ხანძარი ყულევთან

ყულევში ნავთობტერმინალთან ახლოს ხანძარია

63
ცეცხლის ჩაქრობაში ჩართულია სახანძრო-სამაშველო სამსახურის ხუთი ჯგუფი, ასევე, უსაფრთხოების მიზნით, მობილიზებულია რკინიგზის სახანძრო მატარებელი.

თბილისი, 16 დეკემბერი – Sputnik. ხობის მუნიციპალიტეტის სოფელ ყულევში ბალახსა და ბუჩქნარს ცეცხლი უკიდია.

ცეცხლის ჩაქრობაში ჩართულია სახანძრო-სამაშველო სამსახურის ხუთი ჯგუფი, ასევე, უსაფრთხოების მიზნით, მობილიზებულია რკინიგზის სახანძრო მატარებელი.

ამ რაიონში ხანძარი მომატებულ რისკს უკავშირდება, რადგან სოფელ ყულევთან ახლოს შავი ზღვის ნაპირზე მსხვილი ნავთობტერმინალი მდებარეობს. ტერმინალის რეზერვუარის მოცულობა 320 ათას კუბურ მეტრს შეადგენს, 380 კუბურ მეტრამდე გაზრდის შესაძლებლობით. ტერმინალი აზერბაიჯანის კომპანია SOCAR-ს ეკუთვნის.

პირველი არხის ინფორმაციით, ამ ეტაპზე ყულევში მდებარე ნავთობტერმინალს საფრთხე არ ემუქრება.

ცეცხლის გაჩენის მიზეზი, როგორც აალების ფართობი ჯერჯერობით უცნობია.

 

63
თემები:
შემთხვევები საქართველოში (2031)
მოსამართლის ჩაქუჩი

კასპში მძევლების აყვანაში ბრალდებულს პატიმრობა შეეფარდა

55
გიორგი მენაბდიშვილის საზოგადოებრივი დამცველი გორის სასამართლოს გადაწყვეტილების გასაჩივრებას აპირებს.

თბილისი, 18 იანვარი – Sputnik. გორის რაიონული სასამართლოს მოსამართლემ კასპში მძევლების აყვანისას ბრალდებულ გიორგი მენაბდიშვილს აღკვეთის ღონისძიების სახით პატიმრობა შეუფარდა.

დაკავებულის ინტერესებს საზოგადოებრივი დამცველი იცავს. მენაბდიშვილი დუმილის უფლებით სარგებლობს და ბრალს არ აღიარებს.

„ჩემი დაცვის ქვეშ მყოფი ბრალს არ აღიარებს. მოსამართლემ დააკმაყოფილა ბრალდების მხარის შუამდგომლობა და გამოიყენა პატიმრობა. დაცვის მხარე გავასაჩივრებთ მოსამართლის განჩინებას“, – აცხადებს დაკავებულის ადვოკატი ქეთევან გაგლოევა.

მენაბდიშვილს დღეს ოფიციალურად წაუყენეს ბრალი სსკ–ის 144–ე მუხლის მეორე ნაწილით სიცოცხლისა და ჯანმრთელობისთვის საშიში ძალადობის გამოყენების მუქარით ორი პირის მძევლად ხელში ჩაგდების ფაქტზე.

გიორგი მენაბდიშვილის ქცევასთან დაკავშირებით, კერძოდ, რამდენად შეეძლო მას თავისი მოქმედებების გაცნობიერება დანაშაულის ჩადენის დროს, სასამართლო–ფსიქიატრიული ექსპერტიზა დაინიშნა.

ბრალდებულის ადვოკატის ქეთევან გაგლოევას თქმით, მისი დაცვის ქვეშ მყოფი ძალზე მძიმე ემოციურ მდგომარეობაშია, გამოაცხადა მშრალი შიმშილობა და უარს ამბობს სამედიცინო დახმარებაზე.

შაბათ დილით 27 წლის გიორგი მენაბდიშვილი, ყოფილი პოლიციელი ქვის საამქროში შეიჭრა, რომლის წილსაც თვითონაც ფლობდა, და ორი პირი მძევლად აიყვანა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილს პარტნიორები საკუთარი 10 პროცენტიანი წილის დათმობას სთხოვდნენ. მათი თქმით, იყო მუქარაც, ქურდული სამყაროს წევრების ჩართვით. სასოწარკვეთილმა მენაბდიშვილმა მძევლების აყვანით გადაწყვიტა არსებული საკითხის გადაჭრა.

