საქართველოს მთავარი პროკურატურის შენობა

აზერბაიჯანელი ჟურნალისტი აფგან მუხთარლი საქართველოშია

48
(განახლებულია 13:30 07.04.2021)
ჟურნალისტის თბილისში ჩამოსვლის მთავარი მიზანი საქართველოს პროკურატურისთვის ჩვენების მიცემაა, რომელიც 2017 წელს მისი გატაცების ვითარებებს იძიებს

თბილისი, 7 აპრილი – Sputnik. აზერბაიჯანელი ჟურნაისტი აფგან მუხთარლი საქართველოში იმყოფება. ამის შესახებ ტელეარხი Formula იუწყება.

ეს მუხთარლის პირველი ვიზიტია საქართველოში 2017 წელს მისი გატაცების შემდეგ. მისი თბილისში ჩამოსვლა, სავარაუდოდ, საქართველოს პროკურატურაში ჩვენების მიცემას უკავშირდება.

მუხთარლი თბილისიდან 2017 წლის მაისის ბოლოს გაუჩინარდა. მოგვიანებით გაირკვა, რომ ის ბაქოში პატიმრობაში იმყოფებოდა, ბრალად ედებოდა საზღვრის უკანონო გადაკვეთა, ფულის კონტრაბანდა და პოლიციის თანამშრომლისთვის წინააღმდეგობის გაწევა. 2018 წლის იანვარში სასამართლომ მას ექვსი წლით თავისუფლების აღკვეთა მიუსაჯა.

მას შემდეგ, რაც ოჯახმა განაცხადა, რომ მუხთარლი მოიტაცეს, ფული ჩაუდეს და ფარულად გაიყვანეს აზერბაიჯანში, საქართველოს შსს–მ აღძრა სისხლის სამართლის საქმე თავისუფლების უკანონოდ აღკვეთის მუხლით.

მუხთარში 2020 წლის მარტში გათავისუფლდა და მაშინვე გერმანიაში გაფრინდა. 2020 წლის ოქტომბრის შემდეგ რამდენჯერმა სცადა თბილისში ჩამოსვლა გამოძიებისთვის ჩვენების მისაცემად, თუმცა, მისი თქმით, პრობლემებს საქართველოს ხელისუფლება უქმნიდა.

საქართველოში გატაცებულ მუხთარლის აზერბაიჯანში 6 წლით პატიმრობა მიესაჯა>>

აზერბაიჯანელი ჟურნალისტის გატაცების საქმე დღემდე საქართველოს პროკურატურის წარმოებაშია.

48
რეზინის შლანგი

ნაპოვნია შლანგის მილსადენი საზღვარზე სპირტის უკანონოდ გადასაქაჩად: ვიდეო

97
მესაზღვრეებმა შლანგის მილსადენი მიწისქვეშ ერთი მეტრის სიღრმეზე აღმოაჩინეს, რომელიც ერთ-ერთი კერძო სახლიდან საზღვრამდე მიდიოდა

თბილისი, 19 აპრილი — Sputnik. უკრაინელმა მესაზღვრეებმა ოდესის ოლქში, მოლდოვასთან საზღვარზე, აღმოაჩინეს პლასტმასის შლანგი, რომლითაც სპირტის უკანონოდ გადაქაჩვა იგეგმებოდა, იუწყება უკრაინის სახელმწიფო სასაზღვრო სამსახური.

გავრცელებული ინფორმაციით, 32 მმ დიამეტრის შლანგი მიწის ქვეშ ერთი მეტრის სიღრმეზე იყო ჩადებული.

მესაზღვრეების თქმით, მილსადენი, როგორც ყველაფრიდან ჩანს, სპირტის გასატარებლად მზადდებოდა და მანამდე გამოყენებული არ ყოფილა, ვინაიდან შლანგი მშრალი იყო და ამასთან დამახასიათებელი სუნი არ ჰქონდა.

მესაზღვრეებს მილსადენის დემონტაჟისთვის სპეციალური ტექნიკის გამოყენება მოუხდათ. სულ მიწიდან 100 მეტრი შლანგი ამოიღეს, რომელიც მოლდოვის საზღვრიდან ოდესის ოლქის სოფელ როზალევკას ერთ–ერთი კერძო სახლისკენ მიემართებოდა.

ამ დროისათვის მიმდინარეობს ღონისძიებები კანონის დამრღვევ პირთა წრის დასადგენად.

97
თემები:
საერთაშორისო პანორამა
პოლიციის ლენტა

გორში 50 წლამდე მამაკაცი მოკლეს

61
(განახლებულია 11:48 19.04.2021)
სავარაუდო ეჭვმიტანილი მოკლულის თანასოფლელია, მის დასაკავებლად საგამოძიებო და სამძებრო ღონისძიებები მიმდინარეობს.

