გზის მშენებლობა

მთავარი ავტომაგისტრალის ჩუმათელეთი-ხევის მონაკვეთზე გზის მშენებლობაზე მუშა დაიღუპა

79
(განახლებულია 15:47 06.02.2021)
ჩინეთის მოქალაქე სავარაუდოდ გულის შეტევით გარდაიცვალა. გარდაცვალების ზუსტ მიზეზს ექსპერტიზა დაადგენს

თბილისი, 6 თებერვალი – Sputnik. ჩუმათელეთი-ხევის მონაკვეთზე მიმდინარე მაგისტრალური გზის სამშენებლო სამუშაოებზე დასაქმებული ჩინეთის მოქალაქე, სავარაუდოდ, გულის შეტევით გარდაიცვალა, ამის შესახებ ინფორმაციას საავტომობილო გზების დეპარტამენტი ავრცელებს.

რიკოთის უღელტეხილზე აღმოსავლეთი-დასავლეთის მაგისტრალის ჩუმათელეთი-ხევის მონაკვეთს კომპანია China State Construction Engineering Corporation Limited აშენებს. ამ კომპანიამ სპეციალისტების ნაწილი ჩინეთიდან ჩამოიყვანა.

უწყების ცნობით, 50 წლის მამაკაცი სამუშაოს შესრულებისას შეუძლოდ გახდა და ადგილზე გარდაიცვალა.

„შემთხვევის ადგილზე იმყოფებიან სასწრაფო დახმარების ბრიგადა, მშენებელი კომპანიისა და შინაგან საქმეთა სამინისტროს წარმომადგენლები. გარდაცვალების ზუსტი მიზეზის დასადგენად დაწყებულია გამოძიება“, - აღნიშნულია საავტომობილო გზების დეპარტამენტის ინფორმაციაში.

რიკოთის უღელტეხილზე, რომელიც აღმოსავლეთი–დასავლეთის საერთაშორისო მაგისტრალის ნაწილია, ყველაზე გრძელი გვირაბის მშენებლობა დაიწყო. გვირაბის სიგრძე 1,8 ათასი მეტრი იქნება. აქედან 200 მეტრი უკვე გაჭრილია. გვირაბი ჩუმათელეთი–ხევის გზის მონაკვეთზე არსებული გვირაბის პარალელურად შენდება.

აღმოსავლეთი–დასავლეთის ავტომაგისტრალი, ანუ ევროპული სატრანზიტო გზა Е-60 სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი). საქართველოში Е-60 ფოთთან ახლოს იწყება და აზერბაიჯანთან საზღვარზე მთავრდება. საქართველოში დერეფნის სიგრძე 392 კილომეტრს შეადგენს.

79
სასწრაფო დახმარება

ახალციხეში მოკლული ქალის ცხედარი იპოვეს

40
მეზობლებს, რომლებმაც მარტო მცხოვრები 67 წლის ქალის ცხედარი იპოვეს, ის ორი დღეა არ უნახავთ და მკვლელობის შესაძლო ვერსიაზე არაფრის თქმა არ შეუძლიათ

თბილისი, 28 თებერვალი – Sputnik. ახალციხეში საკუთარ სახლში მოკლული პენსიონერი ქალის ცხედარი იპოვეს.

ტელეკომპანია „ფორმულას“ ინფორმაციით, მეზობლებს, რომლებმაც 67 წლის ქალის ცხედარი აღმოაჩინეს, ის ორი დღე არ უნახავთ. მათ ასევე არ აქვთ ვერსია, ვის და რატომ უნდა მოეკლა ხანდაზმული ქალი, რომელიც მარტო ცხოვრობდა.

 

შინაგან საქმეთა სამინისტრომ გამოძიება სისხლის სამართლის კოდექსის „განზრახ მკვლელობის მუხლით“ დაიწყო. 

40
მაშველები შავ ზღვაზე

შავ ზღვაში ახალგაზრდა მამაკაცს ეძებენ

35
აჭარაში, ზღვის სანაპიროზე დაკარგული მამაკაცის ძებნა ათ დღეზე მეტია მიმდინარეობს. ოჯახის წევრები მყვინთავების რაოდენობის გაზრდას ითხოვენ

თბილისი, 28 თებერვალი – Sputnik. აჭარაში რამდენიმე დღეა ზღვაში ახალგაზრდა მამაკაცს ეძებენ, იუწყება ტელეკომპანია „პირველი არხი“.

