საპატრულო პოლიცია

დედა ორ შვილთან ერთად ავტოავარიაში მოყვა, ქალი დაიღუპა

159
(განახლებულია 20:45 05.04.2021)
ექიმები ამჟამად ბავშვის სიცოცხლის გადასარჩენად იბრძვიან, რომელიც ავტოავარიის დროს ავტომობილში იჯდა.

თბილისი, 5 აპრილი – Sputnik. ოზურგეთში ავტოსაგზაო შემთხვევის შედეგად ახალგაზრდა ქალი დაიღუპა, ხოლო მისი ორი არასრულწლოვანი ბავშვი დაშავდა, აცნობეს „Sputnik–საქართველოს“ შინაგან საქმეთა სამინისტროში.

გამოძიება დაწყებულია მოძრაობის ან ტრანსპორტის ექსპლუატაციის წესების დარღვევის მუხლით, რამაც ადამიანის დაღუპვა გამოიწვია.

თვითმხილველების თქმით, ქალი მსუბუქ ავტომობილს მართავდა და მაღალი სიჩქარით მოძრაობდა. მან ვერ დაიმორჩილა საჭე, შემხვედრ ზოლზე გადავიდა და შემდეგ ბოძს შეეჯახა.

სამივე დაშავებული ოზურგეთის კლინიკა „მედალფაში“ გადაიყვანეს, მაგრამ ქალი მალევე გარდაიცვალა, ერთ-ერთი ბავშვის მდგომარეობა კი მძიმეა.

159
თემები:
შემთხვევები საქართველოში (2134)
გამვლელები პირბადეებით

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

1
(განახლებულია 12:22 18.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

თბილისი, 18 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.437 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 122 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.179 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 136 ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

 

1
სეისმოგრაფი

საქართველოში ღამით მიწისძვრა მოხდა

90
მიწისქვეშა ბიძგები ხობიდან 8 კილომეტრში, 18 კილომეტრის სიღრმეზე, სოფელ გამოღმა ქარიატასთან 00:46 საათზე დაფისირდა. 

თბილისი, 18 აპრილი – Sputnik. ქალაქ ხობთან 4.5 ბალის მაგნიტუდის მიწისძვრა მოხდა, იუწყება სეისმური მონიტორინგის ეროვნული ცენტრი.

მიწისქვეშა ბიძგები ხობიდან 8 კილომეტრში, 18 კილომეტრის სიღრმეზე, სოფელ გამოღმა ქარიატასთან 00:46 საათზე დაფისირდა. 

ინფორმაცია მსხვერპლის ან ნგრევის შესახებ არ ვრცელდება.

90