ახალგაზრდას საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა. ექვსსაათიანი მოლაპარაკებების  შემდეგ ის პოლიციას ჩაბარდა. მძევლების გათავისუფლების ოპერაციას შინაგან საქმეთა მინისტრის მოადგილე ვლადიმერ ბორცვაძე ხელმძღვანელობდა.

 

55
საქართველოს მთავარი პროკურატურის შენობა

კასპში მძევლების აყვანაში ბრალდებულს სასამართლო–ფსიქიატრიული ექსპერტიზა დაუნიშნეს

50
(განახლებულია 22:44 18.01.2021)
ყოფილი პოლიციელის ადვოკატი აცხადებს, რომ მისი დაცვის ქვეშ მყოფი უკიდურესად მძიმე მდგომარეობაშია და კვლავ დუმილის უფლებას იყენებს.

თბილისი, 18 იანვარი – Sputnik. კასპში მძევლების აყვანისას ბრალდებულ გიორგი მენაბდიშვილის ქცევასთან დაკავშირებით, კერძოდ, რამდენად შეეძლო მას თავისი მოქმედებების გაცნობიერება დანაშაულის ჩადენის დროს, სასამართლო–ფსიქიატრიული ექსპერტიზა დაინიშნა, იუწყება საქართველოს გენერალური პროკურატურა.

კასპში მძევლების აყვანა: ყოფილმა პოლიციელმა შიმშილობა დაიწყო>>

როგორც უწყებაში აღნიშნავენ, საქმეზე მრავალი საგამოძიებო და საპროცესო მოქმედება ჩატარდა.

მენაბდიშვილს დღეს ოფიციალურად წაუყენეს ბრალი სსკ-ის 144-ე მუხლის მეორე ნაწილით სიცოცხლისა და ჯანმრთელობისთვის საშიში ძალადობის გამოყენების მუქარით ორი პირის მძევლად ხელში ჩაგდების ფაქტზე.

პროკურატურამ სასამართლოს მისთვის აღკვეთის ზომად პატიმრობის გამოყენების შუამდგომლობით მიმართა.

ბრალდებულის ადვოკატის ქეთევან გაგოევას თქმით, მისი დაცვის ქვეშ მყოფი ძალზე მძიმე ემოციურ მდგომარეობაშია, გამოაცხადა მშრალი შიმშილობა და უარს ამბობს სამედიცინო დახმარებაზე.

მენაბდიშვილი დუმილის უფლებით სარგებლობს.

ამასთან, ბრალდებულის დედის თამარ მენაბდიშვილის განცხადებით, მან დახმარებისთვის ომბუდსმენის წარმომადგენელს მიმართა. ის დახმარებას ასევე მოსახლეობასაც სთხოვს და აღნიშნავს, რომ მისი შვილი უნდა დაისაჯოს, მაგრამ ისიც საჭიროა, რომ დადგინდეს, რამ მიიყვანა ის ამ მდგომარეობამდე. ეს კი დაუცველობის გრძნობაა. ერთი მხრივ, ის კრიმინალურ სამყაროს შეეჯახა და მეორე მხრივ – სამართალდამცველების გულგრილობას, აღნიშნავს თამარ მენაბდიშვილი.

ომბუდსმენის მოადგილემ, თავის მხრივ, განაცხადა, რომ ისინი მათი კომპეტენციის ფარგლებში დააკვირდებიან პროცესს და ამ საქმეზე ინფორმაციას გამოითხოვენ.

შაბათ დილით 27 წლის გიორგი მენაბდიშვილი, ყოფილი პოლიციელი კასპში ქვის საამქროში შეიჭრა, რომლის წილსაც თვითონაც ფლობდა, და ორი პირი მძევლად აიყვანა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილისგან პარტნიორები მისი კუთვნილი 10-პროცენტიანი წილის დათმობას მოითხოვდნენ. მათი თქმით, იყო მუქარაც ქურდული სამყაროს წევრების ჩართვით, ასევე სამართალდამცველთა მხრიდან. სასოწარკვეთილმა მენაბდიშვილმა მძევლების აყვანით გადაწყვიტა არსებული საკითხის გადაჭრა.

ახალგაზრდას საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა. ექვსსაათიანი მოლაპარაკებების შემდეგ ის პოლიციას ჩაბარდა. მძევლების გათავისუფლების ოპერაციას შინაგან საქმეთა მინისტრის მოადგილე ვლადიმერ ბორცვაძე ხელმძღვანელობდა.

