თბილისი, 2 მარტი — Sputnik. ქალმა მაღაზიაში საქსოვი კომპლექტი შეიძინა და ძაფის გორგალში ერთი კილოგრამი კოკაინი იპოვა, იუწყება სიეტლის (აშშ) პოლიციის დეპარტამენტი.
According to a Seattle Police Department press release, the woman purchased a kit to crochet animal hats at a Seattle area thrift store Sunday.https://t.co/Ke2Y8H72B3
— KXAN News (@KXAN_News) February 24, 2021
გავრცელებული ცნობით, შინ მისულმა ქალმა, რომელიც ქუდების მოქსოვას აპირებდა, ძაფში ყვითელი რეზინით შეკრული პაკეტი აღმოაჩინა. შეკვრას უცნაური სუნი ასდიოდა და ზედ „100%“ ეწერა. ქალმა მაშინვე დარეკა 911–ზე და პოლიცია გამოიძახა.
სამართალდამცველებმა მოგვიანებით დაადასტურეს, რომ პაკეტში ერთ კილოგრამამდე სუფთა კოკაინი იყო. პოლიციამ არ დააკონკრეტა, როგორ შეიძლებოდა აღმოჩენილიყო ესოდენ დიდი რაოდენობით ნარკოტიკული ნივთიერება საქველმოქმედო მაღაზიის დახლზე.
თავად მაღაზიის წარმომადგენლების თქმით, მათაც არ აქვთ წარმოდგენა, საიდან მოხვდა კოკაინი ძაფის გორგალში.