იძებნება ილია ფილფანი -განცხადება თბილისის ქუჩებში

შემაძრწუნებელი ზაფხული: 2020 წლის ყველაზე გახმაურებული დანაშაულები საქართველოში

331
(განახლებულია 00:04 10.01.2021)
გასული წლის ზაფხული ნერვების გამოცდად იქცა საქართველოს მოსახლეობისთვის. საზოგადოებას პრაქტიკულად ყოველკვირეულად ძრავდა შოკისმომგვრელი ინფორმაციები ახალგაზდების მკვლელობისა თუ გაუჩინარების შესახებ.

საქმეების ნაწილი უკვე გამოძიებულია და ბოლომდეა მიყვანილი, ნაწილი კი ჯერჯერობით კვლავ დაუსრულებელია.

„Sputnik საქართველო“ ყველაზე რეზონანსული საქმეების შესახებ მოგითხრობთ.

ივნისი: გიორგი შაქარაშვილი

Георгий Шакарашвили
გიორგი შაქარაშვილი

19 წლის ფეხბურთელის, გიორგი შაქარაშვილის გაუჩინარების შესახებ ინფორმაცია 19 ივნისს გავრცელდა. ქვეყანა რამდენიმე დღის განმავლობაში ადევნებდა თვალს ახალგაზრდა კაცის ძებნის საქმეს. საბოლოოდ მისი ცხედარი მდინარე არაგვში იპოვეს მაშველებმა 22 ივნისს.

ათობით ვერსიამ, 17 დაკავებულმა, მოწმეთა ცრუ ჩვენებებმა და ასობით ათასი ადამიანის მწუხარებამ და თანაგრძნობამ ეს საქმე ყველაზე რეზონანსულად აქცია 2020 წელს.

გამოძიების ვერსიით, გიორგი შაქარაშვილის მკვლელობაში არჩილ გაგნიძე, ნიკოლოზ რევაზიშვილი, ვახტანგ ჩიქოვანი და ორი არასრულწლოვანი - ზ.ხ. და ა.კ არიან დამნაშავეები. 19 ივნისს მათ სასტიკად სცემეს ახალგაზრდა ფეხბურთელი, მერე კი, როგორც ექსპერტიზამ დაადგინა, ჯერ ისევ ცოცხალი გადააგდეს მდინარეში.

სასამართლომ შაქარაშვილის საქმეზე 2020 წელს ხუთი იმ არასრულწლოვანისთვის მოასწრო განაჩენის გამოტანა, რომლებსაც ჯგუფური ძალადობის ორგანიზებასა და მასში მონაწილეობაში ედებოდათ ბრალი. მათ სხვადასხვა ვადით აღეკვეთათ თავისუფლება.
დანარჩენი ბრალდებულები ჯერ ისევ ელოდებიან განაჩენს.

ივნისი: მკვლელობა ეჭვიანობის ნიადაგზე

2020 წლის 30 ივნისს თბილისში ახალგაზრდა მამაკაცმა შეყვარებულის სასტიკად დასჯა განიზრახა. გვიან საღამოს მან ძალით გაიყვანა სახლიდან გოგონა, შემდეგ ფიზიკურად გაუსწორდა მას, ბოლოს კი ბენზინი გადაასხა და ცეცხლი წაუკიდა.

ამის შემდეგ , 23 წლის ახალგაზრდა დანაშაულის ადგილიდან მიიმალა, ხოლო 24 წლის მსხვერპლი გოგონა შოკურ მდგომარეობაში გადაიყვანეს კლინიკაში. მას სხეულის 37% ჰქონდა დამწვარი.

პოლიციამ დამნაშავე ცხელ კვალზე დააკავა კახეთში, სოფელ პატარძეულში. მას განზრახ მკვლელობის მცდელობაში ედება ბრალი. ახალგაზრდა კაცი ბრალს არ აღიარებდა და იმედიც კი ჰქონდა, რომ 20 ათასი ლარის გირაოთი გამოვიდოდა გარეთ. მაგრამ ეს არ მოხდა და ახლა ის ციხეში ელოდება განაჩენს.

რაც შეეხება დაშავებულ გოგონას, ის დღემდე გადის რეაბილიტაციის კურსს.

