თბილისის სასამართლო

„კორტების საქმე“: მოკლულის ოჯახი სახელმწიფოსგან კომპენსაციას მიიღებს

121
(განახლებულია 23:10 30.03.2021)
სასამართლოს გადაწყვეტილებით, ოჯახი ერთჯერადად 49,5 ათას ლარს მიიღებს, ასევე სახელმწიფო მოკლულის თითოეულ შვილზე სრულწლოვანი ასაკის მიღწევამდე თვეში 159 ლარს გადაიხდის.

თბილისი, 30 მარტი – Sputnik. თბილისის საქალაქო სასამართლომ ე.წ. კორტების სპეცოპერაციისას 2006 წელს მოკლული ალექსანდრე ხუბულოვის ოჯახის სარჩელი ნაწილობრივ დააკმაყოფილა და სახელმწიფოს 50 ათასი ლარის კომპენსაციის გადახდა დააკისრა. ამის შესახებ ოჯახის ადვოკატმა არჩილ კაიკაციშვილმა ჟურნალისტებს განუცხადა.

ადვოკატის ინფორმაციით, ოჯახი კომპენსაციის სახით 100 ათასი ლარის გადახდას ითხოვდა.

მკვლელობა 2006 წლის მაისში, ძველი ხელისუფლების დროს მოხდა. იმ დღეს ჩატარდა სპეცოპერაცია, რომელშიც, სულ მცირე, პოლიციის 50 თანამშრომელი მონაწილეობდა. მათ 70-ზე მეტი ტყვია ესროლეს მანქანას, რომელშიც 22 წლის ზურაბ ვაზაგაშვილი, 25 წლის ალექსანდრე ხუბულოვი და 22 წლის ბონდო ფუთურიძე იმყოფებოდნენ. ვაზაგაშვილი და ხუბულოვი დაიღუპნენ, მძიმედ დაჭრილი ფუთურიძე კი გადარჩა.

სასამართლოს გადაწყვეტილებით, ოჯახი ერთჯერადად 49,5 ათას ლარს მიიღებს, ასევე სახელმწიფო ხუბულოვის თითოეულ შვილზე სრულწლოვანი ასაკის მიღწევამდე 159 ლარის ოდენობით ყოველთვიურ კომპენსაციას გადაიხდის.

„ქართულმა სასამართლომ ამით კიდევ ერთხელ დაადასტურა წინა ხელისუფლების პირობებში სისტემური დანაშაულის ფაქტი, კიდევ ერთხელ დაადასტურა, რომ სიცოცხლის ხელყოფას ჰქონდა ადგილი“, – განაცხადა კაიკაციშვილმა.

მისი თქმით, ზურაბ ვაზაგაშვილის ოჯახმა კომპენსაცია სტრასბურგის სასამართლოში მიმართვის შემდეგ მიიღო, ხოლო ხუბულოვის ოჯახმა გადაწყვიტა ქართული სასამართლოსთვის მიემართა.

საქართველოში 2012 წელს ხელისუფლების შეცვლის შემდეგ „კორტების საქმის“ ხელახალი გამოძიება დაიწყო. პროკურატურაში განაცხადეს, რომ ვაზაგაშვილი და ხუბულოვი მოკლეს შეიარაღებული თავდასხმის შედეგად, რომელიც შსს-ს ცენტრალური კრიმინალური პოლიციის დეპარტამენტის დირექტორის ყოფილი მოადგილის ირაკლი ფირცხალავას მიერ იყო მომზადებული.

2015 წლის ოქტომბერში თბილისის საქალაქო სასამართლომ ფირცხალავასა და ცენტრალური კრიმინალური პოლიციის დეპარტამენტის სამძებრო სამმართველოს უფროსის ყოფილი მოადგილის გიორგი ცააძის მიმართ 12 წლით პატიმრობა გამოიყენა. ისინი დამნაშავედ ცნეს მუხლით „განზრახ მკვლელობა დამამძიმებელ გარემოებში“.