50
თემები:
კრიმინალი საქართველოში
გელათის მონასტერი

გელათის ბედით პოლიტიკოსები დაინტერესდნენ: „ლელო“ გამოძიებას ითხოვს

0
(განახლებულია 09:29 19.01.2021)
ძეგლის სახურავიდან წყალი კვლავ ჟონავს. წყალმა შეიძლება უნიკალური ფრესკები დააზიანოს. პრობლემის გადაწყვეტაში პოლიტიკოსები ერთვებიან

თბილისი, 19 იანვარი – Sputnik. პარტია „ლელო საქართველოსთვის“ ითხოვს, რომ დაიწყოს გამოძიება და დადგინდეს, ვინაა დამნაშავე იმაში, რომ გელათის უნიკალურ ძეგლს სერიოზული საფრთხე შეექმნა.

პარტიის ერთ–ერთმა ლიდერმა ანა ნაცვლიშვილმა საქართველოს მთავარ საგამოძიებო სამმართველოში განცხადება შეიტანა.

გელათის სამონასტრო კომპლექსის ღვთისმშობლის ტაძრის კრამიტის სახურავზე დეფექტები გამოვლინდა. ტაძარში წვიმის წყალი ჩადის და XII, XIV და XVI საუკუნეების უნიკალურ ფრესკებს აზიანებს. სახურავი დროებით თუნუქით გადახურეს.

დროებითი თუნუქის სახურავი იქამდე იქნება, სანამ ის მთლიანად არ შეიცვლება ახლით, რომლის ხარისხსაც ლაბორატორიული კვლევები და ექსპერტების დასკვნები დაადასტურებს.

გელათის სახურავის დაზიანებით საგამოძიებო ორგანოები დაინტერესდნენ. ამ საკითხზე დაიკითხნენ მოწმეები. ფინანსთა სამინისტროს საგამოძიებო სამსახურმა უნდა განსაზღვროს, არის თუ არა პასუხისმგებელი სამუშაოების შემსრულებელი – ხელოვნების საერთაშორისო ცენტრი.

როგორც ანა ნაცვლიშვილმა განაცხადა, გელათის ფრესკები უკვე წლებია, წიანდება და ამაზე არც ერთ უწყებას არ ჰქონია სათანადო რეაგირება. მან ამ საქმეში კორუფციის ნიშნებიც არ გამორიცხა.

გელათის რეაბილიტაციის დროს დაფიქსირებული ხარვეზები: საიამ პროკურატურას მიმართა>>

„ეს არის მორიგი თვალთმაქცობა და საზოგადოებისთვის თვალში ნაცრის შეყრა. გამოძიება, რომელიც ამ უწყებამ გასულ წელს დაიწყო, არ არის იქითკენ მიმართული, რომ დაადგინოს ვინ არის ძეგლის დაზიანებაზე პასუხისმგებელი და გამოკვეთოს სახელმწიფო უწყებები, რომელთა უპატიებელი გულგრილობის გამო გელათი დაზიანდა. ის გამოძიება ეხება ფინანსურ ნაწილს და დიახ, შესაძლოა, მართლაც ჰქონდა ადგილი ამ შემთხვევაში კორუფციას, რაც არ გამორიცხავს ძეგლის დაზიანების გამო პასუხისმგებლობას. შეუიარაღებელი თვალითაც კი შესამჩნევია, რომ ფრესკები დაზიანებულია“, – განაცხადა ნაცვლიშვილმა.

გელათის ღვთისმშობლის სახელობის მონასტერი ქუთაისში — საქართველოში შუა საუკუნეების ერთ-ერთი უმნიშვნელოვანესი მონასტერია, საეკლესიო და კულტურული ცხოვრების ცენტრი, XVI საუკუნის მეორე ნახევრიდან 1814 წლამდე კათალიკოსის რეზიდენცია, 1994 წლიდან — მსოფლიო მემკვიდრეობის ძეგლი. დაარსებულია 1106 წელს დავით აღმაშენებლის მიერ და მისი განსასვენებელი გახდა.

მე-13 საუკუნეში სამონასტრო ანსამბლს დაამატეს წმინდა ნიკოლოზის და წმინდა გიორგი ეკლესიები, ასევე სამსართულიანი სამრეკლო. კედლის მხატვრობა სხვადასხვა — XII-დან XVIII საუკუნის ჩათვლით — პერიოდს მიეკუთვნება. განსაკუთრებით აღსანიშნავია გვირგვინოსნების პორტრეტები.

0