ივლისი: ილია ფილფანი

В Сванети пропал 13-летний Илья Пилпани
ილია ფილფანი

18 ივლისის დილით ილია ფილფანი ველოსიპედით სასეირნოდ გავიდა შინიდან და უკან აღარ დაბრუნებულა. ბოლოს ის სოფელ ლენჯერში ნახეს. ბიჭი ალმათიდან არდადეგებზე ჩამოვიდა საქართველოში და სვანეთში ნათესავებთან სტუმრობდა.

მოზარდის გაუჩინარების შესახებ საგანგებო სიტუაციების მართვის სამსახურში შეტყობინება 19 ივლისს შევიდა. მას შემდეგ ილია ფილფანი არავის უნახავს. გამოძიება აქამდე გრძელდება. მუშავდება ყველა შესაძლო ვერსია, გამოცხადებულია საერთაშორისო ძებნა.

Объявление о розыске пропавшего Ильи Пилпани
© Sputnik / Anna Anastasiadi
განცხადება ილია ფილფანის ძებნის შესახებ

ილიას მშობლებმა ჯილდოც კი დააწესეს 50 ათასი ლარი ნებისმიერი ცნობისთვის. აქამდე მიღებული არცერთი ინფორმაცია, რომლებსაც მშობლები რეგულარულად იღებდნენ, რომ ილიას მსგავსი ბიჭი შენიშნეს ქვეყნის სხვადასხვა კუთხეში, არ დადასტურებულა.

ივლისი: თამარ ბაჩალიაშვილი

კიდევ ერთი შემთხვევა, რომელმაც საქართველო შეძრა, ეს 23 წლის პროგრამისტის, თამარ ბაჩალიაშვილის სიკვდილი იყო, რომელიც ხუთდღიანი ძებნის შემდეგ გარდაცვლილი იპოვეს 22 ივლისს საკუთარ მანქანაში - თბილიდან 65 კილომეტრში, თეთრიწყაროს რაიონში.

გამოძიების პირველ დღეებში ბაჩალიაშვილის ოჯახს საკუთარი ვერსიები ჰქონდა და ყველანაირად უარყოფდა თვითმკვლელობის ვერსიას.

მედიასაშუალებებში ხშირად ჩნდებოდა სკანდალური განცხადებები, რომ თითქოს ბაჩალიაშვილმა შემთხვევით აღმოაჩინა საიდუმლო ფაილები და ამიტომ ძალოვანმა სტრუქტურებმა „მოიშორეს“. თუმცა არცერთი ვერსია არ დადასტურდა.

გამოძიების პროცესშ დაიკითხა 600 ადამიანი, ჩატარდა ათობით ექსპერტიზა, რამდენიმე საგამოძიებო ექსპერიმენტი, დამუშავდა და გაანალიზდა ასობით საათიანი ვიდეოჩანაწერები, სატელეფონო ოპერაციები, აღადგინეს და შეისწავლეს თამარის პირადი ტელეფონისა და კომპიუტერის მთელი ინფორმაცია.

გამოძიება ორი მუხლით მიმდინარეობდა: „თავისუფლების უკანონო აღკვეთა“ და „თვითმკვლელობამდე მიყვანა“. მაგრამ დეკემბრის შუა რიცხვებში საქართველოს პროკურატურამ სპეციალური ბრიფინგი გამართა, რომელზეც გამოძიების დეტალები გამოაცხადა და თამარ ბაჩალიაშვილის გარდაცვალზებაზე საქმე დახურა. დადგინდა, რომ თამარმა თავი მოიკლა.

აგვისტო: მამის ნაწამები მოზარდი

თერჯოლის მუნიციპალიტეტში 23 აგვისტოს 11 წლის მოზარდის ცხედარი აღმოაჩინეს. წინასწარი ვერსიით, ბიჭმა, რომელმაც ვერ გაუძლო მამის მხრიდან სისტემატურ აბუჩად აგდებას, თავი ჩამოიხრჩო საკუთარ ეზოში მდგარ ხეზე.

პოლიციამ მამაკაცი მაშინვე დააკავა. რამდენიმე კვირის შემდეგ გამოძიებამ შოკისმომგვრელი დასკვნა გამოიტანა: მამა არაადამიანურად ეპყრობოდა შვილს.

