აქცია ქუთაისის სასამართლოსთან

ირაკლი მუკბანიანს პატიმრობა შეეფარდა 

63
პოლიციელზე თავდასხმის ბრალდების დამტკიცების შემთხვევაში, ირაკლი მუკბანიანს ოთხიდან შვიდ წლამდე თავისუფლების აღკვეთა ემუქრება.

თბილისი, 2 ივნისი - Sputnik. ქუთაისის საქალაქო სასამართლომ „ნამახვანჰესის“ მშენებლობის ერთ-ერთ მოწინააღმდეგეს, აქტივისტ ირაკლი მუკბანიანს პატიმრობა შეუფარდა, იუწყება „პირველი არხი“.

მოსამართლემ ბრალდების მხარის შუამდგომლობა დააკმაყოფილა.

საუბარია ინციდენტზე, რომელიც 29 მაისს სოფელ გუმათში მოხდა. მუკბანიანს ბრალად ედება პოლიციელზე თავდასხმა, რაც „ნამახვანჰესის“ მშენებლობის მოწინააღმდეგეთა და სამართალდამცველთა შორის მომხდარი შეხლა-შემოხლის დროს მოხდა. აქტივისტი ინციდენტის მესამე დღეს დააკავეს, რის შემდეგაც საქართველოს შსს-მ გამოაქვეყნა დაკავების დეტალების შემცველი სპეციალური განცხადება. უწყების მონაცემებით, ადგილობრივი მოსახლეობა ყველანაირად უშლიდა ხელს პოლიციას მუკბანიანის დაკავებაში. პოლიციელებს დაუშინეს ქვები, ცდილობდნენ მათთვის იარაღის წართმევას. შედეგად დაშავდა სამართალდამცავი ორგანოების ორი თანამშრომელი.

მუკბანიანის ადვოკატებმა სასამართლოს წინაშე დააყენეს შუამდგომლობა, მოსამართლეს ირაკლი მუკბანიანისთვის აღკვეთის ღონისძიების არც ერთი სახე არ შეეფარდებინა, ალტერნატივის სახით კი 10 ათასი ლარის ოდენობის გირაოს შეფარდება მოითხოვეს.

სასამართლოს შენობასთან მუკბანიანის ოჯახის წევრები და ახლობლები იყვნენ შეკრებილები.

გამოძიება მიმდინარეობს სსკ-ის 353-ე პრიმა მუხლის პირველი ნაწილით (პოლიციელზე თავდასხმა მის სამსახურებრივ საქმიანობასთან დაკავშირებით). ბრალის დამტკიცების შემთხვევაში ირაკლი მუკბანიანს 4-დან 7 წლამდე პატიმრობა ემუქრება.

„ნამახვანჰესის“ მშენებლობის მოწინააღმდეგეთა პროტესტი რიონის ხეობაში უკვე შვიდ თვეზე მეტია, რაც გრძელდება. ისინი მოითხოვენ კონტრაქტის გაწყვეტას თურქულ კომპანია ENKA–სთან, ასევე დროებითი მორატორიუმის გამოცხადებას ქვეყნის ენერგოსექტორში ყველა პროექტზე.

ბოლო კვირაა მომიტინგეები იმყოფებიან სოფელ გუმათის მიმდებარე ტერიტორიაზე პოლიციის მიერ აგებულ რკინის ბარიკადებთან, რომლებიც მომიტინგეებს გზას უღობავს სოფელ ნამოხვანისკენ, სადაც  კომპანია ENKA ატარებს მოსამზადებელ სამუშაოების - გზა გაჰყავს.

მასშტაბური საპროტესტო აქციების ფონზე საქართველოს მთავრობამ 24 აპრილს „ნამახვანჰესის“ მშენებლობაზე ერთწლიანი მორატორიუმი გამოაცხადა. კაშხლის მშენებლობის პროექტს ხელახლა შეისწავლიან სპეციალისტები. ამასთან მორატორიუმი არ ეხება სხვა სამშენებლო სამუშაოებსაც რიონის ხეობაში.

63
პოლიცია სიღნაღში

მედია: წნორში ერთ-ერთ ოჯახს ნათესავმა სახლი დაუწვა

23
(განახლებულია 16:00 19.06.2021)
არსებული ინფორმაციით, ხუთსულიანი ოჯახი სახლის გარეშე დარჩა. ოჯახის წევრები ახლა ნათესავთან აფარებენ თავს.

თბილისი, 19 ივნისი — Sputnik. სიღნაღის მუნიციპალიტეტის ქალაქ წნორში მცხოვრებ სომხიშვილების ოჯახს ნათესავმა საცხოვრებელი სახლი დაუწვა, იუწყება ტელეკომპანია „რუსთავი 2“.

შემთხვევა სამი დღის წინ მოხდა.

ოჯახი ადგილობრივ პოლიციას უყურადღებობაში ადანაშაულებს და აცხადებს, რომ ფაქტთან დაკავშირებით სამართალდამცველებს რეაგირება ამ დრომდე არ მოუხდენიათ. მათივე ინფორმაციით, სავარაუდო დამნაშავე პოლიციელებმა მხოლოდ გამოკითხეს და სახლში გაუშვეს.

