დაშავებული

მკვლელობა და არა ავარია ავტოსაგზაო შემთხვევა სასტიკი შურისძიება აღმოჩნდა

257
(განახლებულია 21:22 13.01.2021)
ცნობილი გახდა 17 წლის ახალგაზრდის დაღუპვის საზარელი დეტალები, რომელიც, როგორც აღმოჩნდა, შურისძიების გამო მოწყობილ ავარიას ემსხვერპლა.

თბილისი, 13 იანვარი – Sputnik. ავარია გარდაბნის რაიონის სოფელ ფოლადაანთკარში, რომლის დროსაც 17 წლის მოზარდი დაიღუპა, არა უბრალოდ ავტოსაგზაო შემთხვევა, არამედ შურისძიების გამო მოწყობილი ინციდენტია, ამის შესახებ ოთხშაბათს საქართველოს პროკურატურამ განაცხადა.

თავდაპირველად ყველაფერი ჩვეულებრივ უბედურ შემთხვევას ჰგავდა. 2020 წლის 21 დეკემბერს ცოტნე აღდგომელაძე თავისი მოპედით სახლში ბრუნდებოდა, როდესაც მას მაღალი სიჩქარით მოძრავი ავტომობილი დაეჯახა. მძღოლი შუახნის ნასვამი მამაკაცი იყო. აღდგომელაძე ავარიის დროს მიღებული ტრავმებისგან გარდაიცვალა.

ავტოავარიაში დამნაშავე მეორე დღეს დააკავეს და ბრალი ალკოჰოლური ზემოქმედების ქვეშ ავტომანქანის მართვისას მოძრაობის წესების დარღვევის შედეგად ადამიანის სიცოცხლის მოსპობისა და განსაცდელში მიტოვების მუხლებით წაუყენეს. მამაკაცს აღკვეთის ზომად პატიმრობა შეეფარდა.

პროკურატურამ შეძლო დამატებითი მტკიცებულებების მოპოვება და დამტკიცება, რომ ბრალდებულმა შურისძიების გამო განზრახ მკვლელობა ჩაიდინა.

გამოძიების ვერსიით, ფოლადაანთკარში 21 დეკემბერს ბრალდებულსა და დაღუპულის ბიძას შორის ჩხუბი მოხდა. ახალგაზრდა მათ დაშოშმინებას ცდილობდა. ბრალდებული მათ სიცოცხლის მოსპობით ემუქრებოდა, რაც კვლავ ფიზიკურ დაპირისპირებაში გადაიზარდა.  

იყალთოში ავტოავარიას მამაკაცი ემსხვერპლა – მძღოლი მიიმალა>>

ბიძამ თავის დისშვილს უთხრა, სახლში წასულიყო და ისიც თავისი მოპედით წავიდა. ბრალდებული ახალგაზრდას გაეკიდა თავისი ავტომობილით, დაეწია და მაღალი სიჩქარით დაეჯახა. მიღებული ტრავმებით მოზარდი ადგილზე გარდაიცვალა.

ახლა დაკავებულს დაუმძიმდა ბრალდება და ბრალი განზრახ მკვლელობის მუხლით წარედგინა. დანაშაული 7-დან 15 წლამდე თავისუფლების აღკვეთას ითვალისწინებს. გამოძიება გრძელდება.

257
თემები:
კრიმინალი საქართველოში (1246)
სატვირთოები ტრასაზე

ფონიჭალაში სომხური ნიშნებით მოძრავ სატვირთოებს ქვები დაუშინეს - შსს-მ საქმე აღძრა

25
საქართველოს სამართალდამცავი ორგანოების თანამშრომლები იკვლევენ ქვემო ფონიჭალას რაიონში სომხური ნომრებით მოძრავ სატვირთო მანქანებთან დაკავშირებული ინციდენტის გარემოებებს

თბილისი, 25 იანვარი - Sputnik. საქართველოში სომხეთის საელჩოს მონაცემებით, უცნობმა პირებმა საქართველოში, ქვემო ფონიჭალას რაიონში, სომხურ სატვირთო მანქანებს ქვები დაუშინეს, იუწყება Sputnik-სომხეთი.

25 იანვრის ღამით უცნობებმა სომხურ სატვირთოებს ქვები დაუშინეს. ინციდენტი ქვემო ფონიჭალაში მოხდა. შედეგად ზოგიერთ მანქანას საქარე და გვერდითა მინები დაემსხვრა.

უცნობები ადგილიდან მიიმალნენ, სატვირთოები კი საპატრულო პოლიციის თანხლებით საქართველო-სომხეთის საზღვრამდე მივიდნენ და შემდეგ გადაკვეთეს ის.

ინციდენტის გამო საქართველოს პოლიციამ სისხლის სამართლის საქმე აღძრა 187-ე მუხლით.