ნასვამი კაცი სცემდა ბავშვს, ემუქრებოდა სახლისა და მისი საყვარელი ნივთების დაწვით. გარდა ამისა, ის ასევე ემუქრებოდა ცოლსაც, რომელიც ათიოდე წლის წინ წავიდა უცხოეთში სამუშაოდ, რათა ოჯახი ერჩინა. მამაკაცი გამუდმებით მოითხოვდა ცოლისგან სულ უფრო და უფრო მეტ ფულს და ქალს შვილის მოკვლით ემუქრებოდა.

მამაკაცს სამი მუხლით წარედგინა ბრალდება: „თვითმკვლელობამდე მიყვანა“, „სისტემატიური ძალადობა და ოჯახის წევრის დამცირება არასრულწლოვანის თანდასწრებით“ და „არასრულწლოვანის მიმართ არაადამიანური მოპყრობა“.

სასამართლომ აღკვეთის ღონისძიების სახით ბრალდებულს პატიმრობა შეუფარდა. საქმეზე მოსმენები 2021 წელს გაგრძელდება.

აგვისტო: კლუბ „ბაუჰაუსიდან“ მტკვარში

15 აგვისტოს ბარ „ბაუჰაუსის“ Facebook-გვერდზე გამოქვეყნდა პუბლიკაცია ორი ახალგაზრდა თანამშრომლის გაუჩინარების შესახებ. პოლიცია და მაშველები ორი დღე ეძებდნენ დაკარგულებს.

გიორგი შალამბერიძე და ბაია ბერუაშვილი 15 აგვისტოს დილით გაუჩინარდნენ. მათ გამთენიისას დაასრულეს მუშაობა და ერთად გავიდნენ ბარიდან ისე, რომ პირადი ნივთები - ჩანთა, მობილური ტელეფონი და საფულე არ წაუღიათ.

ბოლოს ახალგაზრდები იუსტიციის სახლის მახლობლად შენიშნეს.

მათი დაკარგვის შესახებ შეტყობინება შინაგან საქმეთა სამინისტრომ იმავე საღამოს მიიღო.

17 აგვისტოს მყვინთავებმა მდინარე მტკვარში, სწორედ იუსტიციის სახლის მახლობლად იპოვეს ჯერ გიორგი შალამბერიძის ცხედარი, შემდეგ კი ბაია ბერუაშვილისაც. თავიდან გამოძიება „თავისუფლების არაკანონიერი აღკვეთის“ მუხლით დაიწყო, თუმცა საქმე მალევე დაიხურა. გამოძიებით დადგინდა, რომ ახალგაზრდებმა სიცოცხლე თვითმკვლელობით დაასრულეს.

331
თემები:
კრიმინალი საქართველოში (1243)
პატიმარი

კასპში მძევლების აყვანა: ყოფილმა პოლიციელმა შიმშილობა დაიწყო

79
ყოფილი პოლიციელი ახლა გორის წინასწარი დაკავების იზოლატორშია. მისი ადვოკატის თქმით, ის შიმშილობს, არ იღებს საკვებს და უარს ამბობს მედიკამენტებზეც.  

თბილისი, 17 იანვარი - Sputnik. კასპში ორი პირის მძევლად აყვანის ფაქტზე დაკავებულ 27 წლის გიორგი მენაბდიშვილს ბრალი რამდენიმე საათში უნდა წაუყენონ, იუწყება ტელეკომპანია რუსთავი 2.

შაბათს დილით შეიარაღებული პირი ქვის საამქროში შეიჭრა და ორი პირი მძევლად აიყვანა. დაკავებული შსს-ს ყოფილი თანამშრომელია, რომელმაც უწყება 2018 წელს პირადი განცხადების საფუძველზე დატოვა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილს პარტნიორები საკუთარი 10 პროცენტიანი წილის დათმობას სთხოვდნენ. მათი თქმით, იყო მუქარაც, ქურდული სამყაროს წევრების ჩართვით.

ბიზნეს წილების გაყოფასთან დაკავშირებულ ვერსიას კატეგორიულად უარყოფს ქვის სამტეხლოს მეპატრონე. ის ირწმუნება, რომ საწარმო მისი საკუთრებაა და წილი სხვა პირს, მათ შორის არც დაკავებულს არ ჰქონია.

