ხანძარი

ხულოში სოფლის სკოლა დაიწვა

171
ხანძარი გამოიწვია ელექტროგაყვანილობის გაუმართაობამ, ხის მასალით აშენებულ შენობას ცეცხლი ძალიან სწრაფად მოედო

თბილისი, 15 თებერვალი – Sputnik. ხულოს მუნიციპალიტეტის სოფელ კალოთაში სკოლის შენობა მთლიანად დაიწვა.

როგორც საგანგებო სიტუაციების მართვის სამსახურში განაცხადეს, სავარაუდოდ, ხანძარი გაუმართავი ელექტროგაყვანილობის გამო დაიწყო. აალება საღამოს მოხდა, როდესაც სკოლაში არავინ არ იყო.

სამსახურის მონაცემებით, სკოლის შენობა ხის მასალისგან იყო აშენებული, ამიტომ ცეცხლი ძალიან სწრაფად გავრცელდა.

ამ დროისათვის ხანძარი ლიკვიდირებულია და მეზობელ სახლებზე ცეცხლის გავრცელების საფრთხე აღკვეთილია.

სოფელ კალოთაში 14 მოსწავლე სწავლობს.

როგორც აჭარის განათლების სამინისტროში განაცხადეს, სკოლისთვის ალტერნატიული შენობა გამოიძებნება. უწყების ხელმძღვანელი მაია ხაჯიშვილი უკვე გაემგზავრა ხულოში, სადაც სიტუაციას ადგილზე გაეცნობა.

171
დაპირისპირება ჭყონდიდში

პოლიციამ მარტვილში მომხდარი ინციდენტის გამოძიება დაიწყო

57
(განახლებულია 23:07 08.03.2021)
ეპარქიის რეზიდენციის შენობის მეორე სართულზე აივნის ხის მოაჯირი მოირღვა და რამდენიმე ადამიანი აივნიდან გადავარდა.

თბილისი, 8 მარტი – Sputnik. შინაგან საქმეთა სამინისტრომ მარტვილისა და ჭყონდიდის ეპარქიაში მომხდარ ფაქტთან დაკავშირებით გამოძიება დაიწყო, აცნობეს „Sputnik-საქართველოს“ შინაგან საქმეთა სამინისტროში.

გამოძიება სისხლის სამართლის კოდექსის 124-ე მუხლით არის დაწყებული, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. აღნიშნული დანაშაული ისჯება ჯარიმით ან გამასწორებელი სამუშაოთი ორ წლამდე ვადით.

დღეს მარტვილისა და ჭყონდიდის ეპარქიაში მომხდარი დაპირისპირების დროს დაშავდა რამდენიმე ადამიანი, რომელთა შორის მასმედიის წარმომადგენლებიც არიან.

ეპარქიის წარმომადგენლებსა და მრევლის ნაწილს შორის სიტყვიერი დაპირისპირება გაწევ-გამოწევაში მას შემდეგ გადაიზარდა, რაც მრევლის ნაწილს ეპარქიის შენობაში მიმდინარე კრებაზე დასწრების შესაძლებლობა არ მიეცა. შედეგად ეპარქიის რეზიდენციის შენობის მეორე სართულზე აივნის ხის მოაჯირი მოირღვა და რამდენიმე ადამიანი გადავარდა.

დაშავებულები საავადმყოფოში გადაიყვანეს. მათ შორის არიან ტელეკომპანიების „ფორმულის“, POSTV-ს, TV Pirveli-ს და Rustavi 2-ის ოპერატორები, რომლებიც მიმდინარე მოვლენებს აშუქებდნენ.

გავრცელებული ინფორმაციით, მასმედიის წარმომდგენლებს მრავლობითი დაზიანებები აღენიშნებათ.

„კართან ვიდექით მე და ჩემი ოპერატორი, სასულიერო პირები გამოვიდნენ და ინერციით გაგვწიეს უკან, იქ იყო ხის მოაჯირი, რომელიც გატყდა და გადავცვივდით. მე გონება დავკარგე. როგორც კი აზრზე მოვედი, დავინახე ჩემი ოპერატორი, რომელსაც შუბლის არეში ჰქონდა დაზიანება, სისხლი სდიოდა და გონზეც ჯერ არ იყო მოსული“, – უამბო კოლეგებს „TV პირველის“ ჟურნალისტმა პაპუნა შუშანიამ, რომელიც თავადაც დაშავდა და შემდგომი კვლევებისთვის ზუგდიდის საავადმყოფოში გადაიყვანეს.

დაპირისპირება ეპარქიის მსახურებს შორის – ერთი მხრივ, და სასულიერო პირებსა და მრევლს შორის – მეორე მხრივ, მას შემდეგ დაიწყო, რაც ჭყონდიდისა და მარტვილის ახალმა მიტროპოლიტმა, მეუფე სტეფანემ (კალაიჯიშვილი) ეპარქიის ორ დიაკვანს - კონსტანტინე გაბისონიასა და პეტრე ღუდუშაურს მღვდელმსახურება აუკრძალა.

