ხანძრის ქრობა

ონის რაიონში ხანძარია

47
(განახლებულია 19:05 05.01.2021)
ხანძარი რაჭაში გუშინ გაჩნდა. ამ დროისათვის ადგილზე მობილიზებულია 45 მეხანძრე-მაშველი. ცეცხლი, პირველადი შეფასებით, 4 ჰექტარზე მეტ ფართობზეა გავრცელებული.

თბილისი, 5 იანვარი – Sputnik. რაჭაში, ონის მუნიციპალიტეტში გუშინ გაჩენილ ხანძარს მეხანძრე-მაშველები ამ დრომდე აქრობენ, იუწყება ონის მუნიციპალიტეტის მერია.

უწყების ცნობით, ამ ეტაპზე ხანძრის სალიკვიდაციო სამუშაოები მიმდინარეობს. ადგილზე მობილიზებულია 45 მეხანძრე-მაშველი. ხანძრის გავრცელების არეალი, პირველადი შეფასებით, 4 ჰექტარზე მეტია.

სოფელ ონჭევის მიმდებარედ გაჩენილი ხანძრის კერების ლოკალიზება მეხანძრეებმა გუშინ საღამოსვე მოახერხეს, თუმცა ძლიერი ქარის გამო დღეს, გამთენიისას სოფელ წოლის მიმდებარედ უკვე ახალი კერები გაჩნდა.

მერიის ინფორმაციით, ადგილზე იმყოფებიან რეგიონისა და ონის მუნიციპალიტეტის ხელმძღვანელი პირები.

მეხანძრე-მაშველები ხანძარს რაჭის გარდა საქართველოს კიდევ ერთ რეგიონში - სამეგრელოში ებრძვიან. ამ ეტაპზე 40 აქტიური მინდვრის ხანძრიდან უმეტესობა – 28 კერა ლიკვიდირებულია, ლოკალიზებულია ორი. ამ დროისათვის დარჩენილია 10 კერა, რომლებზეც მეხანძრე-მაშველები აგრძელებენ სალიკვიდაციო სამუშაოებს.

47
თემები:
შემთხვევები საქართველოში (2038)
თბილისის მერია

ჩუღურეთის გამგებლის მოადგილეს პატიმრობა შეეფარდა

22
(განახლებულია 09:51 27.01.2021)
საჯარო მოხელე ერთ-ერთ კომპანიას სისტემატურად უქმნიდა პრობლემებს და მის მიერ შესრულებული სამუშაოების დროულად ჩაბარებაში ხელს უშლიდა.

თბილისი, 27 იანვარი – Sputnik. თბილისის საქალაქო სასამართლომ ჩუღურეთის რაიონის გამგებლის მოადგილე ლადო გოგსაძეს, რომელიც სამსახურებრივი უფლებამოსილების გადამეტების ფაქტზეა დაკავებული, აღკვეთის ღონისძიებად პატიმრობა შეუფარდა, იუწყება პირველი არხი.

მოსამართლე ზვიად შარაძემ ბრალდების მხარის პოზიცია სრულად გაიზიარა, მიუხედავად იმისა, რომ დაცვის მხარე გოგსაძისთვის გირაოს მოითხოვდა.

გოგსაძის დაკავების შესახებ ორშაბათს გახდა ცნობილი.

გამოძიების ვერსიით, საჯარო მოხელემ, როგორც სატენდერო კომისიის მუშაობაზე პასუხისმგებელმა პირმა, რაიონში მდებარე ერთ-ერთი კორპუსის გამაგრებაზე 2020 წლის 30 აპრილისთვის გამოცხადებული ტენდერის დროს,29 აპრილს ტენდერში მონაწილე ერთ-ერთი შპს-ს წარმომადგენელი დაიბარა და განუცხადა, რომ ხსენებული ტენდერი უნდა მოეგო მისთვის სასურველ კომპანიას და აქედან გამომდინარე შესყიდვაში არ მიეღო მონაწილეობა, წინააღმდეგ შემთხვევაში კი დაემუქრა სამუშაოების წარმოებისას პრობლემების შექმნით.

სანაცვლოდ, სამსახურებრივი უფლებამოსილების დარღვევით, შესთავაზა სამომავლოდ გამოსაცხადებელი ტენდერების პირობების მასზე მორგება.

