პოლიცია რიონის ხეობაში

ნამახვანჰესის მშენებლობის მოწინააღმდეგე აქტივისტი პოლიციელზე თავდასხმაშია ბრალდებული

59
ბრალდებული აქტივისტი პოლიციის თანამშრომელს სოფელ გუმათში 29 მაისს გამართულ საპროტესტო აქციაზე დაესხა თავს.

თბილისი, 10 ივნისი — Sputnik. „რიონის ხეობის მცველი“ პოლიციელზე თავდასხმის ბრალდებით დააკავეს, იუწყება შსს-ს პრესსამსახური.

„ნამახვანჰესის“ მშენებლობის წინააღმდეგ პროტესტი შვიდ თვეზე მეტია გრძელდება. მასშტაბური საპროტესტო აქციების ქუთაისში ჩატარების შემდეგ აქციების მონაწილეები რეგიონებიდან 23 მაისს თბილისში ჩამოვიდნენ. მათ მთავრობას ულტიმატუმის ფორმით რიგი მოთხოვნები წაუყენეს, რომლებიც არ შესრულდა. ამის შემდეგ აქციები ისევ რიონის ხეობაში გაგრძელდა.

უწყების მონაცემებით, საუბარია დაპირისპირებაზე, რომელიც 29 მაისს გამართულ საპროტესტო აქციაზე მოხდა.

დანაშაული 4-დან 7 წლამდე პატიმრობას ითვალისწინებს.

გამოძიებით დადგინდა, რომ ბრალდებული წყალტუბოს მუნიციპალიტეტის სოფელ გუმათში „ნამახვანჰესის“ მშენებლობის წინააღმდეგ მიმდინარე საპროტესტო აქციაზე „სამსახურებრივი მოვალეობის შესრულების პროცესში მყოფ პოლიციის თანამშრომელს თავს დაესხა და ფიზიკური შეურაცხყოფა მიაყენა“.

რამდენიმე დღის წინ პოლიციამ 29 მაისს გამართულ აქციაზე პოლიციელზე თავდასხმაში ბრალდებული კიდევ ერთი პირი დააკავა. ქუთაისის საქალაქო სასამართლოს გადაწყვეტილებით, დაკავებული გამოძიების დასრულებამდე პატიმრობაში დარჩება. ის თავის ბრალს არ აღიარებს.

59
პოლიციის შებობა შიდა ქართლში

თბილისში iPlus-ის მაღაზიის გაქურდვის ფაქტზე 17 წლის მოზარდი დააკავეს

20
(განახლებულია 12:09 13.06.2021)
არასრულწლოვანი დანაშაულის ჩადენიდან მეორე დღეს, 12 ივნისს შიდა ქართლში დააკავეს. მას ბრალის დამტკიცების შემთხვევაში 3-დან 5 წლამდე ვადით პატიმრობა ემუქრება.

თბილისი, 13 ივნისი — Sputnik. თბილისში, ჭავჭავაძის გამზირზე მდებარე ტექნიკის მაღაზია iPlus-ის გაქურდვის ფაქტზე შიდა ქართლში 2004 წელს დაბადებული მოზარდი დააკავეს, ინფორმაციას შსს-ს პრესსამსახური ავრცელებს.

გამოძიებით დადგინდა, რომ ბრალდებულმა მიმდინარე წლის 11 ივნისს ჩაამსხვრია მაღაზიის ფასადის ვიტრინა, შევიდა სავაჭრო ობიექტში და მობილური ტელეფონები მოიპარა.

მაღაზიის დირექტორის თქმით, ზარალის სავარაუდო ოდენობამ დაახლოებით 90 ათასი ლარი შეადგინა.

სამართალდამცველებმა ბრალდებული მომხდარიდან მეორე დღეს, შიდა ქართლში დააკავეს.

ნაქურდალი ტელეფონების ნაწილი ამოღებულია ​ნივთმტკიცებად.

გამოძიება საქართველოს სსკ-ის 177-ე მუხლის მე-2 ნაწილის „ა“ და „ბ“ ქვეპუნქტებით მიმდინარეობს, რაც გულისხმობს სადგომში ან საცავში შეღწევით ჩადენილ ქურდობას, რამაც მნიშვნელოვანი ზიანი გამოიწვია.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

 

20
საავადმყოფო „ნიუ ჰოსპიტალსის“ მიმღები

ავარია კრწანისის ქუჩაზე: როგორია დაშავებულების მდგომარეობა

44
(განახლებულია 13:16 13.06.2021)
კლინიკაში მოთავსებული ერთ-ერთი დაშავებული არასრულწლოვანია, მას მრავლობითი ტრავმები და მოტეხილობები აღენიშნება.

თბილისი, 13 ივნისი - Sputnik. კრწანისის ქუჩაზე მომხდარი ავარიისას დაშავებულებიდან სამი პაციენტის მდგომარეობა მძიმეა, განაცხადა კლინიკა New Hospitals-ის რეანიმატოლოგმა ალექსანდრე მხარგრძელმა.