თბილისი, 19 აპრილი - Sputnik. გორის რაიონის სოფელ ახალდაბაში ცეცხლსასროლი იარაღით 50 წლამდე მამაკაცი მოკლეს, იუწყება ტელეკომპანია „რუსთავი2“.

გავრცელებული ინფორმაციით, მამაკაცი თანასოფლელმა  ცეცხლსასროლი იარაღიდან გასროლით მოკლა.

ადგილობრივების განცხადებით, მკვლელობაში ეჭვმიტანილი წარსულში მკვლელობისთვის ნასამართლევი 75 წლის კაცია, რომელმაც საპატიმრო ცოტა ხნის წინ დატოვა.

მკვლელობის სავარაუდო მიზეზი შურისძიებაა. კერძოდ, გარდაცვლილი და მკვლელობაში ეჭვმიტანილი მეზობლები იყვნენ და დაპირისპირება ჯერ კიდევ 90-იანი წლებიდან ნაკვეთის გამო ჰქონდათ.

ადგილზე მობილიზებული არიან სამართალდამცავები. მიმდინარეობს საგამოძიებო სამუშაოები.

მომხდარზე  გამოძიება საქართველოს სსკ-ის 108-ე მუხლით დაიწყო, რაც განზრახ მკვლელობას გულისხმობს.

61
თემები:
შემთხვევები საქართველოში
საავადმყოფო

გაბუნია: ეპიდსიტუაცია კვლავ საყურადღებოა, ვფიქრობთ საწოლების დამატებით მობილიზებას

0
(განახლებულია 15:51 19.04.2021)
ამ ეტაპზე საქართველოში კოვიდ-პაციენტებისთვის  დაახლოებით 2 ათასი თავისუფალი საწოლია. როგორც ჯანდაცვის სამინისტროში აღნიშნავენ, ჰოსპიტალური სექტორი მობილიზებულია და პაციენტების მისაღებად მზად არის.

თბილისი, 19 აპრილი – Sputnik. დღეს ქვეყენაში გამოვლენილი კორონავირუსის შემთხვევათა შედარებით ნაკლები რაოდენობა შაბათ-კვირას ტესტების სიმცირეს უკავშირდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

სამეგრელო-ზემო სვანეთში 27 საჯარო სკოლა სწავლების დისტანციურ რეჟიმზე გადავიდა>>

გაბუნიას განცხადებით, ქვეყანაში ეპიდვითარება კვლავაც საყურადღებოა, იზრდება დატვირთვა კლინიკებზე, რის გამოც შესაძლოა მოხდეს დამატებით საწოლების მობილიზება.

„გასული დღეების განმავლობაში შემთხვევათა რაოდენობამ 1 ათასს გადააჭარბა... ჩვენ ამ დღეებში ვფიქრობთ საწოლების დამატებით მობილიზებას. ასევე, პირველადი ჯანდაცვის ქსელი სრულად არის ჩართული პროცესში ონლაინკლინიკების სახით“, – განაცხადა გაბუნიამ.

გაბუნიამ „სინოფარმის“ ვაქცინაციის შესახებაც ისაუბრა და განმარტა, რომ ვაქცინის დასანერგად მოსამზადებელი სამუშაოები მიმდინარეობს და ის ამ კვირაში დასრულდება.

„მიმდინარეობს მუშაობა, რომ რეგისტრაცია დაიწყოს 27 აპრილიდან. „სინოფარმის“ ვაქცინა დღემდე რეგისტრირებულია 35 ქვეყანაში, ახალი შემთხვევების თავიდან აცილების თვალსაზრისით, მისი ეფექტურობა საკმარისად მაღალია, 80 პროცენტამდეა“, - აღნიშნა გაბუნიამ.

მისი განმარტებით, აღნიშნული მაჩვენებლები იძლევა საკმაოდ კარგ და იმედისმომცემ შედეგებს.

„აქედან გამომდინარე, მიმდინარე პერიოდში ჯანდაცვის მსოფლიო ორგანიზაცია განიხილავს Sinopharm-ის ავტორიზაციის საკითხს გადაუდებელი გამოყენებისთვის. ვფიქრობთ, აპრილის ბოლოსთვის ეს პროცესი დასრულდება და საქართველოც დაიწყებს „სინოფარმის“ გამოყენებას აქტიურად“, – განაცხადა თამარ გაბუნიამ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ბოლო პერიოდში გაიზარდა ინფიცირების შემთხვევები და ხშირად დღიური მაჩვენებელი 1 ათასს სცდება. ეპიდემიოლოგები კორონავირუსის მესამე ტალღის შესახებ საუბრობენ.

0
თემები:
კორონავირუსი საქართველოში: ბოლო ცნობები