მეხანძრე-მაშველი ხანძრის ჩაქრობისას

თბილისის ერთ-ერთ სავაჭრო ცენტრში ცეცხლი გაჩნდა

88
(განახლებულია 08:53 11.01.2021)
სავაჭრო ცენტრში ხანძრის შედეგად არსებობდა ცეცხლის გავრცელების საფრთხე გვერდით მდებარე გაზგასამართ სადგურზე, თუმცა მეხანძრეების მუშაობის შედეგად ხანძრის გავრცელების თავიდან აცილება მოხდა

თბილისი, 11 იანვარი – Sputnik. მეტროსადგურ „ახმეტელის თეატრთან“ მდებარე სავაჭრო ცენტრ „ჩემპიონში“ გამთენიისას ხანძარი იყო.

ბაზრობა „ჩემპიონის" ტერიტორიაზე იყო დაკვამლიანება და შეინიშნებოდა ღია ცეცხლი.
ცეცხლი გავრცელებული იყო ორ ერთმანეთზე მჭიდროდ დაკავშირებულ შენობაზე, სადაც განთავსებული იყო სხვადასხვა დანიშნულების სასაწყობე ფართები და საამქროები.

ხანძრის ლოკალიზება დროულად მოხერხდა და ცეცხლის გავრცელების თავიდან აცილება მოხდა. 

„იყო ცეცხლის გავრცელების საფრთხე ბაზრობის სიახლოვეს არსებულ გაზგასამართ სადგურზე, თუმცა საგანგებო სიტუაციების მართვის სამსახურის თანამშრომლებმა აფეთქების საფრთხე დროულად აღკვეთეს. ასევე, მოახერხეს შენობის მნიშვნელოვანი ნაწილის გადარჩენა“, - ნათქვამია საგანგებო სიტუაციების მართვის სამსახურის განცხადებაში.

ხანძარი ამ დროისათვის ლიკვიდირებულია, მიმდინარეობს გარკვეული კერების დამუშავება. მომხდარის შედეგად არავინ დაშავებულა.

ჯერჯერობით უცნობია ხანძრის გამომწვევი მიზეზები.

88
ბაქოს პოლიცია

აზერბაიჯანმა საქართველოს ძებნილი გადმოსცა

18
(განახლებულია 10:55 16.04.2021)
აზერბაიჯანის მოქალაქე, რომელმაც ავტოავარიისას ორი  ადამიანი იმსხვერპლა, შემთხვევის ადგილიდან მიიმალა.

თბილისი, 16 აპრილი – Sputnik. აზერბაიჯანის გენერალურმა პროკურატურამ საქართველოს აზერბაიჯანის მოქალაქე გადმოსცა, რომელზე საერთაშორისო ძებნა იყო გამოცხადებული, იუწყება „Sputnik– აზერბაიჯანი“

მინსკის კონვენციის შესაბამისად, რომლის მომხრეც ბევრი ქვეყანაა, საქართველომ აზერბაიჯანს ილიას ალიევის გადმოცემა მოსთხოვა, რომელზეც საქართველოში სისხლის სამართლის საქმე იყო აღძრული.

გამოძიების მასალების თანახმად, 2018 წლის  23 მაისს ალიევმა მარნეული–ბოლნისის გზაზე ავტოსაგზაო შემთხვევა მოახდინა, რასაც ორი ადამიანი ემხსვერპლა. იგი შემთხვევის ადგილიდან მიიმალა.

რუსთავის სასამართლოს 2020 წლის 17 დეკემბრის გადაწყვეტილებით, იგი სსკ–ის 276–ე მუხლით „ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია“ დამანაშავედ ცნეს და რვა წლით თავისუფლების აღკვეთა შეუფარდეს.

გამომდინარე იქიდან, რომ იგი ქვეყანაში არ იმყოფებოდა, მასზე საერთაშორისო ძებნა გამოცხადდა. ოთხი თვის შემდეგ დამნაშავე აზერბაიჯანმა მეზობელ სახელმწიფოს გადმოსცა.

18
სასამართლო

13 წლის გოგონას გაუპატიურების საქმე: მოზარდის დედას გირაო შეეფარდა

72
ქალს გამოძიების პერიოდში და სასამართლოს მიერ საბოლოო გადაწყვეტილების გამოტანამდე ქალიშვილთან მიახლოება აეკრძალა. დანაშაულის შეუტყობინებლობის გამო 3-დან 7 წლამდე პატიმრობა ემუქრება

თბილისი, 15 აპრილი – Sputnik. გორის მუნიციპალიტეტში დედას, რომელმაც არასრულწლოვანი ქალიშვილის მიმართ ჩადენილი სექსუალური ძალადობა დამალა, 5 ათასი ლარის გირაო შეეფარდა.

13 წლის გოგონას გაუპატიურების საქმე: პროკურატურამ ბრალი მოზარდის დედას წარუდგინა >>

ქალს გამოძიების პერიოდში და სასამართლოს მიერ საბოლოო გადაწყვეტილების გამოტანამდე ქალიშვილთან მიახლოება აეკრძალა.

