სეტყვა

ძლიერი სეტყვა, წვიმა და ქარი: სტიქიამ კახეთში რამდენიმე სოფელი დააზარალა

138
(განახლებულია 12:13 01.06.2021)
ჯერჯერობით უცნობია, რა ზიანი მიაყენა სტიქიამ კახეთს. ზარალის ოდენობას სპეციალურად შექმნილი კომისია დაადგენს.

თბილისი, 1 ივნისი  – Sputnik. ძლიერმა ქარმა და სეტყვამ კახეთის რეგიონში პრობლემები შექმნა, იუწყება „პირველი არხი“.

კერძოდ, ძლიერმა ქარმა და სეტყვამ სოფლები წინანდალი, ვანთა, ბუშეტი და ქვემო ხოდაშენი დააზარალა.

სტიქიის შედეგად განადგურდა ვენახები, ხეხილი, ბოსტნეული და ბაღჩეული კულტურები. როგორც ადგილობრივი მოსახლეობა აცხადებს, შესაძლოა წელს ყურძნის მოსავლის გარეშე დარჩნენ.

„ასეთი ძლიერი ქარი არ გვახსოვს. ზედ სეტყვაც დაერთო და წარმოიდგინეთ, რას უზამდა ვენახს, როცა კაკალსაც კი გასცვივდა ნაყოფი. ახლა მზე რომ დახედავს, ვენახს უარესს უზამს. სეტყვა კი, რომლიც ღამით 12:00 საათზე მოვიდა, ეზოს ჩრდილიან ადგილებში ისევ დევს“, - განცხადა წინანდლის ერთ–ერთმა მცხოვრებმა.

ამასთან, გადაუღებელი წვიმის შედეგად მოვარდნილმა ნიაღვარმა სოფელ წინანდლის ცენტრალურ გზაზე ქვა-ღორღი ჩამოიტანა, რომლის გაწმენდითი სამუშაოები დილიდან მიმდინარეობს.

სტიქიისგან დაზარალებულ სოფლებში დილიდან მუშაობენ თელავის მერიის თანამშრომლები. მუდმივმოქმედი კომისია ზარალს ითვლის.

კახეთი მაისის თვეში სტიქიამ უკვე ოთხჯერ დააზარალა.

138
თემები:
უამინდობა საქართველოში (325)
პოლიციის განყოფილება

წერეთლის გამზირზე პოლიციის განყოფილებიდან მამაკაცი გადახტა

73
მამაკაცი შემაკავებელი ორდერის გამოწერის მიზნით დაიბარეს და მან შეზღუდვისთვის თავის არიდება ამ საქციელით სცადა.

თბილისი, 16 ივნისი — Sputnik. თბილისში, წერეთლის გამზირზე მდებარე პოლიციის განყოფილების შენობიდან მამაკაცი გადახტა, იუწყება ტელეარხი Rustavi 2.

ტელეარხის მონაცემებით, მამაკაცი განყოფილებაში ყოფილი მეუღლის საჩივრის საფუძველზე შემაკავებელი ორდერის გამოწერის მიზნით დაიბარეს. როდესაც მამაკაცმა შეიტყო პოლიციაში დაბარების მიზეზი, მან განყოფილებიდან გადახტომა გადაწყვიტა.

ორდერის გამოწერის შემდეგ მას ყოფილ მეუღლესთან მიახლოება აეკრძალებოდა.

მამაკაცის გადარჩენა მოხერხდა და ახლა ის კლინიკაში მკურნალობას გადის. მომხდარის სხვა დეტალები უცნობია.

 

 

73
დაკავება

„ქურდული სხადნიაკი" და წილების გაყოფა: ქუთაისში სამი პირი დააკავეს

63
(განახლებულია 18:54 16.06.2021)
ორ ბიზნესმენს შორის სადავო საკითხის გადაჭრა ე.წ. ქურდული სამყაროს წევრებმა გადაწყვიტეს – საქმის გარჩევა დაკავებით დასრულდა.

თბილისი, 16 ივნისი — Sputnik. ქუთაისში სამართალდამცველებმა „ქურდული სამყაროს" წევრობისა და ე.წ. ქურდულ შეკრებაში მონაწილეობის ბრალდებით სამი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.

ყველა დაკავებული წარსულში ნასამართლევი პირია.

