ტყის ხანძრები დასავლეთ საქართველოში

ხანძრის კერები საქართველოში: რა ვითარებაა ქვეყანაში

86
(განახლებულია 20:29 07.01.2021)
ქვეყნის მასშტაბით ტყისა და მინდვრის ხანძრების ქრობის სამუშაოებში 700-ზე მეტი მეხანძრე-მაშველია ჩართული. ასევე მობილიზებულია სახანძრო-სამაშველო ტექნიკა და ვერტმფრენები.

თბილისი, 7 იანვარი – Sputnik. ქვეყნის მასშტაბით ამ დროისათვის ხანძრის რვა კერაა დარჩენილი, საიდანაც ერთი ლოკალიზებულია. ხანძრების შედეგად არავინ დაშავებულა, იუწყება საგანგებო სიტუაციების მართვის სამსახური.

უწყების ცნობით, ამჟამად საქართველოს მასშტაბით ტყისა და მინდვრის ხანძრებს ორი ვერტმფრენი, 70-ზე მეტი ერთეული სახანძრო-სამაშველო ტექნიკა და 700-ზე მეტი მეხანძრე-მაშველი ებრძვის.

„შინაგან საქმეთა სამინისტროს საგანგებო სიტუაციების მართვის სამსახური 24-საათიან რეჟიმში განაგრძობს ცეცხლის ქრობის სამუშაოებს. ბოლო სამი დღის განმავლობაში ტყესა და მინდვრებზე ხანძრის 250 კერა დაფიქსირდა, მათგან 242 ლიკვიდირებულია“, – აღნიშნულია გავრცელებულ ინფორმაციაში.

დღის განმავლობაში რაჭასა და შიდა ქართლში მეხანძრე-მაშველებთან ერთად სასაზღვრო პოლიციის ორმა ვერტმფრენმა იმუშავა. ვერტმფრენებმა ამ ეტაპზე დროებით მუშაობა შეაჩერეს.

ვერტმფრენის მუშაობის შემდეგ ვითარება დასტაბილურდა შიდა ქართლში, რკონის ხეობაში. უწყების ინფორმაციით, ახლა სიტუაცია კონტროლს ექვემდებარება.

ხანძარი ლოკალიზებულია რაჭა-ლეჩხუმის სოფელ ჩქუმში. ონჭევი-წოლასა და ლაილაშში სიტუაცია კონტროლს ექვემდებარება.

ხანძარი ლიკვიდირებულია იმერეთის სოფლებში ზარათსა და ძეძილეთში. ხოლო სოფელ ნადაბურსა და ნავარძეთში ქრობის სამუშაოები გრძელდება. ორივე ლოკაციაზე მობილიზებული არიან მეხანძრე-მაშველები და მიმდინარეობს ქრობის სამუშაოები.

რაც შეეხება აჭარას, ქედაში, სოფელ ბზუბზუში უწყვეტი სამუშაოების შედეგად ხანძარი ლიკვიდირებულია. როგორც საგანგებო სიტუაციების მართვის სამსახურში აცხადებენ, ადგილზე დარჩენილია რამდენიმე მცირე კერა და მათი დამუშავება მიმდინარეობს.

რა ხდება რაჭა-ლეჩხუმში: ხანძრის ქრობაში ავიაცია ჩაერთო >>

სამეგრელოში ხანძრის ქრობის სამუშაოები დასრულებულია მარტვილის მუნიციპალიტეტის სოფლებში ჯაღირაში, წყემსა და ბალდაში. ხანძარი ლოკალიზებულია სოფელ მუჟავაში, ხოლო წალენჯიხის სოფლებში - სქურში, ნაფიჩხოვოსა და ტალერში ლოკალიზაციის სამუშაოები კვლავ გრძელდება. 

შინაგან საქმეთა სამინისტროს საგანგებო სიტუაციების მართვის სამსახური მოსახლეობას მოუწოდებს, თავი შეიკავონ მინდვრებში და სახნავ მიწებზე ბალახის დაწვისგან.

მინდორში და სახნავ მიწებზე ბალახის დაწვამ შეიძლება გამოიწვიოს ხანძრის გავრცელება როგორც საცხოვრებელ სახლებზე, ასევე ტყის მასივებზე.