ტელეარხ Mtavari-ს ინფორმაციით, ბრალდებულს გირაოს თანხის შესატანად ბინის იპოთეკით დატვირთვა დასჭირდა.

მას შემდეგ, რაც გორში 13 წლის გოგონამ ბავშვი გააჩინა, ამ ფაქტით პოლიცია დაინტერესდა. მალევე დაადგინეს და დააკავეს ეჭვმიტანილი - ესაა გოგონას მამინაცვალი, 50 წლის მამაკაცი.

თავად გოგონა თავის შვილთან ერთად 18 წლამდე სახელმწიფო თავშესაფარში იცხოვრებს, როგორც ამას მოითხოვს სექსუალური ძალადობის და ტრეფიკინგის მსხვერპლთა დაცვის პროტოკოლი.

გამოძიებამ დაადგინა, რომ 2017 წლიდან 2020 წლამდე მამაკაცი არასრულწლოვანზე სისტემატურად ძალადობდა, შედეგად გოგონა დაორსულდა და ბავშვი გააჩინა.

გამოძიებამ ასევე დაადგინა, რომ გოგონას დედისთვის ცნობილი იყო სექსუალური ძალადობის შესახებ, მაგრამ მან ამის შესახებ სამართალდამცველ ორგანოებს არ შეატყობინა.

დაზარალებულის დედას ბრალი სსკ-ის 376-ე მუხლის მეორე ნაწილით წარედგინა (დანაშაულის შეუტყობინებლობა იმის მიერ, ვინც ნამდვილად იცის, რომ ჩადენილია განსაკუთრებით მძიმე დანაშაული), რაც სასჯელის სახედ სამიდან შვიდ წლამდე ვადით თავისუფლების აღკვეთას ითვალისწინებს.

მოძალადის წინააღმდეგ საქმე მიმდინარეობს სსკ-ის 11 პრიმა 137-ე მუხლის მე-4 ნაწილის „გ“ ქვეპუნქტით და 126-ე პრიმა მუხლის მე-2 ნაწილის „ა“ ქვეპუნქტით, რაც ოჯახის წევრის მიმართ, წინასწარი შეცნობით თოთხმეტი წლის ასაკს მიუღწეველი პირის გაუპატიურებას და არასრულწლოვნის მიმართ ოჯახურ ძალადობას გულისხმობს.

დანაშაული 15-დან 20 წლამდე თავისუფლების აღკვეთას ითვალისწინებს.

         

72
განცხადება მიწის გაყიდვის შესახებ

რატომ ცდება საქართველოში სასოფლო სამეურნეო დანიშნულების  მიწა - ექსპერტების მოსაზრებები

0
(განახლებულია 08:39 16.04.2021)
Sputnik საქართველო დაინტერესდა რატომ არ ხდება საქართელოში  სასოფლო სამეურნეო დანიშნულების მიწების მასიურად დამუშავება და რა უნდა გააკეთოს სახელმწიფომ ამ პრობლემის მოსაგვარებლად.

ახლახანს საკანონმდებლო ორგანოში მიწაზე კიდევ ერთი გადასახადის შემოღების იდეა გაჟღერდა. საპარლამენტო უმრავლესობის წევრს ბეჟან წაქაძეს მიაჩნია, რომ მიწის იმ მესაკუთრეებს, რომლებიც სასოფლო-სამეურნეო ნაკვეთებს  წლების განმავლობაში არ ამუშავებენ, მიწის მოცდენისთვის გარკვეული თანხა უნდა ეკისრებოდეთ. დეპუტატის აზრით, ეს არაპოპულარული, მაგრამ აუცილებელი ნაბიჯია ქვეყნის განვითარებისთვის.

ბეჟან წაქაძის ამ მოსაზრებას არ იზიარებენ ეკონომიკის ექსპერტები. სპეციალისტების განმარტებით საქართველოში დღეს მიწის გადასახადი უკვე არსებობს და მას მოსახლეობა იმის მიუხედავად იხდის, ხდება თუ არა მისი დამუშავება და ამისგან სარგებლის მიღება.

აუდიტორი ამირან კილაძე მიიჩნევს, რომ დღეს ბევრი გლეხი მიწას უსახსრობის გამო ვერ ამუშავებს და კიდევ ერთი გადასახადი მათ იძულებულს გახდის საგადასახადო დავალიანების წარმოქმნის შემთხვევაში მიწის ნაკვეთები ან კაპიკებად გაასხვისონ ან სახელმწიფოს გადასცენ.

„ხშირად ხდება, როცა სოფელში გლეხს აქვს მიწის ნაკვეთი, მაგრამ არა აქვს მისი დამუშავების ფინანსური საშუალება და კიდევ გადასახადი რომ  დაუწესო, გამოდის ბოლომდე ახრჩობ,“- აღნიშნა ამირან კილაძემ Sputnik საქართველოსთან საუბრისას.

ექსპერტოს აზრით, ასევე არის საშიშროებაც, რომ ერთი მფლობელის ხელში მიწების დიდი რაოდენობა აღმოჩნდეს.

