საპატრულო პოლიცია და სასწრაფო დახმარება

ორი დაღუპული და ოთხი დაშავებული: ავარიას კახეთში მსხვერპლი მოჰყვა

137
(განახლებულია 21:40 11.12.2020)
თელავი–ყვარლის გზაზე ერთმანეთს სამარშრუტო მიკროავტობუსი და „მერსედესის“ მარკის ავტომობილი შეეჯახნენ. ავტოსაგზაო შემთხვევის მიზეზი, სავარაუდოდ, გადაჭარბებული სიჩქარე გახდა.

თბილისი, 11 დეკემბერი – Sputnik. ორი ადამიანი დაიღუპა და ოთხი დაშავდა კახეთში მომხდარი ავტოსაგზაო შემთხვევის შედეგად, იუწყება ტელეკომპანია „იმედი“.

თელავი–ყვარლის დამაკავშირებელ გზაზე ერთმანეთს სამარშრუტო ტაქსი და „მერსედესის“ მარკის ავტომობილი შეეჯახნენ.

თვითმხილველების თქმით, შეჯახების შედეგად ერთი ადამიანი ადგილზე გარდაიცვალა, ხოლო მეორე საავადმყოფოში მიყვანის შემდეგ.

ოთხი დაშავებული მგზავრი კი სხეულის სხვადასხვა დაზიანებებით სასწრაფო დახმარების ბრიგადებმა თელავის რეფერალურ საავადმყოფოში გადაიყვანეს.

წინასწარი ინფორმაციით, ავტოსაგზაო შემთხვევის მიზეზი გადაჭარბებული სიჩქარე გახდა.

ტელეკომპანიის ცნობით, ადგილზე მობილიზებულია პოლიცია, სახანძრო და სასწრაფო დახმარების ბრიგადები და მიმდინარეობს საგამოძიებო მოქმედებები.

137
თემები:
შემთხვევები საქართველოში (2037)
პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

5
(განახლებულია 11:13 25.01.2021)
შექმნილი ეპიდვითარების გამო საქართველოში 28 ნოემბრიდან რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს.

თბილისი, 25 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 729 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან შეზღუდვები მოქმედებს.

პოლიციამ იზოლაციისა და კარანტინის წესის დარღვევისთვის 88 პირი დააჯარიმა.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე  641  ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

5
თემები:
კორონავირუსი საქართველოში: ბოლო ცნობები
მიწისძვრის მაგნიტუდა

საქართველოში კიდევ ერთი მიწისძვრა მოხდა

51
(განახლებულია 09:43 25.01.2021)
3,3 მაგნიტუდის მიწისძვრის ეპიცენტრი თბილისიდან 59 კილომეტრში იყო და რვა კილომეტირ სიღრმეზე მდებარეობდა.

თბილისი, 25 იანვარი – Sputnik. თიანეთიდან 29 კილომეტრში 3,3 მაგნიტუდის მიწისძვრა მოხდა, იუწყება 

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრი.

მიწისქვეშა ბიძგები 04:12 საათზე დაფიქსირდა. ეპიცენტრი 8 კმ სიღრმეში მდებარეობდა.

ინფორმაცია ნგრევისა და მსხვერპლის შესახებ არ ვრცელდება.

ეს ბოლო 24 საათში მეორე მიწისძვრაა საქართველოში. გუშინ 3,2 მაგნიტუდის მიწისძვრა წალკიდან 16 კილომეტრში, სოფელ მამიშლართან მოხდა.

 

51
თემები:
შემთხვევები საქართველოში (2037)
Google-ს ლოგოტიპი

Google-მ ამბიციური პროექტი დახურა: დასახელდა მიზეზები

0
(განახლებულია 11:25 25.01.2021)
ახალი პროექტი, რომელიც გასულ წელს წარმატებით გამოიცადა, კომპანიის ხელმძღვანელობის თქმით, მეტად სარისკოა

თბილისი, 25 იანვარი — Sputnik. კომპანია Alphabet–მა, რომელიც Google–ს ეკუთვნის,  შეწყვიტა პროექტი Project Loon–ი, რომლის მიზანიც სტრატოსფერული ბურთების მეშვეობით ინტერნეტზე უსადენი წვდომის ქსელის შექმნა იყო, ნათქვამია პროექტის ოფიციალურ საიტზე.

Loon–ის გენერალური დირექტორი ალასტერ ვესტგარტი ამ გადაწყვეტილებას იმით ხსნის, რომ კომპანიამ ვერ შეძლო საკმარისი რაოდენობით პარტნიორებისა და ინვესტორების მოძიება. გარდა ამისა, აღმოჩნდა, რომ პროექტი მნიშვნელოვნად ვერ ამცირებდა ხარჯებს.

„რადიკალურად ახალი ტექნოლოგიების შექმნა მეტად სარისკოა თავისი არსით“, — განაცხადა ვესტგარტმა.

აღსანიშნავია, რომ Project Loon–ი გასულ წელს წარმატებით გამოიცადა, რა დროსაც კენიაში 35 აეროსტატი გაუშვეს. თითოეული ბურთი დაახლოებით 80 კვადრატულ კილომეტრს ფარავდა.

 

0
თემები:
საერთაშორისო პანორამა