„კორტების საქმეზე“ სისხლის სამართლის პასუხისგებაში შსს-ს სხვა მაღალჩინოსნებიც მიეცნენ.

შსს-ს სპეცდანიშნულების ჯგუფის ყოფილ უფროსს კახაბერ ნაკანს სამსახურებრივი უფლებამოსილების გადამეტებისთვის 6 წლის ვადით პატიმრობა შეეფარდა, კრიმინალური პოლიციის დეპარტამენტის ყოფილ გამომძიებელს ლევან ბეროძეს მტკიცებულებათა ფალსიფიკაციისთვის 3 წლით თავისუფლების აღკვეთა მიესაჯა, ხოლო კრიმინალური პოლიციის ყოფილ გამომძიებელს გრიგოლ კვინიკაძეს ადამიანის წინასწარ განზრახვით უკანონო დაკავებისთვის დაუსწრებლად 4 წლით და 6 თვის ვადით პატიმრობა შეეფარდა.

 

121
აქცია

„ნამახვანჰესთან“ დაკავშირებულ აქციაზე ჯგუფურად ძალადობის ბრალდებით ექვსი პირი დააკავეს

20
(განახლებულია 14:12 15.04.2021)
ბრალის დამტკიცების შემთხვევაში ექვსივე დაკავებულს ოთხიდან ექვს წლამდე ვადით თავისუფლების აღკვეთა ემუქრება

თბილისი, 15 აპრილი – Sputnik. სამართალდამცველებმა „ნამახვანჰესის“ მშენებლობასთან დაკავშირებით მიმდინარე საპროტესტო აქციაზე ჩადენილი ჯგუფური ძალადობისა და მასში მონაწილეობის ბრალდებით ექვსი პირი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში. 

გავრცელებული ინფორმაციით, ექვსივე პირი ბათუმში, სასამართლო განჩინების საფუძველზე, დააკავეს. დაკავებულთა შორის არიან ცნობილი სპორტსმენები, ძმები – ფირუზ და რევაზ წულუკიძეები.

გამოძიების მტკიცებით, ბრალდებულებმა მიმდინარე წლის 12 აპრილს  ქუთაისში „ნამახვანჰესის“ მშენებლობასთან დაკავშირებით მიმდინარე საპროტესტო აქციაზე ჯგუფურად იძალადეს და ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა.

მომხდარზე გამოძიება საქართველოს სსკ-ის 225-ე მუხლით მიმდინარეობს, რაც ჯგუფური ძალადობის ორგანიზებასა და მასში მონაწილეობის გულისხმობს.

20
თემები:
კრიმინალი საქართველოში
არ გადაკვეთო დანაშაულის ადგილი!

ბათუმში „ნაცმოძრაობის“ ოფისი დააზიანეს

16
(განახლებულია 13:15 15.04.2021)
მსხვილი ოპოზიციის წარმომადგენლები მომხდარს მმართველი პარტიის მხრიდან  პოლიტიკურ ანგარიშსწორებად აფასებენ.

 

თბილისი, 15 აპრილი – Sputnik. ბათუმში ოპოზიციური პარტია „ერთიანი ნაციონალური მოძრაობის“ ერთ–ერთი ოფისი დააზიანეს, იუწყება პირევლი არხი.

შემთხვევა აღმაშენებლის ქუჩაზე გუშინ, გვიან ღამით მოხდა – ჩამსხვრეულია ოფისის კარის მინები.

პარტიის ერთ–ერთი ლიდერის გიორგი კირთაძის განცხადებით, მათ ვანდალურ ფაქტთან დაკავშირებით ინფორმაცია უკვე მიაწოდეს სამართალდამცავ ორგანოებს.

„ადგილზე კრიმინალური პოლიციის წარმომადგენლები არიან მისული და ფაქტს სწავლობენ. თუმცა, არ გვაქვს მოლოდინი, რომ ვინმეს დაკავება მოხდება“, – განაცხადა კირთაძემ.

მომხდარ ფაქტზე გამოძიება სსკ–ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

 

 

16
თემები:
შემთხვევები საქართველოში
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0