საპატრულო პოლიცია

კრიმინალი საქართველოში: შსს პირველი კვარტლის ახალ სტატისტიკას აქვეყნებს

52
(განახლებულია 09:24 02.05.2021)
საქართველოში ყველაზე გავრცელებული დანაშაული კვლავ ქურდობაა – სამ თვეში დაახლოებით 4 ათასი ასეთი შემთხვევა დარეგისტრირდა.

თბილისი, 2 მაისი – Sputnik. საქართველოში 2021 წლის 1 იანვრიდან 31 მარტამდე პერიოდში დაახლოებით 14,2 ათასი დანაშაული დაფიქსირდა, რაც გასული წლის ანალოგიურ მაჩვენებელზე 11,3%–ით ნაკლებია, ნათქვამია შსს–ს ვებ–გვერდზე განთავსებულ მასალებში.

2021 წლის პირველ კვარტალში დაფიქსირებული დანაშაულებიდან გახსნილია მესამედზე მეტი, დანარჩენების გამოძიება გრძელდება.

შსს–ს მასალების მიხედვით, საქართველოში თვეში საშუალოდ 4,5–5 ათასი დანაშაული ფიქსირდება.

თვე   დანაშაულის რაოდენობა
მარტი 5 145
თებერვალი      4 915
იანვარი    4 703

დანაშაული საქართველოში

საქართველოში ყველაზე გავრცელებული დანაშაული კვლავ ქურდობაა – სამ თვეში დაახლოებით 4 ათასი ასეთი შემთხვევა დარეგისტრირდა. აქედან გახსნილია 29,4%.

მეორე ადგილზეა ოჯახური ძალადობა. 2021 წლის პირველ კვარტალში დაფიქსირდა 1,4 ათასი ოჯახური ძალადობის შემთხვევა. აქედან გახსნილია 61,4%.

მესამე ადგილზე კი სატრანსპორტო დანაშაული აღმოჩნდა – 972 ფაქტი სამ თვეში, საიდანაც გახსნილია 4,4%.

ყველაზე ხშირი დანაშაულის ხუთეული

დანაშაულის სახეობა შემთხვევების რაოდენობა
ქურდობა 4 066
ოჯახური ძალადობა 1 365
სატრანსპორტო დანაშაული 972
ნარკოდანაშაული 895
მუქარა     816

გარდა ამისა, შსს–ს მონაცემებით, 2021 წლის პირველ სამ თვეში ქვეყანაში დარეგისტრირდა 21 მკვლელობა, აქედან ხუთი – განსაკუთრებული სისასტიკით ჩადენილი, 88 – ჯანმრთელობისთვის ზიანის მიყენება,22 – გაუპატიურება, 2 - ადამიანების მძევლად აყვანა, 6 – ადამიანებით ვაჭრობა, 6 – მექრთამეობა, 4 - ტერორიზმი.

რამდენი დაისაჯა

საქართველოში 2021 წლის 1 იანვრიდან 31 მარტამდე ჩათვლით პერიოდში სხვადასხვა სახის ჩადენილი დანაშაულისთვის სისხლის სამართლის პასუხისმგებლობას მიეცა 4.738  ადამიანი. აქედან 329 პირობით სასჯელს იხდიდა. აქედან 1.602 დაკავებული სისხლის სამართლის პასუხისგებაში თბილისში მისცეს.

 

52
საქართველოს მთავარი პროკურატურა

თბილისში გაუპატიურების და თვითმკვლელობამდე მიყვანის ბრალდებით მამაკაცი დააკავეს

101
(განახლებულია 23:42 07.05.2021)
მამაკაცი 6 მაისს დააკავეს. ბრალის დამტკიცების შემთხვევაში ბოროტმოქმედს 10 წლამდე პატიმრობა ემუქრება.

თბილისი, 7 მაისი – Sputnik. სამართალდამცველებმა გაუპატიურების და თვითმკვლელობამდე მიყვანის ბრალდებით თბილისში ერთი პირი დააკავეს.

სამართალდამცველებმა ეჭვმიტანილი 6 მაისს დააკავეს. დღეს კი საქართველოს პროკურატურამ გაუპატიურების და თვითმკვლელობამდე მიყვანის ფაქტზე ბ.თ.-ს ბრალდება წარუდგინა.

როგორც პროკურატურა იუწყება, გამოძიებამ დაადგინა, რომ 2021 წლის 5 მაისს თბილისში ბ.თ.-მ ფსიქოლოგიური ზემოქმედებით და სიცოცხლის მოსპობის მუქარით ა.ა. გააუპატიურა, რის შედეგადაც მძიმე ფსიქო-ტრავმულ მდგომარეობაში მყოფი ა.ა. მერვე სართულიდან გადახტა და სიცოცხლე თვითმკვლელობით დაასრულა.

ქართულ მედიაში გავრცელებული ინფორმაციით, დაღუპული 26 წლის ყაზახეთის მკვიდრი აისელ აიპაევაა, რომელიც საქართველოში სამუშაოდ იყო ჩამოსული. 

