პოლიიციის ლენტი

ცენტრალურ მაგისტრალზე ავარიის შედეგად 15 ავტომობილი დაზიანდა

102
ავტომობილის ევაკუატორთან შეჯახებამ გზაზე შეფერხება გამოიწვია, შედეგად სხვა მანქანები სავალი ნაწილიდან გადავარდნენ

თბილისი, 17  თებერვალი – Sputnik. ცენტრალურ ავტობანზე ავარიის შედეგად 15-მდე მანქანა დაზიანდა, იუწყება „პირველი არხი“.

არსებული ინფორმაციით, რუისი-გორის გზის მონაკვეთზე დასავლეთ საქართველოდან თბილისის მიმართულებით მოძრავი ავტომანქანა ევაკუატორს შეეჯახა, რამაც გზაზე შეფერხება გამოიწვია. უკან მომავალი მანქანები, ლიპყინულის გამო, გზის სავალი ნაწილიდან გადავარდნენ.

ავარიის შედეგად მსუბუქად დაშავდა რამდენიმე ადამიანი.

ადგილზე მობილიზებული იყო საპატრულო პოლიცია. მომხდარზე გამოძიება სსკ-ის 276-ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

ინტენსიური თოვის და ლიპყინულის გამო დღეს საქართველოს გზებზე პრობლემები შეიქმნა. დიდთოვლობის გამო საგანგებო სიტუაციების მართვის სამსახური განსაკუთრებულ რეჟიმში მუშაობს.

102
პოლიცია „ნაცმოძრაობის“ ოფისთან

კრიმინალი საქართველოში: შსს 2021 წლის ახალ სტატისტიკას აქვეყნებს

38
(განახლებულია 09:06 28.02.2021)
საქართველოში ყველაზე გავრცელებული დანაშაული კვლავ ქურდობაა – ერთ თვეში 1,2 ათასი ასეთი შემთხვევა დარეგისტრირდა.

თბილისი, 28 თებერვალი – Sputnik. საქართველოში 2021 წლის იანვარში 4.703 დანაშაული დაფიქსირდა, რაც გასული წლის ანალოგიურ მაჩვენებელზე 11,83%–ით ნაკლებია, ნათქვამია შსს–ს ვებ–გვერდზე განთავსებულ მასალებში.

2021 წლის პირველ თვეში დაფიქსირებული დანაშაულებიდან გახსნილია მესამედზე ნაკლები, დანარჩენების გამოძიება გრძელდება.

შსს–ს მასალების მიხედვით, საქართველოში თვეში საშუალოდ 5–5,5 ათასი დანაშაული ფიქსირდება.

დანაშაული საქართველოში

საქართველოში ყველაზე გავრცელებული დანაშაული კვლავ ქურდობაა – იანვარში დაახლოებით 1,2 ათასი ასეთი შემთხვევა დარეგისტრირდა. აქედან გახსნილია 19,7%. ქურდობა იანვარში ჩადენილი დანაშაულის ერთ მეოთხედზე მეტს შეადგენს.

მეორე ადგილზეა ოჯახური ძალადობა. 2021 წლის პირველ თვეში დაფიქსირდა 542 ოჯახური ძალადობის შემთხვევა. აქედან გახსნილია 55,12%.

მესამე ადგილზე კი სატრანსპორტო დანაშაული აღმოჩნდა – 416 ფაქტი ერთ თვეში, საიდანაც გახსნილია 1,92%.

ყველაზე ხშირი დანაშაულის ხუთეული

დანაშაულის სახეობა შემთხვევების რაოდენობა
ქურდობა 1 203
ოჯახური ძალადობა 542
სატრანსპორტო დანაშაული 416
მუქარა 275
ნარკოდანაშაული    217

გარდა ამისა, შსს–ს მონაცემებით, 2021 წლის პირველ თვეში ქვეყანაში დარეგისტრირდა 12 მკვლელობა, აქედან სამი – განსაკუთრებული სისასტიკით ჩადენილი, 19 – ჯანმრთელობისთვის ზიანის მიყენება, 7 – გაუპატიურება, ერთი – ადამიანებით ვაჭრობა, ორი – მექრთამეობა.

რამდენი დაისაჯა

საქართველოში 2021 წლის 1 იანვრიდან 31 იანვრამდე ჩათვლით პერიოდში სხვადასხვა სახის ჩადენილი დანაშაულისთვის სისხლის სამართლის პასუხისმგებლობას მიეცა 1230 ადამიანი. აქედან 91 პირობით სასჯელს იხდიდა. აქედან 414 დაკავებული სისხლის სამართლის პასუხისგებაში თბილისში მისცეს.

