ადვოკატი: გლდანში დაკავებული ახალგაზრდა მამაკაცი აშშ-ის მოქალაქეა

ადვოკატი: გლდანში დაკავებული ახალგაზრდა მამაკაცი აშშ-ის მოქალაქეა

1204
(განახლებულია 16:21 20.12.2020)
გუშინ გლდანში დაკავებული პირის ადვოკატი თამარ აბესაძე ირწმუნება, რომ ხელყუმბარასთან დაკავშირებით არასწორი ინფორმაცია გავრცელდა

თბილისი, 20 დეკემბერი – Sputnik. გლდანში გუშინ  სპეცოპერაციის შედეგად მუქარისა და იარაღის უკანონო შეძენა-შენახვა-ტარების ბრალდებით დაკავებულ გიორგი მერებაშვილს ხელყუმბარა არ ჰქონია, ირწმუნება მისი ადვოკატი თამარ აბესაძე.

შსს-ს ინფორმაციით, გუშინ ღამით ხიზანიშვილის ქუჩაზე ჩატარებული სპეცოპერაციის დროს ამჟამად ქურდობისთვის პირობითი მსჯავრის ქვეშ მყოფი 29 წლის გიორგი მერებაშვილი პოლიციელებმა მუქარის და იარაღის უკანონო შეძენა-შენახვა-ტარების ბრალდებით დააკავეს. გამოძიებით დადგინდა, რომ დაკავებული, რომელიც გლდანის რაიონში ახლობელთან სტუმრად იმყოფებოდა, სავარაუდოდ, ოჯახური კონფლიქტის ნიადაგზე, თანნაქონი ხელყუმბარის აფეთქებით იმუქრებოდა.

„ბრალი ჯერ წარდგენილი არ აქვს, ალბათ, იარაღის უკანონო შეძენა-შენახვისთვის ბრალს ვერ წაუყენებენ. გიორგი მერაბიშვილის მოთხოვნა იყო, მისი ნდობით აღჭურვილი პირი, სწორედ მე მივსულიყავი იქ პირველად და შემდგომში უკვე პოლიციას მშვიდობიანად გაყვებოდა. ხელყუმბარასთან დაკავშირებით გაჟღერდა ინფორმაცია, მაგრამ არ დადასტურდა, ეს იყო ცრუ ინფორმაცია. როდესაც მე შევედი, გიორგი მერაბიშვილი ხელაწეული იდგა პოლიციასთან“, - განუცხადა თამარ აბესაძემ პირველ არხს.

ადვოკატის თქმით, სამართალდამცველებს ასევე არ აქვთ მასალები და მტკიცებულებები, რაც დაადასტურებდა, რომ გიორგი მერაბიშვილი ვინმეს ემუქრებოდა.

„ჩემი მისვლის დროს ის ითხოვდა უბრალოდ მისი მეუღლის ნახვას, ჰქონდა სურვილი, რომ მას დალაპარაკებოდა“, - განაცხადა ადვოკატმა.

რაც შეეხება ოჯახში ძალადობას, ამ მიმართულებით უკვე დაწყებულია გამოძიება.

„გამოძიება დაადგენს, რამდენად არის ეს დანაშაული მტკიცებადი და რამდენად შეიძლება იყოს ბრალის წარდგენის საფუძველი. შემაკავებელი ორდერი ძალიან ადრე ჰქონდა, მაგრამ დღეს სამართლებრივი დატვირთვა არ აქვს, არანაირი დამამძიმებელი გარემოება მას არ აქვს, რადგან კანონით განსაზღვრულია, შემაკავებელი ორდერი ქარწყლდება, როგორც კი გავა მისი მოქმედების ვადა“, - განაცხადა აბესაძემ.

