საპატრულო პოლიცია

ქობულეთში არასრულწლოვანმა თავი მოიკლა - მიზეზი წარსულში მომხდარი ძალადობაა

3096
სექსუალური ძალადობის ბრალდებით პოლიციამ მამაკაცი გოგონას გარდაცვალების შემდეგ დააკავა. ოჯახის წევრები ამბობენ, რომ მათ ძალადობის შესახებ ორი თვის წინ შეიტყვეს.

თბილისი, 11 თებერვალი - Sputnik. ქობულეთის მუნიციპალიტეტში 14 წლის არასრულწლოვანმა, რომელთანაც 24 წლის მამაკაცმა სექსუალური კავშირი დაამყარა, თავი მოიკლა, იუწყება გამოცემა „ნეტგაზეთი“.

გარდაცვლილი გოგონას ოჯახის წევრების ცნობით, სექსუალური ძალადობის შესახებ ოჯახმა ორი თვის წინ შეიტყო, შემთხვევა კი გასულ ზაფხულს მოხდა. გავრცელებული ინფორმაციით, ამ დროის განმავლობაში გოგონასთან სოციალური მუშაკი მუშაობდა, რომელსაც არასრულწლოვანთან ბოლო ვიზიტი 4 თებერვალს ჰქონდა. ამასთან მოზარდთან ფსიქოლოგს არ უმუშავია, რადგან, როგორც სოციალური მომსახურების სააგენტოში აცხადებენ, ამის საჭიროება არ ყოფილა.

სექსუალური ძალადობის ბრალდებით პოლიციამ 1997 წელს დაბადებული პირი მას შემდეგ დააკავა, რაც გოგონას თვითმკვლელობის შესახებ ინფორმაცია გავრცელდა მიუხედავად იმისა, რომ როგორც მოზარდის ბაბუა აცხადებს, ოჯახმა პოლიციას მომხდარის შესახებ შეატყობინა.

გოგონას მამა ადრე გარდაეცვალა, ხოლო დედა თურქეთშია წასული სამუშაოდ.

გამოძიება წინასწარი შეცნობით თექვსმეტი წლის ასაკს მიუღწევლის სხეულში სექსუალური ხასიათის შეღწევის ფაქტზე, საქართველოს სსკ-ის 140-ე მუხლით მიმდინარეობს. დანაშაული 7-დან 9 წლამდე ვადით თავისუფლების აღკვეთას ითვალისწინებს.

3096
თემები:
შემთხვევები საქართველოში (2126)
არაგვი

გუდამაყრის ხეობაში არაგვის ადიდების შედეგად ექვსი სოფელი გარე სამყაროს მოწყდა

38
ბაკურხევის ექვს სოფელთან დაკავშირება ამ ეტაპზე მხოლოდ ქვეითად მოსიარულეთათვის არის შესაძლებელი. გარდა ამისა, დაზიანდა ელექტროგადამცემი ხაზები

თბილისი, 11 აპრილი – Sputnik. დუშეთის მუნიციპალიტეტში ძლიერმა ნალექმა გუდამაყრის ადმინისტრაციული ერთეულის - ბაკურხევის ექვს სოფელს პრობლემები შეუქმნა, იუწყება მცხეთა-მთიანეთის სამხარეო ადმინისტრაცია.

მდინარე არაგვის ადიდების შედეგად საავტომობილო გზა დაზიანდა, რამაც სოფლები გარე სამყაროს მოწყვიტა. ბაკურხევის ექვს სოფელთან დაკავშირება ამ ეტაპზე მხოლოდ ქვეითად მოსიარულეთათვის არის შესაძლებელი.

მდინარის ადიდების შედეგად დაზიანებულია ელექტროგადამცემი ხაზებიც, რის გამოც სოფლებს არ მიეწოდებათ ელექტროენერგია.

სტიქიის ზონაში იმყოფებოდნენ მცხეთა-მთიანეთის მხარის სახელმწიფო რწმუნებული დავით ნოზაძე და დუშეთის მუნიციპალიტეტის მერის პირველი მოადგილე ბესიკ ბიჩნიგაური. დავით ნოზაძემ სტიქიის შედეგად დატბორილი ტერიტორია და დაზიანებული გადამცემი ხაზები დაათვალიერა. რწმუნებულის განცხადებით, წყლის დონის დაწევის შემდეგ ადგილზე დაზიანებული ინფრასტრუქტურის აღდგენითი სამუშაოები დაიწყება.

„როგორც კი მეტეოროლოგიური პირობები მოგვცემს საშუალებას, დაიწყება დაზიანებული გზისა და ელექტროგადამცემი ხაზების აღდგენითი სამუშაოები“, - განაცხადა დავით ნოზაძემ.

მისი თქმით, ამ დროისთვის სოფლებში რჩება ორი ოჯახი, მათთან ადმინისტრაციას მუდმივი კომუნიკაცია აქვს.

38
საპატრულო პოლიცია

ყვარელი-ველისციხის გზაზე ავარიამ ორი ადამიანის სიცოცხლე იმსხვერპლა

43
დაშავებულები სასწრაფო დახმარების ბრიგადამ გურჯაანის „ჯეო ჰოსპიტალსის“ კლინიკაში გადაიყვანა. მძიმეა 16 წლის მოზარდის ჯანმრთელობის მდგომარეობა.

თბილისი, 11 აპრილი – Sputnik. ყვარელი-ველისციხის გზაზე ავარიის შედეგად ორი ადამიანი დაიღუპა და ორი დაშავდა, იუწყება „პირველი არხი“.

ალაზნის ხიდთან ორი მსუბუქი ავტომანქანა ერთმანეთს შეეჯახა. შედეგად ადგილზე გარდაიცვალა მანქანაში მყოფი ახალგაზრდა ქალი. მოგვიანებით კიდევ ერთი ახალგაზრდა მამაკაცი გარდაიცვალა.

დაშავებულები სასწრაფო დახმარების ბრიგადამ გურჯაანის „ჯეო ჰოსპიტალსის“ კლინიკაში გადაიყვანა. მძიმეა 16 წლის მოზარდის ჯანმრთელობის მდგომარეობა. მას გადაუდებელი ქირურუგიული ოპერაცია ჩაუტარდება.

შემთხვევის ადგილზე მობილიზებულია პოლიცია. მიმდინარეობს საგამოძიებო მოქმედებები.

43

ხერთვისის უძველესი ციხესიმარგე - ვიდეო

0
ხერთვისის ციხის კომპლექსი, ისტორიკოსების მონაცემებით, X-XI საუკუნეებს განეკუთვნება, ხოლო ჟამთააღმწერელი ლეონტი მროველის გადმოცემით - ჩვენს ერამდე IV საუკუნეს

დღეს მიიჩნევა, რომ საქართველოს ეს ფეოდალური პერიოდის ერთ-ერთი უძველესი და კარგად შემონახული ციხეა. ინტერესი ამ ადგილისადმი უფრო და უფრო იზრდება.

ციხესიმაგრე აგებულია მდინარე ფარავნისა და მდინარე მტკვრის შეერთების ადგილთან, ვარძიის სამონასტრო კომპლექსიდან 15 კილომეტრში. ხერთვისი და ვარძია იუნესკოს მსოფლიო მემკვიდრეობის ობიექტთა სიაში შეტანის კანდიდატები არიან.

0