არსებული ინფორმაციით, მხარეებს შორის დავა წლებია გრძელდება. დაპირისპირება სახლის გამო დაიწყო, რომელიც გულნაზ სომხიშვილს პაპამ აჩუქა.

დაზარალებული გულნაზი სომხიშვილი, გარდა ზიანისა, ბიძის მხრიდან მუქარაზე საუბრობს და მის დაკავებას ითხოვს. მისი თქმით, მამაკაცმა სახლის დაწვის ფაქტი აღიარა.

დაზარალებულების ინფორმაციით, მამაკაცი, რომელმაც სახლი დაწვა, მკვლელობაზეა ნასამართლევი და ახლაც პირობითი სასჯელის ქვეშ იმყოფება.

შინაგან საქმეთა სამინისტროს ინფორმაციით, სისხლის სამართლის საქმე სსკ-ის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

23
პოლიციის მანქანა

აჭარაში დიდი ოდენობით ნარკოტიკი და იარაღი ამოიღეს: დაკავებულია წარსულში ნასამართლევი პირი

36
(განახლებულია 13:53 19.06.2021)
ბრალდებული სავარაუდოდ კვლავ საპატიმროში დაბრუნდება - მას 20 წლამდე ვადით ან უვადო პატიმრობა ემუქრება.

თბილისი, 19 ივნისი — Sputnik. აჭარის პოლიციამ წარსულში ნასამართლევი მამაკაცის ჩხრეკისას დიდი ოდენობით ნარკოტიკები, უკანონო ცეცხლსასროლი იარაღი და ტყვია-წამალი ამოიღო, ნათქვამია შსს-ს ვებგვერდზე გავრცელებულ განცხადებაში.

შინაგან საქმეთა სამინისტროს აჭარის პოლიციის დეპარტამენტის დეტექტივებისა და უბნის ინსპექტორების სამმართველოების თანამშრომლებმა, ერთობლივად ჩატარებული ოპერატიული და საგამოძიებო ღონისძიებების შედეგად, 1966 წელს დაბადებული, წარსულში ნასამართლევი გ.შ. დააკავეს.

სამართალდამცველებმა, ბრალდებულის პირადი და დროებითი საცხოვრებელი ბინის ჩხრეკის შედეგად, ნივთმტკიცების სახით ამოიღეს „ბუპრენორფინის“ შემცველი ნარკოტიკული საშუალება „სუბოქსინის“ 147 აბი და 5 შეკვრად დაფასოებული „ჰეროინის“ შემცველი ნარკოტიკი. გ.შ.-ის დროებითი საცხოვრებელი ბინის ჩხრეკის შედეგად, ასევე ნივთმტკიცების სახით ამოღებულია ტოკარევის კონსტრუქციის პისტოლეტი, „ნაგანის“ სისტემის რევოლვერი და 18 საბრძოლო ვაზნა.

ბრალდებულს ედავებიან განსაკუთრებით დიდი ოდენობით ნარკოტიკული საშუალების უკანონო შეძენა-შენახვას და ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას. ფაქტებზე გამოძიება სსკ-ის 260-ე მუხლის 1-ლი და მე-6 ნაწილებით, ასევე, 236-ე მუხლის მე-3 ნაწილით მიმდინარეობს.

დანაშაულები 20 წლამდე ან უვადო თავისუფლების აღკვეთას ითვალისწინებს.

36
38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим,

ცნობილი რუსი მომღერალი კორონავირუსის გამო ხელოვნურ კომაში შეიყვანეს

15
(განახლებულია 16:29 19.06.2021)
ახალგაზრდა მომღერალს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით.

თბილისი, 19 ივნისი — Sputnik. 38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим, ფილტვის ხელოვნური ვენტილაციის აპარატზე შეაერთეს და ხელოვნურ კომაში შეიყვანეს, იუწყება РИА Новости მომღერლის წარმომადგენელზე დაყრდნობით.

მომღერლის მენეჯერმა დააზუსტა, რომ არტისტს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით. მიუხედავად იმისა, რომ კორონავირუსზე ტესტი უარყოფით შედეგს აჩვენებს, ექიმებს მიაჩნიათ, რომ საქმე სწორედ COVID-19-თან აქვთ.

„ჟანგბადზე რეაქცია არ ჰქონდა, ფილტვები არ იწმინდებოდა, ამიტომ ექიმმა მისი კომაში შეყვანა გადაწყვიტა“, - განმარტა მან.

მან აღნიშნა, რომ МакSим კომაში რამდენიმე დღის განმავლობაში იქნება.

„ექიმი საკმაოდ პოზიტიურ პროგნოზს გვაძლევს, ანუ ეს იძულებით გაკეთდა იმისათვის, რომ არ შეიქმნას ჟანგბადის ნაკლებობა, ამიტომ ახლა ყველა ძალა მიმართულია იქითკენ, რომ გაიწმინდოს ფილტვები, შესაბამისად, კომიდან ნელ-ნელა გამოიყვანენ და მკურნალობაზე რეაქციას დააკვირდებიან“, - განაცხადა მომღერლის წარმომადგენელმა.

15