ადვოკატმა დაადასტურა ინფორმაცია, რომ მერებაშვილი პირობითი მსჯავრის ქვეშ იყო. თუმცა ხაზი გაუსვა, რომ პირობითი სასჯელი მისჯილი აქვს არაძალადობრივ დანაშაულზე (შსს-ს ინფორმაციით, ქურდობაზე). მან ასევე აღნიშნა, რომ მერებაშვილი აშშ-ს მოქალაქეა და მომხდართან დაკავშირებით აშშ-ს საელჩოც არის საქმის კურსში.

გლდანში სპეცოპერაცია ჩატარდა: ახალგაზრდა მამაკაცი თავის აფეთქებით იმუქრებოდა >>

შსს-ს ცნობით, გამოძიება საქართველოს სისხლის სამართლის კოდექსის 236-ე და 151-ე მუხლებით მიმდინარეობს, რაც იარაღის უკანონო შეძენა-შენახვა-ტარებასა და მუქარას გულისხმობს. დანაშაული 7 წლამდე ვადით თავისუფლების აღკვეთას ითვალისწინებს

1204
თემები:
კრიმინალი საქართველოში (1269)
სახანძრო მანქანა

ბათუმში, საცხოვრებელ სახლში გაჩენილ ხანძარს ერთი პირი ემსხვერპლა

72
რა გახდა ხანძრის გამომწვევი მიზეზი ჯერჯერობით უცნობია. შემთხვევის ადგილზე ხუთი სახანძრო-სამაშველო ეკიპაჟი მუშაობს

თბილისი, 7 მარტი - Sputnik. ხანძრის შედეგად ბათუმში შშმ პირი გარდაიცვალა, იუწყება „აჭარის ტელევიზია“.

შემთხვევა ბათუმში, პუშკინის ქუჩაზე დღეს მოხდა. ხანძარი ორსართულიან საცხოვრებელ სახლს გაუჩნდა, სადაც რვა ოჯახი ცხოვრობს. ცეცხლის ლოკალიზებისას ერთი ადამიანის ცხედარი იპოვეს. გარდაცვლილი შუახნის მარტოხელა მამაკაცი იყო. ცხედარი პროზექტურაში გადაასვენეს.

მეხანძრე-მაშველებმა უვნებლად გამოიყვანეს სამი მოქალაქე, დანარჩენებმა საცხოვრებელი სახლები დამოუკიდებლად დატოვეს.

საგანგებო სიტუაციების მართვის სამსახურის ინფორმაციით, ამ დროისთვის ხანძარი ლოკალიზებულია და მიმდინარეობს  სალიკვიდაციო სამუშაოები. შემთხვევის ადგილას მობილიზებულია ხუთი სახანძრო-სამაშველო ეკიპაჟი.

ტელევიზიის ინფორმაციით, ბათუმის მერია შეისწავლის ღია ცის ქვეშ დარჩენილი ადამიანების მდგომარეობას და ამის შემდეგ გადაწყდება, რა სახის დახმარება გაეწევა მათ.

ხანძრის გამომწვევი მიზეზები ჯერჯერობით უცნობია.

შსს-მ გამოძიება დაიწყო სსკ-ის 187-ე მუხლის მეორე ნაწილით, რაც ცეცხლის წაკიდებით, აფეთქებით ან სხვა საყოველთაოდ საშიში საშუალებით სხვისი ნივთის დაზიანებას ან განადგურებას გულისხმობს. 

 

72
დაკავება

თელავში მშობლებისა და ბებიის მკვლელობაში ეჭვმიტანილი მამაკაცი ცხელ კვალზე დააკავეს

148
(განახლებულია 20:20 07.03.2021)
ოჯახის ახლობლების ინფორმაციით, მამაკაცს ბოლო პერიოდში ფსიქოლოგიური პრობლემები აღენიშნებოდა. ის სახლიდან იყო წასული

თბილისი, 7 მარტი - Sputnik. თელავში მშობლებისა და ბებიის მკვლელობის ბრალდებით პოლიციამ 27 წლის მამაკაცი ცხელ კვალზე დააკავა.

