაკავებული 25 პირიდან ათს პატიმრობა შეუფარდა.

პარასკევს გამართულ სხდომაზე სასამართლომ განიხილა 10 დაკავებულისთვის აღკვეთის ღონისძიების შერჩევის საკითხი, დანარჩენ ბრალდებულებზე გადაწყვეტილება დღეს იქნება მიღებული.

დაკავებულების ადვოკატებმა მათი დაცვის ქვეშ მყოფების გირაოთი გათავისუფლება, მაგრამ სასამართლომ მხარი ბრალდების მხარეს დაუჭირა.

საქართველოს შინაგან საქმეთა სამინისტრომ ხუთშაბათს განაცხადა „ქურდული სამყაროს“ წინააღმდეგ საქართველოს სხვადასხვა ქალაქში ჩატარებული სპეცოპერაციის დასრულების შესახებ. სამინისტროს ინფორმაციით, საქმეზე დაკავებულია 25 ადამიანი, ორზე ძებნა გამოცხადდა, ხოლო კიდევ ოთხს ციხეში წაუყენეს ბრალი.

გამოძიებით დადგინდა, რომ აღნიშნული პირები აღიარებდნენ „ქურდულ სამყაროს“ და აქტიურად მონაწილეობდნენ სხვადასხვა დანაშაულებრივ საქმიანობაში, მათ შორის ქურდულ გარჩევებში, რომელიც შეეხებოდა პირის ქმედების შეფასებას, დავის გადაწყვეტას, სტატუსის შეცვლას და ქურდული სამყაროს საქმიანობასთან დაკავშირებულ საკითხების განხილვას. ბრალდებულები აღნიშნული ქმედებების შედეგად ცდილობდნენ მიეღოთ ფინანსური სარგებელი.

შსს-ს მონაცემებით, დაკავებულთა უმრავლესობა წარსულში ნასამართლევია და მათ ჰქონდათ მოწყობილი სპეციალური სივრცე, სადაც იმართებოდა ქურდული გარჩევები და დანაშაულის ორგანიზება მიმდინარეობდა.

გამოძიებით ასევე დადგინდა, რომ ბრალდებულებს კავშირი ჰქონდათ საზღვარგარეთ მყოფ ცხრა კრიმინალურ ავტორიტეტებთან. მათ შორის არიან: კახა შუშანაშვილი, შოთა ასათიანი, ნამიქ სალიფოვი, ლუკა ასანიძე, პაატა ბაქრაძე, დავით ქურასბედიანი.

შსს-ს განცხადებით, საქმეზე გამოძიება თითქმის ნახევარი წლის განმავლობაში მიმდინარეობდა და საქმეში 100-მდე დაზარალებულია. მისივე თქმით, იყო გამოძალვის, ყაჩაღობის და ფიზიკური ანგარიშსწორების ფაქტებიც.

2018 წლიდან საქართველოში გამკაცრდა კანონმდებლობა კრიმინალურ მენტალიტეტთან ბრძოლის კუთხით. ახლა დასჯადია არამარტო „ქურდული სამყაროს“ წევრობა, არამედ ქურდული შეკრება, გარჩევა და „ქურდული სამყაროს“ წარმომადგენელთან დახმარებისთვის მიმართვა.

 

 

 

115
პატრული

ნარკოდილერები Telegram–ით ნარკოტიკებს ასაღებდნენ

27
(განახლებულია 15:44 29.07.2021)
მომხდარ ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს – სპეცოპერაცია თბილისსა და დედოფლისწყაროში ჩატარდა

თბილისი, 29 ივლისი – Sputnik. ახალი ფსიქოაქტიური ნივთიერების უკანონო შეძენისა და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ოთხი პირია დაკავებული, ნათქვამია შინაგან საქმეთა სამინისტროს მიერ გავრცელებულ ინფორმაციაში. 

დაკავების ოპერაცია თბილისსა და დედოფლისწყაროში ჩატარდა. ბრალდებულთა ასაკი 20–დან 35 წლამდეა. ბრალის დამტკიცების შემთხვევაში მათ 8–დან 20 წლამდე ან უვადო პატიმრობა ემუქრებათ.

უწყების ცნობით,  სამართალდამცველებმა ერთ-ერთი ბრალდებულის  პირადი ჩხრეკისას  ხუთ ლიტრზე მეტი ახალი ფსიქოაქტიური ნივთიერება აღმოაჩინეს.

რაც შეეხება კიდევ ერთ ბრალდებულს, იგი  სოციალური აპლიკაცია  „ტელეგრამის“ მეშვეობით საქართველოში ნარკოტიკის უკანონო შემოტანასა და მის სხვადასხვა ლოკაციებზე განთავსებას ახდენდა. მისი პირადი ჩხრეკისას ასევე ამოღებულია ხუთ ლიტრამდე ფსიქოაქტიური ნივთიერება.

დანარჩენი ორი ბრალდებული სამართალდამცველებმა დედოფლისწყაროს მუნიციპალიტეტში დააკავეს.  ბრალდებულების სარგებლობაში არსებული ავტომანქანების  ჩხრეკისას ასევე ამოღებულია ოთხ კგ–მდე  ნარკოტიკული საშუალება ,,ოპიუმი“ და  ორ კილოგრამამდე ,,ჰეროინი“ , ასევე  600 გრამი სხვა ნარკოტიკული საშუალებები.

უწყების ცნობით, სულ ნივთმტიცებად ამოღებულია 5,5 კგ  ნარკოტიკული საშუალება და 10 ლიტრი და 896 გრამი ახალი ფსიქოაქტიური ნივთიერება.

 



27
თემები:
ნარკოდანაშაული საქართველოში
ცხვარი

საგარეჯოში გაუჩინარებულ მწყემსს ეძებენ

47
(განახლებულია 14:30 29.07.2021)
გავრცელებული ინფორმაციით, ოჯახის წევრებმა ჯომართ ახმედოვი  ბოლოს 25 ივლისს ნახეს, მას შემდეგ მამაკაცი არავის დაკავშირებია.

თბილისი, 29 ივლისი – Sputnik. საგარეჯოს რაიონში გაუჩინარებულ მწყემსს ეძებენ, იუწყება ტელეკომპანია Imedi.

გავრცელებული ინფორმაციით, ოჯახის წევრები 32 წლის ჯომართ ახმედოვს მეხუთე დღეა უშედეგოდ ეძებენ.

ახლობლების ინფორმაციით, მამაკაცი 25 ივლისს საგარეჯოს რაიონის სოფელი თულარიდან უკანა ფშავის მიმართულებით ცხვარში წავიდა და მას შემდეგ აღარავის უნახავს.

მომხდარ ფაქტზე გამოძიება სსკ–ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

სამძებრო ღონისძიებები აქტიურად მიმდინარეობს.

47
თემები:
შემთხვევები საქართველოში
ელექტროგადამცემი ხაზი

„თელასი" ნაძალადევის რაიონს ხვალ ელექტროენერგიას გაუთიშავს

0
(განახლებულია 18:01 29.07.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ივლისი – Sputnik. სააქციო საზოგადოება „თელასი" იუწყება, რომ 30 ივლისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს