სახანძრო მანქანები

აჭარაში ხანძარს მამაკაცი ემსხვერპლა

35
(განახლებულია 22:15 05.04.2021)
მახინჯაურში ხანძრისას დაღუპული მამაკაცი დაახლოებით 60 წლის იყო. მეზობლების თქმით, ის მარტო ცხოვრობდა.

თბილისი, 5 აპრილი – Sputnik. მახინჯაურში საცხოვრებელ სახლში გაჩენილი ხანძრის დროს ერთი ადამიანი დაიღუპა, იუწყება აჭარის ტელევიზია.

შემთხვევა დღეს, დილით მოხდა.

მეზობლები აცხადებენ, რომ დაღუპული მამაკაცი ბინაში მარტო ცხოვრობდა და კარჩაკეტილ ცხოვრებას ეწეოდა.

ადგილზე მისულ სასწრაფო დახმარების ბრიგადას 60 წლის მამაკაცი უკვე გარდაცვლილი დახვდა.

ხანძარი მალე ჩააქრეს, მაგრამ მანამდე ცეცხლმა კიდევ რამდენიმე ბინის დაზიანება მაინც მოასწრო.

35
თემები:
შემთხვევები საქართველოში (2134)
გამვლელები პირბადეებით

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

13
(განახლებულია 12:22 18.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

თბილისი, 18 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.437 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 122 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.179 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 136 ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

 

13
სეისმოგრაფი

საქართველოში ღამით მიწისძვრა მოხდა

93
მიწისქვეშა ბიძგები ხობიდან 8 კილომეტრში, 18 კილომეტრის სიღრმეზე, სოფელ გამოღმა ქარიატასთან 00:46 საათზე დაფისირდა. 

თბილისი, 18 აპრილი – Sputnik. ქალაქ ხობთან 4.5 ბალის მაგნიტუდის მიწისძვრა მოხდა, იუწყება სეისმური მონიტორინგის ეროვნული ცენტრი.

მიწისქვეშა ბიძგები ხობიდან 8 კილომეტრში, 18 კილომეტრის სიღრმეზე, სოფელ გამოღმა ქარიატასთან 00:46 საათზე დაფისირდა. 

ინფორმაცია მსხვერპლის ან ნგრევის შესახებ არ ვრცელდება.

93