თამარ გაბუნია

გაბუნია: ვაქცინაციის სარეგისტრაციო პორტალზე მასობრივი კიბერშეტევა განხორციელდა

82
ჯერჯერობით უცნობია, როდის შეძლებენ მსურველები ვაქცინაციაზე რეგისტრაციას, ასევე უცნობია, კორონავირუსის რამდენი ახალი შემთხვევა დაფიქსირდა დღეს.

თბილისი, 3 ივლისი – Sputnik. ვაქცინაციის სარეგისტრაციო პორტალზე მასობრივი კიბერშეტევა განხორციელდა, ამის შესახებ საქართველოს ჯანდაცვის მინისტრის მოადგილე თამარ გაბუნია აცხადებს.

დღეს 12:00 საათზე პორტალზე https://booking.moh.gov.ge ვაქცინა Sinopharm-ზე რეგისტრაცია უნდა დაწყებულიყო, მაგრამ პორტალი დილიდან არ მუშაობდა. ასევე ამ დრომდე არ განახლებულა მონაცემები პორტალ stopcov.ge-ზე, რომელიც კორონავირუსთან დაკავშირებით ახალ მონაცემებს ყოველდღე აქვეყნებს.

როგორც თამარ გაბუნიამ აღნიშნა, ტექნიკური ჯგუფი მუშაობს და რამდენიმე საათში უნდა აღმოიფხვრას  პორტალზე არსებული პრობლემა.

„ჩვენი ინფორმაციით, შეფერხება გამოიწვია კიბერშეტევამ, რის შესახებაც ჩვენთვის ამ დილით გახდა ცნობილი. მასობრივი კიბერშეტევის გამო შეფერხდა საიტის პორტალის მუშაობა. ტექნიკური ჯგუფი მუშაობს და რამდენიმე საათში უნდა მოხდეს პრობლემის აღმოფხვრა. როგორც კი გვექნება დაზუსტებული ინფორმაცია, რომ საიტის გამართულობა აღდგენილია, მაშინვე დავაანონსებთ რეგისტრაციის დაწყებას“, – განაცხადა თამარ გაბუნიამ.

რაც შეეხება პორტალ stopcov.ge-ს, გაბუნია აცხადებს, რომ აქაც იგივე პრობლემაა.

საქართველომ ჩინური წარმოების Sinopharm–ისა და Sinovac–ის 1 მილიონი დოზა ვაქცინა პარასკევს მიიღო. მთავრობა აცხადებს, რომ ერთი თვის შემდეგ ქვეყანაში აღნიშნული პრეპარატების დამატებითი 500 ათასი დოზა შემოვა. ხელისუფლების გეგმებშია ყოველდღიურად 20–25 ათასი ადამიანისთვის აცრის ჩატარება.

დღეს Sinopharm-ზე რეგისტრაცია უნდა დაწყებულიყო, ხოლო 5 ივლისიდან მთავრობა მასობრივი ვაქცინაციის დაწყებას გეგმავს.

82
პატრული

ნარკოდილერები Telegram–ით ნარკოტიკებს ასაღებდნენ

25
(განახლებულია 15:44 29.07.2021)
მომხდარ ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს – სპეცოპერაცია თბილისსა და დედოფლისწყაროში ჩატარდა

თბილისი, 29 ივლისი – Sputnik. ახალი ფსიქოაქტიური ნივთიერების უკანონო შეძენისა და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ოთხი პირია დაკავებული, ნათქვამია შინაგან საქმეთა სამინისტროს მიერ გავრცელებულ ინფორმაციაში. 

დაკავების ოპერაცია თბილისსა და დედოფლისწყაროში ჩატარდა. ბრალდებულთა ასაკი 20–დან 35 წლამდეა. ბრალის დამტკიცების შემთხვევაში მათ 8–დან 20 წლამდე ან უვადო პატიმრობა ემუქრებათ.

უწყების ცნობით,  სამართალდამცველებმა ერთ-ერთი ბრალდებულის  პირადი ჩხრეკისას  ხუთ ლიტრზე მეტი ახალი ფსიქოაქტიური ნივთიერება აღმოაჩინეს.

რაც შეეხება კიდევ ერთ ბრალდებულს, იგი  სოციალური აპლიკაცია  „ტელეგრამის“ მეშვეობით საქართველოში ნარკოტიკის უკანონო შემოტანასა და მის სხვადასხვა ლოკაციებზე განთავსებას ახდენდა. მისი პირადი ჩხრეკისას ასევე ამოღებულია ხუთ ლიტრამდე ფსიქოაქტიური ნივთიერება.

დანარჩენი ორი ბრალდებული სამართალდამცველებმა დედოფლისწყაროს მუნიციპალიტეტში დააკავეს.  ბრალდებულების სარგებლობაში არსებული ავტომანქანების  ჩხრეკისას ასევე ამოღებულია ოთხ კგ–მდე  ნარკოტიკული საშუალება ,,ოპიუმი“ და  ორ კილოგრამამდე ,,ჰეროინი“ , ასევე  600 გრამი სხვა ნარკოტიკული საშუალებები.

უწყების ცნობით, სულ ნივთმტიცებად ამოღებულია 5,5 კგ  ნარკოტიკული საშუალება და 10 ლიტრი და 896 გრამი ახალი ფსიქოაქტიური ნივთიერება.

