ხანძრის ქრობა

ერთ დღე-ღამეში საქართველოში 100 ხანძარი ჩააქრეს

129
(განახლებულია 21:09 05.01.2021)
უმეტეს შემთხვევებში ეკალბარდები და მინდვრები, ასევე ტყის ქვედა საფარი იწვოდა. სამაშველო სამუშაოების შედეგად არავინ დაშავებულა.

თბილისი, 5 იანვარი – Sputnik. საქართველოში ბოლო 24 საათში მეხანძრეებმა ტყეებსა და მინდვრებში 100 ხანძარი ჩააქრეს, ნათქვამია შსს-ს საგანგებო სიტუაციების მართვის სამსახურის განცხადებაში.

სადღეღამისო რეჟიმში 500-ზე მეტმა მეხანძრემ აქტიური 105 ხანძრიდან სრულად 100 ხანძრის ჩაქრობა მოახერხა. ცეცხლის ხუთი კერის ლიკვიდაციისთვის აქტიური სამუშაოები მიმდინარეობს.

უწყების ცნობით, ამ დროისათვის სამეგრელოში ცეცხლის 77-დან 74 კერაა ლიკვიდირებული, სამგან ლიკვიდაციის სამუშაოები გრძელდება.

რაჭაში ლიკვიდირებულია ორიდან ერთი კერა, მეორეზე ქრობის სამუშაოები მიმდინარეობს.

აჭარაში ერთ კერაზე ცეცხლის ლოკალიზაციის სამუშაოები მიმდინარეობს, იმერეთში ჩამქრალია 18-ვე ხანძარი, ასევე ლიკვიდირებულია შვიდი ხანძრის კერა გურიაში.

„კერების უმრავლესობაზე ცეცხლი ეკიდა ეკალბარდებს და მინდორს. ასევე დაფიქსირდა ტყის ქვედა საფარის ხანძარიც. ამ დროისათვის აღნიშნული ხანძრების შედეგად არავინ დაშავებულა“, – ნათქვამია უწყების განცხადებაში.

ონის რაიონში ხანძარია>>

განცხადებაში ასევე აღნიშნულია, რომ ძლიერი ქარის გამო რამდენიმე ლოკაციაზე ხანძრის მინდვრიდან საცხოვრებელ სახლზე ან ტყის მასივზე გადადების საშიშროება იყო, თუმცა მეხანძრე-მაშველებმა საფრთხის თავიდან არიდება შეძლეს.

129
თემები:
შემთხვევები საქართველოში (2029)
საპატრულო პოლიცია

თბილისის ზღვაზე მამაკაცი მოკლეს: დაკავებულია ერთი პირი

37
ბრალდებულმა მამაკაცს სასიკვდილო ჭრილობა ცივი იარაღით მიაყენა და შემთხვევის ადგილიდან მიიმალა. დაპირისპირებას წინ უძღოდა შელაპარაკება.

თბილისი, 15 იანვარი - Sputnik. თბილისში განზრახ მკვლელობის ბრალდებით 42 წლის მამაკაცი ცხელ კვალზე დააკავეს. იუწყება შინაგან საქმეთა სამინისტრო.

გამოძიებით დადგინდა, რომ ალკოჰოლური თრობის მდგომარეობაში მყოფმა ბრალდებულმა თბილისის ზღვის მიმდებარედ არსებულ ერთ-ერთ საცხოვრებელ ვაგონში ურთიერთშელაპარაკების ნიადაგზე 38 წლის მამაკაცს ცივი იარაღით სხეულზე ჭრილობა მიაყენა და დანაშაულის ადგილიდან მიიმალა. დაჭრილი შემთხვევის ადგილზე გარდაიცვალა.

სამართალდამცველებმა ცივი იარაღი ნივთმტკიცებად ამოიღეს, ხოლო ბრალდებული მომხდარიდან რამდენიმე საათში დააკავეს.

გამოძიება განზრახ მკვლელობის ფაქტზე, საქართველოს სსკ-ის 108-ე მუხლით მიმდინარეობს. აღნიშნული დანაშაული 7-დან 15 წლამდე ვადით თავისუფლების აღკვეთას ითვალისწინებს.

37
გაზქურა

გლდანში 3 ათასზე მეტ აბონენტს გაზმომარაგება ავარიულად შეუწყდა

39
გლდანის რაიონში ავტომობილის შეჯახების შედეგად გაზსადენი დაზიანდა. გაზმომარაგება 20:00 საათამდე სრულად აღდგება.

თბილისი, 15 იანვარი - Sputnik. თბილისში, გლდანის რაიონში 3 250 აბონენტს გაზის მიწოდება ავარიულად შეუწყდა. ინფორმაციას გაზგამანაწილებელი კომპანია „თბილისი ენერჯი“ ავრცელებს.

კომპანიის ცნობით, გლდანის რაიონში ავტომობილის შეჯახების შედეგად საშუალო წნევის გაზსადენი დაზიანდა.

ავარიის შედეგად გაზის მიწოდება ძირითადად გლდანის გლდანის პირველ, მეორე და „ა“ მიკრორაიონების მცხოვრებლებს შეუწყდათ. კომპანია აქვეყნებს ყველა იმ მისამართს, სადაც გაზმომარაგებაა შეწყვეტილი.

კომპანიის მიერ გავრცელებულ ინფორმაციაში აღნიშნულია, რომ გაზმომარაგების აღდგენა დაიწყება 16:00 სთ-დან და 20:00 სთ-მდე დასრულდება.

39
ფოთის პორტი

ფოთში სატვირთო მანქანების მძღოლებმა საპროტესტო აქცია გამართეს

0
მძღოლები სანაოსნო კომპანიებისგან ტარიფის გაზრდას ითხოვენ, წინააღმდეგ შემთხვევაში საქონელს აღარ გადმოტვირთავენ და აქციებს გააგრძელებენ

თბილისი, 15 იანვარი - Sputnik. სატვირთო მანქანების მძღოლებმა ფოთში შეკვეთილი რეისების ტარიფების გაზრდის მოთხოვნით აქცია გამართეს.

მომიტინგეების თქმით, ტარიფები პანდემიის გამო ძალიან დაბალია, რაც მათ მუშაობას ურთულებს. როგორც მძღოლები ამბობენ, მათ ოჯახები ჰყავთ შესანახი და საბანკო ვალდებულებები აქვთ გასასტუმრებელი. მძღოლები სანაოსნო კომპანიებისგან ტარიფების გაზრდას ითხოვენ, წინააღმდეგ შემთხვევაში, საქონლის გადმოტვირთვაზე უარს აცხადებენ.

„ტარიფები ძალიან დაბალია, ხელოვნურადაა დაწეული. ჩვენი მოთხოვნაა ტარიფების გაზრდა. აზერბაიჯანში საწვავის ფასი გაიზარდა, საქართველოშიც კვლავ გაიზრდება და საერთოდ აღარ ღირს მუშაობა, არაფერი გვრჩება. ჩვენ ვერ ვინახავთ მანქანებს, ვერ ვინახავთ ოჯახებს, კრედიტები გვაქვს, ბანკები სახლებს გვართმევენ. თუ ჩვენი მოთხოვნა არ დაკმაყოფილდება, საქონელს აღარ გადმოვტვირთავთ, არ გადავზიდავთ, ტრანსპორტი გაჩერდება“, - განაცხადეს აქციის მონაწილეებმა ტელეარხ „იმედის“ ეთერში.

მოთხოვნების შეუსრულებლობის შემთხვევაში მძღოლები პერმანენტულ აქციებს არ გამორიცხავენ.

 

 

0