საქართველო მსოფლიოში პირველია ბიზნეს-ურთიერთობებში კორუფციისგან თავისუფლების კუთხით >>

გამოძიებამ დაადგინა, რომ კომპანიამ მაინც მიიღო მონაწილეობა ტენდერში და მოიგო ის, რადგან ყველაზე დაბალი ფასი შესთავაზა. ამ ფაქტით უკმაყოფილო ჩინოვნიკმა კომპანიისთვის პრობლემების შექმნა დაიწყო და მის მიერ შესრულებული სამუშაოების დროულად ჩაბარებაში ხელს უშლიდა. საქმე იქამდე მივიდა, რომ საბოლოოდ კომპანიას პრობლემები შეექმნა და მასთან კონტრაქტი გაწყვიტეს, ხოლო კორპუსის მცხოვრებლები ავარიულ შენობაში ცხოვრებას აგრძელებდნენ.

22
დაკავება

ფოთში შსს-ს თანამშრომელი დააკავეს

77
ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს, მას სამ წლამდე პატიმრობა ემუქრება

თბილისი, 26 იანვარი – Sputnik. ფოთში უფლებამოსილების ბოროტად გამოყენების ბრალდებით ინსპექტორ-გამომძიებელი დააკავეს, იუწყება შსს-ს პრესსამსახური.

უწყების ინფორმაციით, ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს.

სისხლის სამართლის საქმე აღიძრა „სამსახურეობრივი უფლებამოსილების ბოროტად გამოყენების“ ფაქტზე სსკ-ის 332-ე მუხლის პირველი ნაწილით, რაც სამ წლამდე თავისუფლების აღკვეთას ითვალისწინებს.

77
სასწრაფო სამედიცინო დახმარება

კოვიდ-სტატისტიკა საქართველოში: ბოლო დღე-ღამის მონაცემები

0
(განახლებულია 11:22 27.01.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია

თბილისი, 27 იანვარი – Sputnik. საქართველოში ბოლო 24 საათში გამოვლენილი კორონავირუსის 742 შემთხვევიდან ყველაზე მეტი – 340 შემთხვევა დედაქალაქში დაფიქსირდა, განაცხადა უწყებათშორის საკოორდინაციო საბჭოსთან არსებული ოპერაციული შტაბის უფროსის მოადგილემ ბერდია სიჭინავამ ბრიფინგზე.

ინფიცირებულთა შემთხვევების რაოდენობით მეორე ადგილზე იმერეთი, შემდეგ კი კახეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია: იმერეთი - 89, კახეთი - 75, სამეგრელო-ზემო სვანეთი - 70, შიდა ქართლი - 49, აჭარა - 33, ქვემო ქართლი - 31, გურია - 21, მცხეთა-მთიანეთი - 20, სამცხე-ჯავახეთი -12, რაჭა-ლეჩხუმი და ქვემო სვანეთი - 2.

ბოლო 24 საათში ვირუსისგან გამოჯანმრთელდა 1.081 პირი და ჯამში გამოჯანმრთელებულთა რაოდენობა 245.527-მდე გაიზარდა.

ბოლო დღე-ღამის განმავლობში გარდაიცვალა 12 ადამიანი და გარდაცვლილთა საერთო რაოდენობამ 3.108-ს მიაღწია.

ამ დროის მონაცემებით, საქართველოში 6.903 აქტიური შემთხვევაა. კოვიდ-კლინიკებში მოთავსებულია 2.842 პაციენტი, მათ შორის, თბილისის საავადმყოფოებში - 1.395, იმერეთში - 564, აჭარაში - 214.

670 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 177 პირი. აქედან თბილისში - 134, იმერეთში - 20, აჭარაში- 1.

კოვიდ-სასტუმროში მოთავსებულია 347 ადამიანი. მათ შორის 174 - თბილისში, 121 - აჭარაში, 15 - იმერეთში, ხოლო 3.714 პირი მკურნალობს ბინაზე.

დღევანდელი მდგომარეობით, საკარანტინო სივრცეში იმყოფება 497 ადამიანი, მათ შორის, თბილისში - 204, აჭარაში - 90, ხოლო იმერეთში - 9.

თვითიზოლაციაში იმყოფება 17.915 ადამიანი, მათ შორის თბილისში - 11.231 პირი, იმერეთში - 1.689, აჭარაში - 887.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

0
თემები:
კორონავირუსი საქართველოში: ბოლო ცნობები