შსს-ში არ ახმაურებენ მომხდარის დეტალებს და აცხადებენ, რომ ყველაფერს გამოძიება დაადგენს.

25
ნაგვის ურნა

ირაკლი ფანგანი: „თუ საჭირო იქნება, კიდევ გავაკეთებ ანალოგიურს“

25
საქართველოს პროკურატურამ საზოგადოებრივი მოძრაობა „ალტერნატივას“ აქტივისტ ბათუმში მომხდარი დევნის ფაქტზე ბრალდება პოლიტიკურ მოღვაწეობასთან დაკავშირებით ძალადობით დევნის მუხლით წარუდგინა.

თბილისი, 25 იანვარი – Sputnik. საზოგადოებრივი მოძრაობა „ალტერნატივას“ აქტივისტი ირაკლი ფანფანი, რომელმაც  ბათუმში გამართულ აქციაზე აჭარის უმაღლესი საბჭოს დეპუტატს ირაკლი ჩავლეიშვილს თავზე ნაგავი დააყარა, მიიჩნევს რომ მისი ქმედება გამოხატვის თავისუფლებაში ჯდება, იუწყება პირველი არხი.

პოლიციამ ფანგანი კვირას დააკავა. მან ბათუმის ბულვარის ტერიტორიაზე 16-სართულიანი შენობის მშენებლობის წინააღმდეგ 23 იანვარს გამართულ აქციაზე აჭარის უმაღლესი საბჭოს დეპუტატ ირაკლი ჩავლეიშვილს თავზე ნაგავი დააყარა.

აქციაზე დეპუტატის გამოჩენამ აქტივისტების გაღიზიანება გამოიწვია, რადგანაც ჩავლეიშვილი ერთადერთი ოპოზიციონერია, რომელმაც სადეპუტატო მანდატზე უარი არ განაცხადა.

„დიდ ბოდიშს ვუხდი საზოგადოებას იმისთვის, რომ ასეთი რამ მოხდა, მაგრამ როცა ჩავლეიშვილი გადის-გამოდის, ჩემს მეგობრებს, თანამებრძოლებს შეურაცხყოფას აყენებს, მეც ავიღე ნაგვის ურნა და დავახურე თავზე. თუ საჭირო იქნება, კიდევ გავაკეთებ ანალოგიურს. ამ ეტაპზე გამომიშვეს, ხვალ იქნება ჩემი სასამართლო. ჯერ არაფერი არ არის დამთავრებული, ხვალ გავიგებთ დანარჩენს“, - აღნიშნა ირაკლი ფანგანმა.

საქართველოს პროკურატურამ საზოგადოებრივი მოძრაობა „ალტერნატივას“ აქტივისტ ბათუმში მომხდარ ფაქტზე ბრალდება პოლიტიკურ მოღვაწეობასთან დაკავშირებით ძალადობით დევნის მუხლით წარუდგინა.

ირაკლი ფანგანი ბრალის წარდგენის შემდეგ გათავისუფლდა. უწყების განმარტებით, პროკურატურა ბათუმის საქალაქო სასამართლოში ბრალდებულისთვის აღკვეთის ღონისძიების სახით გირაოს გამოყენებას მოითხოვს. ფანგანისთვის აღკვეთის ღონისძიების შესახებ გადაწყვეტილებას სასამართლო ხვალ გამოიტანს.

დღესვე ბათუმში საზოგადოებრივი მოძრაობა „ალტერნატივის“ აქტივისტის გათავისუფლების მოთხოვნით  საპროტესტო აქცია  აჭარის პოლიციის სამმართველოსთან გაიმართა.

აქციის მონაწილეები, რომელთა შორისაც ოპოზიციური პარტიის წარმომადგენლები იყვნენ, აცხადებენ, რომ ხელისუფლება ფანგანთან მიმართებით შერჩევით სამართალს იყენებს.

ოპოზიციური პარტია „ნაციონალური მოძრაობის“ წევრმა სალომე სამადაშვილმა მომხდარ ფაქტს ამაზრზენი უწოდა. მომხდარს გაემიჯნენ ბათუმის აქციის ორგანიზატორები. სახალხო დამცველმა აღნიშნული ფაქტი დაგმო და ძალადობად შეაფასა.

25
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 26 იანვარი

0
(განახლებულია 11:58 25.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 26 იანვარია, სამშაბათი. მზარდი მთვარე კირჩხიბის ნიშანშია. ამ დღეს პლანეტა მარსი მფარველობს.

