გიორგი შაქარაშვილი

გიორგი შაქარაშვილის საქმის სამ ფიგურანტს შეიძლება ამნისტია შეეხოს

71
(განახლებულია 22:22 14.01.2021)
ზოგიერთი მუხლის შემთხვევაში იმისათვის, რომ ამნისტიის შესახებ კანონი ამოქმედდეს, საჭიროა დაზარალებულმა მხარემ სასამართლოს წინაშე განაცხადოს თანხმობა.

თბილისი, 14 იანვარი — Sputnik. გიორგი შაქარაშვილის საქმის სამ ფიგურანტს — საბა გოგშელიძეს, საბა ჩხარტიშვილსა და ირაკლი წაქაძეს შეიძლება ამნისტია შეეხოს, თუ დაზარალებული მხარე თანახმა იქნება.

საქართველოს პარლამენტმა ორშაბათს დაამტკიცა კანონი „ამნისტიის შესახებ“, რომელიც 1,5 ათასზე მეტი პატიმრის გათავისუფლებას ითვალისწინებს. სასამართლოები დაახლოებით ერთი თვის განმავლობაში გადახედავენ თითოეული ამნისტირებულის საქმეს.

მანამდე თბილისის საქალაქო სასამართლოს მოსამართლემ ლავრენტი მაღლაკელიძემ დააკმაყოფილა ადვოკატების შუამდგომლობა და, დაზარალებული მხარის თანხმობით, დაკავებულები 1000 ლარის გირაოს სანაცვლოდ გაათავისუფლა. შაქარაშვილის საქმეზე დაკავებული რვა სრულწლოვანი პირიდან ხსენებული სამი პირი ბრალდებულია ძალადობაში (აგარაკზე ჩხუბის ეპიზოდი), ასევე უმნიშვნელო ფიზიკური დაზიანების განზრახ მიყენებაში, ხოლო დანარჩენებს ბრალად ედებათ ძალადობა, ძალადობის ორგანიზება და მასში მონაწილეობა.

„როგორც ცნობილია, სამი ადამიანის საქმე, რომლებსაც ჯგუფურ ძალადობაში და ასევე ჯანმრთელობისთვის განზრახ უმნიშვნელო ზიანის მიყენებაში ედებათ ბრალი, ცალკე წარმოებაში გამოიყო წინა სხდომაზე. რაც შეეეხება ამნისტიას, მიღებული კანონი ვრცელდება ყველა მუხლზე, რომლებითაც აღნიშნულ პირებს ედებათ ბრალი. მაგრამ ამ შემთხვევაში კანონში არის ერთი პირობა — იმისათვის, რომ ამნისტიის შესახებ კანონი მოქმედებაში მოვიდეს, დაზარალებულებმა სასამართლოს წინაშე უნდა დააფიქსირონ საკუთარი პოზიცია“, — განაცხადა პროკურორმა ვახტანგ ცალუღელაშვილმა სასამართლოს დღევანდელი სხდომის შემდეგ.

მომდევნო სხდომა 21 იანვრისთვისაა ჩანიშნული.

დღეისათვის შაქარაშვილის საქმე სამ ნაწილად არის დაყოფილი: მკვლელობამდე მომხდარი ჩხუბების ეპიზოდები არასრულწლოვანთა მონაწილეობით (მათ მიმართ განაჩენი უკვე გამოტანილია), ჩხუბების სამი ეპიზოდი სრულწლოვანთა მონაწილეობით და უშუალოდ ფეხბურთელის მკვლელობა.

საქმეზე სულ 17 ადამიანის დაკავება მოხდა. უშუალოდ მკვლელობის ნაწილში 17-დან ხუთი ბრალდებული ფიგურირებს, აქედან ორი არასრულწლოვანია. გამოძიების ვერსიით, მათ შაქარაშვილი ჯერ სცემეს, შემდეგ კი მდინარეში გადააგდეს, სადაც ის დაიხრჩო.

71
თემები:
კრიმინალი საქართველოში (1246)
ეჭვმიტანილის დაკავება

დააკავეს ჩუღურეთის რაიონის გამგებლის მოადგილე

84
ჯერჯერობით, დაკავებულის ადვოკატს პოზიცია არ დაუფიქსირებია. უცნობია, აღიარებს თუ არა გამგებლის მოადგილე ბრალს

თბილისი, 25 იანვარი - Sputnik. სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა სამსახურებრივი უფლებამოსილების გადამეტების ბრალდებით ჩუღურეთის რაიონის გამგებლის მოადგილე დააკავეს, ნათქვამია უწყების მიერ გავრცელებულ განცხადებაში.

უწყების ცნობით, გამგებლის მოადგილე თბილისის მუნიციპალიტეტის მერიასთან თანამშრომლობით,  მოსამართლის განჩინების საფუძველზე დააკავეს.