 



25
თემები:
ნარკოდანაშაული საქართველოში
ცხვარი

საგარეჯოში გაუჩინარებულ მწყემსს ეძებენ

47
(განახლებულია 14:30 29.07.2021)
გავრცელებული ინფორმაციით, ოჯახის წევრებმა ჯომართ ახმედოვი  ბოლოს 25 ივლისს ნახეს, მას შემდეგ მამაკაცი არავის დაკავშირებია.

თბილისი, 29 ივლისი – Sputnik. საგარეჯოს რაიონში გაუჩინარებულ მწყემსს ეძებენ, იუწყება ტელეკომპანია Imedi.

გავრცელებული ინფორმაციით, ოჯახის წევრები 32 წლის ჯომართ ახმედოვს მეხუთე დღეა უშედეგოდ ეძებენ.

ახლობლების ინფორმაციით, მამაკაცი 25 ივლისს საგარეჯოს რაიონის სოფელი თულარიდან უკანა ფშავის მიმართულებით ცხვარში წავიდა და მას შემდეგ აღარავის უნახავს.

მომხდარ ფაქტზე გამოძიება სსკ–ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

სამძებრო ღონისძიებები აქტიურად მიმდინარეობს.

47
თემები:
შემთხვევები საქართველოში
ტურისტული საინფოემაციო ცენტრი აჭარაში

აჭარაში ცხრა საინფორმაციო ცენტრი მუშაობს: რა სერვისებს სთავაზობენ ტურისტებს

0
რეგიონში მყოფ ვიზიტორებს მოგზაურობასთან დაკავშირებით ინფორმაციის მიღება ცხელი ხაზის მეშვეობით შეუძლიათ.

თბილისი, 29 ივლისი - Sputnik. აჭარაში ჩამოსულ საერთაშორისო ვიზიტორებს ცხრა ტურისტული საინფორმაციო ცენტრი ემსახურება, ინფორმაციას აჭარის ტურიზმისა და კურორტების დეპარტამენტი ავრცელებს.

აჭარაში ტურისტული სეზონი 15 ივნისს გაიხსნა. მუშაობა განაახლეს აგრეთვე პანდემიის გამო შეჩერებულმა ტურიზმის საინფორმაციო ცენტრებმა.

დეპარტამენტის ცნობით, საინფორმაციო ცენტრები აჭარის სხვადასხვა მუნიციპალიტეტში მდებარეობს, მათ შორის ბათუმსა და ქობულეთში.

საინფორმაციო ცენტრები მოგზაურებს სხვადასხვა სერვისს სთავაზობს - უფასო რუკები, ტურისტული გზამკვლევები, მარშრუტები, ტურები მაღალმთიანი აჭარის მიმართულებით, სუვენირები, ადგილობრივი წარმოების პროდუქცია, ფასდაკლების ბარათი Batumi Discount Card.

ვიზიტორებს რეგიონში მოგზაურობასთან დაკავშირებით ნებისმიერი ინფორმაციის მიღება შეუძლიათ ცხელ ხაზზე.

კორონავირუსის პანდემიამდე აჭარის რეგიონი ერთ-ერთი ყველაზე პოპულარული ტურისტული მიმართულება იყო. პანდემიის გამო აჭარაში, როგორც მთლიანად საქართველოში, 2020 წლის ზაფხულის ტურისტული სეზონი ფაქტობრივად ჩავარდა.

ტურიზმის სფერო ყველაზე მეტად დაზარალდა კორონავირუსის პანდემიის შედეგად. საქართველოს რეკორდულმა წარმატებამ 2019 წელს, როდესაც საერთაშორისო მოგზაურთა რიცხვმა 9,3 მილიონს გადააჭარბა, ხოლო მიღებულმა შემოსავლებმა 3,3 მილიარდი დოლარი შეადგინა, აიძულა ამ დარგში დასაქმებული ადამიანები უფრო საფუძვლიანად მომზადებულიყვნენ 2020 წლისთვის. მაგრამ პანდემიამ ტურიზმის ინდუსტრიის ყველა გეგმა და იმედი ჩაშალა. ტურიზმისგან მიღებული შემოსავლები 2020 წელს 427,7 ათას დოლარამდე შემცირდა, ხოლო საერთაშორისო მოგზაურთა რაოდენობა - 1,7 მილიონამდე.

მიმდინარე წლის ივნისში საერთაშორისო ვიზიტორების რიცხვი, გასული წლის ანალოგიურ პერიოდთან შედარებით, 294,2%-ით გაიზარდა. ამასთან, ტურისტული ვიზიტების რაოდენობა გასული წლის ანალოგიურ პერიოდთან შედარებით 286,8%-ით გაიზარდა.

2021 წლის იანვრიდან ივნისის ჩათვლით პერიოდში ვიზიტების რაოდენობამ 446,1 ათასი შეადგინა, რაც 2020 წლის ანალოგიური პერიოდის მაჩვენებელზე 66,4%-ით ნაკლებია.

რეგულარული ავიამიმოსვლა, რომელიც კორონავირუსის პანდემიის გამო იყო შეჩერებული 2020 წლის მარტიდან, საქართველომ 1 თებერვლიდან აღადგინა, ეკონომიკის სამინისტროს მონაცემებით, მაისში, პანდემიამდე პერიოდთან შედარებით, ფრენების რაოდენობა 65%-ით აღდგა. 1 ივნისიდან კი საქართველომ სახმელეთო საზღვრებიც გახსნა.

 

0