დღევანდელი დღე ადამიანებისგან მეტ კონკრეტულობას მოითხოვს. ნებისმიერი გაურკვევლობა გაღიზიანებას გამოიწვევს. გამძაფრდება რეაქციები მიმდინარე მოვლენებზე, რაც, შესაძლოა, კონფლიქტების საფუძველი გახდეს. ამავე დროს დღეს ძალიან იოლი იქნება ღრმად მიმალულ გრძნობებზე საუბარი, ადამიანისთვის პირდაპირ თქმა, თუ რას ფიქრობთ მასზე. თუმცა, ამ შემთხვევაში სჯობს, ფარგლებს არ გასცდეთ და უკმეხად არაფერი წამოგცდეთ – ამას ურთიერთობებში ბზარის შეტანა შეუძლია.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს თქვენთვის საქმეების მოწესრიგების დღეა. თუნდაც ეს გაწერილი არ გქონდეთ, დიდი ალბათობით, ამის აუცილებლობას შექმნილი ვითარება მოითხოვს. მოწესრიგება შეიძლება დასჭირდეს თქვენს სამუშაო ადგილს, ან საქმეებსა და გეგმებს. არ არის გამორიცხული, რომ მოწესრიგების პროცესში დავიწყებული რამ აღმოაჩინოთ, რომელიც დღემდე აქტუალური და თან – საკმაოდ ფასეული.

კურო: დღეს გარშემომყოფებთან და მათ შორის, ახლობელ ადამიანებთან დისონანსში იქნებით. შესაძლოა, მოგეჩვენოთ, რომ თქვენ ირგვლივ ადამიანები ძალიან სერიოზული განწყობით დაიარებიან, ისინი კი, თავის მხრივ, უკმაყოფილო იქნებიან თქვენი უზრუნველობით. სერიოზულ კამათს ეს, დიდი ალბათობით, არ გამოიწვევს, თუმცა იმისთვის, რომ ირგვლივ მყოფებთან ურთიერთობებში ბზარი არ გაჩნდეს, ხშირად მოირგეთ „სერიოზული და ჭკვიანი“ ადამიანის სახე, თუნდაც ეს ძალზე სასაცილოდ გეჩვენებოდეთ.

ტყუპი: დღეს მზად ხართ, რომ მტკიცე და შეიძლება რადიკალური ზომებიც გადადგათ და ეს განსაკუთრებით ფინანსების სფეროს ეხება. იმის ნაცვლად, რომ ასჯერ გაზომოთ და ერთხელ გაჭრათ, ასჯერ გაჭრის განწყობაზე იქნებით. ერთი მხრივ, არის საფრთხე, რომ ფული ქარს გაატანოთ; მეორე მხრივ კი ეს საბრძოლო განწყობა ბიძგს მოგცემთ, გადადგათ ის ფინანსური ნაბიჯები, რომლებიც უკვე მომწიფებულია და დიდი ხანია, გადაწყვეტას მოითხოვს.

კირჩხიბი: დღეს კირჩხიბები კრიტიკოსების სახით მოგვევლინებით. ამასთან, თქვენი კრიტიკა ყველა ნაკლებად იქნება მიმართული საკუთარი თავისადმი, კრიტიკის ობიექტები დიდწილად გარშემომყოფები იქნებიან. თქვენი შენიშვნები ადამიანებს შეცდომების გამსოწორებას აიძულებს, თუმცა ყველაფერი მარტივადაც არ იქნება. თქვენი ბრძნული რჩევები, შესაძლოა, ყურს მიღმა გატარდეს, ხოლო კრიტიკა კი წყენის წყარო გახდეს. თქვენი გადასაწყვეტია – ღირს თუ არა კრიტიკაზე დროისა და ძალების  დახარჯვა, თან, როდესაც შედეგის იმედი ნაკლებადაა.

ლომი: დღეს დიდი ალბათობაა, რომ ირგვლივ მყოფი ადამიანები შეეცადონ, თავიანთი წილი პასუხისმგებლობა თქვენ მხრებზე გადმოიტანონ. ისინი იგრძნობენ, რომ დამყოლ ხასიათზე ხართ და ამის გამოყენებას ურცხვად შეეცდებიან. ამის გამოსწორება შეგიძლიათ, თუ მკაცრად დაიცავთ თქვენს პოზიციებს და აღკვეთ ამგვარ მცდელობებს. სხვაგვარად მოგიწევთ სხვისი საქმეების გაკეთება და საკუთარის გადადება.

ქალწული: მთელი დღე გარედან აკვიატებული ზეწოლა შეიძლება იგრძნოთ. შესაძლოა, ეს დროის დეფიციტი იყოს, ან ვითარება მოითხოვდეს თქვენგან სწრაფ მოქმედებებს, ასევე გარშემომყოფები გამუდმებით მოგმართავდნენ თხოვნით. ნებისმიერ შემთხვევაში, ამ ზეწოლისგან გათავისუფლება გაგიჭირდებათ, ამიტომ, სჯობს, შეეგუოთ ასეთ მდგომარეობას. ყველაფერს აჯობებს, განმარტოვდეთ, თუ ამის შესაძლებლობა გაქვთ და სიმშვიდეში მიხედოთ თქვენს საქმეებს.