86
ხეობა ზამთარში

მაშველებმა დუშეთში 80 მეტრიან ხევში გადავარდნილი 21 წლის ბიჭი გადაარჩინეს

51
დაშავებული მამაკაცი ამ დროისთვის სტაციონარშია მოთავსებული, სადაც შესაბამისი სამედიცინო დახმარება უტარდება.

თბილისი, 24 იანვარი – Sputnik. დუშეთის მუნიციპალიტეტის სოფელ ჭიჩოში სამართალდამცველებმა ხევში გადავარდნილი მამაკაცი გადაარჩინეს, იუწყება ტელეკომპანია „იმედი“.

გავრცელებული ინფორმაციით, 21 წლის მამაკაცი სახლიდან გავიდა და უკან არ დაბრუნებულა. ოჯახი ვერ ახერხებდა მასთან ტელეფონით დაკავშირებას, რის შემდეგაც დასახმარებლად სამართალდამცველებს მიმართეს.

სახანძრო-სამაშველო ჯგუფები დაკარგულს სოფლების დამაკავშირებელ გზებზე ეძებდნენ, თუმცა სამაშველო სამუშაოებს  რთული რელიეფი და დიდთოვლობა აფერხებდა. ტერიტორიაზე გადაადგილება ტრანსპორტის საშუალებით შეუძლებელი იყო, ამიტომ მეხანძრე-მაშველები პოლიციის თანამშრომლებთან ერთად, ოპერაციას ქვეითად ახორციელებდნენ.

მაშველებმა დაკარგული მამაკაცი 80 მეტრის სიღრმის ხევში გადავარდნილი იპოვეს. ის უგონო მდგომარეობაში იმყოფებოდა, თუმცა აღენიშნებოდა სასიცოცხლო ნიშნები.

მეხანძრე-მაშველებმა ახალგაზრდა მამაკაცი ხევიდან ამოიყვანეს და სამანქანო გზამდე, დაახლოებით 3 კილომეტრის მანძილზე საკაცის საშუალებით გამოიყვანეს.

ამ დროისთვის დაშავებული სტაციონარშია მოთავსებული და შესაბამისი მკურნალობის კურსს გადის.

51
საპატრულო პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

23
შექმნილი ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს.

თბილისი, 24 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 764 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

პოლიციამ იზოლაციისა და კარანტინის წესის დარღვევისთვის 100 პირი დააჯარიმა.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე  664  ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

23
ლევან გიგინეიშვილი

ლევან გიგინეიშვილი: რაც უფრო მეტი გაქვს, მით უფრო ნაკლებად ხარ...

0
(განახლებულია 20:24 23.01.2021)
ლევან გიგინეიშვილი საუბრობს ისეთ თემაზე, როგორიცაა სოციუმში შეჭრილი ინფექცია - სიხარბის კულტზე, რომელსაც ადამიანი მსხვერპლად სწირავს ადამიანობას.
ლევან გიგინეიშვილი: რაც უფრო მეტი გაქვს, მით უფრო ნაკლებად ხარ...
„თუკი ადამიანებს გვინდა ერთმანეთი ჩავძიროთ, ეს ნიშნავს იმას, რომ ჩვენ ადამიანური ბუნებისგან გადავუხვიეთ. ერთმანეთის მიმართ კეთილგანწყობილები უნდა ვიყოთ. ჩვენი ბუნების მთავარი ასპექტი კეთილგანწყობაა, მაგრამ სოციუმმა დაგვამახინჯა, ამიტომ ჩვენ სოციუმი უნდა გამოვასწოროთ, სოციუმი, რომელშიც ძალიან დიდი ინფექციაა შეჭრილი“, - აცხადებს ლევან გიგინეიშვილი.

ფილოსოფოსი ლევან გიგინეიშვილი განმარტავს: ქრისტიანულ კულტურაში ადრე ბევრი რამ იყო ისეთი, რაც ფულზე დამოკიდებული არ იყო. მაგალითად, პაჟი ბატონს ერთგულების ძალით და არა ფულის გამო ემსახურებოდა, ექიმი პაციენტს კურნავდა არა ფულისთვის, არამედ იმიტომ, რომ ჰიპოკრატეს ფიცი ჰქონდა დადებული და მისი ღვთიური მოვალეობა იყო, რომ პაციენტს დახმარებოდა. 

 

0