სასწრაფო დახმარება

ლაგოდეხში უბედურ შემთხვევას Energo-Pro-ს თანამშრომელი ემსხვერპლა

108
წინასწარი ინფორმაციით, მამაკაცი დაზიანებული კაბელების შეკეთებას ცდილობდა, რა დროსაც მას დენმა დაარტყა. მამაკაცი ადგილზე გარდაიცვალა

თბილისი, 21 აპრილი – Sputnik. ლაგოდეხის მუნიციპალიტეტის სოფელ კართუბანში სამსახურებრივი მოვალეობის შესრულების დროს „ენერგო-პრო ჯორჯიას" თანამშრომელი გარდაიცვალა, იუწყება „პირველი არხი“.

უბედური შემთხვევა იმ დროს მოხდა, როდესაც 59 წლის მამაკაცი ძლიერი ქარის შედეგად დაზიანებული ელექტროგადამცემი ხაზის აღდგენას ცდილობდა.

გავრცელებული ცნობით, მიღებული შოკის შედეგად ელექტრიკოსი საავადმყოფოში მიყვანამდე გარდაიცვალა.

მომხდართან დაკავშირებით დაწყებულია გამოძიება. გარდაცვალების ზუსტ მიზეზს ექსპერტიზა დაადგენს.

საქართველოს პროფკავშირების გაერთიანების ინფორმაციით, 2020 წელს ქვეყანაში სამუშაო ადგილზე 39 ადამიანი გარდაიცვალა და 185 მძიმედ დაშავდა.

 

108
სასწრაფო დახმარების მანქანა

ქალი, რომელიც პეკინზე ხანძრის დროს მეექვსე სართულიდან გადავარდა, გარდაიცვალა

58
შემთხვევის ადგილზე 14 სახანძრო–სამაშველო ბრიგადა იყო მობილიზებული, ამ დროისთვის ხანძარი სრულად ლიკვიდირებულია.

თბილისი, 18 მაისი - Sputnik. 35 წლამდე ქალი, რომელიც პეკინის გამზირზე ხანძრის დროს მეექვსე სართულიდან გადავარდა, გარდაიცვალა. ინფორმაციას ხეჩინაშვილის სახელობის კლინიკაში ადასტურებენ.

დევნილთა საცხოვრებელ კორპუსში ხანძარი 18 მაისს, დილით მოხდა. გავრცელებული ინფორმაციით, ცეცხლი 14–სართულიანი კორპუსის მეხუთე სართულზე გაჩნდა, რის შემდეგაც კორპუსის ზედა სართულებზე გავრცელდა.

დაშავებული ხეჩინაშვილის კლინიკაში გადაიყვანეს. ექიმების განცხადებით, ქალს მძიმე ტრავმული მდგომარეობა აღენიშნებოდა და მისი გადარჩენა ვერ მოხერხდა.

გამოძიება დაადგენს, ახალგაზრდა ქალი სიმაღლიდან გადახტა, თუ შემთხვევით გადავარდა.

ცეცხლმოკიდებული კორპუსიდან  მეხანძრე-მაშველებმა ბავშვები გამოიყვანეს და მოსახლეების  ევაკუაცია განახორციელეს.

ამ დროისთვის კორპუსში ხანძარი სრულად ლიკვიდირებულია.

58
ვითარება დმანისში

ვითარება დმანისში: ბოლო ცნობები

30
შინაგან საქმეთა მინისტრის განცხადებით, დაპირისპირების შედეგად დაშავებულები არიან, მაგრამ სერიოზული დაზიანებები არ მიუღიათ არც პოლიციელბს და არც ინციდენტის მონაწილეებს

თბილისი, 18 მაისი – Sputnik. ამჟამად ვითარება დმანისში სტაბილურია, თუმცა იქ კვლავ რჩებიან პოლიციის დამატებითი ძალები, რომლებიც სიტუაციას აკონტროლებენ.

მასობრივი დაპირისპირება დმანისში ეთნიკურ აზერბაიჯანელებსა და ეკომიგრანტებს შორის სვანეთიდან თითქმის ერთი დღე–ღამე გაგრძელდა. მხარეთა შერიგება ადგილობრივი და ცენტრალური ხელისუფლების წარმომადგენლების, ასევე სასულიერო პირების ჩარევით მოხერხდა. საქმეზე გამოძიება დაწყებულია. გრძელდება ინციდენტის მონაწილეთა დაკითხვა.

დმანისში იმყოფება შინაგან საქმეთა მინისტრი ვახტანგ გომელაური, რომელმაც განაცხადა, რომ სერიოზული დაზიანებები დაპირისპირების დროს არ მიუღია არც პოლიციელებს და არც ინციდენტის მონაწილეებს.

შერიგებისა და სამოქალაქო თანასწორობის საკითხებში სახელმწიფო მინისტრის აპარატი მიესალმება ინციდენტის ამოწურვას და იმედს გამოთქვამს, რომ საქართველოს თითოეული მოქალაქე, ეთნიკური წარმომავლობის მიუხედავად, გააცნობიერებს სახელმწიფოებრივ პასუხისმგებლობას სტაბილური, მშვიდობიანი და თანასწორი გარემოს განმტკიცებისთვის ქვეყანაში.

„მნიშვნელოვანია, რომ თითოეული მოქალაქე სიფრთხილით მოეკიდოს ისეთი განცხადებების გაკეთებას, რასაც მსგავს სიტუაციებში შეუძლია გამოიწვიოს ვითარების ხელოვნურად დაძაბვა სახელმწიფოსა და ჩვენი მრავალეთნიკური საზოგადოების ინტერესების საზიანოდ“, – აღნიშნულია უწყების განცხადებაში.