სასწორი: დღეს იშვიათი შანსი გაქვთ, რომ რომელიმე საქმეში დიდი ნაბიჯი გადადგათ წინ. მთავარია, საჭირო მომენტი დროულად დაინახოთ, ხელიდან არ გაუშვათ და მტკიცედ, მკაფიოდ იმოქმედოთ. აქტიური და შეუპოვარი მოქმედებების წყალობით გამარჯვების დიდი შესაძლებლობა გაქვთ. გამოიყენეთ ეს დღე ახალი სიმაღლეების დასაპყრობად და კონკურენტების უკან ჩამოსატოვებლად.

მორიელი: დღეს სამართლიანობის გრძნობა გამძაფრდება თქვენში. მზად ხართ, ვინმე ან რამე საკუთარი მკერდით დაიცვათ, თუ ჩათვლით, რომ მას ჩაგრავენ და ავიწროებენ. რას იზამთ, ხანდახან ცუდი არაა სამართლიანობისთვის ბრძოლა და მოძალადისთვის ადგილის მიჩენა. თუმცა დღეს უსამართლობა შეიძლება იქაც „დაინახოთ“, სადაც ამის ნატამალიც კი არაა. ასე რომ, მეტი დაკვირვება გმართებთ, რომ განგაშის ზარი ტყუილუბრალოდ არ შემოჰკრათ.

მშვილდოსანი: დღეს, შესაძლოა, მთელი დღე ჭეშმარიტების ფუჭ ძებნაში დაკარგოთ, თან დარწმუნებული იყოთ, რომ ის „სადღაც აქვეა“. ეს ძებნა ნებისმიერ საკითხს შეიძლება უკავშირდებოდეს – ურთიერთობებს, მუშაობას, პირად ცხოვრებას. თუმცა, რაც არ უნდა მოგეჩვენოთ, რომ სამართლიანობა „ჰა და ჰა, გაიმარჯვებს“, იცოდეთ, რომ ეს მხოლოდ მოჩვენებაა. შეიძლება გაკვირვებულმა აღმოაჩინოთ, რომ „სუფთა სახის“ ჭეშმარიტება თითქმის უსარგებლო რამაა და თქვენ გარდა ის არავის სჭირდება.

თხის რქა: ასტროლოგები დღეს მხოლოდ პირდაპირი გზებით სიარულს გირჩევენ. საკუთარ თამაშის წამოწყების მცდელობას, ან, უფრო უარესი – რამის დამალვას ან დამახინჯებას, სავალალო შედეგები შეიძლება მოჰყვეს. თუ საჭირო შედეგის მიღება გსურთ, ღიად, პირდაპირ და პატიოსნად უნდა იმოქმედოთ. გარშემომყოფებიც სწორედ ამ თვისებებს დააფასებენ თქვენში. მაგრამ ერთიცაა – გულწრფელობასაც თავის საზღვრები აქვს და დაიცავის ეს ფარგლები.

მერწყული: დღეს საჭირო შედეგების მისაღწევად იმის ლაპარაკი მოგიწევთ, რასაც თქვენგან ელოდებიან და არა იმის, რასაც სინამდვილეში ფიქრობთ. ხანდახან შეიძლება გაჩუმებაც უპრიანი იყოს. რას იზამთ, გულწრფელობა ზოგჯერ უადგილოა ხოლმე და მით უმეტეს – მნიშვნელოვან საუბრებში, მოლაპარაკებებში. დღეს თუ სათქმელს პირდაპირ იტყვით, შეიძლება ავნოთ საქმესაც და საკუთარ თავსაც. თუ გაჩუმდებით, მომგებიან პოზიციაში აღმოჩნდებით.

თევზები: დღეს საქმიანობაში მტკიცედ და საბრძოლოდ ხართ განწყობილი. რატომ უნდა იწვალოთ კვანძის გახსნაზე, როცა მისი ნაჯახით გადაჭრა შეიძლება? ყველაზე საინტერესო ისაა, რომ ზოგიერთ საკითხში რადიკალური ზომები სწორედაც რომ ყველაზე მომგებიანი შეიძლება აღმოჩნდეს. მაგრამ ისეთ საქმეებს, რომლებიც დროსა და დელიკატურ დამოკიდებულებას საჭიროებს, სჯობს, სათოფეზეც არ გაეკაროთ. ან წინასწარ შეეგუოთ, რომ ისინი, ასეთ შემთხვევაში, სრული კრახისთვისაა განწირული.

0