საპროტესტო აქციის მონაწილე და პოლიციელები

თელავში პოლიციასა და აქტივისტებს შორის დაპირისპირება მოხდა: დაკავებულია ერთი პირი

537
აქციის მონაწილეები პირველ იანვარს მომხდარი ინცინდენტის დროულ გამოძიებას და დამნაშავეთა დასჯა მოითხოვენ

თბილისი, 2 იანვარი — Sputnik. თელავის პოლიციის შენობასთან სამოქალაქო აქტივისტებმა, რომლებიც წინა დღით თეატრის წინ მომხდარ ინციდენტს აპროტესტებდნენ, კარვების გაშლა სცადეს, თუმცა სამართალდამცველებმა მათ ამის საშუალება არ მისცეს, იუწყება ტელეკომპანია „იმედი“.

როგორც აქტივისტები აცხადებენ, 1 იანვარს, თელავის თეატრის წინ გაშლილ კარავში ორი პირი ავტომანქანით შეღწევას შეეცადა, რა დროსაც კარავი დაზიანდა და აქტივისტების სიცოცხლე საფრთხის წინაშე დადგა.

დღევანდელ აქციაზე აქტივისტები წინ დღით მომხდარი ინციდენტისთვის ტერაქტის კვალიფიკაციის მინიჭებასა და ფაქტის დროულად გამოძიებას მოითხოვდნენ. მათ მცდელობას პოლიციასთან ფიზიკური და სიტყვიერი დაპირისპირება მოჰყვა, რის შემდეგაც სამართალდამცველებმა მოძრაობა „საქართველოს" წევრი გივი ცინცაძე დააკავეს.

ამ დროისთვის ადგილზე ვითარება უკვე განმუხტულია.

სამოქალაქო აქტივისტები თელავში თვეზე მეტია, კარავში ათენებენ ღამეს და ვადამდელი საპარლამენტო არჩევნების ჩატარებას მოითხოვენ.

537
მოსამართლის ჩაქუჩი

კასპში მძევლების აყვანაში ბრალდებულს პატიმრობა შეეფარდა

64
გიორგი მენაბდიშვილის საზოგადოებრივი დამცველი გორის სასამართლოს გადაწყვეტილების გასაჩივრებას აპირებს.

თბილისი, 18 იანვარი – Sputnik. გორის რაიონული სასამართლოს მოსამართლემ კასპში მძევლების აყვანისას ბრალდებულ გიორგი მენაბდიშვილს აღკვეთის ღონისძიების სახით პატიმრობა შეუფარდა.

დაკავებულის ინტერესებს საზოგადოებრივი დამცველი იცავს. მენაბდიშვილი დუმილის უფლებით სარგებლობს და ბრალს არ აღიარებს.

„ჩემი დაცვის ქვეშ მყოფი ბრალს არ აღიარებს. მოსამართლემ დააკმაყოფილა ბრალდების მხარის შუამდგომლობა და გამოიყენა პატიმრობა. დაცვის მხარე გავასაჩივრებთ მოსამართლის განჩინებას“, – აცხადებს დაკავებულის ადვოკატი ქეთევან გაგლოევა.

მენაბდიშვილს დღეს ოფიციალურად წაუყენეს ბრალი სსკ–ის 144–ე მუხლის მეორე ნაწილით სიცოცხლისა და ჯანმრთელობისთვის საშიში ძალადობის გამოყენების მუქარით ორი პირის მძევლად ხელში ჩაგდების ფაქტზე.

გიორგი მენაბდიშვილის ქცევასთან დაკავშირებით, კერძოდ, რამდენად შეეძლო მას თავისი მოქმედებების გაცნობიერება დანაშაულის ჩადენის დროს, სასამართლო–ფსიქიატრიული ექსპერტიზა დაინიშნა.

ბრალდებულის ადვოკატის ქეთევან გაგლოევას თქმით, მისი დაცვის ქვეშ მყოფი ძალზე მძიმე ემოციურ მდგომარეობაშია, გამოაცხადა მშრალი შიმშილობა და უარს ამბობს სამედიცინო დახმარებაზე.

შაბათ დილით 27 წლის გიორგი მენაბდიშვილი, ყოფილი პოლიციელი ქვის საამქროში შეიჭრა, რომლის წილსაც თვითონაც ფლობდა, და ორი პირი მძევლად აიყვანა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილს პარტნიორები საკუთარი 10 პროცენტიანი წილის დათმობას სთხოვდნენ. მათი თქმით, იყო მუქარაც, ქურდული სამყაროს წევრების ჩართვით. სასოწარკვეთილმა მენაბდიშვილმა მძევლების აყვანით გადაწყვიტა არსებული საკითხის გადაჭრა.

ახალგაზრდას საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა. ექვსსაათიანი მოლაპარაკებების  შემდეგ ის პოლიციას ჩაბარდა. მძევლების გათავისუფლების ოპერაციას შინაგან საქმეთა მინისტრის მოადგილე ვლადიმერ ბორცვაძე ხელმძღვანელობდა.

 

64
საქართველოს მთავარი პროკურატურის შენობა

კასპში მძევლების აყვანაში ბრალდებულს სასამართლო–ფსიქიატრიული ექსპერტიზა დაუნიშნეს

55
(განახლებულია 22:44 18.01.2021)
ყოფილი პოლიციელის ადვოკატი აცხადებს, რომ მისი დაცვის ქვეშ მყოფი უკიდურესად მძიმე მდგომარეობაშია და კვლავ დუმილის უფლებას იყენებს.

