ვახტანგ გომელაური

გომელაური დმანისის ინცინდენტზე: რამდენ ადამიანს დავაკავებთ ჯერ არ ვიცით

52
შინაგან საქმეთა მინისტრის განცხადებით, დმანისში განვითარებულ მოვლენებთან დაკავშირებით გამოძება უკვე დაწყებულია. ცალკე საქმეა გამოყოფილი ჟურნალისტების დაზიანების ფაქტზეც.

თბილისი, 17 მაისი - Sputnik. დმანისში მომხდარი დაპირისპირებას გამო ჯერჯერობით არავინ არ დაუკავებიათ, განაცხადა შინაგან საქმეთა მინისტრმა ვახტანგ გომელაურმა, რომელიც დღეს დმანისში იმყოფებოდა.

მასმედიის ინფორმაციით, კონფლიქტი ეთნიკურ აზერბაიჯანელებსა და სვანეთიდან ჩასახლებულ ეკომიგრანტებს შორის კვირას, საღამოს მოხდა და ახალი ძალით ორშაბათს გაგრძელდა. 

„აქ გამოკითხვაზე იმყოფებიან ადამიანები, გამოკითხავენ და გამოუშვებენ, თუმცა გამოძიება დაწყებულია და მიმდინარეობს. რამდენი ადამიანი იქნება მომავალში დაკავებული, ჯერ არ ვიცით, დღეს დაკავებული არავინ არ იქნება“, - განაცხადა ვახტანგ გომელაურმა.

რაც შეეხება თავად ინციდენტს, მინისტრის თქმით, პოლიციელები დმანისში 5-6 ლოკაციაზე იყვნენ გადანაწილებული. მისი ინფორმაციით, არეულობაში ადგილობრივების გარდა თბილისიდან, რუსთავიდან და სხვა ქალაქებიდან ჩასული პირებიც მონაწილეობდნენ. მისი თქმით, დღეს განვითარებულ მოვლენებში 500-მდე ადამიანი მონაწილეობდა და მათი იდენტიფიცირება მიმდინარეობს.

ვახტანგ გომელაურის განცხადებით, ცალკე საქმეა გამოყოფილი ჟურნალისტების დაზიანების ფაქტზეც.

მისი თქმით, იდღეს ნცინდენტი ამოიწურა და კონფლიქტის მონაწილეები შერიგდნენ. მინისტრს იმედი აქვს, რომ კონფლიქტი აღარ გაგრძელდება.

მინისტრის თქმით, დმანისში მომხდარი დაპირისპირებების დროს არიან დაშავებულებიც, თუმცა მძიმედ არც მოქალაქეების და არც პოლიციელების მხრიდან არავინ დაშავებულა.

გომელაურის თქმით, დმანისში საპოლიციო ძალები კვლავ დარჩებიან.

გუშინდელს აქეთ დმანისში ვითარება რამდენჯერმე დაიძაბა. ამჟამად პოლიციას ქალაქის შესასვლელები გადაკეტილი აქვს. დმანისში შესვლა მხოლოდ სპეციალური საშვით არის შესაძლებელი.

დღევანდელი დაპირისპირებისას დაშავდნენ „პირველი არხის“ და „მთავარი არხის“ ჟურნალისტები. ადგილზე შეკრებილები ასევე აგრესიულები იყვნენ პოლიციის თანამშრომლების მიმართაც. რამდენიმე ადამიანი ცდილობდა შეჭრას პოლიციის შენობაში, სადაც კონფლიქტის რამდენიმე მონაწილე იმყოფებოდა.

ეთნიკურ აზერბაიჯანელებსა და სვანეთიდან ჩასახლებულ ეკომიგრანტებს შორის დაპირისპირება, რომელიც ბეისბოლის ბიტებისა და ხის ხელკეტების გამოყენებით სისხლიან გარჩევაში გადაიზარდა, კვირას დაიწყო იმის გამო, რომ ერთ-ერთი ადგილობრივი მაღაზიის მეპატრონემ ახალგაზრდებს ლუდის ნისიად მიცემაზე უარი უთხრა.

თვითმხილველების თქმით, განაწყენებულმა ახალგაზრდებმა დასახმარებლად სხვებიც იხმეს და მაღაზიის მფლობელთან საქმის გარჩევა სცადეს. დამცველები ამ უკანასკნელსაც გამოუჩნდნენ. ჩხუბში რამდენიმე ათეული ახალგაზრდა აღმოჩნდა ჩართული.

შეტაკებები დღესაც გაგრძელდა. სიტუაცია შედარებით განიმუხტა დამატებითი საპოლიციო ძალების შეყვანის შემდეგ.

 

52
საპატრულო პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

26
(განახლებულია 12:27 13.06.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან ამ დროისთვის მოქმედებს „კომენდანტის საათი", პირბადე, დისტანცია და რამდენიმე სხვა შეზღუდვა.

თბილისი, 13 ივნისი - Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის  299 ფაქტი გამოავლინა, იუწყება  შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 51 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 11 საათიდან დილის 4 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 201 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 47 ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

26
პოლიციის შებობა შიდა ქართლში

თბილისში iPlus-ის მაღაზიის გაქურდვის ფაქტზე 17 წლის მოზარდი დააკავეს

42
(განახლებულია 12:09 13.06.2021)
არასრულწლოვანი დანაშაულის ჩადენიდან მეორე დღეს, 12 ივნისს შიდა ქართლში დააკავეს. მას ბრალის დამტკიცების შემთხვევაში 3-დან 5 წლამდე ვადით პატიმრობა ემუქრება.