დიაკვნებს მრევლის ნაწილი გამოექომაგა. მრევლის ნაწილი ითხოვდა, რომ ახლად დანიშნულმა მიტროპოლიტმა სტეფანემ დაუყოვნებლივ დატოვოს ეპარქია.

მარტვილისა და ჭყონდიდის ეპარქიის მიტროპოლიტმა კი დღევანდელ ინციდენტში მრევლი, სასულიერო პირების ნაწილი და მასმედია დაადანაშაულა.

„ფიზიკური დაპირისპირება პროვოცირებული იყო იმ ხალხისგან, ვინც აქ დგას. მე ყველა კითხვა ჩავიწერე, მაგრამ მღვდლებმა, რომლებმაც ეს ხალხი აქ მოიყვანეს, ატეხეს ხმაური და არ მომცეს საშუალება, პასუხი გამეცა. ეპარქიის დატოვებას არ ვაპირებ, ეს არის მგლების შეთქმულება და ძალიან დიდი პრობლემა. ესაა დაგეგმილი პროვოკაცია“, – აღნიშნა სასულიერო პირმა „პირველ არხთან“ საუბრისას.
57

დაპირისპირება სასულიერო პირებს შორის: შემთხვევა ჭყონდიდის ეპარქიაში ვიდეო

61
(განახლებულია 22:53 08.03.2021)
მარტვილში, ჭყონდიდის ეპარქიაში დაპირისპირების შედეგად ათამდე ადამიანი დაშავდა. იხილეთ „Sputnik-საქართველოს“ ვიდეოკადრები შემთხვევის ადგილიდან.

ეპარქიის მსახურებისა და სასულიერო პირების დაპირისპირება მრევლთან მას შემდეგ დაიწყო, რაც ჭყონდიდისა და მარტვილის მიტროპოლიტმა სტეფანემ ორ დიაკვანს მღვდელმსახურებაში მონაწილეობა აუკრძალა.

მოკვეთილ დიაკვნებს მრევლის ნაწილი გამოესარჩლა. სასულიერო პირებსა და საეროებს შორის ურთიერთობის გარკვევისას შენობის მეორე სართულის აივანზე ხის მოაჯირი მოირღვა და ხალხი ქვემოთ გადაცვივდა. დაშავდა ათამდე ადამიანი, მათ შორის ტელეკომპანიების „ფორმულის“, POSTV-ს, „TV პირველისა“ და „რუსთავი 2“-ის ჟურნალისტები.

დაშავებულები სასწრაფო დახმარების ბრიგადებმა საავადმყოფოში გადაიყვანეს. საქართველოს საპატრიარქო ჯერჯერობით მომხდართან დაკავშირებით კომენტარს არ აკეთებს.

61
ადამიანის ფსიქოლოგია

ზოდიაქოს ნიშნები და მათი „შინაგანი დემონები“

0
(განახლებულია 13:07 08.03.2021)
თითოეულ ადამიანს აქვს ხასიათის ბნელი მხარეები, რომლებსაც „შინაგანი დემონები“ ეწოდება. ასტროლოგებმა ზოდიაქოს თითოეული ნიშნისთვის დამახასიათებელი ბნელი მხარეები გამოყვეს

ძლიერ ადამიანებს შესწევთ უნარი, რომ ამ „შინაგან დემონებს“ ებრძოლონ და ბრძნული რჩევები გაითვალისწინონ. რას ამბობენ ექსპერტები ზოდიაქოს ნიშნების შინაგან ბნელ მხარეებზე და რას ურჩევენ მათ ამის დასაძლევად – შეიტყვეთ ჩვენი ჰოროსკოპიდან.

ზოდიაქოს ნიშნები და მათი მავნე ჩვევები>>

ვერძი

ვერძების მთავარი დემონი – ეს ზედმეტობა და გადაჭარბების სიყვარულია. თქვენ არ იცით საზღვარი არც მუშაობაში, არც დასვენებაში, ცხოვრებით ტკბობასა და გართობაში, ოღონდ არა ერთდროულად, არამედ ცხოვრების სხვადასხვა ეტაპზე. უბრალოდ, არ შეგიძლიათ შეჩერება, როცა ეს აუცილებელია. მეორე მხრივ, სწრაფვა, რომ ყველაფერი ერთად და ერთდროულად ჩაიგდოთ ხელში, თქვენთვის საოცარი მოტივაციის როლს ასრულებს.

კურო

კუროებს ძალიან გეშინიათ მარტო დარჩენის. გეშინიათ, რომ ერთ დღეს ყველა ზურგს გაქცევთ. ამის გამო ხშირად მეგობრობთ პირველ შემხვედრთან იმის ნაცვლად, რომ საუკეთესო ადამიანები იპოვოთ. ადამიანების ასეთი განურჩევლობა ხანდახან განგაშის გრძნობასთან ბრძოლაში გეხმარებათ, მაგრამ ეს არცთუ ხშირად ხდება.