თბილისი, 18 იანვარი – Sputnik. კასპში მძევლების აყვანისას ბრალდებულ გიორგი მენაბდიშვილის ქცევასთან დაკავშირებით, კერძოდ, რამდენად შეეძლო მას თავისი მოქმედებების გაცნობიერება დანაშაულის ჩადენის დროს, სასამართლო–ფსიქიატრიული ექსპერტიზა დაინიშნა, იუწყება საქართველოს გენერალური პროკურატურა.

კასპში მძევლების აყვანა: ყოფილმა პოლიციელმა შიმშილობა დაიწყო>>

როგორც უწყებაში აღნიშნავენ, საქმეზე მრავალი საგამოძიებო და საპროცესო მოქმედება ჩატარდა.

მენაბდიშვილს დღეს ოფიციალურად წაუყენეს ბრალი სსკ-ის 144-ე მუხლის მეორე ნაწილით სიცოცხლისა და ჯანმრთელობისთვის საშიში ძალადობის გამოყენების მუქარით ორი პირის მძევლად ხელში ჩაგდების ფაქტზე.

პროკურატურამ სასამართლოს მისთვის აღკვეთის ზომად პატიმრობის გამოყენების შუამდგომლობით მიმართა.

ბრალდებულის ადვოკატის ქეთევან გაგოევას თქმით, მისი დაცვის ქვეშ მყოფი ძალზე მძიმე ემოციურ მდგომარეობაშია, გამოაცხადა მშრალი შიმშილობა და უარს ამბობს სამედიცინო დახმარებაზე.

მენაბდიშვილი დუმილის უფლებით სარგებლობს.

ამასთან, ბრალდებულის დედის თამარ მენაბდიშვილის განცხადებით, მან დახმარებისთვის ომბუდსმენის წარმომადგენელს მიმართა. ის დახმარებას ასევე მოსახლეობასაც სთხოვს და აღნიშნავს, რომ მისი შვილი უნდა დაისაჯოს, მაგრამ ისიც საჭიროა, რომ დადგინდეს, რამ მიიყვანა ის ამ მდგომარეობამდე. ეს კი დაუცველობის გრძნობაა. ერთი მხრივ, ის კრიმინალურ სამყაროს შეეჯახა და მეორე მხრივ – სამართალდამცველების გულგრილობას, აღნიშნავს თამარ მენაბდიშვილი.

ომბუდსმენის მოადგილემ, თავის მხრივ, განაცხადა, რომ ისინი მათი კომპეტენციის ფარგლებში დააკვირდებიან პროცესს და ამ საქმეზე ინფორმაციას გამოითხოვენ.

შაბათ დილით 27 წლის გიორგი მენაბდიშვილი, ყოფილი პოლიციელი კასპში ქვის საამქროში შეიჭრა, რომლის წილსაც თვითონაც ფლობდა, და ორი პირი მძევლად აიყვანა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილისგან პარტნიორები მისი კუთვნილი 10-პროცენტიანი წილის დათმობას მოითხოვდნენ. მათი თქმით, იყო მუქარაც ქურდული სამყაროს წევრების ჩართვით, ასევე სამართალდამცველთა მხრიდან. სასოწარკვეთილმა მენაბდიშვილმა მძევლების აყვანით გადაწყვიტა არსებული საკითხის გადაჭრა.

ახალგაზრდას საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა. ექვსსაათიანი მოლაპარაკებების შემდეგ ის პოლიციას ჩაბარდა. მძევლების გათავისუფლების ოპერაციას შინაგან საქმეთა მინისტრის მოადგილე ვლადიმერ ბორცვაძე ხელმძღვანელობდა.

55
თემები:
კრიმინალი საქართველოში
კორონავირუსის საწინააღმდეგო რუსული ვაქცინა „ეპივაკკორონა“

„ეპივაკკორონა“ 100%-ით ეფექტურია: „როსპოტრებნადზორმა“ დეტალები გაასაჯაროვა

0
კორონავირუსის საწინააღმდეგო რუსულმა ვაქცინამ „ეპივაკკორონა“ კლინიკური ცდების დროს უმაღლესი დონის ეფექტურობა აჩვენა

თბილისი, 19 იანვარი – Sputnik. „როსპოტრებნადზორის“ პრესსამსახურმა განაცხადა, რომ COVID-19-ის საწინააღმდეგო პრეპარატ „ეპივაკკორონას“ იმუნოლოგიურმა ეფექტურობამ კლინიკური ცდების პირველი და მეორე ფაზების შედეგების მიხედვით 100% შეადგინა.

ვაქცინა კუნთებში ორჯერ გაკეთდება 14–21 დღიანი ინტერვალით და თითოეული ინექციის რაოდენობა 0,5 მილილიტრი იქნება.

ასევე დასაშვებია ვაქცინის ერთი კომპონენტით აცრა იმ შემთხვევაში, თუ ადამიანმა COVID-19 ადრე გადაიტანა.

„მაგრამ „ეპივაკკორონას“ ერთი დოზის ინიექცია არ გამოიწვევს სიძლიერითა და ხანგრძლივობით ოპტიმალურ იმუნურ პასუხს“, - დააზუსტეს „როსპოტრებნადზორში“ და აღნიშნეს, რომ ეს საკითხი დამატებით კვლევას მოითხოვს.

„ეპივაკკორონა“, რომელიც ნოვოსიბირსკის სამეცნიერო ცენტრ „ვექტორში“ პეპტიდური ანტიგენების საფუძველზე შექმნეს, ოქტომბერში დაარეგისტრირეს. ცდების მესამე ეტაპი გრძელდება: მათში მონაწილეობას 40 ათასი მოხალისე იღებს, მათ შორის 60 წელს ზემოდ ასაკის და ქრონიკული დაავადებების მქონე ადამიანები. სამოქალაქო ბრუნვაში უკვე გამოშვებულია 45 ათასი დოზა, მასშტაბური წარმოება თებერვალში დაიწყება.

0