შემთხვევა თელავში, გოშაძის ქუჩაზე დღეს მოხდა.

გამოძიებით დადგინდა, რომ ბრალდებულმა თავის სახელზე რეგისტრირებული ცეცხლსასროლი პისტოლეტიდან გასროლით სასიკვდილო ჭრილობები მიაყენა 1960 წელს დაბადებულ მამას, 1963 წელს დაბადებულ დედას და 1935 წელს დაბადებულ ბებიას, რის შემდეგაც შემთხვევის ადგილიდან მიიმალა.

პოლიციამ ბრალდებული მომხდარიდან რამდენიმე საათში, თელავში დააკავა. სამართალდამცველებმა დანაშაულის ჩადენის იარაღი - პისტოლეტი ნივთმტკიცების სახით ამოიღეს.

შსს-ს ინფორმაციით, მომხდარ ფაქტზე გამოძიება საქართველოს სისხლის სამართლის კოდექსის 11 პრიმა-109-ე მუხლის მეორე ნაწილის „ვ“ ქვეპუნქტით და მესამე ნაწილის „ა“ ქვეპუნქტით და 236-ე მუხლის მე-4 ნაწილით მიმდინარეობს, რაც ოჯახის სამი წევრის მიმართ დამამძიმებელ გარემოებაში ჩადენილ განზრახ მკვლელობას და ცეცხლსასროლი იარაღის მართლსაწინააღმდეგო ტარებას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

გავრცელებული ინფორმაციით, მოკლულია თელავის მეოთხე საჯარო სკოლის პედაგოგი თამარ ხოსმაზარაშვილი. ოჯახის ახლობლების ინფორმაციით, მის ვაჟს ბოლო დროს ფსიქოლოგიური პრობლემები ჰქონდა, რის გამოც მან უნივერსიტეტში აკადემიური აიღო. ის რამდენიმე თვის განმავლობაში სახლიდან იყო წასული და მას ოჯახი ვერ უკავშირდებოდა. 

 

 

148
აეროპორტი

ისრაელი ქვეყანაში შესვლაზე გამონაკლისებს აწესებს: ცნობილია პირობები

0
(განახლებულია 13:18 08.03.2021)
მთავრობის გადაწყვეტილებით, ისრაელში შესვლას როგორც უცხოელები, ისე ქვეყნის მოქალაქეები, გარკვეული წესების დაცვის შემთხვევაში შეძლებენ

თბილისი, 8 მარტი — Sputnik. უცხოეთის მოქალაქეები ისრალეში შესვლას გამონაკლის შემთხვევებში შეძლებენ 8 მარტიდან, გარკვეული წესების დაცვის შემთხვევაში, იუწყება ისრაელის მთავრობის პრესსამსახური.

„ისრაელში თვითმფრინავით შემოსვლის მსურველებმა დეკლარაციის ფორმა რეისის გამოფრენამდე 24 საათით ადრე უნდა შეავსონ“, — ნათქვამია პრესსამსახურის განცხადებაში.

ამის შემდეგ მათ უნდა მიიღონ ქვეყანაში შესვლის უფლება, რაც მხოლოდ გამონაკლის შემთხვევაში გაიცემა.

თვითმფრინავში ჩაჯდომის აუცილებელ პირობად რჩება კორონავირუსზე უარყოფითი ტესტის წარდგენა, რომელიც გაფრენამდე 72 საათის განმავლობაში უნდა იყოს გაკეთებული.

ისრაელში ჩაფრენის შემდეგ, როგორც უცხოელები, ისე ქვეყნის მოქალაქეები, ვალდებული არიან, გაიარონ ორკვირიანი იზოლაცია. თუმცა იმ შემთხვევაში, თუ მგზავრს ისრაელში გაკეთებული ვაქცინაციის შესახებ ცნობა ექნება, შეუძლია თავიდან აირიდოს იზოლაცია.

0
თემები:
საერთაშორისო პანორამა