ავარია კლინიკა „ნიუ ჰოსპიტალსთან“ შაბათს ნაშუადღევს მოხდა. სატვირთო ავტომობილის მძღოლმა საჭე ვერ დაიმორჩილა, გზის საპირისპირო მხარეს გადავიდა, რამდენიმე მსუბუქ ავტომობილს დაეჯახა და კლინიკის ეზოში გადავარდა. ავტოსაგზაო შემთხვევის შედეგად რვა ადამიანი დაშავდა, ერთი ადგილზე გარდაიცვალა, ხოლო საავადმყოფოში მიყვანისას ერთ-ერთი დაშავებული გარდაიცვალა.

ექიმის თქმით, ამჟამად კლინიკაში მკურნალობას ოთხი პაციენტი გადის. ერთის ზოგადი მდგომარეობა არის საშუალო სიმძიმის.

„ორ პაციენტთან იგეგმება დღეს ოპერაციული ჩარევა, მათ შორის ერთ-ერთი არასრულწლოვანია. გრძელდება ინტენსიური მოვლა და მკურნალობა. პაციენტები არიან ზოგადი პოლიტრავმის დიაგნოზით შემოსული. მართვის სუნთქვაზე ამჟამად არც ერთი არ იმყოფება. ოთხივე მათგანი არის კონტაქტური. ჯერჯერობით საყურადღებო მდგომარეობაა“, – განაცხადა ალექსანდრე მხარგრძელმა.

მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

44
პრინცი ჰარი და მეგან მარკლი

„ჰარი უბრალოდ აღმერთებს მას...“ - მეგან მარკლის დედა წყვილს ახალშობილის მოვლაში ეხმარება

0
(განახლებულია 14:55 11.06.2021)
სამეფო წყვილის კიდევ ერთი შთამომავალი 4 ივნისს სანტა-ბარბარაში (კალიფორნია) დაიბადა. დედა-შვილი თავს ჯანმრთელად და კარგად გრძნობენ

ახალბედა მშობლებს ხშირად სჭირდებათ დახმარება და იმედოვნებენ ბებიების მხარდაჭერას, გამონაკლისი არც ცნობილი წყვილია. 36 წლის პრინცი ჰარი და 39 წლის მეგან მარკლი იმ ბედნიერ მშობლებს შორის არიან, ვისაც სანდრო ადამიანი ჰყავთ. ინსაიდერებმა Us Weekly- ს განუცხადეს, რომ მეგანის დედა, 64 წლის დორია რაგლანდი ახლა აქტიურად ეხმარება მათ ორი წლის ვაჟის არჩისა და ახალშობილი ქალიშვილის ლილის მოვლაში.

6 ივნისს ცნობილი გახდა, რომ პრინც ჰარისა და მეგან მარკლს მერე შვილი, გოგონა სახელად ლილიბეტ დაიანა შეეძინათ. ამის შესახებ ინფორმაცია წყვილის ოფიციალურ გვერდზე გავრცელდა. განცხადებაში ნათქვამი იყო, რომ გოგონა ქვეყანას 4 ივნისს, დილის 04:00 საათზე მოევლინა და ის და მეგანი თავს კარგად გრძნობენ.

„მათ ბევრი საყვარელი საჩუქარი მიიღეს მეგობრებისა და ოჯახის წევრებისგან, მათ შორის დორიასგან, მაგრამ ყველაზე განსაკუთრებული, რაც მან გაიღო, მისი დროა. იგი ეხმარება სახლის საქმეებში და მისი ნამდვილი დახმარება მთავარი ბონუსია“, აცხადებს წყარო.

ოჯახთან დაახლოებული პირის თქმით, წყვილი ძალიან კარგად ეწყობა დორიას და ისინი აღფრთოვანებულები არიან მისი საკუთარ სახლში ნახვით, მონტეციტოში, კალიფორნიაში. მეგანი ძალიან ბედნიერია, რომ შეუძლია დედის იმედი ჰქონდეს, ჰარი კი მას უბრალოდ აღმერთებს“, - ამბობს ინსაიდერი.

დორია აქტიურად დაეხმარა მეგანს, როდესაც არჩი დაიბადა 2019 წელს. ამ დროს მეგანი და პრინცი ჰარი კვლავ დიდ ბრიტანეთში ცხოვრობდნენ და დორია სპეციალურად გაფრინდა რამდენიმე კვირის განმავლობაში ქალიშვილის დასახმარებლად.

წყარომ ასევე დაარწმუნა ჟურნალისტები, რომ მეგანი და ჰარი ქალიშვილის დაბადების შემდეგ, უბრალოდ, მეშვიდე ცაზე იმყოფებიან.

„ისინი უბრალოდ გიჟდებიან მასზე. ის ძალიან ლამაზია, ჰარისაც ჰგავს და მეგანსაც“, - აცხადებს ინსაიდერი.

0
თემები:
სამეფო ოჯახის ამბები