სავარაუდოდ ნასვამ მდგომარეობაში მყოფი მამაკაცი ზღვაში 17 თებერვალს შევიდა და გაუჩინარდა.

საგანგებო სიტუაციების მართვის სამსახურის განცხადებით, შეტყობინების მიღებიდან დღემდე სამძებრო სამუშაოები არ შეწყვეტილა და მასში ჩართულია ყველა სპეციალისტი და საჭირო ტექნიკა.

დაკარგულის ოჯახის წევრებს მიაჩნიათ, რომ სამძებრო სამუშაოებში ჩართული მყვინთავების რაოდენობა საკმარისი არ არის და მათი რაოდენობის გაზრდას ითხოვენ.

 

35
ნინო ნადირაძე

„ჩვეულებრივი ტრანსის „ვიდზე“ ვარ...“- ნინო ნადირაძის სკანდალური განცხადება

0
(განახლებულია 23:36 26.02.2021)
ნინო კუზანოვას ხმაურიანი განცხადება. ცნობილმა ექიმმა ვიდეო საკუთარ გვერდზე გამოაქვეყნა, რომელიც სოცქსელში ვირუსულად გვარცელდა

ახალბედა ბებია მუდამ ექსტრავაგანტულად გამოიყურება და მისი საჯარო განცხადებებიც საკმაოდ ხმაურიანია. არისტოკრატული ჩაცმულობით გამორჩეული ტელესახე აქტუალობას არ კარგავს. ნინო ნადირაძე-კუზანოვა მისი თაობის ქალბატონებს შორის სტილით განსაკუთრებით თვალშისაცემია. მას ფერების და აქსესუარების შეხამება უყვარს. აღმოჩნდა, რომ ნადირაძე-კუზანოვას სოციალური ქსელების ე.წ ფილტრები არ მოსწონს და გამოყენების შემთხვევაში საკუტარ თავსაც და სხვებსაც ტრანსგენდერებს ადარებს.

View this post on Instagram

A post shared by nino (@ninonadiradze)

მან უახლესი ვიდეო საკუთარ გვერდზე თამამად გამოაქვეყნა და სოცსივრცეში ხმაური გამოიწვია. „აი ეს უბედურება ფილტრი, რომელიც მე გამოვიყენე და მეზიზღება, ჩვეულებრივი ტრანსის ვიდზე ვარ და მოგწონთ“,- ამბობს ნინო. ბოლო დროს კარდიოლოგი ხშირად აქვეყნებდა ფოტოებს, სადაც უმაკიაჟოდ იყო და წერდა, რომ კორონავირუსის პანდემიიდან გამომდინარე მაკიაჟზეც უარი თქვა და ცნობილ ბრენდებზეც.

ნინო ნადირაძე-კუზანოვა ყოველთვის საზოგადოების ყურადღების ცენტრშია. ჰყავს ბევრი თაყვანისმცემელი, პაციენტებისთვის საყვარელი ექიმია და არაერთი ადამიანის სიცოცხლე გადაურჩენია, ხოლო მაყურებლისთვის დახვეწილი იუმორის მქონე არაჩვეულებრივი ქალბატონია. მას კარგი გემოვნება აქვს, მუდამ დახვეწილად აცვია და ძალიან უყვარს მოდური „ლუქებით“ სოციალურ ქსელში ახალ-ახალი ფოტოების გამოქვეყნება.

View this post on Instagram

A post shared by nino (@ninonadiradze)

დაუჯერებელია, მაგრამ ექიმი უკვე ბებიაა. მას პირველი შვილიშვილი ბაია კუზანოვმა, უფროსმა ქალიშვილმა აჩუქა. ბიჭუნასთან გატარებულ ბედნიერ წამებს ნინო თაყვანისმცემლებს ხშირად უზიარებს. კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. ეს მისი ცხოვრების განუყოფელი ნაწილია.

0
თემები:
სელებრითების ცხოვრება