თბილისი, 13 ივნისი — Sputnik. თბილისში, ჭავჭავაძის გამზირზე მდებარე ტექნიკის მაღაზია iPlus-ის გაქურდვის ფაქტზე შიდა ქართლში 2004 წელს დაბადებული მოზარდი დააკავეს, ინფორმაციას შსს-ს პრესსამსახური ავრცელებს.

გამოძიებით დადგინდა, რომ ბრალდებულმა მიმდინარე წლის 11 ივნისს ჩაამსხვრია მაღაზიის ფასადის ვიტრინა, შევიდა სავაჭრო ობიექტში და მობილური ტელეფონები მოიპარა.

მაღაზიის დირექტორის თქმით, ზარალის სავარაუდო ოდენობამ დაახლოებით 90 ათასი ლარი შეადგინა.

სამართალდამცველებმა ბრალდებული მომხდარიდან მეორე დღეს, შიდა ქართლში დააკავეს.

ნაქურდალი ტელეფონების ნაწილი ამოღებულია ​ნივთმტკიცებად.

გამოძიება საქართველოს სსკ-ის 177-ე მუხლის მე-2 ნაწილის „ა“ და „ბ“ ქვეპუნქტებით მიმდინარეობს, რაც გულისხმობს სადგომში ან საცავში შეღწევით ჩადენილ ქურდობას, რამაც მნიშვნელოვანი ზიანი გამოიწვია.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

 

42
ნარიყალა

„თელასი": თბილისის ექვს რაიონს ხვალ ელექტროენერგია გაეთიშება

0
(განახლებულია 17:48 13.06.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 13 ივნისი – Sputnik. სააქციო საზოგადოება „თელასი" იუწყება, რომ 14 ივნისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

სამგორის რაიონი

00:00 საათიდან 03:00 საათამდე შეზღუდვა შეეხება: ვარკეთილი-3 დასახლების III მიკრორაიონის და ილია სუხიშვილის ქუჩის მოსახლეობას.

11:00 საათიდან 16:00 საათამდე შეზღუდვა შეეხება: ვარკეთილის III მასივის IV, VI, VII, VIII, IX კვარტლების, ვარკეთილი-3 დასახლების IV მიკრორაიონის, კახეთის გზატკეცილის, შუამთის და კალოუბნის ქუჩების მოსახლეობას.

11:00 საათიდან 13:00 საათამდე შეზღუდვა შეეხება: ვარკეთილი-3 დასახლების IIIა მიკრორაიონის და სესილია თაყაიშვილის ქუჩის მოსახლეობას.

11:00 საათიდან 12:00 საათამდე შეზღუდვა შეეხება: ვარკეთილი- 3 დასახლების IV მიკრორაიონის მოსახლეობას.

13:00 საათიდან 15:00 საათამდე შეზღუდვა შეეხება: კახეთის გზატკეცილის და ქიზიყის ქუჩის მოსახლეობას.

ნაძალადევის რაიონი

00:00 საათიდან 03:00 საათამდე შეზღუდვა შეეხება: ლოტკინის სანერგე მეურნეობის, ხეხილ სანერგე მეურნეობის, ლოტკინის ხევის, ლოტკინის მთის, ინტერნატის, ხუდადოვის, ჟღენტის, ზედაუბნის, კაჭრეთის, მაღაროს, მიტინგის, ენისელის, ვასილ თამარაშვილის, კოდალოს, დობროლუბოვის, კალუჟინის, სართანიას, კურნატოვის, ფილიას, სამღერეთის, ზაქარაიას, ჩოდრიშვილის, გომარეთის, ბახმაროს, ახტალას, ლეჩხუმის და თიგიშვილის ქუჩების მოსახლეობას.

გლდანის რაიონი

11:00 საათიდან 17:00 საათამდე შეზღუდვა შეეხება: გლდანის მასივის IV და VI მიკრორაიონების, ვირთაგავას, მიქატაძის და ხიზანიშვილის ქუჩების მოსახლეობას.

12:00 საათიდან 16:00 საათამდე შეზღუდვა შეეხება: მუხიანის I მიკრორაიონის მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: აკაკი წერეთლის გამზირის, სანაპიროს და კოსმონავტების ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: სამხედრო გზატკეცილის, დიღმის სასწავლო მეურნეობის, გრიგოლ ფერაძის და პეტრიწის ქუჩების მოსახლეობას.

11:00 საათიდან 18:00 საათამდე შეზღუდვა შეეხება: დიდი დიღმის III მიკრორაიონის მოსახლეობას.

11:00 საათიდან 16:00 საათამდე შეზღუდვა შეეხება: აღმაშენებლის ხეივნის მოსახლეობას.

11:00 საათიდან 15:00 საათამდე შეზღუდვა შეეხება: გაზაფხულის, დელისის, ნუცუბიძის და ნადარეიშვილის ქუჩების მოსახლეობას.

მთაწმინდის რაიონი

11:00 საათიდან 14:00 საათამდე შეზღუდვა შეეხება: 9 აპრილის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0