„შექმნილ ვითარებაში ალბათ ოპტიმალური ვარიანტი იქნებოდა იურიდიული პირების და უცხოელების საკუთრებაში არსებული მიწები დაიბეგროს“, - მიაჩნია ამირან კილაძეს.

სახელმწიფომ მიწების დამუშავება გლეხებს ახალი გადასახადის შემოღებით კი არ უნდა აიძულოს, არამედ დარგი ინვესტორებისთვის მიმზიდველი უნდა გახადოს, თქვა საერთაშორისო კვლევებისა და პროგნოზების ცენტრის პრეზიდენტმა ვეფხია გიორგაძემ Sputnik საქართველოსთან საუბრისას,

„რატომ არ ხდება სასოფლო სამეურნეო მიწების დაფინანსება შიდა თუ უცხოური დანაზოგებით და რატომ არიდებენ თავს ბანკები მის დაკრედიტებას, ეს ის მთავარი კითხვებია, რომლებიც მთვარობამ უნდა დასვას“- მიაჩნია გიორგაძეს.

ეკონომისტის აზრით, სასწრაფოდ უნდა შეიქმნას პირობები იაფი და გრძელივადიანი ფულის შესაქმნელად.  ამის პარალელურად  კი უნდა დასრულდეს სასოფლო-სამეურნეო მიწის ბაზრის ფორმირება, რაც მხოლოდ ერთადერთი გზით არის შესაძლებელი-სახელმწიფოს ხელში არსებული მიწები მოსახლეობას უსასყიდლოდ  უნდა გადაეცეს 

გიორგაძის მონაცემებით,  სახელმწიფოს მფლობელობაში დღეს 1.5 მლნ ჰა მიწის ფართობია და სწორედ ეს არის იმის მიზეზი, რომ ქვეყანაში არ არის ბოლომდე ჩამოყალიბებული მიწის ბაზარი.

„საქართველოში სასოფლო სამეურნეო მიწის ბაზარი რომ არ არის ჩამოყალიბებული, ეს ცოდვა სახელმწიფოს 30 წელიწადია ადევს ზურგზე. სახელმწიფო არ თმობს მიწების 45 პროცენტს, ამიტომ ბაზარი ვერ ყალიბდება შესაბამისად ვერ გვაძლევს საბაზრო ფასს მიწაზე, არადა ფასი განაპირობებს  ამ რესურსის საინვესტიციო  მიმზიდველობას“, - თქვა ვეფხია გიორგაძემ.

რაც შეეხება მიწის ფასებს, გიორგაძის თქმით,  ის საქართველოს სხვადასხვა კუთხეში სხვადასხვაა და თანაც ბაზარზე დღეს არსებული მიწის ფასი არის რამდენჯერმე იმაზე დაბალი, ვიდრე მისი რეალური ღირებულებაა.

ეკონომიკის დოქტორის ნიკა შენგელიას აზრით, იმისათვის რომ წარმატებით შეიქმნას მიწის ბაზარი, სოფლის მეურნეობა უნდა აღორძინდეს,

„აუცილებელია, რომ სახელმწიფომ შეიმუშავოს სასოფლო სამეურნეო დანიშნულების მიწების საკუთრების შესახებ პოლიტიკა. ხელი შეუწყოს სოფლის მეურნეობის სექტორში უცხოური კომპანიების გამოცდილების და ფინანსების შემოდინებას; გააფართოვოს და გაამარტივოს შესაბამის პროექტებში მონაწილეობის მიღების პირობები და ეტაპები“- თქვა ნიკა შენგელიამ Sputnik საქართველოსთან საუბრისას.

გარდა ამისა, რეგიონებში უნდა შეიქმნას ბიზნეს- ინკუბატორები, სადაც ფერმერები კონსულტაციების გავლას და გარკვეული ცოდნის მიღებას შეძლებენ ახალი ტექნოლოგიებზე, მათი გამოყენებით მოსავლის მოყვანაზე, ასევე მიიღებენ ინფორმაციას როგორ უნდა შეადგინონ ბიზნეს გეგმა, როგორ მოუყარონ თავი პროექტში მონაწილეობისათვის საჭირო დოკუმენტაციას.

„თუმცა მთავარი ხელისშემშლელი ფაქტორი საქართველოში სოფლის მეურნეობუს განვითარებისთვის, მაინც  მაღალ პროცენტიანი კრედიტებია“ - აღნიშნა ნიკა შენგელიამ.

მისი თქმით, მიუხედავად იმისა რომ არსებიბს სხვადასხვა პროექტები სოფლის მეურნეობის განვითარებისათვის, ის ფერმერთა ძირითადი მასისათვის უცნობი და ხელმიუწვდომელია გარკვეული ბიუროკრატიული ბარიერების გამო.

საჯარო რეესტრის ეროვნული სააგენტოს  მონაცემებით 2021 წლის 30 მარტის მდგომარეობით, საქართველოში  საკუთრებაში ერთ მილიონ ჰექტარზე მეტი სასოფლო სამეურნეო დანიშნულების მიწის ნაკვეთი დარეგისტრირდა.

ნატა პატარაია

0