გამოძიების ცნობით, ერთ-ერთმა დაკავებულმა შემთხვევით გაიგო თავისი ნაცნობის, ქუთაისში მდებარე ერთ-ერთი კაფე-ბარის ყოფილი მეწილისა და ამავე ობიექტის ახლანდელი მფლობელის ფინანსური დავის შესახებ.

მან თანამზრახველებთან ერთად თვითნებურად, საკუთარი სარგებლის მიღების მიზნით, გადაწყვიტა აღნიშნულ დავაში ჩარევა. ბრალდებულებმა „ქურდული სამყაროს" მიერ დადგენილი წესების მიხედვით მოაწყვეს „ქურდული გარჩევა". ფინანსური დავის ქურდული წესით გარჩევის შედეგად კი ბარის ახლანდელ მეპატრონეს ყოფილი ბიზნეს-პარტნიორისთვის და „ქურდული სამყაროს" წევრების სასარგებლოდ გარკვეული თანხის გადახდა დაეკისრა.

პოლიციამ ბრალდებულები სასამართლოს გადაწყვეტილების საფუძველზე მას შემდეგ დააკავა, რაც ბარის მეპატრონემ მათ მოთხოვნილი თანხა გადაუხადა.

სამართალდამცველებმა დაკავებულთა საცხოვრებელ სახლებში ჩატარებული ჩხრეკის შედეგად ნივთმტკიცების სახით ამოიღეს მობილური ტელეფონები და კომპიუტერული ტექნიკა, რომელთა მეშვეობითაც ბრალდებულები ერთმანეთს და მათთან დანაშაულებრივ კავშირში მყოფ სხვა პირებს უკავშირდებოდნენ.

გამოძიება სსკ-ის ორი მუხლით მიმდინარეობს – „ქურდული სამყაროს" წევრობა“ და „ქურდულ შეკრებაში" მონაწილეობა“. დაკავებულებს 7-დან 10 წლამდე ვადით თავისუფლების აღკვეთა ემუქრებათ.

63
თემები:
კრიმინალი საქართველოში

ბაიდენის პრეს-კონფერენცია სკანდალით დასრულდა - ვიდეო

0
აშშ-ის ლიდერმა ერთ-ერთ ჟურნალისტს განუცხადა, რომ, რადგან მას არ ესმოდა პრეზიდენტის ნათქვამი, ის შეუსაბამო საქმიანობითაა დაკავებული

პრეზიდენტ ჯო ბაიდენს რუსეთის ლიდერ ვლადიმერ პუტინთან მოლაპარაკებების შემაჯამებელ პრეს-კონფერენციაზე CNN-ის ჟურნალისტ კეიტლინ კოლინზთან უთანხმოება მოუვიდა. მედიის წარმომადგენლებთან შეხვედრის განრიგი თეთრი სახლის პრეს-სამსახურმა გამოაქვეყნა.

ჟურნალისტებთან შეხვედრის მიწურულს, როდესაც ბაიდენი უკვე წასვლას აპირებდა, კოლინზმა მას ჰკითხა: „დარწმუნებული ბრძანდებით, რომ პუტინი საკუთარ ქცევებს შეცვლის?“

ბაიდენი დაბრუნდა და უპასუხა: არ ვარ დარწმუნებული, რომ შეცვლის საკუთარ ქცევებს. რას აკეთებდით მთელი ამ დროის განმავლობაში, როდესაც ვთქვი, რომ დარწმუნებული ვარ?..

ჟურნალისტი მას კვლავ ჩაეძია: დიახ, მაგრამ, მისი ქცევა არ შეცვლილა, და პრეს-კონფერენციაზე, თქვენთან ერთად რამდენიმე საათის განმავლობაში ის უარყოფდა კიბერშეტევებში საკუთარ როლს, მან ასევე ნაკლები ყურადღება დაუთმო ადამიანის უფლებების დარღვევის მნიშვნელობას, უარი თქვა ალექსეი ნავალნის სახელის თქმაზეც. მაშასე, რამდენად კონსტრუქციული იყო ეს შეხვედრა, როგორც ეს პრეზიდენტმა პუტინმა თქვა?

ბაიდენი: თუ ეს არ გესმით, ესე იგი თქვენთვის შეუფერებელ საქმიანობას ეწევით.“

ტელეარხ CNN-ის ცნობით, პრეზიდენტმა ჟურნალისტს მოგვიანებით ბოდიში მოუხადა.

კოლინზმა მას მიუგო, რომ ბოდიში აუცილებელი არ იყო, ვინაიდან შეკითხვების დასმა მის საქმიანობის ძირითადი ნაწილია.

0