38
საპატრულო პოლიცია

გლდანში სროლა იყო: ერთი ადამიანი დაჭრილია

125
სისხლის სამართლის საქმე აღძრულია „ჯანმრთელობის განზრახ მძიმე დაზიანების“ და „ცეცხლსასროლი იარაღის უკანონო ტარება-შენახვის“ მუხლებით

თბილისი, 27 თებერვალი – Sputnik. გლდანის მეოთხე მიკრორაიონში სროლის ხმა ისმოდა, დაჭრილია ერთი ადამიანი, იუწყება „პირველი არხი“.

ტელეარხის მონაცემებით, ინციდენტის დეტალები უცნობია. დაჭრილი მამაკაცი საავადმყოფოშია გადაყვანილი.

ადგილზე კრიმინალისტები მუშაობენ.

მომხდარზე სისხლის სამართლის საქმე სსკ-ის 236-ე (ცეცხლსასროლი იარაღის შეძენა, შენახვა, ტარება) და 117-ე (ჯანმრთელობის განზრახ მძიმე დაზიანება) მუხლებით მიმდინარეობს.

125
მამაკაცი პირბადით

კოვიდ-სტატისტიკა საქართველოში: დადებითობის მაჩვენებელი, რეგიონები

0
საქართველოში შეზღუდვების შემსუბუქების ფონზე დადებითობის მაჩვენებელი კვლავ იკლებს. ინფიცირების ყველაზე მეტი შემთხვევა კვლავ თბილისში დაფიქსირდა

თბილისი,  28 თებერვალი – Sputnik. 28 თებერვლის მონაცემებით, საქართველოში კორონავირუსით ინფიცირების დადებითობის დღიური მაჩვენებელი 0,89%-ს შეადგენს, ბოლო 14 დღის - 1,96%, ბოლო 7 დღის - 1,55%. ინფორმაციას საქართველოს მთავრობის ადმინისტრაცია ავრცელებს.

აღსანიშნავია, რომ ბოლო 24 საათში ჩატარდა 27.885 კვლევა ტესტით, მათ შორის ანტიგენის სწრაფი ტესტით - 18.814, PCR ტესტით - 9.071.

ბოლო 24 საათში გამოვლენილი კორონავირუსის 248 შემთხვევიდან ყველაზე მეტი – 129 შემთხვევა დედაქალაქში დაფიქსირდა. ინფიცირებულთა შემთხვევების რაოდენობით მეორე ადგილზე იმერეთი, შემდეგ სამეგრელო-ზემო სვანეთია.

რეგიონების მიხედვით კორონავირუსით ინფიცირების სტატისტიკა ასეთია: 

იმერეთი - 31, სამეგრელო-ზემო სვანეთი – 17, აჭარა – 16, კახეთი – 16, შიდა ქართლი – 14, ქვემო ქართლი – 8, მცხეთა-მთიანეთი – 7, გურია – 6, რაჭა-ლეჩხუმი და ქვემო სვანეთი – 3, სამცხე-ჯავახეთი – 1.

ამ დროის მონაცემებით, საქართველოში 2.108 აქტიური შემთხვევაა.

1 472 ადამიანი მკურნალობს საავადმყოფოში, მათ შორის, თბილისის საავადმყოფოებში – 712, აჭარაში – 166, იმერეთში – 264.

ამ ეტაპზე მძიმე პაციენტია 265 პირი, მათ შორის, თბილისში – 100, აჭარაში – 30, იმერეთში – 74. ხელოვნური სუნთქვის აპარატზე იმყოფება 91 პირი, მათგან თბილისში – 60, აჭარაში- 4, იმერეთში – 11.

171 ადამიანი მოთავსებულია კლინიკურ-სასტუმროებში, მათ შორის 108 – თბილისში, 51 – აჭარაში, იმერეთში – ცხრა.

465 პირი ვირუსის მკურნალობის კურსს გადის საცხოვრებელ ბინაზე.

საქართველოში ინფიცირებულთა საერთო რიცხვმა 270.510-ს მიაღწია. ამ დროისათვის სულ გამოჯანმრთელდა 265.114 ადამიანი (ბოლო 24 საათში – 525), გარდაიცვალა – 3.510  (ბოლო 24 საათში – 11).

კარანტინის რეჟიმშია 323, სტაციონარებში ექიმების დაკვირვების ქვეშ 1.472 პაციენტი, ხოლო კოვიდ–სასტუმროებში 171 ადამიანი იმყოფება. 

 

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0