საპატრულო პოლიცია თელავში

„დედა შემაგინა“ - რას შეეწირა თელავის ცენტრალური საავადმყოფოს დირექტორი

2510
(განახლებულია 19:47 27.12.2020)
თვითმხილველის განცხადებით, გასროლის შემდეგ არაფხიზელ მდგომარეობაში მყოფმა პოლიციის ოფიცერმა საპატრულო პოლიცია თვითონ გამოიძახა

თბილისი, 26 დეკემბერი - Sputnik. თელავის ცენტრალური საავადმყოფოს დირექტორის, ზურაბ საჩიშვილის მკვლელობაში ეჭვმიტანილი, შსს-ს კახეთის პოლიციის დეპარტამენტის თელავის რაიონული სამმართველოს უფროსის მოადგილე, დეტექტივების განყოფილების უფროსი ვანო ზანდარაშვილი ბრალს არ აღიარებს, იუწყება ტელეკომპანია „რუსთავი2“.

37 წლის ზანდარაშვილი დაკავებულია. ის დუმილის უფლებას იყენებს. არ საუბრობს საქმის დეტალებზე არც მისი ადვოკატი არჩილ ბერიანიძე, რომელიც, მისი თქმით, საქმის მასალებს ჯერ არ გაცნობია. ზარდანაშვილისთვის ბრალი ჯერ არ წარუდგენიათ.

გავრცელებული ინფორმაციით, ზანდარაშვილი, საჩიშვილი და კიდევ ერთი პირი მანამდე იმყოფებოდნენ საერთო ნაცნობის, ვინმე ლაჩაშვილის დაბადების დღეზე. ლაჩაშვილი აცხადებს, რომ ზანდარაშვილი და საჩიშვილი მანამდე ერთმანეთს არ იცნობდნენ და სუფრაზე მათ შორის არანაირი კონფლიქტი არ მომხდარა. სტუმრებმა მასპინძლის სახლი ყოველგვარი ჩხუბის გარეშე ისე დატოვეს, ზანდარაშვილის მანქანაში ჩასხდნენ და წავიდნენ. რა მოხდა მათ შორის გზაში, ეს ლაჩაშვილის უცნობია.

 

წინასწარი ინფორმაციით, პოლიციის მაღალჩინოსანმა თელავის საავადმყოფოს დირექტორს სასიკვდილო ჭრილობა მანქანაში მიაყენა. 

„ღამის 12 საათზე სროლის ხმა გავიგე, დაახლოებით 4-5-ჯერ გაისროლეს, შემდეგ მანქანიდან გადმოვიდნენ და ერთი ეუბნებოდა, რატომ მესროლე, მეც დამჭერიო? დედა შემაგინა და იმიტომ ვესროლეო. მანქანაში მოხდა ეს ყველაფერი. მანქანა გაჩერდა, ჩაგუდული ხმა იყო სროლის, გარეთ არ უსვრია. სულ ოთხნი იყვნენ, მთვრალები იყვნენ და შელაპარაკების ნიადაგზე მოხდა ეს ამბავი. თვითონ დარეკა პატრულში და შემდეგ სასწრაფო მოვიდა", - აცხადებს თვითმხილველი მიხეილ მიქელაშვილი.

მკვლელობა თელავის რაიონის სოფელ იყალთოში მოხდა. სროლის შედეგად ზურაბ საჩიშვილი ადგილზე გარდაიცვალა. გარდა ამისა, დაიჭრა თელავის მერიის იურიდიული სამსახურის უფროსი ლევან ბერძენაშვილი. პროკურატურის განცხადებით, მკვლელობა ურთიერთშელაპარაკების ნიადაგზე, შურისძიების მოტივით, ცეცხლსასროლი იარაღის გამოყენებით მოხდა.

სისხლის სამართლის საქმეზე გამოძიება კახეთის საოლქო პროკურატურის საგამოძიებო სამმართველოში, სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

 

 

2510
მიწისძვრის მაგნიტუდა

საქართველოში კიდევ ერთი მიწისძვრა მოხდა

44
(განახლებულია 09:43 25.01.2021)
3,3 მაგნიტუდის მიწისძვრის ეპიცენტრი თბილისიდან 59 კილომეტრში იყო და რვა კილომეტირ სიღრმეზე მდებარეობდა.

თბილისი, 25 იანვარი – Sputnik. თიანეთიდან 29 კილომეტრში 3,3 მაგნიტუდის მიწისძვრა მოხდა, იუწყება 

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრი.

მიწისქვეშა ბიძგები 04:12 საათზე დაფიქსირდა. ეპიცენტრი 8 კმ სიღრმეში მდებარეობდა.

ინფორმაცია ნგრევისა და მსხვერპლის შესახებ არ ვრცელდება.

ეს ბოლო 24 საათში მეორე მიწისძვრაა საქართველოში. გუშინ 3,2 მაგნიტუდის მიწისძვრა წალკიდან 16 კილომეტრში, სოფელ მამიშლართან მოხდა.

 

44
თემები:
შემთხვევები საქართველოში
სეისმოგრაფი

საქართველოში მიწისძვრა მოხდა

438
(განახლებულია 22:52 24.01.2021)
3,2 მაგნიტუდის სიძლიერის მიწისძვრა თბილისიდან 57 კილომეტრში, ქალაქ წალკიდან 16 კილომეტრში, სოფელ მამიშლართან მოხდა

თბილისი, 24 იანვარი – Sputnik. დღეს, დილით საქართველოში მიწისძვრა მოხდა. მისი ეპიცენტრი წალკასთან მდებარეობდა, იუწყება დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრი.

პირველადი ინფორმაციით, მიწისძვრა, რომელიც 24 იანვარს 21:58 საათზე წალკიდან 16 კილომეტრში, სოფელ მამიშლართან მოხდა, 3,2 მაგნიტუდის სიძლიერისა იყო. მისი კერა 12 კმ სიღრმეზე მდებარეობდა.

ნგრევისა და სხვა დაზიანებების შესახებ ინფორმაცია არ ვრცელდება.

438
ტესტირება კორონავირუსზე

COVID-19 საქართველოში 25 იანვრის მონაცემები

0
ამ დროისათვის სულ გამოჯანმრთელდა 243.396  ადამიანი, გარდაიცვალა – 3.071, კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება

თბილისი, 25 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და ინფიცირებულთა საერთო რიცხვმა 253.816-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 243.396  ადამიანი (ბოლო 24 საათში – 1.311), გარდაიცვალა – 3.071  (ბოლო 24 საათში – 16), კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება. 

ბოლო 24 საათში ჩატარდა 6.868 კვლევა ტესტით, მათ შორის ანტიგენის სწრაფი ტესტით – 2.686, PCR ტესტით – 4.182.

ბოლო 24 საათში ჩატარებული კვლევა ტესტით - 6868, მათ შორის ანტიგენის სწრაფი ტესტით - 2.686, PCR ტესტით - 4.182

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა

0
თემები:
კორონავირუსი საქართველოში: ბოლო ცნობები