„ენგურჰესის“ ადმინისტრაცია: მდინარეში წყლის მაღალი დონე უხვი ნალექის შედეგია

© Sputnik / STRINGERსამაშველო–საძიებო ოპერაცია მდინარე ენგურზე
სამაშველო–საძიებო ოპერაცია მდინარე ენგურზე - Sputnik საქართველო, 1920, 07.04.2021
გამოწერა
ქართველმა მაშველებმა „ენგურჰესთან“ ახლოს, ზუგდიდის რაიონის სოფელ შამგონასთან ჯერ სამი, ხოლო მოგვიანებით მეოთხე ცხედარიც იპოვეს

თბილისი, 7 აპრილი - Sputnik. ენგურის წყლის დონის მატება უხვი ნალექის შედეგია და არა „ენგურჰესის“ კაშხლიდან წყლის გაშვების, ნათქვამია ჰიდროელექტროსადგურის ადმინისტრაციის განცხადებაში.

განცხადება მდინარეში უბედურ შემთხვევასთან დაკავშირებით გაკეთდა – ქართველმა მაშველებმა „ენგურჰესთან“ ახლოს, ზუგდიდი რაიონის სოფელ შამგონასთან სამი ცხედარი იპოვეს. გაგრძელდა მეოთხე ადამიანის ძებნა და ახლახან გავრცელდა ინფორმაცია, რომ იპოვეს მეოთხე ადამიანის ცხედარიც.

ზუგდიდის მუნიციპალიტეტის სოფელ შამგონაში, მდინარე ენგურში 3 ადამიანის ცხედარი იპოვეს - Sputnik საქართველო, 1920, 07.04.2021
ენგურის ნაპირზე სამი ადამიანის ცხედარი აღმოაჩინეს

უსაფრთხოების სამსახურის ვერსიით, ეს ადამიანები გალის რაიონიდან ზუგდიდში გადმოსვლას ცდილობდნენ.

„მიუხედავად იმისა, რომ 31 მარტიდან ენგურჰესიდან წყლის გაშვების პროცესი რეგულარულად მიმდინარეობს, მისი რაოდენობა დადგენილ ნორმაზე მნიშვნელოვნად ნაკლებია და არ შეეძლო გამოეწვია მდინარისა და მისი შენაკადების მნიშვნელოვანი მატება. მდინარე ენგურისა და მისი შენაკადების დონემ განსაკუთრებით მოიმატა ბოლო დღეებში უხვი ნალექით გამოწვეული წყალდიდობის შედეგად“, – აღნიშნულია განცხადებაში.

ამასთან, ჰესის ხელმძღვანელობა აღნიშნავს, რომ „ენგურჰესთან“ ახლოს მცხოვრები მოსახლეობა მოკლე ტექსტური შეტყობინების სახით იღებს ინფორმაციას კაშხლიდან წყლის გამოშვების შესახებ.

ყველა ახალი ამბავი
0