გამოძიების მიხედვით, ჩუღურეთის რაიონის ერთ-ერთ ქუჩაზე მდებარე საცხოვრებელი სახლის გამაგრების სამუშაოების ჩასატარებლად გასული წლის აპრილში 126 ათასლარიანი ტენდერი გამოცხადდა, რომელშიც მონაწილეობის სურვილიც ორმა კომპანიამ გამოთქვა. გამგებლის მოადგილემ, როგორც სატენდერო კომისიის პასუხისმგებელმა პირმა, დაიბარა ტენდერში მონაწილე ერთ-ერთი კომპანიის წარმომადგენელი და მოსთხოვა საბუთები უკან გაეტანა, რადგან ტენდერი მისთვის სასურველ კომპანიას უნდა მოეგო. წინააღმდეგ შემთხვევაში პრობლემების შექმნით დაემუქრა. სამომავლოდ კი სხვა ტენდერების პირობების მასზე მორგება შესთავაზა.

ზეწოლის მიუხედავად, კომპანიამ ტენდერში მონაწილეობა მაინც მიიღო და გაიმარჯვა. აღნიშნული ფაქტით განაწყენებულმა საჯარო მოხელემ კომპანიას პრობლემები შეუქმნა და არ აძლევდა შესაძლებლობას, ჩაებარებინა შესრულებული სამუშაოები. ამის გამო სამუშაოების მწარმოებელ კომპანიას ხელოვნურად შეექმნა პრობლემები და საბოლოოდ შეუწყდა ხელშეკრულება.

უწყება აღნიშნავს, რომ ჩუღურეთის რაიონის გამგებლის მოადგილის არამართლზომიერი ქმედების შედეგად კომპანიამ ვერ შეძლო სამუშაოების გაგრძელება და დღემდე არ განხორციელებულა საცხოვრებელი სახლის გამაგრებითი სამუშაოები, „რითიც არსებითად დაირღვა როგორც ადგილობრივ მაცხოვრებელთა, ასევე სამუშაოების მწარმოებელი კომპანიისა და სახელმწიფოს კანონიერი ინტერესები“.

მომხდარზე გამოძიება საქართველოს სსკ-ის 333-ე მუხლის პირველი ნაწილით მიმდინარეობს, რაც სამსახურებრივი უფლებამოსილების გადამეტების გულისხმობს.

გამოძიებას  სახელმწიფო უსაფრთხოების სამსახურის ანტიკორუფციული სააგენტო აწარმოებს.

84
თემები:
შემთხვევები საქართველოში
სახლის სხვენი

უნიკალური ინცინდენტი: უცნობი შეუმჩნევლად ცხოვრობდა ახალგაზრდა ქალის სახლის სხვენში

56
(განახლებულია 13:30 25.01.2021)
ახალგაზრდა ქალი რამდენიმე კვირის განმავლობაში ამჩნევდა, რომ სახლში ნივთებს ადგილი ჰქონდა ხოლმე შეცვლილი, ზოგი რა კი დაიკარგა კიდეც

თბილისი, 25 იანვარი — Sputnik. ახალგაზრდა ქალმა მოულოდნელად აღმოაჩინა, რომ მისი სახლის სხვენში რამდენიმე კვირის განმავლობაში შეუმჩნევლად ცხოვრობდა უცნობი მამაკაცი,  წერს News.com.au.

​გავრცელებული ინფორმაციით, ავსტრალიის ქალაქ როკჰემპტონის მკვიდრმა მონიკა გრინმა ბოლო სამი კვირის განმავლობაში არაერთხელ შეამჩნია, რომ სახლში ზოგ ნივთს ადგილი ჰქონდა შეცვლილი, ან სულაც დაიკარგა. ქალი ამას ახსნას ვერ უძებნიდა მანამ, სანამ 18 იანვარს ჩვეულებრივზე ადრე არ დაბრუნდა შინ.

ექიმისგან მოულოდნელად ადრე დაბრუნებულმა მონიკამ აღმოჩინა, რომ  სახლში ვიღაცას კონდინციონერი ჩაერთო, სამზარეულოში დატოვებული ქათმის კატლეტების ნახევარი შეეჭამა, ხოლო შესასვლელი კარი ღია დაეტოვებინა.

ქალმა მაშინვე პოლიციაში დარეკა. ადგილზე გამოცხადებულმა სამართალდამცველებმა სახლი დაათვალიერეს და ნახეს, რომ სხვენში ასასვლელი ლუქი ღია იყო, ხოლო სათვალთვალო კამერები — გამორთული.

„ეს საშინელებათ ფილმის სცენას ჰგავდა. რატომ იმალებოდა სხვენში? რა განზრახვა ჰქონდა? იქნებ ჩემი შვილის მოტაცება უნდოდა?“ — ამბობს შეშინებული მონიკა გრინი.

პოლიციის წარმომადგენლის თქმით, სამართალდამცველები იძიებენ ამ „უნიკალურ ინციდენტს“, რათა დაუპატიჟებელი სტუმრის ვინაობა დაადგინონ.

 

56
თემები:
საერთაშორისო პანორამა
Telegram

Sputnik-ის ინგლისურენოვანი არხი Telegram-ზე ამუშავდა

0
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

0