საქმეზე გამოძიება საქართველოს სისხლის სამართლის კოდექსის 137-ე მუხლის მე-2 ნაწილის „ბ“ ქვეპუნქტით და 115-ე მუხლის პირველი ნაწილით მიმდინარეობს, რაც სასჯელის სახედ და ზომად 8-დან 10 წლამდე თავისუფლების აღკვეთას ითვალისწინებს.

ბრალდების მხარე ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.

101
საპატრულო პოლიცია

სუპერმარკეტში მაღალი სისწრაფით მოძრავი ავტომანქანა შევარდა: რა მოხდა ახალციხეში

144
(განახლებულია 21:48 07.05.2021)
შემთხვევის ადგილზე მობილიზებული არიან სასწრაფო სამედიცინო დახმარების ბრიგადა და სამართალდამცველები. მიმდინარეობს მოკვლევა.

თბილისი, 7 მაისი – Sputnik. ახალციხეში ავტომანქანა, რომელშიც ორი პირი იმყოფებოდა, სუპერმარკეტ „ორ ნაბიჯში“ შევარდა, იუწყება ტელეკომპანია „რუსთავი 2“.

შემთხვევა დღეს, რამდენიმე საათის წინ მოხდა.

გავრცელებული ინფორმაციით, მაღალი სიჩქარით მოძრავმა მანქანამ მინის ფასადი შეანგრია, შენობაში შევარდა და დახლებს შეეჯახა.

„დალეწილია ვიტრინა და მილები. მძღოლი უკანა სვლაში ჩაგდებას ცდილობდა, შეეშალა და წინა სვლით წავიდა მაღალი სიჩქარით, კიდევ კარგი, ტროტუარზე არავინ იყო. მაშინვე სუპერმარკეტში შევარდა“, – განაცხადა ერთ-ერთმა თვითმხილველმა.

მანქანის მარკეტში შევარდნის შედეგად არავინ დაშავებულა. მცირე დაზიანებები მხოლოდ ავტომობილში მსხდომებს აღენიშნებათ. სასწრაფო დახმარების ბრიგადამ მათ პირველადი დახმარება გაუწია.

შემთხვევა ადმინისტრაციულ ჯარიმას ითვალისწინებს.

144
თემები:
შემთხვევები საქართველოში
საპატრულო პოლიცია ავტობანზე

უკვე მეხუთე დღე: ავტობანის მშენებლობაზე დასაქმებულების გაფიცვა გრძელდება

0
(განახლებულია 18:54 08.05.2021)
როგორც აქციის მონაწილეები აცხადებენ, ეკონომიკური კრიზისის, ლარის გაუფასურებისა და პროდუქტების გაძვირების პირობებში ოჯახების ელემენტარული რჩენისთვის ხელფასები არ ჰყოფნით

თბილისი, 8 მაისი – Sputnik. აღმოსავლეთი–დასავლეთის ავტომაგისტრალის ხევი–უბისას მონაკვეთზე დასაქმებული მუშები უკვე მეხუთე დღეა, არ მუშაობენ. ისინი ხელფასების მომატებას ითხოვენ, იუწყება პირველი არხი.

400–მდე მუშის გაფიცვა ხარაგაულის რაიონის სოფელ ბორითთან მიმდინარეობს, სადაც გზის მონაკვეთის მესამე სატრანსპორტო კვანძია.

„კომუნიკაციაც არა გვაქვს, ვერ გვაგებინებენ, ვერ ვაგებინებთ, თარჯიმანი არის, მაგრამ ოფისშია, ობიექტებზე არ არის. რამე რომ დაგავალოს უფროსმა, ვერ გაიგებ. ძალიან გვიჭირს ასე. დაბალი ხელფასები გვაქვს და გაზრდას მოვითხოვთ“, – განაცხადა აქციის ერთ–ერთმა მონაწილე ბექა ციკორიშვილმა.

აქციის მეორე მონაწილე სერგო გელაშვილმა კი განაცხადა, რომ მათი მთავარი მოთხოვნა არის უცვლელი – დღიური ხელფასის 30%–ით გაზრდა და შრომითი უსაფრთხოების დაცვა, რაც გამოიხატება იმაში, რომ არც გვირაბებში, არც ხიდებზე არანაირი უსაფრთხოების წესები დაცული არ არის.

რიკოთის საუღელტეხილო გზის ხევი–უბისას მონაკვეთის მშენებლობას ჩინური კომპანია Hunan Road and Bridge Construction Group ახორციელებს. 

რიკოთის უღელტეხილზე გზის მშენებლობა გრძელდება>>

რიკოთის საუღელტეხილო გზაზე, რომელიც აღმოსავლეთი–დასავლეთის ჩქაროსნული ავტომაგისტრალის ნაწილს წარმოადგენს, ხიდებისა და გვირაბების მშენებლობა ინტენსიურად მიმდინარეობს. პროექტი ხევი–უბისას 12,2 კმ-იან მონაკვეთზე ოთხზოლიანი გზის მშენებლობას ითვალისწინებს. აღნიშნულ მონაკვეთზე 35 ახალი ხიდისა (18 ხიდი თბილისი–არგვეთას მიმართულებით, ხოლო, 17 – არგვეთა–თბილისის მიმართულებით) და 18 გვირაბის მშენებლობა იგეგმება.

0