ტყუპი

ტყუპის მთავარი დემონი – ეს თავისუფლებისმოყვარეობაა. ვერ იტანთ, როდესაც რაღაცაზე მიგითითებენ, გმართავენ ან გზღუდავენ. ეს დემონი თქვენგან მტკიცე მოქმედებებს მოითხოვს. ხშირად უარყოფთ იმ ადამიანებს, ვინც თქვენზე ზრუნავენ.

ზოდიაქოს ნიშნების კომპლექსები>>

კირჩხიბი

გიყვართ ჭორაობა და ხმების გავრცელება და ამაში საკუთარ თავსაც კი არასდროს გამოუტყდებით. თქვენთან ძალიან ფრთხილად უნდა იყვნენ ადამიანები. მეორე მხრივ, თუ ვინმე ძვირფასია თქვენთვის, მათ შესახებ არასდროს არავის არაფერს არ მოუყვებით.

ლომი

ლომები „ჩაციკლული“ ხართ იმაზე, რომ ყოველთვის ყველაზე უკეთესი იყოთ. ეს სასარგებლო სწრაფვაა, მაგრამ ხშირად ძალიან შორს „შეტოპავთ“ ხოკმე. ასეთ შემთხვევაბში ყველაფერი გავიწყდებათ და მხოლოდ სამუშაოზე, ბიზნესზე, წარმატებასა და ფულზე ხართ გადართული.

ქალწული

თქვენი მთავარი დემონი პერფექციონიზმია, რომელიც გაკეთებულ სამუშაოში, ადამიანებში, ნივთებბში მუდამ რაღაც ნაკლს ეძებს. გიყვართ, როდესაც ყველაფერი წინასწარ შედგენილი გრაფიკის მიხედვით ხდება. ამ შინაგანი „მეს“ გამო ხშირად გიცრუვდებათ იმედები.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

სასწორი

ერთი განსაკუთრებულად აქტიური დემონი გყავთ, რომელსაც ჰქვია „არაუშავს, კარგი“. ამას ხშირად ეუბნებით საკუთარ თავს, როცა რაღაც ცუდი ხდება, ირგვლივ ბევრი სირთულე და პრობლემაა. აზროვნებთ ოპტიმისტურად, რაც კარგია, მაგრამ ხშირად აგებთ იმის გამო, რომ არ აღიარებთ პრობლემის არსებობას, რომელიც დაუყოვნებლივ გადაწყვეტას საჭიროებს.

მორიელი

თქვენი მთავარი დემონი შურისმაძიებლობაა. ბევრი ამბობს, რომ ეჭვიანები ხართ, მაგრამ ეჭვიანობა ხშირად ნორმის ფარგლებს არ სცდება, რასაც ვერ ვიტყვით თქვენს გულღძოობასა და ბოღმის გულში ჩადებაზე. ხანდახან საკუთარ თავსაც აშინებთ, იმდენად კარგად გახსოვთ ადრინდელი წყენა.

მშვილდოსანი

თქვენი შინაგანი დემონი მანიპულაციებისადმი მიდრეკილებაა. შეგიძლიათ და გიყვართ ურთიერთობების სხვადასხვა დონეზე ადამიანებით მანიპულირება და ამას ისეთი უდიდესი ოსტატობით აკეთებთ, რომ ვერავინ ხვდება.

ზოდიაქოს ნიშნები სიმთვრალეში>>

თხის რქა

თქენი დემონი უნდობლობაა. ამის გამო სწრაფად ვერ პოულობთ სიყვარულს, მეგობრებს. გეშინიათ, რომ მოგატყუებენ ან გიღალატებენ. აფასებთ საკუთარ დროსა და ძალებს, მაგრამ ხშირად ამის გამო მარტოობით ზღვევთ.

მერწყული

თქვენში ეჭვიანი დემონი ზის, რომელიც თავისუფლებას არ აძლევს იმ ადამიანებს, რომლებსაც უყვარხართ. „შეშლილი“ ხართ კონტროლზე. გჭირდებათ, რომ ყოველდღე და ყოველ წუთს დარწმუნებული იყოთ, რომ ვინც თქვენ გარშემოა, სხვა არავინ ჰყავთ ისეთი, რომლებსაც თქვენნაირად ეპყრობიან. თქვენ გამონაკლისი შემთხვევა უნდა იყოთ.

თევზები

თქვენი მთავარი მტერი და შინაგანი დემონი – ეს სიზარმაცეა. შეგიძლიათ მასთან გამკლავება, მაგრამ ამას ყოველთვის არ აკეთებთ. სიზარმაცე ხშირად გძლევთ და ამის გამო არღვევთ დანაპირებს. შედეგად, ირგვლივ მყოფების თვალში არასაიმედონი მოსჩანხართ.

ზოდიაქოს ნიშნების კრიმინალური „ქრონიკა">>

0