თავად ახალგაზრდა მამაკაცი, რომელსაც 6 საათის განმავლობაში საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა, დუმილის უფლებას იყენებს.

ყოფილი პოლიციელი ამჟამად გორის წინასწარი დაკავების იზოლატორშია. მისი ადვოკატის, ქეთევან გაგლოშვილის თქმით, ის შიმშილობს, არ იღებს საკვებს და უარს ამბობს მედიკამენტებზეც.  

ქვის სამტეხლოში კი საგამოძიებო მოქმედებები გრძელდება. პოლიციამ საწარმოს თანამშრომლები უკვე დაკითხა.

გამოძიება სსკ-ის 144-ე მუხლით მიმდინარეობს, რაც სიცოცხლისთვის საშიში მუქარით ორი ან მეტი პირის მძევლად ხელში ჩაგდებას გულისხმობს.

79
საპატრულო პოლიცია

პანკისის ხეობაში ახალგაზრდა მამაკაცი მოკლეს

126
(განახლებულია 20:15 17.01.2021)
ადგილობრივების ცნობით, მოკლული მამაკაციც და მისი სავარაუდო მკვლელიც მეზობლები იყვნენ. მკვლელობას წინ თანასოფლელებს შორის ურთიერთშელაპარაკება უძღოდა

თბილისი, 17 იანვარი – Sputnik. ახმეტის მუნიციპალიტეტის სოფელ დუისში მამაკაცმა თანასოფლელი მოკლა. იუწყება პირველი არხი.

მკვლელობა პანკისის ხეობაში დღეს მოდა. მოკლული 40 წლამდე მამაკაცაია.

მკვლელობას წინ მამაკაცებს შორის ურთიერთშელაპარაკება უძღოდა. სავარაუდო დამნაშავის დაკავების შესახებ ინფორმაცია არ ვრცელდება.

გავრცელებული ინფორმაციით, მოკლული და სავარაუდო დამნაშავე მეზობლები და ახლობლები იყვნენ. ადგილობრივები მათ შორის რაიმე უთანხმოებას ვერ იხსენებენ.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს და ისჯება თავისუფლების აღკვეთით ვადით 7-დან 15 წლამდე.

შემთხვევის ადგილზე მობილიზებული არიან სამართალდამცველები, ტარდება საგამოძიებო ღონისძიებები.

126
გენო პეტრიაშვილი

ქართველი მოჭიდავეების ტრიუმფი საფრანგეთის ტურნირზე

0
(განახლებულია 12:05 18.01.2021)
ქართველმა სპორტსმენებმა სულ 12 მედალი აიღეს. ყველაზე დიდ წარმატებას თავისუფალი სტილით მოჭიდავეებმა მიაღწიეს – მათ ანგარიშზე ცხრა მედალია

თბილისი, 18 იანვარი – Sputnik. საფრანგეთის ტურნირი ქართველი მოჭიდავეების ტრიუმფით დასრულდა. ანრი დელანეს სახელობის გრან–პრიზე ჩვენმა თავისუფალი და ბერძნულ–რომაული სტილით მოჭიდავეებმა 12 მედალი მოიპოვეს.

განსაკუთრებით გამოიჩინეს თავი თავისუფალი სტილით მოჭიდავეებმა. მათ ანგარიშზე ცხრა მედალია – ოთხი ოქრო, ორი ვერცხლი და სამი ბრინჯაო. აქვე უნდა აღინიშნოს, რომ შეჯიბრებაში 10 ქართველი სპორტსმენი მონაწილეობდა.

უმაღლეს კვარცხლბეკზე ავიდნენ ბექა ლომთაძე (–61), ზურაბ იაკობაშვილი (–70), ნიკა კენჭაძე (–79) და გენო პეტრიაშვილი (+125).

რაც შეეხება ბერძნულ–რომაული სტილით მოჭიდავეებს, აქ ქართველების „მოსავალი“ ნაკლები იყო – სულ სამი მედალი მიიღეს. გრან–პრის ჩემპიონი გახდა გიორგი მელია (–97), ხოლო გურამ ხეცურიანმა (–87) და სულხან ბუაძემ (+130) ბრინჯაოს მედლები მოიპოვეს.

0
თემები:
სპორტის ამბები