აღმოსავლეთ საქართველოს მუფთმა ეტიბარ ემინოვმა დაპირისპირებულ მხარეებთან შეხვედრის შემდეგ განაცხადა, რომ მხარეები შერიგებაზე შეთანხმდნენ და კონფლიქტი არ გაგრძელდება.

გომელაური და ლილუაშვილი დმანისში ჩავიდნენ>>

„ძალიან მოხარული და ბედნიერი ვარ, რომ ყოფით ნიადაგზე მომხდარი კონფლიქტი, რომლის გაღვივების საშიშროებაც იყო, ყველა მხარის – სასულიერო პირების, სახელმწიფოს, მოსახლეობის ჩართულობით იქნა მიღწეული შეთანხმება, ერთმანეთს მიუტევეს, შერიგდნენ და ეს არის ძალიან სასიხარულო და მისასალმებელი. ჩემი, როგორც სასულიერო პირის სურვილი და რჩევა იქნება ადგილობრივების მიმართ, გაუფრთხილდნენ ერთმანეთს. დარწმუნებული ვარ, ჩვენი ხალხი არ დაუშვებს, კონფლიქტი გაღვივდეს, ისინი ყოველთვის შერიგებისა და მშვიდობიანი თანაცხოვრების მომხრეები არიან“, – განაცხადა მან.

ეთნიკურ აზერბაიჯანელებსა და სვანეთიდან ეკომიგრანტებს შორის დაპირისპირება, რომელიც ბეისბოლის ბიტებისა და ხის ხელკეტების გამოყენებით სისხლიან გარჩევაში გადაიზარდა, კვირას, საღამოს დაიწყო იმის გამო, რომ ერთ-ერთი ადგილობრივი მაღაზიის მეპატრონემ ახალგაზრდებს ლუდის ნისიად მიცემაზე უარი უთხრა.

თვითმხილველების თქმით, განაწყენებულმა ახალგაზრდებმა დასახმარებლად სხვებიც იხმეს და მაღაზიის მფლობელთან საქმის გარჩევა სცადეს. დამცველები ამ უკანასკნელსაც გამოუჩნდნენ. ჩხუბში დაახლოებით ორი ათეული ახალგაზრდა აღმოჩნდა ჩართული.

ვითარება დმანისში ორშაბათ დილითაც დაიძაბა – ქუჩებში განახლდა მასობრივი ჩხუბი. შეკრებილები თავს დაესხნენ ჟურნალისტებს და აგრესია პოლიციელების მიმართაც გამოამჟღავნეს.

შსს საზოგადოებრივი წესრიგის აღდგენას დიდხანს ცდილობდა. მობილიზება მოხდა დამატებითი ძალების. პოლიციამ შეზღუდა ქალაქში შესვლა–გამოსვლა. დმანისში მოხვედრა მხოლოდ სპეციალური საშვით შეიძლება.

30
თემები:
შემთხვევები საქართველოში
„სპუტნიკ V“–თი ვაქცინაცია

რუსეთში კორონავირუსის მეოთხე ვაქცინას არეგისტრირებენ პუტინი

0
(განახლებულია 13:54 18.05.2021)
ამჟამად რუსეთში კორონავირუსის საწინააღმდეგო სამი ვაქცინაა დარეგისტრირებული: „სპუტნიკ V“, „ეპივაკკორონა“ და „კოვივაკი“

თბილისი, 18 მაისი – Sputnik. რუსეთის პრეზიდენტმა ვლადიმირ პუტინმა განაცხადა, რომ ქვეყანაში მიმოქცევაში მალე მოხვდება კორონავირუსის საწინააღმდეგო მეოთხე ვაქცინა.

ვაქცინა „სპუტნიკ ლაიტი“ რუსეთში რეგისტრაციას გაივლის>>

საუბარია „სპუტნიკ ლაიტზე“, რომელიც რეგისტრაციას გადის ჯანდაცვის სამინისტროში. „სპუტნიკ ლაიტი“ – ესაა ვაქცინა „სპუტნიკ V“–ს ერთი ინექცია. „სპუტნიკ V“ ორჯერ კეთდება. მისი ეფექტურობა, კლინიკური კვლევების მესამე ფაზის მონაცემებით, რომელიც ჟურნალ The Lancet–ში გამოქვეყნდა, 91,6%–ს შეადგენს. ამავე პუბლიკაციაში აღნიშნულია, რომ ამ ორკომპონენტიანი ვაქცინის პირველი ინექციის შემდეგ დაავადებისგან დაცვის დონემ 87,6% შეადგინა.

„სპუტნიკ ლაიტი“ - ერთკომპონენტიანი ვაქცინაა, რომლის შემადგენლობაში იგივე სტრუქტურებია, რომლებსაც „სპუტნიკV" მოიცავს. „სპუტნიკ ლაიტი“ არ შეიცავს თავად COVID-19-ს, შესაბამისად, აცრის შედეგად კორონავირუსით დაინფიცირება შეუძლებელია.

გამალეის ცენტრის ხელმძღვანელის ალექსანდრ გინცბურგის თქმით, „სპუტნიკ ლაიტით“ აცრა პირს ოთხი-ხუთი თვის განმავლობაში იცავს და დაავადების მძიმე მიმდინარეობის ალბათობის შემცირების საშუალებას იძლევა. აცრის ეფექტურობა დაახლოებით 85%-ს შეადგენს, დასძინა მეცნიერმა.

ამ დროისთვის რუსეთში კორონავირუსის საწინააღმდეგო სამი ვაქცინაა დარეგისტრირებული. ესენია „სპუტნიკ V“, „ეპივაკკორონა“ და „კოვივაკი“.

0
თემები:
რუსეთი დღეს